အခြေခံဥပဒေ ပြင်တာ ဒေါ်အောင်ဆန်းစုကြည် သမ္မတဖြစ်ရေးကို ရည်ရွယ်တာ မဟုတ်

၂၀၀၈ ဖွဲ့စည်းပုံ အခြေခံဥပဒေ ပြင်ဆင်ဖို့အတွက် ကြိုးစားလုပ်ဆောင်နေတာဟာ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တစ်ဦးတည်းကိုပဲ သမ္မတဖြစ်ရေးအတွက် ရည်ရွယ်လုပ်ဆောင်နေတာ မဟုတ်ဘူးလို့ အမျိုးသားဒီမိုကရေစီ အဖွဲ့ချုပ် (NLD) ပြောရေးဆိုခွင့်ရှိသူ ဒေါက်တာ မျိုးညွန့်က ပြောပါတယ်။

ဒေါ်အောင်ဆန်းစုကြည်ဟာ သူ့သားနှစ်ဦးကို အမွေပြတ် စွန့်လွှတ်လိုက်တာနဲ့ သမ္မတအရည်အချင်း ပြည့်မီသွားမှာဖြစ်သလို အခုလို ၂၀၀၈ ဖွဲ့စည်းပုံ ပြင်ဆင်ဖို့အတွက် ပြည်ထောင်စုလွှတ်တော်မှာ ကြိုးစား လုပ်ဆောင်နေတာဟာ နိုင်ငံတော် အတိုင်ပင်ခံပုဂ္ဂိုလ်တစ်ဦးတည်းအတွက် ရည်ရွယ်တာမဟုတ်ဘဲ အရည်အချင်း ရှိတဲ့လူတွေကို ကန့်သက်ထားတာကြောင့် ဖြစ်တယ်လို့ ဒေါက်တာ မျိုးညွန့်ကပြောပါတယ်။

လက်ရှိ ပြည်ထောင်စု လွှတ်တော်မှာ အခြေခံဥပဒေ ပြင်ဆင်ရေး ပူးပေါင်းကော်မတီ ဖွဲ့စည်းပြီး ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်နိုင်ဖို့အတွက် NLD ပါတီက ဦးဆောင်ပြီး လုပ်ဆောင်နေတာဖြစ်ပါတယ်။

credit- MCN

အာသံနှင့် ကသည်း လက်နက်ကိုင်သောင်းကျန်းသူများ၏ စခန်းတစ်ခုနှင့် လက်နက်ခဲယမ်းများအား ထပ်မံသိမ်းပိုက်

ဖေဖော်ဝါရီ ၁၉

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ တကားကျေးရွာအနီးတစ်ဝိုက်ရှိ NSCN(K) စခန်းနှင့်အနီးပတ်ဝန်းကျင်နေရာများ၌ အာသံနှင့်ကသည်း လက်နက်ကိုင်သောင်းကျန်းသူအဖွဲ့အချို့သည် NSCN(K) အဖွဲ့အသွင်ဖြင့် ဖြန့်ခွဲအခြေပြုလျက်ရှိကြောင်းသတင်းအရ တပ်မတော်စစ်ကြောင်းများက ဇန်နဝါရီ ၂၉ ရက်မှစ၍ သွားရောက်ရှင်းလင်းခြင်းများ ဆောင်ရွက်ခဲ့ကြောင်း သတင်းများထုတ်ပြန်ခဲ့ပြီးဖြစ်သည်။

ထိုသို့ နယ်မြေလုံခြုံရေးလုပ်ငန်းများဆောင်ရွက်ခဲ့ရာ ဖေဖော်ဝါရီ ၈ ရက်မှ ၁၉ရက်အထိ အဆိုပါနေရာအနီးတစ်ဝိုက်မှ ၎င်းးတို့အခြေပြုခဲ့သော စခန်းတစ်ခုအားထပ်မံသိမ်းပိုက်ရရှိခဲ့ပြီး ကသည်းသောင်းကျန်းသူ လေးဦး၊ လက်နက်မျိုးစုံ၅၃ လက်၊ ခဲယမ်းနှင့် ဆက်စပ်ပစ္စည်းများ၊အသုံးအဆောင် ပစ္စည်းများကိုလည်းထပ်မံသိမ်းဆည်းရမိခဲ့သည်။

