NLD ပါတီ၏ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး အဓိက ၁၇ အချက်က ဘာတွေလဲ

NLD က ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး လေ့လာသုံးသပ် အကြံပြုချက် စာတမ်း တစ်စောင် ထုတ်ပြန်ခဲ့ပြီး ယင်းစာတမ်းတွင် တပ်မတော်၏ အခန်းကဏ္ဍ ကိုလျှော့ချခြင်း၊ ဒုတိယသမ္မတစ်ဦးတည်းထားရှိခြင်း၊ ဒေါ်အောင်ဆန်းစုကြည် သမ္မတအဖြစ် တာဝန်ထမ်း ဆောင်နုိုင်ရန် ဟန့်တားနေသည့် ပုဒ်မ ၅၉ (စ) ကို ပယ်ဖျက်ခြင်း၊ အခြေခံဥပဒေ ပြင်ဆင်ရေး ခက်ခဲနေသည့် ပုဒ်မ ၄၃၆ ကို ပြင်ဆင်ခြင်း၊ တိုင်းဒေသကြီး/ပြည်နယ်လွှတ်တော်များက ပြည်နယ်/တုိုင်းဝန်ကြီးချုပ်များကို တုိုက်ရိုက်တင်မြှောက်နုိုင်ခြင်း၊ ကိုယ်ပုိုင်အုပ်ချုပ်ခွင့် ပုိုမုိုရရှိလာခြင်း ဟူသော အဓိက အချက် ၁၇ ချက် ပါဝင်ပါသည်။ အဆုိုပါ အဓိက ၁၇ ချက်ကုို ပြည်သူများသိရှိနုိုင်ရန် ရန်ကုန်ခေတ်သစ်က စုစည်းတင်ပြလို်က်ပါသည်။

၁- ပုဒ်မ ၆ (စ) နုိုင်ငံတော်၏ အမျိုးသားနုိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင်ထမ်းဆောင်နုိုင်ရေးတုို့ကို အစဉ်တစ်စုိုက် ဦးတည်သည် ဆုိုသော အချက် ပယ်ဖျက်မည်။

၂- ပုဒ်မ ၈ နုိုင်ငံတော်ကို ပြည်ထောင်စုစနစ်ဖြင့် ဖွဲ့စည်းတည်ဆောက်သည်အစား ဖက်ဒရယ် ပြည်ထောင်စုပုံစံ ရှင်းလင်းထင်ရှားစေရန် ပြင်ဆင်သင့်သည်။

၃- ပုဒ်မ ၂၀ (ဂ) တပ်မတော်ကာကွယ်ရေး ဦးစီးချုပ်သည် လက်နက်ကိုင် တပ်ဖွဲ့အားလုံး၏ အကြီးအကဲဖြစ်သည်ဆုိုသော အချက်ကို ပယ်ဖျက်သင့်သည်။

၎- ပုဒ်မ ၄၀ (ဂ) အရေးပေါ် အခြေအနေပေါ်ပေါက်လျှင် တပ်မတော်ကာကွယ်ရေးဦးစီးချုပ် သည် နုိုင်ငံတော်အာဏာကို ဖွဲ့စည်းပုံအခြေခံဥပဒေ သတ်မှတ်ပြဋ္ဌာန်းချက်များနှင့်အညီ ရယူသုံးစွဲခွင့်ရှိသည်အစား ပြည်ထောင်စုလွှတ်တော်၏ သဘောတူညီချက်ဖြင့် ဟု ဖြည့်သင့် သည်။


၅- ပုဒ်မ ၅၇ နုိုင်ငံတော်သမ္မတနှင့်ဒုတိယသမ္မတများသည် နုိုင်ငံတော်ကုို ကုိုယ်စားပြုသည် ဆုိုသော ပြဋ္ဌာန်းချက်တွင် ဒုတိယသမ္မတများဟူသော စကားရပ်ကုို ပယ်ဖျက်ပြီး ဒုတိယသမ္မတ တစ်ဦးတည်းသာဖြစ်သင့်ပါသည်။

၆- ပုဒ်မ ၅၉ (ဂ) နုိုင်ငံတော်သမ္မတနှင့် ဒုတိယသမ္မတ အဖြစ် ရွေးချယ်တင်မြှောက် ခံရသူသည် အနည်းဆုံး အသက် ၄၅ နှစ်ပြည့်ပြီးသူဖြစ်ရမည်အစား အသက် ၄၀ နှစ် ပြင်ဆင်သင့်သည်။

၇- ပုဒ်မ ၅၉ (ဃ) သမ္မတ အရည်အချင်းသတ်မှတ်ချက် စစ်ရေး အမြင်ရှိရမည်ဆုိုသည်ကုို လုံခြုံရေးအမြင်ရှိရမည်ဟု ပြင်ဆင်သင့်သည်။

၈- ပုဒ်မ ၅၉ (စ) သမ္မတ အရည်အချင်းသတ်မှတ်ချက် မိမိကုိုယ်တုိုင်သော်လည်းကောင်း၊ မိမိ၏ မိဘတစ်ပါးပါးသော်လည်းကောင်း၊ မိမိ၏ ဇနီး သုို့မဟုတ် ခင်ပွန်းသော်လည်းကောင်း၊ မိမိ၏ တရားဝင် သားသမီးတစ်ဦးဦးသော်လည်းကောင်း၊ ထုိုတရားဝင် သားသမီးတစ်ဦးဦး၏ ဇနီးသို့မဟုတ် ခင်ပွန်းသော်လည်းကောင်း နုိုင်ငံခြားအစုိုးရ၏ ကျေးဇူး သစ္စာတော်ကို ခံယူ စောင့်ရှောက်ရုိုသေသူ၊ နုိုင်ငံခြားအစုိုးရ၏ လက်အောက်ခံဖြစ်သူ၊ တုိုင်းတပါး၏ နုိုင်ငံသားဖြစ်သူများ မဖြစ်စေရ ဆုိုသော အချက်ကို ပယ်ဖျက်သင့်သည်။

၉ – ပုဒ်မ ၆၀ (ခ) (၃) တပ်မတော်ကာကွယ်ရေးဦးစီးချုပ်က အမည်စာရင်း တင်သွင်းသည့် တပ်မတော်သားလွှတ်တော်ကုိုယ်စားလှယ်များအစုအဖွဲ့က တင်မြှောက်သည့် ဒုတိယသမ္မတစ်ဦး ဆိုသော ပြဋ္ဌာန်းချက်ကုို ပယ်ဖျက်သင့်သည်။

၁၀- ပုဒ်မ ၆၁ (ဂ) နုိုင်ငံတော်သမ္မတနှင့် ဒုတိယသမ္မတသည် ရာထူးသက်တမ်း နှစ်ကြိမ်ထက်ပုို၍ ထမ်းဆောင်ခြင်းမပြုရကုို ပယ်ဖျက်၍ တစ်ကြိမ်ထက်ပို၍ ထမ်းဆောင်ခြင်းမပြုရဟု ပြင်ဆင်သင့်သည်။

၁၁- ပုဒ်မ ၇၄ တပ်မတော်သားကာကွယ်ရေးဦးစီးချုပ်က တင်သွင်းသည့် တပ်မတော်သားလွှတ်တော်ကုိုယ်စားလှယ်များကိစ္စကုို ဆွေးနွေးညှိနှိုင်းပြီး တစ်ဆင့်ပြီး တစ်ဆင့်ပြင်ဆင်သွားရန်ဖြစ်သည်။

၁၂- ပုဒ်မ ၂၀၁ အမျိုးသားကာကွယ်ရေးနှင့်လုံခြုံရေးကောင်စီတွင် ပြည်သူ့လွှတ်တော် ဒုတိယဥက္ကဋ္ဌနှင့် အမျိုးသားလွှတ်တော်ဒုတိယဥက္ကဋ္ဌ ထည့်သင့်သည်။


၁၃- ပုဒ်မ ၂၃၂ (ည) (၂) ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာနနှင့် နယ်စပ်ရေးရာဝန်ကြီးဌာနများအတွက် ပြည်ထောင်စုဝန်ကြီးများ ခန့်အပ်ထားခြင်း ခံထားရသော တပ်မတော်သားများသည် တပ်မတော်မှ အငြိမ်းစားယူရန် သုို့မဟုတ် နုတ်ထွက်ရန် မလိုပါ ဟူသော ပြဋ္ဌာန်းချက်ကို အငြိမ်းယူပြီး ဖြစ်သည်ဟု မှတ်ယူရမည်ဟု ပြင်ဆင်ရန်ဖြစ်သည်။

၁၄- ၂၄၈ (ဂ) တုို့တွင် နုိုင်ငံတော်သမ္မတ၏ လုပ်ပုိုင်ခွင့်များအစား ပြည်နယ်/ တုိုင်းဝန်ကြီးချုပ်များ စကားရပ်များဖြင့် အစားထုိုး ပြင်ဆင်မည်ဖြစ်ပြီး ကုိုယ်ပုိုင်အုပ်ချုပ်ခွင့် ရရှိစေရန်ပြင်ဆင်သင့်သည်။

၁၅ – ပုဒ်မ ၂၆၁ (ခ) တုိုင်းဒေသကြီး/ ပြည်နယ်လွှတ်တော်ကသာ ၀န်ကြီးချုပ်ကို ခန့်အပ်တာဝန်ပေးအပ်ခြင်းဖြင့် ကိုယ်ပုိုင်အုပ်ချုပ်ခွင့်ရရှိစေရန် ပြင်ဆင်အစားထုိုးမှုများ လုပ်ဆောင်သင့်သည်။

၁၆- အရေးပေါ်ကာလဆုိုင်ရာ ပြဋ္ဌာန်းချက်များ ပုဒ်မ ၄၁၈ (ခ) ၊ ပုဒ်မ ၄၂၁ (ခ) ၊ ပုဒ်မ ၄၂၇ တုို့ကို ဒီမုိုကရေစီနှင့်ကိုက်ညီစေရန် ပြင်ဆင်ပြီး ပုဒ်မ ၄၃၂ ကုို ပယ်ဖျက်ရန်ဖြစ်သည်။

