တရုတ်မဂ္ဂဇင်း မျက်နှာဖုံးကို မန္တလေးသားတွေ ဒေါပွ

တရုတ်-မြန်မာ ဆက်ဆံရေးနှင့် ပတ်သက်သည့် ဆောင်းပါးတပုဒ်တွင် အသုံးပြုထားသော မျက်နှာဖုံး ဓာတ်ပုံကြောင့် လစဉ်ထုတ် မဂ္ဂဇင်း တစောင်ဖြစ်သော China Today အပေါ် ပြင်းပြင်းထန်ထန် ဝေဖန် မှုများပေါ်ထွက်နေသည်။

ဇွန်လထုတ် China Today မဂ္ဂဇင်း၏ မျက်နှာဖုံးတွင် မန္တလေး နန်းတော်ဟောင်း၏ မြို့ရိုးပုံကို ဖော်ပြထားပြီး ကျုံးအတွင်းမှ ရောင်ပြန်ဟပ်နေသည့် ပုံရိပ်တွင်မူ တရုတ်နန်းတော်မြို့ရိုးတခု ပေါ်နေသည့် ပုံက ယခုအပတ်အတွင်းတွင် ပြန့်နှံ့သွားခဲ့ သည်။

အဆိုပါ ပုံက မြန်မာနိုင်ငံ၏ အချုပ်အခြာအာဏာကို ထိပါးခြင်းဖြစ်ကြောင်း ဆိုရှယ်မီဒီယာတွင် မှတ်ချက်ရေးသားသူများက ပြောကြသည်။ မန္တလေး နန်းတော်သည် တိုင်းပြည်၏ အချုပ်အခြာအာဏာ၏ သင်္ကေတဖြစ်ကြောင်းနှင့် တရုတ်နန်းတော် တခုကို ရောင်ပြန်အဖြစ်ဖော်ပြလိုက်ခြင်းက မန္တလေး အပေါ်တွင်သာမက ပိုမိုကျယ်ပြန့်သည့် နိုင်ငံအတွင်းတွင်ပါ တရုတ် နိုင်ငံက ကြီးမားစွာ သြဇာလွှမ်းမိုးနေသည်ကို ဖော်ပြနေခြင်း ဖြစ်ကြောင်း Facebook မှ မှတ်ချက်တခုက ဆိုသည်။

“ အစိုးရ အနေနဲ့ ဒီမဂ္ဂဇင်းကို သတိထားသွားဖို့ ကျနော်တို့ တောင်းဆိုဖို့ လိုပါတယ်။ မန္တလေးနန်းတော်ဟောင်းက ကျနော် တို့ရဲ့ အာဏာနဲ့ ယဉ်ကျေးမှု အမွေအနှစ်ရဲ့ သင်္ကေတဖြစ်ပါတယ်။ တရုတ်နန်းတော်တခုရဲ့ ရောင်ပြန် အရိပ်ကို အသုံးပြု ခြင်းက ကျနော်တို့ရဲ့ အချုပ်အခြာ အာဏာအပေါ် စော်ကားမှုတခု၊ စိန်ခေါ်မှုတခု ဖြစ်ပါတယ်။ တရုတ် သြဇာလွှမ်းမိုးမှုကို အများစုက သဘောမကျဖြစ်နေခဲ့ပြီး ဖြစ်တာကြောင့် အခုကိစ္စက တရုတ်န်ိုင်ငံနဲ့ ပတ်သက်လို့ မကောင်းတဲ့ ခံစားမှုတွေကို ပိုပြီး ဖန်တီးပေးနိုင်ပါတယ် ”ဟု Facebook အသုံးပြုသူတဦးဖြစ်သည့် ကိုနေမင်းက ရေးသားခဲ့သည်။

မြန်မာနိုင်ငံ၏ နောက်ဆုံး မင်းနေပြည်တော်ဖြစ်သော မန္တလေးကို ယဉ်ကျေးမှုနှင့် တရုတ်န်ိုင်ငံနှင့် ဆက်သွယ်ရာ လမ်းကြောင်းပေါ်တွင် ရှိသော စီးပွားရေး အချက်အခြာနေရာတခု အဖြစ်သဘောထားကြသည်။

