မြန်မာ့စွမ်းအင်ဝန်ကြီးဌာန၏ ရေနံတွင်းလေးခုကို တူးဖော်လုပ်ကိုင်ခွင့်ကို ရရှိသွားကြောင်း ကြေညာစာကို ၀မ်းသာအားရ ဝှေ့ယမ်းပြရင်း ဦးမိုးမြင့်က ရုံးခန်းထဲသို့ လမ်းလျှောက်ဝင်လာသည်။ လောလောလတ်လတ် ပရင့်ထုတ်ယူလာခဲ့သည့် အခြားနိုင်ငံတကာကုမ္ပဏီကြီးဆယ်ခု ပါဝင်နေသည့် ထိုကြေညာချက်က ပြည်တွင်းစွမ်းအင်လုပ်ငန်း ကျွမ်းကျင်သူများ ပြောကြားကြသော သတင်းစကားများ မှန်ကန်နေကြောင်း သက်သေပြနေပါသည်။ ဦးမိုးမြင့်က သည်နယ်ပယ်တွင်တော့ ပြိုင်ဘက်မရှိဘူးဆိုသည့်စကားပင် ဖြစ်ပါသည်။
“ဒီပြဿနာကတော့ဗျာ လူတွေတော်တော်များများက ကျွန်တော့်ကို လာဆက်သွယ်နေကြတာပဲ။ စွမ်းအင်အကြံပေးဆိုတာတွေပေါ့။ သူတို့ ဘာလို့ ကျွန်တော့်ကိုတွေ့ချင်မှန်း ကျွန်တော်မသိဘူး။ ဒါကြောင့် အဲဒီလူတွေကို ကြိုးစားပြီး ရှောင်နေရတယ်”ဟု အလုပ်စားပွဲမှာထိုင်ပြီး နေရာယူရင်း ဦးမိုးမြင့်ကပြောလိုက်သည်။
လူတွေက ဦးမိုးမြင့်ကို ဘာကြောင့်တွေ့ချင်နေရသလဲဆိုသည့် အကြောင်းရင်းကား ကောင်းစွာရှိပါသည်။ စစ်အာဏာရှင်စနစ်မှ လွတ်မြောက်ပြီး မြန်မာနိုင်ငံက လမ်းပွင့်လာသည့်အချိန်တွင် မိုက်ကယ်ဟုသိကြသည့် ဦးမိုးမြင့်က အမေရိကန်နိုင်ငံ၌ပင် စီးပွားရေးလုပ်နိုင်သူအဖြစ် နိုင်ငံတကာစွမ်းအင်ကုမ္ပဏီကြီးများကပင် အကျိုးတူဖက်စပ်လုပ်ကိုင်လိုကြသည့် လုပ်ငန်းရှင်တစ်ယောက်ဖြစ်ပါသည်။ နိုဝင်ဘာ ၁၅ ရက်တွင် လေလံဖွင့်မည့် မြန်မာ့ကမ်းလွန်ရေနံလုပ်ကွက်များအတွက် နိုင်ငံတကာကုမ္ပဏီတော်တော်များများက သူနှင့်ဖက်စပ်လုပ်ကိုင်လိုနေကြသည်။
လွန်ခဲ့သော အနှစ်လေးဆယ်အတွင်း ဦးမိုးမြင့်က အလုပ်အမျိုးမျိုးကို လုပ်ခဲ့သူဖြစ်၏။ စစ်အာဏာရှင်တစ်ဦး၏ လေယာဉ်ပျံကို မောင်းပေးဖူးသူ၊ မြန်မာနိုင်ငံကို နိုင်ငံတကာအရေးယူပိတ်ဆို့ထားမှုကို တောင့်ခံထားနိုင်ခဲ့သူ၊ အမေရိကန်အစိုးရက သူ့ကို နာမည်ပျက်စာရင်းသွင်းထားမှုကို အောင်မြင်စွာ ပယ်ဖျက်နိုင်ခဲ့သူတစ်ဦး စသည်ဖြင့်ဖြစ်ပါသည်။
“တစ်ခါတလေတော့ အမှန်အတိုင်းလုပ်ရတာ သိပ်ခက်တယ်။ ဒါပေမဲ့ ရေရှည်အကျိုးခံစားရတယ်”ဟု သူကဆိုသည်။