၁၇- ပုဒ်မ ၄၃၆ (က) ဖွဲ့စည်းပုံ အခြေခံဥပဒေပါ ပြဋ္ဌာန်းချက်များကို ပြင်ဆင်လိုလျှင် ပြည်ထောင်စု လွှတ်တော်ကုိုယ်စားလှယ်အားလုံး၏ ၇၅ ရာခိုင်နှုန်းကျော်က ပြင်ဆင်ရန် သဘောတူလက်ခံပြီးနောက် ပြည်လုံးကျွတ်ဆန္ဒခံယူပွဲ ကျင်းပ၍ ဆန္ဒမဲပေးပုိုင်ခွင့် ရှိသူအားလုံး၏ ထက်ဝက်ကျော် ဆန္ဒမဲဖြင့်သာ ပြင်ဆင်ရမည်အစား ပြည်ထောင်စု လွှတ်တော်တွင် ရွေးကောက်တင်မြှောက်ခံရသော ကိုယ်စားလှယ်အားလုံး၏ သုံးပုံ နှစ်ပုံက ဟု ပြင်ဆင်ရန် (သုို့မဟုတ်ပါက) ပြည်ထောင်စုလွှတ်တော်ကိုယ်စားလှယ် အားလုံး ၏ ထက်ဝက်ကျော်က ပြင်ဆင်ရန် သဘောတူလက်ခံပြီးနောက် ပြည်လုံးကျွတ် ဆန္ဒခံယူပွဲ အထမြောက်ပါက ဆန္ဒမဲပေးသူဦးရေ၏ ထက်ဝက်ကျော်ဆန္ဒမဲဖြင့် ပြင်ဆင်သင့်သည်။


CREDIT_: Khit Thit Media

အခြေခံဥပဒေပြင်ဆင်ရေးတွင် NLD နှင့်အင်အားကြီးတိုင်းရင်းသားပါတီများ ပူးပေါင်းဆောင်ရွက်မည်

အင်အားကြီးတိုင်းရင်းသားနိုင်ငံရေးပါတီများဖြစ်သည့် ရှမ်းတိုင်းရင်းသားများဒီမိုကရေစီအဖွဲ့ချုပ်ပါတီ(SNLD) နှင့် ရခိုင်အမျိုးသားပါတီ (ANP) တို့သည် ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးတွင် NLD နှင့် ပူးပေါင်းဆောင်ရွက်မည်ဟု ပါတီတာဝန်ရှိသူများက The Ladies News သို့ ပြောကြားသည်။

NLD ပါတီမှ ပြည်ထောင်စုလွှတ်တော်သို့ တင်သွင်းသော ဖွဲ့စည်းပုံအခြေခံဥပဒေ ပြင်ဆင်ရေးပူးပေါင်းကော်မတီတစ်ရပ်ဖွဲ့စည်းရန် အရေးကြီးအဆိုကိုလည်း အဆိုပါ ပါတီနှစ်ခုက ထောက်ခံကြိုဆိုသည်ဟု ဆိုသည်။

SNLD မှ တွဲဘက်အထွေထွေအတွင်းရေးမှူး (၁) ဦးစိုင်းလိတ်က ''ဖွဲ့စည်းပုံပြင်ဆင်ရေး။ ဒီဥစ္စာကို ဘယ်ပါတီကပဲလုပ်လုပ် ကျွန်တော်တို့ ကတော့ ထောက်ခံဆွေးနွေးသွားမှာ ဖြစ်တယ်။ လိုအပ်သမျှပံ့ပိုးကူညီသွားမှာဖြစ်တယ်'' ဟုပြောကြားသည်။

ဖွဲ့စည်းပုံအခြေခံဥပဒေပြင်ဆင်ရေးအတွက် ဖွဲ့စည်းမည့်ကော်မတီတွင် အာဏာရပါတီ NLDနှင့်အတူပူးပေါင်းဆောင်ရွက်သွားမည်ဟု ရခိုင်အမျိုးသားပါတီမှ ဗဟိုကော်မတီဝင်ဖြစ်သည့်ပြည်သူ့လွှတ်တော်ကိုယ်စားလှယ် ဒေါ်ခင်စောဝေကလည်း ပြောကြားသည်။

" ပူးပေါင်းရမှာပေါ့။ ဒါက ကော်မတီတစ်ရပ်ဖွဲ့မယ်ဆိုတာ ပါတီပေါင်းစုံပါတဲ့ ပါတီစုံဒီမိုကရေစီစနစ်လေ။ တပ်မတော်ကလည်း ရွေးကောက်ခံမဟုတ်ပေမယ့် အစုအဖွဲ့အဖြစ် ဖွဲ့စည်းပုံအရ ၂၅ ရာခိုင်နှုန်းပါနေတယ်လေ။ အဲဒီအတွက်သူတို့လည်းပါရမှာပဲ။ လွှတ်တော်ထဲမှာရောက်နေတဲ့ပါတီအသီးသီးကိုကိုယ်စားပြုတဲ့ ပါတီအဖွဲ့အစည်းတွေလည်းပါရမယ်'' ဟု ၎င်းကပြောကြားသည်။

ဖွဲ့စည်းပုံပြင်ဆင်ရာတွင် တိုင်းဒေသကြီးနှင့် ပြည်နယ်ဝန်ကြီးချုပ်တို့အား သမ္မတမှ တိုက်ရိုက်ခန့်အပ်ရန် အခွင့်ပေးထားသည့် ပုဒ်မ ၂၆၁အား တိုင်းဒေသကြီးနှင့် ပြည်နယ်လွှတ်တော်များက ခန့်ရမည်ဟု ပြင်ဆင်လိုကြောင်းကိုလည်း ဒေါ်ခင်စောဝေက ပြောကြားသည်။

'' အန်တီတို့တိုင်းရင်းသားတွေ အရင်ဖွဲ့စည်းပုံပြင်ဆင်တုန်းကလည်း အမြဲတမ်းဆွေးနွေးခဲ့တဲ့ ပုဒ်မ ၂၆၁ ပေါ့။ ဒါ သမ္မတက တိုက်ရိုက်ခန့် တယ်။ အန်တီတို့က အဲဒီလိုမဟုတ်ဘဲနဲ့အနိုင်ရကိုယ့်ပါတီက မဲနဲ့ လွှတ်တော်မှာ ဝန်ကြီးချုပ်ဖြစ်အောင် တောင်းဆိုခဲ့ကြတယ်လေ။အဲဒီအတွက်ကြောင့် ဒါတွေကို ပြင်နိုင်မယ်ဆိုရင်တော့ အန်တီတို့အတွက်ပိုပြီးအားရှိတာပေါ့''ဟု ၎င်းကပြောကြားသည်။

NLD သည် ဖွဲ့စည်းပုံပြင်ဆင်ရေးကို အခြားသော ရည်ရွယ်ချက်တစ်ခုကြောင့် လုပ်ခြင်းမဟုတ်ဘဲ ဖွဲစည်းပုံကို အမှန်တကယ်ပြင်ဆင်ရန်ကြိုးစားခြင်း မှန်သည်ဆိုပါက လူထုအားလုံး၏ လေးစားယုံကြည်မှုကို ပြန်လည်ရရှိမည် ဖြစ်ကြောင်းနှင့် လူထု၏ကျေးဇူးကိုလည်းပြန်ဆပ် ရာရောက်သည်ဟု ဦးစိုင်းလိတ်က သုံးသပ်သည်။

SNLD သည် အမျိုးသားလွှတ်တော်တွင် လွှတ် တော်ကိုယ်စားလှယ် ၃ဦး ပြည်သူ့လွှတ်တော် တွင် လွှတ်တော်ကိုယ်စားလှယ် ၁၄ဦးရှိပြီး ရခိုင်အမျိုးသားပါတီကမူ အမျိုးသားလွှတ်တော်တွင် လွှတ်တော်ကိုယ်စားလှယ် ၈ဦးနှင့် ပြည်သူ့လွှတ်တော်တွင် လွှတ်တော်ကိုယ်စားလှယ် ၁၁ဦးရှိသည်။

Credit - The Ladies News

စိတ်ရင်းစေတနာမှန်နဲ့ ငြိမ်းချမ်းရေးကို အကောင်အထည်ဖော်ဖို့ KNU ဥက္ကဋ္ဌ တိုက်တွန်း

တစ်နိုင်ငံလုံး အပစ်အခတ်ရပ်စဲရေးစာချုပ် NCA ပါ သဘောတူညီချက်တွေကတဆင့် နိုင်ငံရေးပြဿနာတွေကို လွတ်လပ်မှု၊ တန်းတူရည်တူမှုအပြင် စိတ်ရင်းစေတနာမှန်နဲ့ အစိုးရနဲ့ တပ်မတော်ခေါင်းဆောင်တွေက ငြိမ်းချမ်းရေး ကို အကောင်အထည်ဖော်ဆောင်ရွက်ကြဖို့ KNU ကရင်အမျိုးသား အစည်းအရုံး ဥက္ကဋ္ဌ ဗိုလ်ချုပ်ကြီး မူတူးစေးဖိုးက တိုက်တွန်းပြောကြားလိုက်ပါတယ်။

ကရင်အမျိုးသားအစည်းအရုံး KNU ဗဟိုဌာနချုပ်ရှိရာ ကရင်ပြည်နယ် ဘားအံခရိုင်၊ ကလိုယော်လေးမှာ ဒီကနေ့ ကျင်းပတဲ့ နှစ် ၇၀ ပြည့် ကရင့်အမျိုးသား တော်လှန်ရေးနေ့ အခမ်းအနားမှာ မူတူးစေးဖိုးက ပြောကြားလိုက် တာဖြစ်ပါတယ်။

ဒီကနေ့ အခမ်းအနားကို ကရင်ပြည်နယ် ၀န်ကြီးချုပ် နန်းခင်ထွေးမြင့်၊ NCA လက်မှတ်မရေးထိုးရသေးတဲ့ တိုင်းရင်းသား လက်နက်ကိုင်တွေနဲ့ လက်မှတ်ရေးထိုးထားတဲ့အဖွဲ့က ခေါင်းဆောင်တွေ အပါအ၀င် ပြည်တွင်း ပြည်ပက ကရင်ပြည်သူ သောင်းနဲ့ချီတက်ရောက်ခဲ့ပါတယ်။

ကရင်ပြည်နယ် ၀န်ကြီးချုပ် နန်းခင်ထွေးမြင့် က ကရင်ပြည်နယ်မှာ ဖွံ့ဖြိုးမှုမရှိသေးပဲ နောက်ကျနေတာဟာ ငြိမ်းချမ်းရေးမရှိလို့ ဖြစ်တဲ့အတွက် ဖွံ့ဖြိုးတိုးတက်မှုရှိပြီး လူငယ်တွေ ပါဝင်လာအောင် ပူးပေါင်းဆောင်ရွက်ကြဖို့ နှစ် ၇၀ ပြည့် ကရင့်တော်လှန်ရေးနေ့ အခမ်းအနားမှာ ပြောကြားခဲ့ပါတယ်။

ဒီအခမ်းအနားမှာ ကရင့်တော်လှန်ရေးစတင်ချိန်ကစလို့ လက်ရှိ် အချိန်ထိ ကြာမြင့်စွာ တိုက်ပွဲဝင်ခဲ့ပြီး သက်ရှိထင်ရှားရှိနေဆဲ ရဲဘော်တွေကို KNU ဥက္ကဋ္ဌ ဗိုလ်ချူပ်ကြီး မူတူးစေးဖိုး က ဂုဏ်ပြုဆုတွေ ချီးမြှင့်ခဲ့ပါတယ်။