မန္တလေး တွင် တရုတ်လူမျိုး ရွှေ့ပြောင်းနေထိုင်သူများနှင့် အခြေချနေထ်ိုင်သူ အမြောက်အများ ရှိသည်။ သူတို့ အများစုမှာ ၁၉၈၀ နှစ်များ နောက်ပိုင်းတွင် ရောက်ရှိလာကြသူများ ဖြစ်ကြသည်။

၁၉၈၀ နှစ်များအတွင်း ဖြစ်ပွားခဲ့သော ကြီးမားသည့် မီးလောင်မှုများက မန္တလေး မြို့၏ အစိတ်အပိုင်းအများအပြားကို ပျက်စီးစေခဲ့ ပြီး နိုင်ငံရေး မတည်ငြိမ်မှုများနှင့် စီးပွားရေး ကျဆင်းမှုများ ပေါ်ပေါက်စေခဲ့သည်။

မြို့၏ အချက်အခြာနေရာများတွင်ရှိသော သူတို့၏ နေအိမ်များကို ပြန်လည်တည်ဆောက်ရန် ငွေကြေးမရှိသော မြို့ခံအ များ အပြားက သူတို့မြေများကို ရွှေ့ပြောင်း အခြေချလာသူ တရုတ်လူမျိုးများ လက်သို့ ရောင်းချခဲ့ကြရသည်။

“ရွှေ့ပြောင်း အခြေချလာတဲ့ တရုတ်လူမျိုးတချို့က မြို့တော်ရဲ့ စည်းကမ်းတွေကို မလေးစားခဲ့ကြဘူး။ ဒါကြောင့် မြို့ခံ တွေက ဆန့်ကျင်လာကြတယ်။ မန္တလေးမှာ၊ နိုင်ငံတလွှားမှာ လူတော်တော်များများက တရုတ်ကို မကြိုက်ကြဘူး။ အစိုးရက ၂ နိုင်ငံ ဆက်ဆံရေးကို မြှင့်တင်ဖို့ ကြိုးစားနေတာကိုလည်း သဘောမကျဘူး” ဟု မန္တလေး အခြေစိုက် စာရေးဆရာ တဦးဖြစ်သည့် ဆူးငှက်က ပြောသည်။

မဂ္ဂဇင်း၏ အယ်ဒီတာအနေဖြင့် တရုတ်သြဇာလွှမ်းမိုးမှုနှင့် ပတ်သက်၍ အကဲဆတ်မှုများရှိသည်ကို နားလည်သင့် ကြောင်း လည်း သူကဆိုသည်။ အညင်းပွားဖွယ်ရာ တရုတ်စီမံကိန်းများနှင့် ရင်းနှီးမြှုပ်နှံမှုများမှာ ကျယ်ကျယ်ပြန့်ပြန့် ဝေဖန်ခြင်းခံနေ ရပြီး လူကြိုက်နည်းသည်ဟု စာရေးဆရာ ဆူးငှက်က ထပ်ပြောသည်။

China Today မှ ပုံက နန်းမြို့ရိုးများကို အမျိုးသား အချုပ်အခြာ အာဏာ၏ အခြေခံနှင့် ယဉ်ကျေးမှု အမွေအနှစ် အဖြစ် မြင်ကြသည့် မန္တလေးမြို့ခံများကို စိတ်မကောင်း ဖြစ်စေသည်ဟု သူကပြောသည်။

“ကျနော်တို့က အိမ်နီးချင်းကောင်းတွေပါ၊ ပုံတပုံကြောင့် ဆက်ဆံရေးကို မထိခိုက်စေချင်ပါဘူး။ မဂ္ဂဇင်း အနေနဲ့ ဘာကြောင့် ဒီပုံကို သုံးရသလဲ ဆိုတာကို ရှင်းပြသင့်တယ်လို့ ကျနော် ထင်ပါတယ်” ဟု ဆူးငှက်က ပြောသည်။