ယခုအခါတွင် ၎င်းက သူ့ စိတ်ကြိုက်စီးပွားရေးလုပ်ငန်းကိုသာ ကျယ်ကျယ်ပြန့်ပြန့် လုပ်ဆောင်သွားရန် စိတ်အားထက်သန်နေပါသည်။ စွမ်းအင်ကုမ္ပဏီ ၆၁ ခု တင်ဒါလျှောက်ထားသည့် ကမ်းလွန်ရေနံလုပ်ခွင့် လိုင်စင်ချပေးမှုသည် မြန်မာနိုင်ငံနှင့် ဦးမိုးမြင့် နှစ်အစိတ်နီးပါး ကျင်လည်ခဲ့သည့် စွမ်းအင်လုပ်ငန်းအတွက် ပြောစမှတ်ပြုရသည့် လေလံပွဲတစ်ခုဖြစ်ပါသည်။
ရန်ကုန်မြို့တွင် ပညာသင်ကြားခဲ့သည့် ဦးမိုးမြင့်က မြန်မာ့ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်ထက် နှစ်အနည်းငယ်နောက်ကျပြီး ရန်ကုန်အင်္ဂလိပ်မက်သဒစ်ကျောင်းတွင် ပညာဆည်းပူးခဲ့သူဖြစ်သည်။ ဘန်ကောက်နှင့် အမေရိကန်နိုင်ငံ အနောက်ဗာဂျီးနီးယားတို့တွင်လည်း ပညာသင်ကြားခဲ့သည်။ ရူပဗေဒဘာသာရပ်ဖြင့် ဘွဲ့ရခဲ့၏။ လေယာဉ်မှူးအဖြစ် သင်တန်းတက်ခဲ့ပြီး မြန်မာအစိုးရလေကြောင်းလိုင်းတွင် ၁၃ နှစ်ကျော်ကြာ အမှုထမ်းခဲ့သည်။ သူက မြန်မာနိုင်ငံကို နိုင်ငံတကာနှင့် အဆက်ဖြတ်ခဲ့ပြီး ၂၆ နှစ်ကြာ အာဏာရှင်အဖြစ် အုပ်ချုပ်ခဲ့သူ ဦးနေ၀င်းစီးသည့် လေယာဉ်ကို မောင်းခဲ့သည့် လေယာဉ်မှူးဖြစ်သည်။
ဦးမိုးမြင့်ကတော့ သူသည် ဦးနေ၀င်းကို စကားပင် ကောင်းကောင်းမပြောခဲ့ဖူးပါဟုဆိုသည်။ သူ့မိဘနှစ်ဦးမှာ ၁၉၈၇ ခုနှစ်က ခြောက်လအတွင်း ရှေ့ဆင့်နောက်ဆင့်ဆိုသလို ကွယ်လွန်ခဲ့သောအခါ မြန်မာနိုင်ငံအနေအထားများကို သူစိတ်ပျက်လာပြီး ၀န်ထမ်းဘ၀မှ အလုပ်ထွက်ခဲ့ကာ မြန်မာပြည်မှ ထွက်ခွာသွားခဲ့သည်။ “အစိုးရဆီမှာ တာဝန်ထမ်းဆောင်နေကြတဲ့ လူတွေအားလုံးပဲ စိတ်ပျက်နေခဲ့ကြတယ်။ ဘယ်သူမှမပျော်ကြဘူး”ဟု ပုဆိုးအပြာရောင်ကို ကော်လာကတုံးရှပ်အဖြူရောင်အင်္ကျီနှင့် တွဲဝတ်ဆင်ထားသည့် ဦးမိုးမြင့်ကဆိုပါသည်။
ထိုကဲ့သို့ ရင်နာစရာအဖြစ်အပျက်များက ဦးမိုးမြင့်ကို စွမ်းအင်လုပ်ငန်း၌ ခြေချနိုင်အောင် လမ်းဖွင့်ပေးခဲ့ပါသည်။ စကော့တလန်က Galsgow တက္ကသိုလ်တွင် ဘူမိဗေဒပညာရှင်အဖြစ် သင်ကြားခဲ့သည့် သူ့အဖေက Shell ရေနံကုမ္ပဏီတွင် အတိုင်ပင်ခံအဖြစ် လုပ်ခဲ့ဖူးသည်။ ဦးမိုးမြင့်က ထိုရင်းနှီးသောဆက်ဆံမှုကို သူက ဆက်လက်ထိန်းသိမ်းချင်သည်။
Shell က လူတွေကပြောတယ်။ “မင်းက လေယာဉ်မောင်းတဲ့သူတစ်ယောက်ပဲ။ ဘူမိဗေဒပညာရှင်မဟုတ်ဘူး”တဲ့။ အဲဒီမှာ ကျွန်တော်ကလည်း ပြန်ပြောတယ်။