ကရင်အမျိုးသားအစည်းအရုံး KNU အနေနဲ့ အဲဒီအချိန်က အစိုးရတပ်ရဲ့ တိုက်ခိုက်မှုကို ပြန်လည်ခုခံခဲ့တဲ့ ၁၉၄၉ ခုနှစ်၊ ဇန်န၀ါရီလ ၃၁ ရက်နေ့ကို ကရင့်တော်လှန်ရေးနေ့ အဖြစ် သတ်မှတ်ခဲ့ပြီး သူတို့ရဲ့ ထိန်းချုပ်နယ်မြေတွေမှာ နှစ်စဉ်မပျက်မကွက် ကျင်းပခဲ့တာ ဖြစ်ပါတယ်။

ဒီသတင်းကို RFA သတင်းထောက် ကိုအောင်မိုးမြင့်နဲ့ ကိုကျော်သူတို့ ပေးပို့လိုက်တာပါ။

Credit - RFA

အားသွင်းကြိုးတွေသုံးစရာမလိုတော့ပဲ ဝိုင်ဖိုင်နဲ့ အားသွင်းနိုင်မယ့် နည်းပညာလာပြီ

သိပ္ပံပညာရှင်တွေဟာ အခုဆိုရင် ဝိုင်ဖိုင်လှိုင်းတွေကို လျပ်စစ်စွမ်းအင်ပေါင်းထည့်ပေးနိုင်ဖို့ တီထွင်နေကြပြီဖြစ်ပါတယ် ။ဝိုင်ဖိုင်ကတော့ လျပ်စစ်ဓါတ်ပြောင်းပေမယ့် အစိတ်အပိုင်းလေးကိုတော့ Rectenna လို့ခေါ်ပြီး ဒီပစ္စည်းလေးဟာ Semiconductor တွေကိုအသုံးပြုပြီး AC ကို DCအဖြစ်ပြောင်းလဲပေးမှာဖြစ်ပါတယ် ။ MIT မှ နည်းပညာရှင်အဖွဲ့တော့ ဒီပစ္စည်းလေးဟာ လျပ်စစ်ပစ္စည်းကိရိယာ နယ်ပယ်မှာ အလွန်အသုံးဝင်တဲ့အရာတစ်ခုဖြစ်လာနိုင်လိမ့်မယ်လို့ မျှော်လင့်ထားကြပါတယ် ။

Rectenna ဆိုတာကတော့ ဝိုင်ဖိုင်လှိုင်းတွေက သယ်ဆောင်လာတဲ့ လျပ်စစ်သံလိုက်ဓါတ်တွေကိုဖမ်းယူပေးမယ့် အင်တာနာလေးပါပဲ ။MIT မှနည်းပညာရှင်တွေဟာ Molybdenum Disulfide (MoS2) ဆိုတဲ့ ကမ္ဘာပေါ်မှာအပါးလွှာဆုံး Semiconductor ကိုအသုံးပြုပြီးတော့ Rectenna ကိုဖန်တီးထားတာပဲဖြစ်ပါတယ် ။လျပ်စစ်ကိရိယာတွေမှာ စွမ်းအင်အပြည့်အဝ အသုံးချနိုင်အောင် စနစ်တွင်းလျပ်သိုပမာဏကိုလည်း အနည်းဆုံးထိလျော့ချဖို့နည်းလမ်းရှာသွားမယ့်အကြောင်း နည်းပညာရှင်အဖွဲ့ခေါင်းဆောင်ဖြစ်တဲ့ Dr.Zhang ကပြောထားပါတယ် ။

Rectenna ဟာ အလွန်ပါးလွှာပြီးတော့ တွန့်ခေါက်လို့ရတဲ့ အင်တာနာအမျိုးအစားဖြစ်တဲ့အတွက် နံရံတွေ ၊ မျက်နှာကြပ်တွေမှာ တပ်ဆင်ပြီး အိမ်သုံးလျပ်စစ်ပစ္စည်းတွေမှာ အသုံးပြုနိုင်လိမ့်မယ်လို့လည်း နည်းပညာရှင်တွေကပြောထားပါတယ်။ သိပ္ပံပညာရှင်တွေ Retanna ကို စမ်းသပ်ခဲ့စဉ်အချိန်မှာတော့ ကိရိယာမှ ၄၀ မိုက်ခရိုဝပ် ထုတ်လုပ်ပေးနိုင်တာကိုတွေ့ရပါတယ် ။၄၀ မိုက်ခရိုဝပ်ဆိုတဲ့ စွမ်းအင်ဟာ ဖုန်းမျက်နှာပြင်ကို လင်းစေနိုင်လောက်တဲ့ ပမာဏရှိပါတယ် ။

ထို့အပြင် ဒီနည်းပညာကို ဆေးဘက်ဆိုင်ရာဘက်မှာလည်း အသုံးပြုသွားဖို့လုပ်ဆောင်နေပါတယ် ။အူလမ်းကြောင်း တစ်လျောက် မှန်ပြောင်းကြည့်တဲ့အခါ အရင်လို ကြိုးမြိုချစရာလိုတော့မှာမဟုတ်ပဲ ဆေးလုံးလေးမြိုချလိုက်ရုံနဲ့ အစာအိမ်လမ်းကြောင်းတစ်လျောက်ကို ကြည့်ရှုနိုင်တော့မှာပါ ။” အစာအိမ်လမ်းကြောင်းစစ်ဆေးတဲ့ ဘတ္ထရီတပ်ဆင်ထားတဲ့ ကင်မရာဆေးလုံးလေးတွေတော့ရှိပါတယ် ။

ဒါပေမယ့် အထဲမှာ လစ်သီယမ် ဘတ္ထရီထည့်ထားတဲ့အတွက် မတော်တဆပေါက်သွားခဲ့ရင်လူနာသေဆုံးသွားနိုင်ပါတယ် ။အခုတီထွင်ထားတဲ့ဆေးလုံးကတော့ ဘာဘတ္ထရီမှမလိုအပ်တဲ့အတွက် မတော်တဆထခိုက်တာမျိုးလုံးဝမဖြစ်နိုင်ပါဘူး ” လို့ ဒေါက်တာ Grajal ကပြောပြသွားခဲ့ပါတယ် ။

Credit - Daily Hot News

ဟယ်ရီပေါ်တာဇာတ်လမ်းထဲမှ ဗီလိန်ဇာတ်ကောင် လော့ဒ် ဗော်လ်ဒီမော့ အမည်ဖြင့် စာများပို့ကာ ခြိမ်းချောက်ခဲ့သော မြန်မာတစ်ဦးကို စင်ကာပူတရားရုံးမှ ထောင်ချ

စင်ကာပူ၊ ဇန်န၀ါရီ ၃၀

သူ၏ အာမခံလုပ်ငန်းကို ငြင်းပယ်သူများဆီသို့ ဟယ်ရီပေါ်တာဇာတ်လမ်းထဲမှ ဗီလိန်ဇာတ်ကောင် လော့ဒ် ဗော်လ်ဒီမော့ အမည်ဖြင့် စာများပို့ကာ ခြိမ်းချောက်သော မြန်မာတစ်ဦးကို စင်ကာပူတရားရုံးမှ ထောင်ဒဏ်အပြစ်ပေးလိုက်ကြောင်း Channel New Asia သတင်းတစ်ပုဒ်ဝယ် ရေးသားထားသည်။

ထိုသူမှာ စင်ကာပူနိုင်ငံတွင် အမြဲတန်းနေထိုင်ခွင့်ရရှိပြီးဖြစ်သည့် မြန်မာအမျိုးသား ရဲလင်းမြင့်(အသက် ၃၆နှစ်)ဖြစ်ပြီး တရားရုံးမှ ထောင်ဒဏ် ၂နှစ်နှင့် ၅လ အပြစ်ဒဏ်ကို ယမန်နေ့က အပြစ်ချမှတ်လိုက်ခြင်းဖြစ်သည်။ သူသည် စင်ကာပူနိုင်ငံမှ အာမခံလုပ်ငန်းတစ်ခုတွင် အာမခံကိုယ်စားလှယ်အဖြစ် အလုပ်လုပ်ကိုင်ခဲ့သူတစ်ဦးလည်းဖြစ်သည်။ သို့ရာတွင် ယင်းအာမခံလုပ်ငန်းတွင် အလုပ်လုပ်ကိုင်ခြင်းမရှိတော့သူဖြစ်ကြောင်း သိရသည်။

ရဲလင်းမြင့်သည် သူ၏ အာမခံလုပ်ငန်းနှင့် လက်တွဲရန်ငြင်းပယ်ခဲ့သည့် မြန်မာအချို့အပါအ၀င် စုစုပေါင်း လူ၃၃ ဦးထံသို့ စာများပေးပို့ခဲ့ကာ သူ့ဆီသို့ Bitcoin တစ်ခုစီပို့ရန် မှာကြားခဲ့ခြင်းဖြစ်သည်။ Bitcoin တစ်ခုသည် စင်ကာပူဒေါ်လာ ၆၅၀၀ နှင့် ၉၉၀၀ အကြားတန်ဖိုးရှိသည်။

သူသည် ၂၀၁၇ ခုနှစ် ဇူလိုင်လမှစတင်၍ သူ့ဇနီးဖြစ်သူ၏ လက်ပတော့ကိုအသုံးပြုကာ ဆွစ်ဇာလန်အခြေစိုက် အီးမေးလ်ဝန်ဆောင်မှုတစ်ခုတွင် အီးမေးလ်အကောင့်တစ်ခုကို ဖွင့်လှစ်ခဲ့သည်။ အဆိုပါ အီးမေးလ်ဝန်ဆောင်မှုမှာ အသုံးပြုသူထံမှ မည်သည့် ကိုယ်ရေးအချက်အလက်မျှ တောင်းခံခြင်းမရှိသော အီးမေးလ်ဝန်ဆောင်မှုတစ်ခုဖြစ်သည်။

ထို့အပြင် ရဲလင်းမြင့်သည် Bitcoin Wallet တစ်ခုကိုပါ Lord Voldermort ဆိုသည့် အမည်ဖြင့်ဖွင့်ခဲ့သည်။ ယင်းမှာ ဟယ်ရီပေါ်တာ ဇာတ်လမ်းတွဲများမှ ဗီလိန်ဇာတ်ကောင် လော့ဒ် ဗော်လ်ဒီမော့(Lord. Voldemort)အမည်ကိုယူထားခြင်းဖြစ်ပြီး စာလုံးပေါင်းမှာမူ မှားနေသေးသည်။