မဂ္ဂဇင်းတွင် ပါဝင်သည့် ဆောင်းပါးကို ရေးသားသူကမူ ဆောင်းပါးသည် တရုတ်နှင့် မြန်မာကြားမှ ယဉ်ကျေးမှု ဆက် ဆံ ရေး အကြောင်း ဖြစ်သည်။

“သူတို့က မြန်မာနဲ့ တရုတ် ယဉ်ကျေးမှုကြားက ဆက်သွယ်မှုကို ပြချင်ခဲ့တာ ဖြစ်ချင်ဖြစ်နိုင်ပါတယ်။ ဒါပေမယ့် သူတို့ အနေနဲ့ အကဲဆတ် ထိရှလွယ်မှုတွေကို သတိပြုသင့်ပါတယ်၊ အဓိပ္ပါယ်ကောက်လွဲစေနိုင်တဲ့၊ နားလည်မှုလွဲစေနိုင်တဲ့ အရာ တွေကို ရှောင်ရှားသင့်ပါတယ်” ဟု သူက ထပ်ပြောသည်။

China Today နှင့် မဂ္ဂဇင်းကို ဖြန့်ချီသည့် ရန်ကုန်မှ တရုတ်သံရုံးတို့ကို မှတ်ချက်တောင်းရန် ဆက်သွယ်၍ မရရှိခဲ့ပါ။

တရုတ်သံရုံးနှင့် China Radio International’s Burmese service တို့ ပူးတွဲ ထုတ်ဝေသည့် China Today ကို မြန်မာ ဘာသာနှင့် ထုတ်ဝေပြီး ပြည်ပရောက် တရုတ်လူမျိုးများ၊ စီးပွားရေးလုပ်ငန်းများနှင့် ခရီးသွား အေဂျင်စီများကြားတွင် ကျယ်ကျယ် ပြန့်ပြန့် ဖြန့်ချီပေးနေသည်။

China Today မဂ္ဂဇင်း တွင် မြန်မာနိုင်ငံနှင့် ဒေသတွင်း အခြားနေရာများမှ တရုတ်ရင်းနှီးမြှုပ်နှံမှုနှင့် စီမံကိန်းများ နှင့် ပတ် သက်၍ အရောင်းမြှင့်တင်ရေး ဆောင်းပါးများလည်း ဖော်ပြလေ့ရှိပါသည်။

Credit - Irrawaddy

အခြေခံဥပဒေပြင်ဆင်ရေး အဖြေမထွက်ပါက ဥပဒေသစ်ပေါ်ထွန်းရေး တိုက်ပွဲဝင်မည်ဟု ရေပူဆရာတော် မိန့်ကြား

၂ဝဝ၈ ဖွဲ့စည်းပုံအခြေခံဥပဒေကို လွှတ်တော်တွင် ပြင်ဆင်ရေးကြိုးပမ်းမှုများ အဖြေမထွက်ခဲ့ပါက ပြည်သူလူထုကြီးတစ်ရပ်လုံးက ဥပဒေသစ်တစ်ရပ်ပေါ်ထွန်းရေးအတွက် တိုက်ပွဲဝင်မည်ဟု မိုးကုတ်မြို့ ရေပူဆရာတော်က မိန့်ကြားသည်။

နိုင်ငံလုံးဆိုင်ရာ ရွှေဝါရောင် တော်လှန်ရေး ၁၂ နှစ်ပြည့် အခမ်းအနားကို ယနေ့စက်တင်ဘာ ၁၈ ရက်က ကြည့်မြင်တိုင်မြို့နယ်၊ နတ်စင်လမ်းရှိ သာဓုကျောင်းတိုက်တွင် ပြုလုပ်ခဲ့ရာ အဆိုပါပွဲတွင် ဆရာတော်က မိန့်ကြားခဲ့ခြင်းဖြစ်သည်။