“ငါ့ကိုခြောက်လပဲ အချိန်ပေးပါ။ နောက်မှ ငါတို့ထပ်ပြောတာပေါ့” လို့။ ဒါ ရေနံနဲ့သဘာဝဓာတ်ငွေ့လုပ်ငန်းထဲကို ကျွန်တော် ရောက်လာခဲ့တဲ့ပုံပါပဲ”
အမေရိကန်နိုင်ငံ ကယ်လီဖိုးနီးယားပြည်နယ်က လေကြောင်းပစ္စည်းတင်ပို့သူနှစ်ဦး၏ အမှုဆောင်အဖြစ် နှစ်အနည်းငယ်ကြာ လုပ်ပြီးသည့်အခါတွင် ဦးမိုးမြင့်က မြန်မာနိုင်ငံသို့ ပြန်လာခဲ့သည်။ ရေနံလုပ်ငန်းဝန်ဆောင်မှုကုမ္ပဏီဖြစ်သည့် မြင့်နှင့်ရောင်းရင်းများကုမ္ပဏီကို တည်ထောင်သည်။ သူ့ကုမ္ပဏီ၏၀န်ဆောင်မှုများတွင် သယ်ယူပို့ဆောင်ရေးမှ အခမ်းအနားပြင်ဆင်သည်အထိ ပါဝင်သည်။ သူ၏ဖောက်သည်များထဲတွင် ပြင်သစ်တိုတယ်။ မလေးရှားမှ ပထရွန်နာ။ ကိုရီးယားရေနံကော်ပိုရေးတို့ ပါဝင်သည်။ ၁၉၉၆ တွင် သူက MPRL E & P အမည်ရှိ သူ၏ အဓိကကုမ္ပဏီကို တည်ထောင်သည်။ ထိုကုမ္ပဏီက အမေရိကန်ဘိတ်ကာဟုခ်ျကုမ္ပဏီနှင့် ဖက်စပ်လုပ်ကိုင်ပြီး ရေနံတွင်းများကို လုပ်ကိုင်ခဲ့သည်။ ၁၉၉၉ ခုနှစ်တွင် အမေရိကန်ကုမ္ပဏီက မြန်မာမှ လုပ်ငန်းပြန်ရုပ်သွားသောအခါ ဦးမိုးမြင့်က လုပ်ငန်းကို အပြည့်အ၀တာဝန်ယူလိုက်သည်။
ဦးမိုးမြင့်က ၎င်း၏ကုမ္ပဏီများကို တည်ထောင်လုပ်ကိုင်နေစဉ်အတွင်း မြန်မာနိုင်ငံ၏ အခြေအနေကလည်း ပိုမိုဆိုးရွားလာ၏။ ၁၉၉၀ ခုနှစ် ရွေးကောက်ပွဲရလဒ်ကို စစ်အစိုးရက အာဏာလွှဲပြောင်းဖို့ ငြင်းဆန်ခဲ့သည်။ နိုင်ငံတကာအရေးယူပိတ်ဆို့မှုများကြောင့် နိုင်ငံခြားကုမ္ပဏီများ မြန်မာနိုင်ငံမှ စွန့်ခွာကြသည်။ အနောက်နိုင်ငံများ၏ ဖိအားများအောက်တွင် ဦးမိုးမြင့်က ပြည်တွင်းကလူများကို အလုပ်အကိုင် ပံ့ပိုးပေးနိုင်သည်ဟုဆိုသောစိတ်ဖြင့် ၎င်း၏ကုမ္ပဏီအလုပ်များကို လုပ်ကိုင်ခဲ့သည်။ အစိုးရနှင့်ဆက်စပ်သော လုပ်ငန်းများတွင် သူ၏ ဆောင်ရွက်မှုများအတွက် သတိပေးချက်များ ရှင်းလင်းသေချာအောင် ရေးစေခဲ့ပြီး လာဘ်ပေးလာဘ်ယူမှုများ မရှိရအောင် လုပ်ခဲ့သည်။
“အားလုံးကို ရှင်းရှင်းလင်းလင်းဖြစ်အောင် ကျွန်တော်လုပ်တယ်။ ဘာမှဖုံးဖိထားစရာမရှိဘူး”