သူပို့သော စာများတွင် “ခင်ဗျားရဲ့ ဘ၀ပျက်သွားအောင်နဲ့ မြန်မာအသိုင်းအ၀ိုင်းမှာ အရှက်ကွဲသွားအောင် ကျုပ်လုပ်နိုင်တယ်။ အလုပ်ပါပြုတ်သွားအောင်လဲ ကျုပ်လုပ်နိုင်တယ်။ တကယ်လို့ ကျုပ်အနေနဲ့ လုပ်ချင်သပဆိုရင် ခင်ဗျားမိဘတွေရော ခင်ဗျားမိန်းမရော ခင်ဗျားကိုရော ရုပ်ပိုင်းဆိုင်ရာကိုပါ ထိခိုင်အောင် လုပ်နိုင်တယ်”ဟူ၍လည်းကောင်း၊ “လွန်ခဲ့တဲ့ လအနည်းငယ်လောက်ကတည်းက ခင်ဗျားရော ခင်ဗျားမိန်းကိုပါ ကျုပ်က စောင့်ကြည့်ခဲ့ပြီးပြီ။ ခင်ဗျားမိသားစုအကြောင်း ကျုပ်အကုန်သိပြီးသား။ ခင်ဗျားဘယ်မှာနေတယ် ဘာလုပ်တယ်ဆိုတာကိုလဲ ကျုပ်သိတယ်”အစရှိသည့် ခြိမ်းချောက်သည့် စာသားများပါဝင်ကြောင်း ရဲတပ်ဖွဲ့ကပြောသည်။

သိုရာတွင် သူ၏ စာများကို လက်ခံရရှိသူတစ်ဦးကမျှ Bitcoinများပြန်ပို့ကြခြင်းမရှိပဲ ရဲဆီသို့သာ တိုင်တန်းကြသဖြင့် ယခုကဲ့သို့ အရေးယူအပြစ်ပေးခံရခြင်းဖြစ်သည်။

PN
ref: Insurance agent who posed as 'Lord Voldermort' jailed after demanding Bitcoin from clients

Credit - Popular News Journal

ခြေထောက်ကျိုးသွားခဲ့ပေမယ့်လဲ မာရသွန်ပြိုင်ပွဲမှာ တွားသွားပြီးဆက်ပြိုင်ခဲ့သူ

ဂျပန်နိုင်ငံမှာ ကျင်းပတဲ့ လက်ဆင့်ကမ်း မာရသွန်ပြိုင်ပွဲတစ်ခုမှာ အသက်(၁၉)နှစ်အရွယ် အမျိုးသမီးငယ်တစ်ဦးဟာ မတော်တဆ ပြိုင်ပွဲဝင်တစ်ဦးရဲ့ ဆောင့်တိုက်မှုကို ခံခဲ့ရပြီး လမ်းဘေးမှာ ခြေပစ်လက်ပစ် လဲကျသွားပါတယ်။ သူမဟာ ခြေထောက် အစိမ်းကျိုးတဲ့ဒဏ်ရာကို ရရှိသွားပေမယ့် သူမဟာ ပြိုင်ပွဲကို အရှုံးမပေးဘဲ ဆက်ပြီးပြိုင်ခဲ့တာပါ။

ခြေထောက် ကျိုးသွားတဲ့အတွက် သူမဟာ ဒူးထောက်တွားသွားပြီး သူမ လက်ဆင့်ကမ်းမှာကို စောင့်နေတဲ့ အသင်းဖော်ရှိရာကို မရောက်ရောက်အောင် သွားခဲ့တာပါ။ သူမရဲ့ အနိုင်မခံအရှုံးမပေးစိတ်ဓာတ်၊ သူမရဲ့ ဇွဲလုံ့လဝိရိယရှိမှု၊ သူမရဲ့ အနာခံပြီး အားကစားစိတ်ဓာတ်ပြည့်ဝစွာနဲ့ သတ္တိရှိမှုတွေဟာ အားလုံးအတွက် စံထားစရာပါ။

ကောင်မလေးရဲ့နာမည်ကတော့ Ida Rei ဖြစ်ပြီး သူမဟာ မီတာ(၂၅၀)အဝေးမှာရှိနေတဲ့ Checkpoint ဆီကို ဒူးထောက်ပြီး တွားသွားနေတာကို မာရသွန်အစီအစဉ် တိုက်ရိုက်ပြနေတဲ့ တီဗွီချန်နယ်ကလည်း ဦးစားပေးပြသခဲ့ပြီး၊ Ida ရဲ့ ဒူးမှာ ပြင်းထန်တဲ့ ပွန်းပဲ့ဒဏ်ရာကြောင့် သွေးတွေစို့နေ့တာကိုပင် စိတ်မကောင်းစွာ မြင်တွေ့ရပါတယ်။

နောက်ဆုံးတော့ လက်ဆင့်ကမ်းယူမယ့် အသင်းဖော်စောင့်နေတဲ့ Checkpoint ဆီကို ရောက်သွားခဲ့ပြီး ပရိသတ်ရဲ့ ကောင်းချီးသြဘာသံဟာ ဆူညံပွက်လောရိုက်သွားပါတော့တယ်။ Ida ဟာ အခုလို တိုကျိုအခြေစိုက် Iwatani Industrial က ကြီးမှူးကျင်းပတဲ့မာရသွန်ပွဲကြီးမှာ သူမ မူယာမာယာအပြည်နဲ့ ဟန်ဆောင်နေတာမဟုတ်ပါဘူး။

Ida ရဲ့ ဆေးစစ်ချက်အဖြေက ညာဘက်ညို့သကျီးရိုး သွင်သွင်ကျိုးသွားလို့ သုံးလတောင် အနားယူရတော့မှာ ဖြစ်ပါတယ်။ ဂျပန်ဒေသခံသတင်းစာတွေကတော့ ချန်ပီယံဖြစ်သွားတဲ့ အသင်းထက်၊ Ida ရဲ့ လှေခွက်ချည်းကျန် အလံမလဲ-ကြိုးစားအားထုတ်မှုအပြည့်နဲ့စိတ်ဓာတ်ကို ဇောင်းပေးပြီး ချီးကျူးရေးသားခဲ့ပါတယ်။

Credit - Kyautthinpone

အဝေးသင်ပညာရေးစနစ် ပြောင်းလဲရာ၌ ဆရာနှင့် ကျောင်းသားများ လက်တွေ့ကြုံနေရသူများ၏ လိုလားချက်များ ထည့်သွင်းပေးစေလို

Thursday, January 31, 2019

အဝေးသင်တက္ကသိုလ်ပညာရေးစနစ် ပြုပြင်ပြောင်းလဲရာတွင် သင်ကြားပေးနေသည့် ဆရာဆရာမများနှင့် ကျောင်းသား ကျောင်းသူများ ၏ လိုလားချက်များကို ထည့်သွင်းစဉ်းစားပေး စေလိုကြောင်း တက္ကသိုလ်မှ ဆရာဆရာမများက ပြောဆိုကြသည်။

ဝေဖန်မှုထွက်ပေါ်

"အခုအဝေးသင်ကျောင်းတက်ခိုင်းတာကို ပြောင်းလဲတဲ့စနစ်အောက်ခြေက အသံမပါဝင်တဲ့ အပေါ်က ဆုံးဖြတ်ချက်တွေ ကြောင့် ပြောင်းလဲလိုက်တဲ့ အဝေးသင်ပညာရေးစနစ်အပေါ် ဝေဖန်မှုတွေ ထွက်ပေါ်လာတာပါ" ဟု ဒဂုံတက္ကသိုလ်စိတ်ပညာ ဌာနမှ ကထိက ဒေါက်တာဝင်းပပထွန်းက ပြောဆိုသည်။

အဝေးသင်ဝိဇ္ဇာဘာသာရပ် အထူးပြုကျောင်းသားများကို အနီးကပ်သင်တန်း နှစ်ကြိမ်ခွဲတက်ရန် ပညာရေးဝန်ကြီးဌာနမှ ၂၀၁၉ ခုနှစ် ဇန်နဝါရီလဆန်းပိုင်းက ထုတ်ပြန်ခဲ့ခြင်းကြောင့် အဝေးသင်ကျောင်းသားကျောင်းသူများက ဇန်နဝါရီ တတိယ ပတ်တွင် ဖဲကြိုးနီလှုပ်ရှားမှုပြုလုပ်ကန့်ကွက်ခဲ့သည်။်

"ပြောင်းလဲလိုက်တဲ့ အဝေးသင်စနစ်သစ်ဟာ ဆရာဆရာမ အတွက်ရော၊ ကျောင်းသား ကျောင်းသူတွေအတွက်ပါ အခက် အခဲတွေရှိစေတယ်။ အလုပ်လုပ်ရင်း ကျောင်းတက်နေ ရတာ ကျောင်းသားတွေက အခုပြောင်းလိုက်ရင် အလုပ်ရှင်နဲ့ ပညာရေး ကြားမှာ အခက်အခဲတွေဖြစ်လာမယ်။ ပိုက်ဆံလည်း ပိုကုန် မယ်။ နယ်ပြန်ပြီး တက်ရသူတွေ အခက်အခဲတော်တော်ဖြစ် မယ်" ဟု အခြေခံနှင့် အဆင့်မြင့်ပညာရေးဆိုင်ရာ ပူးပေါင်း ဆောင်ရွက်ရေးကော်မတီဝင် ဆရာဦးလှမျိုးက ပြောဆိုသည်။

လုပ်ငန်းခွင်မှဝန်ထမ်းများ နယ်မှလာ၍ အဝေးသင်တက္ကသိုလ် တက်ရောက်မည့်သူများ အနီးကပ်ဆယ်ရက်ကို နှစ်ကြိမ်ခွဲ တက်ရန်မှာ အခက်အခဲများစွာဖြစ်နေကြောင်း သိရသည်။

ခွဲမတက်ချင်

"ဆယ်ရက် တစ်ကြိမ်ပဲ တက်တုန်းကတောင် အလုပ်ကနေ မနည်းခွင့်ယူရတာ၊ အခုက ငါးရက်နှစ်ခါဆိုရင် ဘယ်လိုပြော ရမလဲ၊ ခွင့်ယူဖို့ ခက်ခဲတယ်။ ပြီးတော့ နယ်ပြန်ကျောင်းတက်ရ တာ နှစ်ခါပြန်ရင် စရိတ်က နှစ်ခါကုန်မယ်။ငါးရက်နှစ်ခါတော့ ခွဲမတက်ချင်ဘူး" ဟု အဝေးသင်ကျောင်းသား ကိုကောင်းခန့် ပိုင်က ပြောဆိုသည်။ ,