ပြည်သူ့တိုက်ပွဲဖြင့် ၂ဝဝ၈ ဖွဲ့စည်းပုံအခြေခံဥပဒေကြီး ဖျက်သိမ်းကာ အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေး ဖော်ဆောင်နိုင်မည့် ဥပဒေသစ်တစ်ရပ် ပေါ်ထွန်းရေးအတွက် တိုက်ပွဲဝင်မည်ဟု ဆရာတော်က မိန့်ကြားသည်။

''၂ဝဝ၈ ဖွဲ့စည်းပုံ အခြေခံ ဥပဒေကို ပြင်ဆင်တာ၊ ဖျက်သိမ်းတာNLDအစိုးရပဲပြင်ပြင်၊ စစ်တပ် ပြင်တာပဲဖြစ်ဖြစ် ၊ ဖျက်သိမ်းမယ်ဆိုရင်လည်း ထောက်ခံပါလို့ပြောစရာမလိုဘဲ ဘုန်းကြီးတို့က ထောက်ခံသွားမယ်။ ဘယ်အဖွဲ့အစည်းက ပြင်ပြင်ပါ'' ဟု မိန့်ကြားသည်။

လက်ရှိအချိန်ထိ ရဟန်းရှင်လူ ပြည်သူများ ဒီမိုကရေစီ ရရှိရေးအတွက် တောင်းဆိုခဲ့သော်လည်း ယနေ့အထိ အပြည့်အဝမရသေးသဖြင့် ပြည်သူလူထု အနေဖြင့် တောင်လှန်ရေးစိတ်ဓာတ် ဆက်လက် ရှင်သန်စေရန် ရွှေဝါရောင် ဦးဆောင် ဆရာတော် ဦးစန္ဒာသီရိ (ခ) ဦးပဉ္စင်းပုရစ်က တိုက်တွန်းခဲ့သည်။

'' ရွှေဝါရောင် ဆရာတော် တောင်းဆိုချက်တွေ နောက်ပြန်ဆုတ်ရင် ရှစ်လေးလုံးက တောင်းဆိုချက်လည်း အခုထိမရသေးပါဘူး။ အခုထိ မပြီးဆုံးသေးပါဘူး။ တော်လှန်ရေးစိတ်ဆက် လက်ရှင်သန်ဖို့လိုတယ်။''ဟု ဆရာတော်က မိန့်ကြားသည်။

အမျိုးသား ဒီမိုကရေစီ အဖွဲ့ချုပ် ပါတီ ဦးဆောင်သည့် ဖွဲ့စည်းပုံအခြေခံဥပဒေ ပြင်ဆင်ရေး ပူးပေါင်းဝန်းရံဆောင်ရွက်ရေး ၊ တစ်နိုင်ငံလုံး စစ်ပွဲများရပ်စဲ၍ နိုင်ငံရေး စားပွဲဝိုင်းပေါ်တွင် ဆွေးနွေးရေး၊ဘာသာရေး ခုတုံးလုပ်၍ နိ်ုင်ငံရေးအကျိုးအမြတ် အတွက် အသုံးချခြင်းမှ ကာကွယ်ရေး အချက် (၃) ချက် အဓိကထားကြောင်း ပွဲပြုလုပ်ရခြင်းနှင့်ပတ်သက်၍ ဆရာတော်က မိန့်ကြားသည်။

လာမည့် ၂ဝ၂ဝ ရွေးကောက်ပွဲတွင် အရပ်သားအစိုးရကို လိုချင်ပါက အရပ်သားအစိုးရ ထောင်ထားသည့်ပါတီများကို မဲပေးရန် ရွှေဝါရောင် ဆရာတော် ဦးပဏ္ဍဝံသ (ခ) ဦးပြည်ကျော် ကတိုက်တွန်းခဲ့သည်။

နိုင်ငံလုံးဆိုင်ရာ ရွှေဝါရောင်တော်လှန်ရေး သဘောထားထုတ်ပြန်ချက်တစ်စောင်ကို ယနေ့စက်တင်ဘာ ၁၈ ရက်အခမ်းအနားတွင် ထုတ်ပြန်ခဲ့သည်။