တပ်မတော် စစ်ကြောင်းများအနေဖြင့် NSCN(K) စခန်းနှင့် အနီးပတ်ဝန်းကျင်နေရာများရှိ အာသံနှင့်ကသည်း လက်နက်ကိုင်သောင်းကျန်းသူအဖွဲ့စခန်းများနှင့်အနီး တစ်ဝိုက်မှယနေ့အထ NSCN(K) အဖွဲ့ဝင်ခြောက်ဦး၊ ကသည်း သောင်းကျန်းသူခြောက်ဦး၊ လက်နက်မျိုးစုံ ၇၉ လက်၊ခဲယမ်းနှင့် ဆက်စပ်ပစ္စည်းများ သိမ်းပိုက်ရရှိခဲ့ပြီး နာဂကိုယ်ပိုင်အုပ်ချုပ်ခွင့်ရ ဒေသအတွင်း တရားမဝင်လက်နက်ကိုင် အဖွဲ့အစည်းများ ဝင်ရောက်စိမ့်ဝင်လှုပ်ရှားမှုများမရှိစေရေးနှင့် နယ်မြေတည်ငြိမ်အေးချမ်းရေးအတွက် လုံခြုံရေးလုပ်ငန်းများအား ဆက်လက်ဆောင်ရွက်သွားမည်ဖြစ်ကြောင်း တပ်မတော်ကာကွယ်ရေးဦးစီး ချုပ်ရုံး၏ သတင်းထုတ်ပြန်ချက်အရသိရသည်။

ကျောက်တော်မြို့နယ်အတွင်း နယ်မြေလုံခြုံရေး ဆောင်ရွက်နေသောတပ်မတော်စစ်ကြောင်းများနှင့် AA သောင်းကျန်းသူအဖွဲ့ ထိတွေ့ မှုဖြစ်ပွား

၁၉ ဖေဖော်ဝါရီလ

ရခိုင်ပြည်နယ် မြောက်ဦးမြို့ ပေါင်းတုတ် ကျေးရွာအနီး ၂၀၁၉ ခုနှစ် ဇန်နဝါရီ ၁ ရက်က ရခိုင်ပြည်နယ်ဝန်ကြီးချုပ်၏ ယာဉ်တန်းအား မိုင်းဆွဲခံရသော နေရာ၏ မြောက်ဘက်၃၁ ကီလိုမီတာနှင့် အရပ်ယာဉ်တစ်စီးအား ဖေဖော်ဝါရီ ၁၇ ရက်တွင် မိုင်းဆွဲခြင်းခံရသော နေရာ၏အရှေ့မြောက်ဘက် ၆ ကီလိုမီတာခန့်ရှိ တောင်ကုန်းများတွင် AA သောင်းကျန်းသူ အဖွဲ့မှ အင်အား ၁၀ဝ ခန့်သည် လေ့ကျင့်ရေး စခန်းဖွင့်လှစ်ရန်နှင့် စည်းရုံးရေးနယ်မြေ တည်ဆောက်ရန် ရောက်ရှိနေကြောင်း AA သောင်းကျန်းသူအဖွဲ့များအား မလိုလားသူ ပြည်သူများ၏ သတင်းပေးပို့မှုကို ရရှိခဲ့ပြီး သောင်းသောင်းကျန်းသူအဖွဲ့သည် အများပြည်သူအသုံးပြုလျက်ရှိသော ဆက်သွယ်ရေး လမ်းကြောင်းများကိုနှောင့်ယှက်ဖျက်ဆီးမှုများ ဆောင်ရွက်လာသောကြောင့် တပ်မတော်စစ်ကြောင်းများကကျောက်တော်မြို့နှင့် မြောက်ဦးမြို့နယ်အတွင်း နယ်မြေလုံခြုံရေးလုပ်ငန်းများဆောင်ရွက်ခဲ့သည်။

ထို့သို့ဆောင်ရွက်ခဲ့ရာ ယနေ့မွန်းလွဲ ပိုင်းတွင် ကျောက်တော်မြို့၏ အရှေ့ဘက်၁၅ ကီလိုမီတာခန့်အကွာ၌ AA သောင်းကျန်းသူအဖွဲ့မှ အင်အား ၁၀ဝ ခန့်နှင့် ထိတွေ့မှုနှစ်ကြိမ်ဖြစ်ပွားခဲ့ပြီး သောင်းကျန်းသူများသည် တောင်ဘက်သို့ဆုတ်ခွာသွားခဲ့သဖြင့် တပ်မတော်စစ်ကြောင်းများက အသေးစိတ်လိုက်လံ ရှင်းလင်းလျက်ရှိသည်။

ဖြစ်စဉ်များတွင် မိမိဘက်မှ စစ်သည်အချို့ ထိခိုက်ဒဏ်ရာရရှိခဲ့ပြီး AA သောင်းကျန်းသူအဖွဲ့မှ အလောင်း ကိုးလောင်း၊ အာရ်ပီဂျီ တစ်လက် သိမ်းဆည်းရရှိခဲ့ကြောင်းနှင့် ရခိုင်ပြည်နယ်အတွင်း တရားဥပဒေစိုးမိုးရေး၊ နယ်မြေတည်ငြိမ်အေးချမ်းရေးအတွက် တပ်မတော်စစ်ကြောင်းများက သောင်းကျန်းသူနှိမ်နင်းရေးစစ်ဆင်ရေးအား ဆက်လက်ဆောင်ရွက်လျက်ရှိကြောင်း တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။

credit- မြန်မာ့အလင်း