အဝေးသင် ဝိဇ္ဇာဘာသာရပ် အထူးပြု ကျောင်းသားများကို ယခင်က ဆယ်ရက် အနီး ကပ်သင်တန်းတစ်ကြိမ် ခေါ်ယူခဲ့ရာ လက်ရှိပြောင်းလဲလိုက်သည့်စနစ်တွင် မေလတစ်ကြိမ်၊ အောက်တိုဘာ၊ နိုဝင်ဘာလတို့တွင် တစ်ကြိမ်နှင့် နှစ်ကြိမ်ခွဲ တက်ရောက်ရမည်ဖြစ်သည်။

Credit - The Myanmar Times

"အခြေခံဥပဒေ စနစ်တကျပြင်ဆင်ရန်လို" ဟု တပ်ချုပ်ပြော

Thursday, January 31, 2019

၂၀၀၈ ဖွဲ့စည်းပုံ အခြေခံဥပဒေပြင်ဆင်ရာတွင် စနစ်တကျပြင်ရန်လိုအပ်ကြောင်းတပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်ကပြောသည်။

''ပြင်ဖို့သဘောတူပြီးသား။ အခြေခံဥပဒေမပြင်ဘူးလို့ တခါမှမပြောခဲ့ဖူးဘူးဟိုးနှစ်ပေါင်းများစွာကတည်းကပြောခဲ့တယ်။ပထမအကြိမ်အစိုးရကတည်းကပြောခဲ့တယ်။သို့သော်စနစ်တကျပြင်ဖို့တော့လိုတယ်။ပြင်သင့်ပြင်ထိုက်တဲ့အချိန်မှာပြင်ဖို့ရှိပါတယ်'' ဟု ဗိုလ်ချုပ်မှူးကြီးမင်းအောင်လှိုင်ကပြောသည်။

ယနေ့ မိတ္ထီလာလွင်ပြင်တွင် ကျင်းပပြုလုပ်သည့် တပ်မတော် ကြည်း လေ ပူးပေါင်းလေ့ကျင့်ရေးအပြီးတွင် သတင်းမီဒီယာများ၏မေးမြန်းမှုအပေါ် အထက်ပါအတိုင်းပြန်လည်ဖြေကြားခဲ့ခြင်းဖြစ်သည်။

မကွေးတိုင်းဒေကြီးမဲဆန္ဒနယ်အမှတ် ၄ မှ ပြည်ထောင်စုလွှတ်တော်ကိုယ်စားလှယ် ဦးအောင်ကြည်ညွှန့်တင်သွင်းသည့် ၂၀၀၈ ခုနှစ် ဖွဲ့စည်းပုံ အခြေခံဥပဒေပြင်ဆင်ရေးလုပ်ငန်းများ ဆောင်ရွက်ရန်အတွက် ပူးပေါင်းကော်မတီတစ်ရပ်ဖွဲ့စည်းမည့် အရေးကြီးအဆိုအား လက်ခံဆွေးနွေးရန် ဇန်နဝါရီလ ၂၉ ရက်နေ့က ကျင်းပပြုလုပ်သည့် ပြည်ထောင်စုလွှတ်တော်အစည်းအဝေးမှအတည်ပြုလိုက်ခြင်းဖြစ်သည်။

ထိုသို့ အတည်ပြုလိုက်သည့် အပေါ် လုပ်ထုံးလုပ်နည်းလွဲမှားနေသည့် အတွက် တပ်မတော်သားလွှတ်တော်သားလွှတ်တော်ကိုယ်စားလှယ်များနှင့် အတူ မင်းကင်းမဲဆန္ဒနယ်မှ ပြည်သူ့လွှတ်တော်ကိုစားလှယ် ဦမောင်မြင့်မှလည်း မတ်တပ်ရပ်ကန့်ကွက်ခဲ့သည်။

Credit - The Fifth Wave News

"ရှက်တတ်တဲ့ ပင်စင်စားများ”

ရန်ကုန်မှာ တက္ကစီ စီးတယ်။ အသက်ကြီးကြီး ကားမောင်းသမားနဲ့ တွေ့တယ်။ သူဝတ်တာ စားတာက တက္ကစီ ဒရိုင်ဘာပုံစံမျိုး မဟုတ်ဘဲ ရုံးအုပ်ကြီး ရုံးစာရေးကြီး ပုံစံမျိုး။ သန့်သန့်ပြန့်ပြန့် ရှိတယ်။

တက္ကစီအတူစီးတဲ့ ကျနော့်အသိက ရန်ကုန်အိမ်ခြံမြေအကျိုးဆောင်။ ကားပေါ်မှာ သူ့လုပ်ငန်းတွေနဲ့ ပတ်သက်ပြီး ဖုန်းဆက်နေ ဖုန်းပြောနေတာက မနောရဲ့ ဗိုလ်အောင်ဒင် သီချင်းလို အဆက်မပြတ်။

အိမ်ခြံမြေ အရောင်းအဝယ် မကောင်းတာတွေ။ ရောင်း ဝယ် အခွန်ဆောင်ရတာတွေ။ ရန်ကုန်တိုင်းအစိုးရရဲ့ တန်ဘိုးသင့်/နည်း အိမ်ယာအကြောင်း၊ ရန်ကုန်တိုင်းအစိုးရက ကျူးကျော်တွေကို Smart Card တွေ ထုတ်ပေးတဲ့ အကြောင်းတွေပါတယ်။

ခဏ စကားပြောရပ်တဲ့ အချိန်မှာ တက္ကစီဒရိုင်ဘာကြီးက ပြောတယ်။

"ကျူးကျော်တွေကို smart card ထုတ်ပေးတာလား”

”ဟုတ်တယ်” (ကျနော့် မိတ်ဆွေက ဖြေတယ်။)

”ဦးက .... ဌာနက ရုံးအုပ်ကြီးပင်စင်စားပါ။ ခုပင်စင်ယူပြီး စား ဝတ် နေရေး အတွက် တက္ကစီ မောင်းနေတာ”

"ဦးမှာ သား သမီးတွေ မရှိဘူးလား”

"ရှိပါတယ်။ သူတို့လည်း သူ့တို့မိသားစုနဲ့ မပြည့်စုံတော့ ဦးတို့ကို ဘယ်ထောက်ပံ့နိုင်မလဲ”

"ဦးတို့ လင်မယား ၂ ယောက်ထဲ ပင်စင်ရယ်၊ တက္ကစီမောင်းတာနဲ့ စားရ၊ အိမ်ဌားခ ပေးရတာ”

"ဟင်...ဦးလေးက ပင်စင်စားပြီးတာတောင် အိမ်ပိုင် မရှိဘူးလား”

"မရှိပါဘူး။ မဝယ်နိုင်ပါဘူးကွာ”

"အစိုးရက ရောင်းပေးတဲ့ တန်ဖိုးနည်းဆိုလား တန်ဘိုးသင့်ဆိုလား တိုက်ခန်း မလျှောက်ဘူးလား။ မဝယ်ဘူးလား”

"မလျှောက်ပါဘူး။ မဝယ်နိုင်ပါဘူး။ လက်ငင်းပေးရမယ့် ၃၀% ငွေလည်းမရှိပါဘူး။ လစဉ်ပေးရမယ့် ၃သိန်းကလည်း ဘယ်သွားရှာရမလဲ။ မဝယ်နိုင်ပါဘူးကွာ”

ကျနော်ဘာပြန်ပြောရမယ်မသိ။ စိတ်သက်သာရာ သက်သာငြား ပြောလိုက်တယ်။

"ရန်ကုန်အစိုးရက ကျူးကျော်တွေ နေဘို့ smart card ထုတ်ပေးတယ်ဆို။ ဦးလေးတို့ ကျူးကျော် သွားလုပ်ပစ်ဗျာ”

"ဦး...အဲတာပြောချင်နေတာ။ ကျူးကျော်လုပ်ရဲဘို့က ကျူးကျော်လုပ်သူတွေက မိုက်ရဲ မရှက်မှ ကျူးကျော်လုပ်ကြတာများတယ်။ ဦးတို့လို ရုံးဝန်ထမ်း ရှက်တတ်၊ ကြောက်တတ်တဲ့ သူတွေ ဘယ်ကျူးကျော် လုပ်ရဲမှာလဲ။ ရန်ကုန်တိုင်း အစိုးရအနေနဲ့ ဦးတို့လို လူတန်းစားတွေရှိတယ်ဆိုတာ သိစေချင်တယ်”

"ဦးက ဦးတို့အတွက် ဘယ်လို ဖြစ်စေချင်လဲ”

"အစိုးရ အနေနဲ့ ဦးတို့လို တိုက်ခန်း အိမ်မဝယ်နိုင်တဲ့သူတွေ အတွက် ဈေးအသင့်အတင့်နဲ့ တိုက်ခန်းတွေ ငှါးပေးနိုင်ရင် ကောင်းမယ်။ အဆင်ပြေမယ်”

ကျနော့် အသိ အိမ်ခြံမြေအကျိုးဆောင်ကို ဘယ်လိုလဲလို့ မေးကြည့်တော့ "အစိုးရလည်း သူ့အခက်အခဲ နဲ့ သူရှိနေလို့ဖြစ်မှာပေါ့” ဆိုတဲ့ ကြားနေကျ စကား ပြန်ပြောတယ်။

တက္ကစီဒရိုင်ဘာ ဦးလေးကြီးက စကားဆက်တယ်။

"ဦးတို့ လင်မယား အိမ်ဌားနေတဲ့ အိမ်ရှင် အကြောင်းပြောရင် မင်းတို့ အံ့သြမယ်”

"ပြောပါ ဦးလေး။ ဘာလို့တုန်း”

"ဦးတို့ လင်မယားက အိမ်ရှင်ရဲ့ အပိုင်းကန့်ထားထားတဲ့ အခန်းလေးငှါးနေတာ။
အိမ်ရှင်က သူတောင်းစားတွေ”

"ဗျာ”

"ဟုတ်တယ် ငါ့တူ။ သူတို့မိသားစုတစ်စုလုံး မနက်ဆို အားလုံးထွက်ပြီး ရန်ကုန်အနှံ့ထွက်ပြီးတောင်းကြတယ်။ ညဘက်ပြန်ရောက်ရင် တောင်းရတဲ့ငွေတွေ စုပြီး ရေကြ တွက်ကြတယ်။ ခု ဦးတို့ကို အခန်းကန့် ငှါးထားတဲ့ အိမ်က သူတို့ပိုင်တဲ့အိမ်။ ရွှေတွဲလွဲ၊ ငွေတွဲလွဲနဲ့”

ကျနော့်ရင်ထဲ မကောင်း။ သူကဆက်ပြောတယ်

"အဲလို တောင်းရဲဘို့ သူတောင်းစားလုပ်ရဲဘို့ကလည်း မလွယ်ဘူးလေ။ မရှက်မှရတာ။ ဦးတို့လို ရှက်တတ်တဲ့ စီးပွားရေးအဆင်မပြေတဲ့ ပင်စင်စားတွေရှိတယ်ဆိုတာ အစိုးရ သိစေချင်တယ်”