ယင်းထုတ်ပြန်ချက်တွင် ယနေ့ အခြေအနေအရ ၂ဝဝ၈ ဖွဲ့စည်းပုံ အခြေခံဥပဒေပြင်ဆင်ရေးနှင့် မပြင်ဆင်လိုသည့် အင်အားစုတို့ကြား အားပြိုင်လွန်ဆွဲနေသည့် ကာလဖြစ်ကြောင်း၊ လွှတ်တော်တွင်း ပြင်ဆင်နေသည့် အခြေခံဥပဒေပြင်ဆင်ရေး ကြိုးပမ်းမှု အဖြေမထွက်ပါက လွှတ်တော်တွင်း တိုက်ပွဲမှသည် ပြန်သူလူထုကြီးတိုက်ပွဲအဖြစ် တိုက်ပွဲဝင်မည်ဖြစ်ကြောင်း ၊ ထိုကြောင့် ဖွဲ့စည်းပုံ ပြင်ဆင်ရေးတွင် အဟန့်အတားဖြစ်နိုင်သည့် ဘာသာရေး ၊ လူမျိုးရေး ၊ ပဋိပက္ခမျိုးစုံကို ရည်ရွယ်ချက်ရှိရှိ ဖန်တီး ဖော်ဆောင်လာနိုင်ခြေများကို သတိရှိရှိ ကာကွယ်တားဆီးရန် အထူးလိုအပ်ကြောင်း စသည့် အချက် ၁၈ ချက်ပါ ထုတ်ပြန်ချက်တစ်စောင်ကို ထုတ်ပြန်ခဲ့သည်။

Credit - Myanmar Times

ဒု ရဲချုပ် အောင်နိုင်သူ နုတ်ထွက် သတင်း မမှန်ဟု ဆို

မြန်မာနိုင်ငံ ရဲတပ်ဖွဲ့မှ ဒု ရဲချုပ် အောင်နိုင်သူသည် ကျန်းမာရေး မကောင်းသဖြင့် နုတ်ထွက်စာ တင်လိုက်ပြီဟု လူမှုကွန် ရက် တွင် ပျံ့နှံ့နေသည့် သတင်းသည် “သတင်းမှား” ဖြစ်ကြောင်း ဒုရဲချုပ် အောင်နိုင်သူက ဧရာဝတီသို့ ပြောသည်။

“သတင်း အမှားပါ”ဟု ဒုရဲချုပ် အောင်နိုင်သူက ဧရာဝတီသို့ စာတို ပို့၍ ဖြေဆိုခဲ့သည်။

ဒုရဲချုပ် အောင်နိုင်သူသည် ၂၀၁၉ ခုနှစ် ဇူလိုင်လက သမ္မတရုံးတွင် ပြုလုပ်သည့် သတင်းစာ ရှင်းလင်းပွဲ၌ နေပြည်တော်မှ လိင်ပိုင်းဆိုင်ရာ အကြမ်းဖက်မှု ခံခဲ့ရသော ဗစ်တိုးရီးယား အမှုတွင် Wisdom Hill ကျောင်းမှ ကျောင်းကြီးကြပ်ရေးမှူး သား ၂ ယောက်နှင့် လုံးဝ မသက်ဆိုင်ကြောင်း၊ မျိုးဗီဇ (DNA) စစ်ဆေးချက်အရလည်း တူညီမှုမရှိကြောင်း ပြောဆိုခဲ့သူ ဖြစ် သည်။

ယင်းအမှုကို နေပြည်တော် ဒက္ခိဏခရိုင် တရားရုံး၌ ဆက်လက် စစ်ဆေးနေပြီး စက်တင်ဘာ ၁၁ ရက် နောက်ဆုံး ရုံးချိန်း၌ ကာယကံရှင် ဖြစ်သူ ဗစ်တိုးရီးယား၏ ထွက်ဆိုချက်များတွင် ကိုကို အကြီး၊ ကိုကို အငယ်ဟု ထုတ်ဖော် ပြောဆိုလာသဖြင့် ဒုရဲချုပ် အောင်နိုင်သူ၏ ပြောဆိုမှုနှင့် ကွဲလွဲကြောင်း ဝေဖန်မှုများ ထွက်ပေါ်လာပြီးနောက် ယခုလို ကောလာဟလ ပျံ့နှံ့ခြင်း ဖြစ်သည်။