၂၀၀၈ ခုနှစ်တွင် စစ်အစိုးရနှင့် ပတ်သက်မှုကြောင့် အမေရိကန်အစိုးရက ဦးမိုးမြင့်ကို အမေရိကန်နိုင်ငံသို့ ခရီးသွားလာခွင့်ဗီဇာပိတ်ခဲ့သည်။ သို့သော်လည်း ၎င်း၏တောင်းဆိုမှုကြောင့် နောက်နှစ်တွင် ပြန်ပေးခဲ့သည်။ ၀ီကီလိခ်ကြေးနန်းများ ပေါက်ကြားချက်အရ ဦးမိုးမြင့်သည် စစ်အစိုးရနှင့်ရင်းနှီးသည်မှာ မှန်သော်လည်း အောင်မြင်ပြီး တရားဥပဒေအရ လုပ်ဆောင်သော စီးပွားရေးသမားတစ်ယောက်ဟု အမေရိကန်သံရုံးက သုံးသပ်ခဲ့သည်ဟုဆိုသည်။
လုပ်ဖော်ကိုင်ဖက် စီးပွားရေးလုပ်ငန်းရှင်များက ဦးမိုးမြင့်၏ စိတ်ထားရိုးသားမှုနှင့် စည်းကမ်းကြီးမှု၊ နည်းပညာဘက်တွင် ထိရောက်အောင်မြင်မှုများကို ချီးကျူးကြသည်။
ယခုအချိန်ကတော့ ဦးမိုးမြင့်၏ ရွှေခေတ်ပင်ဖြစ်သည်။ သူက အနီရောင်လေဆာပန်ဖြင့် နံရံပေါ်ရှိ မြေပုံပေါ်က ကမ်းလွန်ရေနံတွင်း ၃၀ ကို ထိုးပြလျက်ရှိသည်။
နိုင်ငံတကာကုမ္ပဏီများအနေဖြင့် မြန်မာနိုင်ငံတွင် ကမ်းလွန်ရေနံလုပ်ကွက် ၁၁ ခုကို လုပ်ကိုင်လိုပါက ပြည်တွင်းကုမ္ပဏီများနှင့် တွဲလုပ်ရမည်ဟူသော သတ်မှတ်ချက်ရှိသည်။ သူက လုပ်ငန်းရှင်အချို့နှင့် ဆွေးနွေးပြောကြားထားပြီး အချို့နှင့်ပူးပေါင်းဆောင်ရွက်ရန် သဘောတူပြီးဖြစ်သည်ဟု ဦးမိုးမြင့်ကဆိုသည်။
“ကျွန်တော် ထင်တာတော့ သူတို့တွေ သေချာသုံးသပ်ကြည့်တဲ့အခါ ကုမ္ပဏီတော်တော်များများက သူတို့နဲ့ အတူတွဲလုပ်လို့မရဘူးဆိုတာ သဘောပေါက်သွားကြတယ်”
၂၀၁၁ ခုနှစ်တွင် မြန်မာနိုင်ငံစစ်အစိုးရက အရပ်သားအစိုးရထံ အာဏာလွှဲပြောင်းပေးလိုက်သောအခါ စီးပွားရေးအခွင့်အလမ်းများ ပေါ်လာပြီး နိုင်ငံတကာကုမ္ပဏီများက ဘာကြောင့် ရုတ်တရက် သူ့အနားမှာ ၀ိုင်းလာရသလဲဆိုသည်ကို ဦးမိုးမြင့်က ကောင်းစွာသဘောပေါက်ပါသည်။ မြန်မာကဲ့သို့ ကမ္ဘာ့ဘဏ်၏ သတ်မှတ်ချက်အဆင့်အနိမ့်ဆုံးဖြစ်သော နိုင်ငံတစ်ခုတွင် သူ့ကုမ္ပဏီများကို မရှိမဖြစ် ဖြစ်စေရသည့် သမိုင်းကြောင်းရာဇ၀င်ကို ကောင်းစွာ သူကသိရှိသည်။ ရေနံတူးဖော်ရေးလေလံနှင့်ပတ်သက်ပြီး သူက ယခုကဲ့သို့ သုံးသပ်မှတ်ချက်ပေးခဲ့ပါသည်။
“ဒေသရဲ့ ဘူမိဗေဒအနေအထားနဲ့ပတ်သက်ပြီး ကျွန်တော်တို့မှာ ဗဟုသုတအများကြီးရှိတယ်။ ဒါကြောင့် ကျွန်တော်တို့မှာ ကိုယ့်ကိုယ်ကိုယ် ယုံကြည်မှုရှိပါတယ်”
(Financial Times သတင်းစာဆောင်းပါးရှင် Micheal Peel ရေးသားသည့် Moe Myint Myanmar’s go to tycoon ဆောင်းပါးကို ထားထားမြင့် ဆီလျော်အောင် ဘာသာပြန်ဆိုသည်။)