ကျနော့် ရင်ထဲဝင်လာတဲ့စကားက
'ရှက်တတ်တဲ့ ပင်စင်စား'။

Credit - Aye Lin(နတ်မောက်သား)

"ဖြစ်တည်မှု အကျပ်အတည်း ခြေခြေမြစ်မြစ်လက်တွေ့ပဓာနဝါဒ နှင့် ဒွိစုံထင်ယောင်ထင်မှားမှု"

The Voice Weekly ဂျာနယ်ပါ ဆောင်းပါး
.
"ဖြစ်တည်မှု အကျပ်အတည်း ခြေခြေမြစ်မြစ်လက်တွေ့ပဓာနဝါဒ နှင့် ဒွိစုံထင်ယောင်ထင်မှားမှု"
▪️=========================▪️
.
◼️ဖြစ်တည်မှု အကျပ်အတည်း
.
‘ယူတိုပီယာ’ (Utopia) နှင့် စိတ်ကူးမြင်ကွင်း (Vision) မတူပေ။ ယူတိုပီးယားကို ‘မရှိသောနေရာ’ ဟု ဘာသာပြန်နိုင်သည်။ မရှိသောနေရာကို စိတ်ကူးယဉ်၍ အိပ်မက်မက်ခြင်းဖြစ်သည်။ ဗစ်ရှင် (စိတ်ကူးမြင်ကွင်း) ကမူ ဖြစ်နိုင်ခြေကို အခြေခံရမည်။ အမှန်တကယ်လည်း ဖြစ်နိုင်ရမည်။ ‘အနာဂတ်အမြင်’ ဟုလည်း ဘာသာပြန်နိုင်သည်။ နိုင်ငံတစ်နိုင်ငံတွင် မတူသောအင်အားစုအသီးသီးရှိပြီး ၎င်းတို့၏ ‘စိတ်ကူးမြင်ကွင်းများ’ လည်း မတူကြလျှင် ‘ရှုပ်ထွေးမှုတွေ’ (Complexity) ရှိလာသည်။ ဤရှုပ်ထွေးမှုများကပင် သက်ဆိုင်ရာ နိုင်ငံ၏ ‘ဖြစ်တည်မှုအကျပ်အတည်း’ (Existential Crisis) ကို မွေးထုတ်သည်။
.
မြန်မာနိုင်ငံ၏ ‘ဖြစ်တည်မှုအကျပ်အတည်း’ မှာ ယခုလိုဖြစ်သည်။ (၁) စစ်ဘက်အာဏာပိုင်စနစ်ကို ရွေးလိုသူတွေရှိသည်။ (၂) အရပ်သား အစိုးရစစ်စစ်ကို ရွေးလိုသူတွေရှိသည်။ (၃) စစ်ဘက်အရပ်ဘက် ပူးတွဲသွားသည့်အုပ်ချုပ်ရေးပုံစံကို ရွေးလိုသူတွေရှိသည်။ ၂၀၀၈ အခြေခံဥပဒေနှင့် ၂၀၁၀၊ ၂၀၁၂ ရွေးကောက်ပွဲများကို ဖြတ်သန်းပြီးသောအခါ မတူသောအင်အားစုများညှိနှိုင်းပြီး (၁) နှင့် (၂) ကို ပယ်ကာ၊ (၃) ကို ရွေးလိုက်ကြသည်။ ဤတွင် နောက်ထပ် ‘ဖြစ်တည်မှုအကျပ်အတည်း’ သစ်တစ်ခု ပေါ်လာသည်။ (၁) စစ်ဘက်၊ အရပ်ဘက် ပူးတွဲအုပ်ချုပ်ရေးပုံစံကို ဆက်လက်ထိန်းသိမ်းလိုသူတွေ (၂) အရပ်သားအစိုးရစစ်စစ်ကို ရွေးလိုသူတွေနှင့် (၃) ပြည်တွင်းစစ်ရပ်စဲရေးအတွက် ဖက်ဒရယ်နိုင်ငံရေးစနစ်ကို အသုံးပြုလိုသူတွေ ရှိလာသည်။ နံပါတ် (၃) တွင် ယခုလိုထပ်ကွဲသည်။ လက်ရှိအစိုးရနှင့် တပ်မတော်က ‘ဒီမိုကရေစီ ဖက်ဒရယ်ပြည်ထောင်စု’ ကို သွားလိုသည်။ တိုင်းရင်းသားလက်နက်ကိုင်အင်အားစုများက ‘ဖက်ဒရယ်ဒီမိုကရေစီ ပြည်ထောင်စု’ ကို သွားလိုသည်။
.
ဤမူကွဲနှစ်ခုမှာ စကားလုံးသက်သက်မဟုတ်။ အခြေခံကျကျ ကွဲလွဲခြင်းဖြစ်သည်။ ‘ဒီမိုကရေစီဖက်ဒရယ်ပြည်ထောင်စု’ ဆိုသည်က ‘တစ်ဦးချင်းအခွင့်အရေး’ (Individual Right) ကို ဦးစားပေးလိုသည်။ ‘လူတစ်ကိုယ် မဲတစ်မဲ’ စနစ်နှင့် ရွေးချယ်သော ‘ပြည်သူ့လွှတ်တော်’ ကို အဓိကထားလိုသည်။ ‘ဖက်ဒရယ်ဒီမိုကရေစီပြည်ထောင်စု’ ဆိုသည်ကမူ ‘အုပ်စုအခွင့်အရေး’ (Group Right) ကို ဦးစားပေးလိုသည်။ ပြည်နယ်တိုင်းမှ တူညီသော ကိုယ်စားလှယ်အရေအတွက်နှင့် ရွေးချယ်သော ‘အမျိုးသားလွှတ်တော်’ (ယခင် – လူမျိုးစုလွှတ်တော်) ကို အဓိကထားလိုသည်။ ယနေ့ ငြိမ်းချမ်းရေးဖြစ်စဉ်၏ အဓိက ‘ဖြစ်တည်မှုအကျပ်အတည်း’ မှာ ‘ဒီမိုကရေစီဖက်ဒရယ်ပြည်ထောင်စု’ နှင့် ‘ဖက်ဒရယ် ဒီမိုကရေစီပြည်ထောင်စု’ ကြားဖြစ်သည်။ ဤနှစ်ခုကြား ညှိနှိုင်းဖို့လိုသည်။ တည်ဆဲအစိုးရ (NLD) အစိုးရ) ၏ ပေါ်လစီမှာ ဤနှစ်ခုကို အရင်ညှိပြီးမှ အရပ်သားအစိုးရစစ်စစ် ဖော်ထုတ်ဖို့ဖြစ်ဟန်တူသည်။
.
◼️ခြေခြေမြစ်မြစ် လက်တွေ့ပဓာနဝါဒ
.
တည်ဆဲ NLD အစိုးရ၏ပေါ်လစီမှာ အရပ်သားအစိုးရစစ်စစ် ထူထောင်ဖို့ ဖြစ်ပါလိမ့်မည်။ ဤတွင် စစ်ဘက်အာဏာပိုင်စနစ်နှင့် သွားလိုသူများနှင့် ညှိကြနှိုင်းကြရမည်ဖြစ်ရာ ‘အရပ်ဘက်၊ စစ်ဘက်ဆက်ဆံရေး’ ဟုဆိုနိုင်သည်။ သို့တိုင် NLD ပါတီအနေနှင့် ဤပြဿနာကို အလျင်စလို ကိုင်တွယ်ဖို့ မကြိုးစား။ မြန်မာ့စစ်ဘက်အာဏာပိုင်စနစ်၏ ရေခံမြေခံ၊ ပြည်တွင်းစစ်ကို အရင်ရှင်းဖို့ကြိုးစားသည်။ ဤအထိ NLD ပါတီ၏ ပေါ်လစီမှာ ယေဘုယျအားဖြင့် မှန်သည်ဟု ယူဆရပါသည်။ သို့တစေ ယခုကျင်းပပြီးစီးသော ၂၁ ရာစုပင်လုံဒုတိယအစည်းအဝေးတွင် NLD ကိုင်ဆွဲခဲ့သော ပုံသဏ္ဌာန်မှာ ဖက်ဒရယ်မူပိုင်းဆိုင်ရာများကို ညှိနှိုင်းအရယူရေးဖြစ်နေရာ လက်တွေ့အလုပ်ဖြစ်နိုင် မဖြစ်နိုင် စဉ်းစားကြဖို့လိုမည်ထင်သည်။
.
‘ဒီမိုကရေစီဖက်ဒရယ်ပြည်ထောင်စု’ နှင့် ‘ဖက်ဒရယ်ဒီမိုကရေစီ ပြည်ထောင်စု’ ဆိုသော ‘ဖြစ်တည်မှုအကျပ်အတည်း’ ကရှိနေရာ တစ်ချိန်မဟုတ် တစ်ချိန်တွင် အထစ်အငေါ့ရှိလာနိုင်ပါသည်။ အခြေခံမူအားလုံး ညှိနှိုင်းလို့ရပြီထား။ ထိုအခြေခံမူများနှင့် ဆက်စပ်နေသော ပုဒ်မများကို ဖော်ထုတ်ရန်မှာ နောက်တစ်ကြိမ်အချိန်ယူဆွေးနွေးရမည့်သဘောရှိသည်။ သို့အတွက် အခြေခံမူများမှ မစတင်ဘဲ လွယ်သောပုဒ်မများကို အရင်ပြင်ကာ ခက်သောပုဒ်မများကို အချိန်ယူညှိနှိုင်းသည်က ပို၍အဆင်ပြေလေမည်လား။ စဉ်းစားဖို့လိုပါလိမ့်မည်။ ဤသို့ဆိုလျှင် ငြိမ်းချမ်းရေးဆွေးနွေးပွဲများနှင့် အခြေခံဥပဒေပြင်ဆင်ရေးကြားတွင် ချောက်ကမ်းပါးကြီးခြားတော့မည်မဟုတ်ပါ။ NCA စာချုပ်မှတစ်ဆင့်လည်း အခြေခံဥပဒေကို ပြင်ဆင်ပြောင်းလဲနိုင်ကြောင်း လူထုကြားတွင် အသိတစ်ခုရသွားပြီး NLD ၏ နိုင်ငံရေးဩဇာလည်း တက်လာနိုင်ပါသည်။
.
ဤသို့သောနည်းနာမျိုးကို နယူးယော့ခ်တိုင်းမ်ဂျာနယ်လစ် တောမတ်ဖရီးမင်း (ကမ္ဘာပြားပြီရေးသူ) က ‘ခြေခြေမြစ်မြစ် လက်တွေ့ပဓာနဝါဒ’ (Radical Pragmatisim) ဟု အမည်ပေးသည်။ (ကွယ်လွန်သူ ဆရာကြီး မောင်စူးစမ်းကမူ ‘အမြစ်မြေလှန် လက်တွေ့ပဓာနဝါဒ’ ဟု ဘာသာပြန်ပေးသည်။ မြန်မာ့နိုင်ငံရေးတွင် ခေတ်စားနေသော ‘ရယ်ဒီကယ်’ သမားများနှင့် ကွဲလွဲစေရန် ‘ခြေခြေမြစ်မြစ် လက်တွေ့ပဓာနဝါဒ’ ဟု ဘာသာပြန်လိုက်ပါသည်။) ‘ခြေခြေမြစ်မြစ်’ လည်း ဖြစ်ရမည်။ လက်တွေ့လည်း ကျရမည်ဆိုသော သဘောကိုညွှန်းပါသည်။ ဆိုလိုသည်မှာ ညှိနှိုင်းဖို့ခက်ခဲနိုင်သော ပုဒ်မများနှင့် DDR, SSR တို့ကို အချိန်ယူညှိနှိုင်းပြီး လွယ်ကူသောပုဒ်မများမှ စတင်ဖို့ဖြစ်ပါသည်။
.
◼️ဒွိစုံထင်ယောင်ထင်မှားမှု
.
ဤနေရာတွင် ‘ဒွိစုံထင်ယောင်ထင်မှားမှု’ (Binary Illusion) ၏ အန္တရာယ်ကိုတော့ သတိပြုဖို့လိုပါလိမ့်မည်။ ‘ဒွိစုံထင်ယောင်ထင်မှားမှု’ ဆိုသည်မှာ မည်သည့်ကိစ္စမဆို ‘အဖြူမဟုတ်ရင် အမည်း’၊ ‘အမှန်မဟုတ်ရင် အမှား’၊ Either – or စသည့် မျက်နှာစာနှစ်ဖက် ဆန့်ကျင်ထားပြီး ကောက်ချက်ဆွဲခြင်းကို ညွှန်းသည်။၂၁ ရာစုတွင် မည်သည့်အရာမှ အနက်အဓိပ္ပာယ်တစ်ခုတည်းမရှိတော့ရာ ‘လူထု’ ဆိုသည်မှာပင် အဓိပ္ပာယ်တွေ အစိတ်စိတ်အမြွှာမြွှာ ကွဲထွက်ကုန်သည်။
.
ဤသို့သော ‘ဒွိစုံထင်ယောင်ထင်မှားမှု’ စွဲကပ်နေသူသည် ကြားအရောင်းတွေကို မမြင်၊ မသိ။ အဖြူနှင့် အမည်းပဲ စဉ်းစားတတ်ပုံ ရှိသည်။ ‘စစ်အစိုးရကို ထောက်ခံမှာလား၊ စစ်အစိုးရဆန့်ကျင်ရေးကို ထောက်ခံမှာလား။ နှစ်မျိုးပဲတွေးတတ်သည်။ ကြားထဲတွင် အမြင်အမျိုးမျိုးရှိနိုင်သည်ကို ခွင့်ပြုလိုဟန်မရှိပေ။ မြန်မာနိုင်ငံလို ဘက်ပေါင်းစုံ အဆက်ပြတ်နေသော နိုင်ငံမျိုးတွင် အဆိုပါရောဂါ စွဲကပ်နေသူတွေ အတော်များသည်။
.
သူတို့က လက်တွေ့ဖြစ်နိုင်တာ၊ မဖြစ်နိုင်တာ အပထား၊ စိတ်ကြိုက်နှုန်းစံတွေကို ကိုင်ဆွဲသည်။ (ဥပမာ – အရပ်သားစစ်စစ် အစိုးရ အဆိုပါနှုန်းစံအတွက် တိုက်ပွဲဝင်ဖို့ဆော်ဩသည်။ လက်တွေ့မဖြစ်နိုင်သေး၍ ‘ချို’ ထားရသည်များကို ‘သစ္စာပေါက်’ ဟု စွဲချက်တင်သည်။ ပရိသတ်ကလည်း လက်ခုပ်တဖြောင်းဖြောင်းတီး၍ အားပေးသည်။ လက်ခုပ်သံရသော်လည်း အဖြေတော့ ရမည်မထင်ပေ။
.
.
ကျော်ဝင်း
၁၆ ဇန်နဝါရီ ၂၀၁၈