ယခု ဗစ်တိုးရီးယား အမှုသည် သမ္မတ ကိုယ်တိုင် စောင့်ကြည့်လေ့လာနေသည့် အမှုတခု ဖြစ်ပြီး လွဲချော်မှု ရှိပါက ရဲတပ်ဖွဲ့ တာဝန်ရှိသူများ တာဝန်ယူမှု၊ တာဝန်ခံမှု ရှိရမည် ဖြစ်ကြောင်း သမ္မတရုံး ညွှန်ကြားရေးမှူးချုပ် ဦးဇော်ဌေးက ပြီးခဲ့သည့် အပတ်က ပြုလုပ်သည့် သတင်းစာ ရှင်းလင်းပွဲတခုတွင် ပြောဆိုထားသည်။

ဒု ရဲချုပ် အောင်နိုင်သူသည် တပ်မတော်မှ အသွင်ပြောင်းလာသည့် ရဲအရာရှိတဦး မဟုတ်ဘဲ ရဲစစ်စစ်တဦး ဖြစ်ပြီး ရဲစစ်စစ် ကိုသာ ရဲချုပ် ခန့်မည်ဆိုပါက ရဲချုပ်ဖြစ်လာနိုင်သူ တဦး ဖြစ်ကြောင်း၊ ရဲ တပ်ဖွဲ့တွင်လည်း ရာထူးတိုး မြန်သူတဦး ဖြစ် ခဲ့ကြောင်း ရဲအသိုင်းအဝိုင်းက ဧရာဝတီသို့ ပြောသည်။

Credit - Irrawaddy

မန္တလေး ဝန်ကြီးချုပ်အား ဂုဏ်သိက္ခာ ကျဆင်းရန် ပြုလုပ်မှုဖြင့် ဖေ့စ်ဘုတ် သုံးသူ ၂ ဦးကို အမှုဖွင့်

လူမှုကွန်ရက် ဖေ့စ်ဘုတ် စာမျက်နှာတွင် ဂရုတခုဖွဲ့ကာ မန္တလေးတိုင်း ဒေသကြီး ဝန်ကြီးချုပ် ဒေါက်တာ ဇော်မြင့်မောင် ၏ ဓာတ်ပုံများကို အသုံးပြု၍ ဂုဏ်သိက္ခာကျဆင်းစေရန် ရေးသားပို့စ် တင်ခဲ့သူ အကောင့်ပိုင်ရှင် ၂ ဦးကို ဆက်သွယ် ရေး ဥပဒေ ပုဒ်မ ၆၆(ဃ)ဖြင့် စက်တင်ဘာ ၁၆ ရက်နေ့က စတင် အမှုဖွင့်ထားကြောင်း သိရသည်။

အမှုဖွင့်ခံရသူမှာ Aung pyae San Win နှင့် Swan Ka Bar အမည်ဖြင့် ဖေ့စ်ဘုတ်အကောင့် အသုံးပြုသူ ၂ ဦး ဖြစ်ပြီး မန္တလေးခရိုင် ချမ်းမြသာစည် မြို့နယ် အမှတ်(၁၁) နယ်မြေ ရဲစခန်းတွင် အမှုဖွင့် စုံစမ်းစစ်ဆေးနေကြောင်း သိရသည်။

ထို ၂ ဦးသည် ဖေ့စ်ဘုတ်စာမျက်နှာတွင် We Love Dauk Zaw ဟူသည့် အမည်ဖြင့် ဂရုတခုဖွဲ့ကာ ပြည်သူများ အထင် အမြင် လွဲမှားစေရန် လွန်ကျူးစွာ ရေးသားသည်ဟုဆိုကာ အမျိုးသား ဒီမိုကရေစီ အဖွဲ့ချုပ်(NLD) ပါတီ မန္တလေးတိုင်း ဒေသကြီး ပြန်ကြားရေး ကော်မတီ အဖွဲ့ဝင် ဦးပုညဆွေက အမှုဖွင့်လှစ်ခဲ့ခြင်း ဖြစ်သည်ဟု ဆိုသည်။

