(မယားနေစ ကြောင်သေမှ)
ဒီစကားကတော့ မြန်မာရုပ်ရှင်ကားတွေမှာ ပါနေကျ။ ပါတိုင်းလည်း အဓိပ္ပာယ်တလွဲတွေချည်းပဲ။ မိန်းမယူပြီဆိုတာနဲ့ ကိုယ့်မိန်းမကို အခုကတည်းက ဦးနှိမ်ထားရမယ်ဆိုတဲ့ အဓိပ္ပာယ်နဲ့ "မယားနေစ ကြောင်သေမှ"ဆိုပြီး တလွဲပြောဆိုနေကြတာ။ ဘာမှကိုမဆိုင်တာ။ အမှန်က ။
အိမ်ထောင်ရက်သားပြုတော့မယ့် အမျိုးသားဟာ
မိန်းမယူပြီဆိုတာနဲ့
၁။ သဝန်မကြောင်ရဘူး
၂။ သူရဲဘောမကြောင်ရဘူး
၃။ ဇီဇာမကြောင်ရဘူး
၎။ သတ္တိမကြောင်ရဘူး
ထိုကြောင်လေးကြောင်ကို ပယ်သတ်နိုင်ရမယ် ဆိုပြီး "မယားနေစ ကြောင်သေမှ"လို့ ရှေးက ပြောဆိုခဲ့ကြတာပါ။ အခုတော့ ကိုယ့်မိန်းမကို အနိုင်ကျင့်ဖို့ နှိပ်ကွပ်ဖို့ဆိုတဲ့ အဓိပ္ပာယ်နဲ့ တလွဲပြောနေကြတာ။
(လင်နေစ ဆင်သေမှ)
ဒါလည်း ထိုနည်းလည်းကောင်းပဲ။ ကိုယ့်လင် ကိုယ့်ယောကျာ်းကို ညားခါစကတည်းက ဦးချိုးထားရမယ်ဆိုပြီး တလွဲအဓိပ္ပာယ်ကောက်နေကြတာ။
အိမ်ထောင်ပြုတော့မယ့် အိမ်ထောင်ရှင်အမျိုးသမီးဟာ
၁။ အသွားအလာ ဆင်ခြင်ရမယ်
၂။ အနေအထိုင် ဆင်ခြင်ရမယ်
၃။ အပြောအဆို ဆင်ခြင်ရမယ်
၎။ အစားအသောက် ဆင်ခြင်ရမယ်
ထိုဆင်ခြင်ရမယ့်အရာတွေကို သေသေဝပ်ဝပ်နဲ့ ဆင်ခြင်နိုင်မှ အိမ်ထောင်ရှင်မကောင်း ပီသမယ် ဆိုတဲ့အဓိပ္ပာယ်နဲ့ "လင်နေစ ဆင်သေမှ"ဆိုပြီး ပြောဆိုဆုံးမခဲ့ကြတာပါ။
အခုတော့ဖြင့် တလွဲတွေတွေးပြီး ပြောဆိုနေကြလို့ အဓိပ္ပာယ်ကောက်လွဲနေသော မြန်မာစကားများအဖြစ် ရေးသားတင်ပြလိုက်ရပါသည်။
ဆက်လက်တင်ပြပါဦးမည်
credit - original uploader
No comments:
Post a Comment