Credit - Kyaw Win

ဖားကန့် တွင် ယန္တရားကြီးများ အသုံးပြု၍ ကျောက်မျက် ခိုးတူးနေသည့် လစ်လပ်လုပ်ကွက်ပေါင်း ရာချီရှိနေ

ဖားကန့်ဒေသတွင် လုံခြုံရေးယူနေသည့် တပ်မကြီးတစ်ခုနှင့် ရဲတပ်ရင်း သုံးရင်း ရှိသော်လည်း ယန္တရားကြီးများ အသုံးပြု၍ ကျောက်မျက် ခိုးတူးနေသည့် လစ်လပ်လုပ်ကွက်ပေါင်း ရာချီရှိနေကြောင်း ဖားကန့်မဲဆန္ဒနယ် ကိုယ်စားလှယ် ဦးတင်စိုးက ဇန်န၀ါရီ ၂၉ ရက်တွင် ပြောကြားလိုက်သည်။

မြန်မာ့ကျောက်မျက်ရတနာ ဥပဒေကြမ်းနှင့်ပတ်သက်၍ ပြည်ထောင်စုလွှတ်တော်တွင် ဆွေးနွေးစဉ် ဦးတင်စိုးက အကြံပြုဆွေးနွေးစဉ် တာဝန်ရှိသူများအနေဖြင့် သိရှိနိုင်ရန် ထည့်သွင်း ပြောကြားခဲ့ခြင်းဖြစ်သည်။

မြန်မာ့ကျောက်မျက်ရတနာ ဥပဒေကြမ်းနှင့်ပတ်သက်၍ ဦးတင်စိုးက အကြံပြုဆွေးနွေးစဉ် တာဝန်ရှိသူများအနေဖြင့် သိရှိနိုင်ရန် ထည့်သွင်းပြောကြားခဲ့ခြင်း ဖြစ်သည်။

“လစ်လပ်လုပ်ကွက်နဲ့ပတ်သက်ပြီး ဆွေးနွေးရခြင်းရဲ့ အဓိက အကြောင်း အချင်းအရာက ဖားကန့်ဒေသမှာ လက်ရှိမြေပြင်မှာ ဖြစ်တည်နေတဲ့ အကြောင်းအချင်း အရာတွေကို ကျွန်တော် တင်ပြချင်တဲ့အတွက် ဆွေးနွေးရခြင်း ဖြစ်ပါတယ်”ဟု ဦးတင်စိုးကပြောသည်။

ဖားကန့်ဒေသတွင် လစ်လပ်လုပ်ကွက်ပေါင်း ထောင်နှင့်ချီရှိနေပြီ လစဉ်လတိုင်း ကုမ္မဏီများက သက်တမ်းကုန်၍ လစ်လပ် လုပ်ကွက်များ ဖြစ်နေကြောင်း၊ ယင်းလစ်လပ်လုပ်ကွက်ပေါင်း ထောင်နှင့်ချီရှိရာတွင် ယန္တရာကြီးများ အသုံးပြု၍ တရားမ၀င် တူးဖော်နေသည့် လုပ်ကွက်ပေါင်းများစွာ ရှိနေသည်ဟု ၎င်းကဆိုသည်။

“ဒီလောက်လုံခြုံရေးတွေ အထပ်ထပ် တာဝန်ယူတဲ့ကြားက တရားမ၀င် တူးဖော်မှုလုပ်ငန်းတွေဟာ နေ့စဉ်နဲ့အမျှ ရှိနေပါတယ်။ ဒါတွေကို တကယ်တမ်းထိန်းကျောင်းရမှာ သက်ဆိုင်ရာ သယံဇာတနဲ့ သဘာဝပတ်ဝန်းကျင် ထိန်းသိမ်းရေး ၀န်ကြီးဌာန ကျောက်မျက်ရတနာ ကော်ပိုရေးရှင်းကနေ ဒီလုပ်ကွက်တွေမှာ ခိုးတူးတာတွေ ရှိမရှိ သူတို့က စစ်ဆေးကြည့်ရှုရမှာ ဖြစ်ပါတယ်။ တကယ့်လက်တွေ့ အနေအထားမှာ ဒီလုပ်ကွက်တွေမှာ ဒီဟာတွေကို လိုက်ပါစောင့်ကြည့်ရမယ့် အစားစားပဲ ထုတ်နေတယ်။ ဒီလစ်လပ်လုပ်ကွက်တွေ မှာ တရားမ၀င် တူးဖော်မှုတွေ မရှိဖို့ဆိ်ုပြီး စာပဲထုတ်နေပြီး မြေပြင်အနေအထားမှာ ဒါတွေကို လိုက်ပါစစ်ဆေးခြင်း မရှိတဲ့အခါ လက်ရှိမှာလည်း တူးနေတာတွေ ခိုးတူးနေတာမှ အကြီးအကျယ်ခိုးတူးနေတာတွေ ရှိနေတာကို ဖော်ပြချင်လို့ ဆွေးနွေးရခြင်းဖြစ်ပါတယ်”ဟု ဦးတင်စိုးကပြောသည်။

လစ်လပ်လုပ်ကွက်များတွင် တူးယူနေမှုများသည် နိုင်ငံတော်ဘဏ္ဍာအဖြစ်သို့ ရောက်ရှိခြင်း မဟုတ်ဘဲ တစ်ဦးတစ်ယောက် တစ်စုတစ်ဖွဲ့ ကိုယ်ကျိုးစီးပွားအတွက် လုပ်ဆောင်ခြင်းဖြစ်၍ ယင်းသို့လုပ်ဆောင် နေမှုများကို တာဝန်ရှိလူကြီးမင်းများ ပုဂ္ဂိုလ်များသိရှိနိုင်ရန် အတွက် တင်ပြခြင်းဖြစ်သည်။ လက်ရှိမြေပြင် အခြေအနေတွင်လည်း အကြီးအကျယ် ခိုးတူးနေသည့် လုပ်ကွက်ပေါင်း ရာနှင့်ချီရှိသည်ကို နိုင်ငံတော် တာဝန်ရှိသူများ သိရှိနိုင်ရန် ရည်ရွယ်၍ ဆွေးနွေးတင်ပြခြင်း ဖြစ်ကြောင်း ဦးတင်စိုးက ပြောကြားခဲ့သည်။