“ပါတီရဲ့တာဝန်ပေးချက်အရ ဝန်ကြီးချုပ် ဒေါက်တာ ဇော်မြင့်မောင်ရဲ့ ကိုယ်စား တရားလိုလုပ်ပြီး အမှုဖွင့်တာပါ၊ ဝန်ကြီး ချုပ် ရဲ့ဂုဏ်သိက္ခာ ညှိုးနွမ်းစေရန်၊ ပြည်သူလူထု အထင်အမြင် လွဲမှားစေရန် လွန်လွန်ကျူးကျူး ရေးသားသူ တွေကို တရားစွဲခြင်းဖြစ်တယ်”ဟု အမှုဖွင့်ခဲ့သူ ဦးပုညဆွေက မီဒီယာများအား ဖြေကြားသည်။

ထို ၂ ဦးသည် ဒေါက်တာဇော်မြင့်မောင် ၏ ဓာတ်ပုံများကို အသုံးပြုကာ “ပါးချခံရမယ်” ၊ “ငယ်သေးတဲ့ အချစ်မို့ မလေး စား တာလား ပြောပါ ကျနော် သိပ်ချစ်တတ်တာ ကျနော်သာအသိပါ” စသည့် စာသားများ ရေးသားခဲ့သဖြင့် အမှုဖွင့် ရခြင်း ဖြစ်ကြောင်း သိရသည်။

ဝန်ကြီးချုပ် ဒေါက်တာ ဇော်မြင့်မောင်က ယနေ့ ပြုလုပ်သည့် တိုင်းဒေသကြီး လွှတ်တော် အစည်းအဝေး အပြီးတွင် “ပွင့်ပွင့်လင်းလင်းလည်း ပြောရရင် ကျနော် တခု မှလည်း မဖတ်ဘူး၊ ဒီဂရုကို စိတ်လည်း မဝင်စားဘူး၊ ဝင်လည်း မကြည့်ဘူး၊ ဒါကlove ဆိုတဲ့ စကားလုံးကိုသုံးပြီးတော့ လုပ်ချင်ရာလုပ်လို့ မရဘူး၊ ကျနော့်မှာ လွတ်လပ်ခွင့်ဆိုတာ ရှိတယ်။ ဒီကိစ္စက ပုဂ္ဂိုလ်ရေးဖြစ်တဲ့ဟာဆိုရင် ကျနော် မဖြေဘူး၊ နိုင်ငံရေးဆို ဖြေ တယ်၊ နောက်ပြီး ဒါကသတင်း ဖြစ်သလား၊ သိချင်လို့မေးတာပါ”ဟု ပြောသည်။

We Love Dauk Zaw Facebook Group ကို စက်တင်ဘာ ၁၂ ရက်နေ့က စတင် ပြုလုပ်ခဲ့ရာ လက်ရှိအချိန်အထိ အဆိုပါ Group တွင် အဖွဲ့ဝင် ၁၂၀၀ ကျော် ရှိကြောင်း သိရသည်။

ယခု ကိစ္စနှင့် ပတ်သက်၍ အမှတ်(၁၁) နယ်မြေ ရဲစခန်းနှင့် မန္တလေးခရိုင် ရဲတပ်ဖွဲ့၊ တိုင်းရဲတပ်ဖွဲ့ ရုံးများသို့ ဆက်သွယ် မေးမြန်းသော်လည်း မည်သည့်ပြန်ကြားချက်မှ မရရှိခဲ့ပါ။

ဒေါက်တာ ဇော်မြင့်မောင်သည် မန္တလေးတိုင်း အစိုးရအဖွဲ့ ဝန်ကြီးချုပ်တဦးလည်း ဖြစ်သလို လက်ရှိ အာဏာရ NLD ပါတီ ဗဟို ၏ ဒု ဥက္ကဋ္ဌ တဦးလည်း ဖြစ်သည်။

Credit - Irrawaddy