Photo – ဖားကန့်FB

Credit - The Ladies News

ဗိုက်ပူ ခါးတုတ်စေတဲ့ အကျင့်ဆိုး (၅) ခု

ဝလည်းသိပ်မဝဘဲ ဘာလို့ ဗိုက်ပူခါးတုတ်ကြီးဖြစ်နေတာလဲမသိဘူးဆိုပြီး ညည်းညူသံကို စာဖတ်သူတို့ ပတ်ဝန်းကျင်မှာ ကြားဖူးကြမှာပါ။ တချို့ကျပြန်တော့လည်း ဝပေမယ့် ဗိုက်မှာအဆီသိပ်မရှိတာလည်း မြင်ဖူးကြမှာပါ။

ဗိုက်ပူခါးတုတ်ဖြစ်စေတဲ့ အလေ့အကျင့်ဆိုးတွေကို မျှဝေပေးချင်ပါတယ်။

၁။ အသင့်စားအစားအစာတွေစားခြင်း

ပြုပြင်ထားတဲ့ အသင့်စားအစားအစာတွေကို စားတာဟာ သင့်ကို ဗိုက်ပူခါးတုတ်စေပါတယ်။ အဲဒီအစားအစာတွေမှာ ဆိုဒီယမ်ဓာတ်ပါဝင်လို့ သင့်ကျန်းမာရေးအတွက်လည်းမကောင်းပါဘူး။ ဒါ့ကြေင့် သဘာဝအသီးအရွက်တွေကိုသာ များများစားပေးပါ။

၂။ အရမ်းမြန်မြန်စားခြင်း

အစာကို ကြေကြေညက်ညက်မဝါးဘဲခပ်မြန်မြန်စားတာဟာလည်း ဗိုက်မှာအဆီစုစေပါတယ်။ အစာချေစနစ်အတွက်လည်းမကောင်းလို့ သင့်ကို ဗိုက်ပူစေပါတယ်။

၃။ ကာဘွန်နိတ်ပါတဲ့ အချိုရည်တွေ အများကြီးသောက်ခြင်း

ဆိုဒါတွေ၊ ကာဘွန်နိတ်ပါတဲ့ အချိုရည်တွေဟာ အစာချေစနစ်ကို အနှောင့်အယှက်ဖြစ်စေနိုင်ပါတယ်။ အစာအိမ်ကို ရောင်ရမ်းစေပြီး ဗိုက်ပူစေပါတယ်။ ကာဘွန်နိတ်ပါတဲ့အချိုရည်အစား ရေနဲ့ သဘာဝသစ်သီးဖျော်ရည်သောက်ပါ။

၎။ အိပ်ယာမ၀င်ခင် အစာစားခြင်း

အိပ်ယာမ၀င်ခင် အနည်းဆုံး ၃ နာရီလောက်အလိုမှာ အစာစားသင့်ပါတယ်။ ပေါ့ပေါ့ပါးပါးဖြစ်တဲ့ အစားအစာကိုပဲ ရွေးချယ်စားသုံးသင့်ပါတယ်။ မဟုတ်ရင် သင့်ကို ကိုယ်အလေးချိန်တက်စေနိုင်ပါတယ်။

၅။ အစားမရှောင်ခြင်း

သင်ကြိုက်တဲ့အစားအစာတွေက ဆီကြော်တွေ၊ မုန့်အချိုတွေဖြစ်နေရင် အဲဒီအစားအစာတွေကို ရှောင်ပေးလိုက်ပါ။ တချို့တွေက ပိန်တော့ပိန်ချင်ပေမယ့် အစားမရှောင်ကြပါဘူး။ သင့်အတွက် မကောင်းဘူးဆိုရင် ရှောင်လိုက်တာအကောင်းဆုံးပါပဲ။

အရေးကြီးဆုံးက သင့်အစားအစာကို အာဟာရဓာတ်ညီညွတ်မျှတအောင်စားပါ။ လေ့ကျင့်ခန်းလုပ်ပါ။ ရေများများသောက်ပါ။ စိတ်ဖိစီးမှုကိုလျှော့ချပါ။ တက်တက်ကြွကြွနေပါ။ ဒါဆိုရင်တော့ ဗိုက်ချပ်ချပ်လေးကို မလွဲမသွေပိုင်ဆိုင်ရရှိစေမှာပါ။

Credit - My Food

နိုင်ငံတွင်း ရင်းနှီးမြှုပ်နှံမှု အခွင့်အလမ်းများ ပိုမိုလာခြင်းကြောင့် မြန်မာနိုင်ငံသည် ကုန်ထုတ်လုပ်မှုပိုင်းဆိုင်ရာ ထိပ်တန်းဒေသ တစ်ခုအဖြစ် ရပ်တည်နိုင်မည့် အလားအလာများ တွေ့မြင်လာရဟုဆို

နိုင်ငံတွင်း ရင်းနှီးမြှုပ်နှံမှု အခွင့်အလမ်း များ ပိုမိုရရှိလာခြင်းကြောင့် မြန်မာနိုင်ငံသည် ကုန်ထုတ်လုပ်မှုပိုင်းဆိုင်ရာ ထိပ်တန်းဒေသတစ်ခုအဖြစ် ရပ်တည်နိုင်မည့် လက္ခဏာများ တွေ့မြင်လာရကြောင်း Oxford Business Group မှ အာရှတိုက်ဆိုင်ရာ အယ်ဒီတာဖြစ်သူ Patrick Cooke က ပြောကြားခဲ့သည်။

Oxford Business Group သည် အာရှ၊ အာဖရိက၊ အရှေ့အလယ်ပိုင်းနှင့် အမေရိကတိုက်များမှ နိုင်ငံပေါင်း ၃ဝကျော်တွင် နိုင်ငံတကာ သုတေသနနှင့် အတိုင်ပင်ခံလုပ်ငန်း တစ်ခုဖြစ်ပြီး ၎င်း၏ သတင်းထုတ်ကုန်များမှ တစ်ဆင့် ဘဏ်လုပ်ငန်းများ၊ ငွေကြေးအရင်းအနှီး ဈေးကွက်များ၊ ခရီးသွားကဏ္ဍ၊ စွမ်းအင်ကဏ္ဍ၊ သယ်ယူပို့ဆောင်ရေး၊ စက်မှုလုပ်ငန်းနှင့် သတင်းအချက်အလက်နှင့် ဆက်သွယ်ရေး နည်းပညာကဏ္ဍ အစရှိသည့် Macroeconomics နှင့် ကဏ္ဍပေါင်းစုံ ဖွံ့ဖြိုးတိုးတက်ရေး လုပ်ငန်းများ၏ တိကျပြည့်စုံသော လေ့လာဆန်းစစ်မှုများကို ထုတ်ပြန်ပေးနေခြင်းဖြစ်သည်။

မြန်မာနိုင်ငံ၏ စီးပွားရေးကဏ္ဍအတွင်း နိုင်ငံတကာမှ ရင်းနှီးမြှုပ်နှံသူများအတွက် အခွင့်အလမ်းများ ပိုမိုပေါ်ပေါက်လာစေရန် ပြုပြင်ပြောင်းလဲမှုများ ရည်ရွယ်လုပ်ဆောင်လျက်ရှိပြီး အဆိုပါ ပြုပြင်ပြောင်းလဲမှုများ မှတဆင့် ရင်းနှီးမြှုပ်နှံမှုများ ပိုမိုရရှိလာစေရန်နှင့် macroeconomics ပိုင်းဆိုင်ရာ စိန်ခေါ်မှုများအား လျှော့ချရန် မြန်မာနိုင်ငံ၏ အားထုတ်ကြိုးပမ်းမှုများနှင့် ပတ်သက်ပြီး Oxford Business Group မှ မြန်မာနိုင်ငံရင်းနှီးမြုပ်နှံ မှုကော်မရှင်၊ Win Consulting နှင့် Kelvin Chi Law Firm တို့နှင့်ပူးပေါင်းပြီး The Report Myanmar 2019 အစီရင်ခံစာအား ထုတ်ပြန်ခဲ့ခြင်းဖြစ်သည်။

“နိုင်ငံတွင်းမှာ ရင်းနှီးမြှုပ်နှံတဲ့ အခွင့်အလမ်းတွေ ပိုမိုပွင့်လန်းလာတဲ့အ တွက်ကြောင့် မြန်မာနိုင်ငံဟာ ကုန်ထုတ်လုပ်မှုပိုင်းဆိုင်ရာ ထိပ်တန်းဒေသတစ်ခုအဖြစ် ရပ်တည်နိုင်မယ့် လက္ခဏာတွေ တွေ့မြင်လာရပါတယ်။ ဘဏ္ဍာရေးကဏ္ဍမှာ နိုင်ငံခြားရင်းနှီးမြှုပ်နှံမှုတွေ ပိုမိုရရှိလာတဲ့အပြင် ပိုမိုများပြားလာတဲ့ ဟိုက်ဒရိုကာဗွန် စီမံကိန်းတွေကြောင့်လည်း ငွေကြေးအထောက်အပံ့သစ်တွေ၊ ရင်းနှီးမြုပ်နှံမှုအသစ်တွေ ပိုမိုရရှိလာနိုင်ဖို့ မြန်မာအစိုးရအနေနဲ့ မျှော်လင့်နိုင်လာပါတယ်” ဟု Oxford Business Group မှအာရှတိုက်ဆိုင်ရာ အယ်ဒီတာဖြစ်သူ Patrick Cooke က ပြောကြားခဲ့ကြောင်း သိရသည်။

ယခုအချိန်သည် မြန်မာနိုင်ငံတွင် လာရောက်ရင်းနှီးမြှုပ်နှံရန် အသင့်တော်ဆုံး အချိန်ဖြစ်ကြောင်း၊ မြန်မာနိုင်ငံ၏ စီးပွားရေးသည် အရေးပါသည့် အလှည့်အပြောင်းတစ်ခုမှာ ရောက်ရှိနေခြင်းဖြစ်ကြောင်း၊ ရင်းနှီးမြှုပ်နှံသူများက မြန်မာနိုင်ငံ၏ တန်ဖိုးများကို ယုံကြည်လာအောင် စည်းလုံးညီညွတ်မှု ရှိသည်ကို ပြသရမည်ဖြစ်ကြောင်း၊ အရေးပါသည့် တိုင်းဒေသကြီးနှင့် ပြည်နယ်များကိုစုစည်းပြီး ယင်းတို့တွင်ရှိသည့် ရင်နှီးမြှုပ်နှံနိုင်သည့် စီမံကိန်းများကို ချပြခြင်းက စည်းလုံးညီညွတ်မှု၏ ပြယုဂ်ဖြစ်ကြောင်း မန္တလေးတိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်က Invest Myanmar Summit 2019 တွင် ပြောကြားခဲ့သည်။

Credit - Eleven News