ဖာပွန်ခရိုင်အတွင်း ကျေးလက်ဒေသဖွံ့ဖြိုးရေး၊ လမ်းကြောင်းပြုပြင်ထိန်းသိမ်းရေး လုပ်ငန်းများ ဆောင်ရွက်နေသည့် စက်ယန္တရားများ မိုင်းထောင်ဖျက်ဆီးခံရ

နေပြည်တော် ဇန်န၀ါရီ ၅

ကရင်ပြည်နယ်၊ ဖာပွန်ခရိုင်၊ ဖာပွန်မြို့အတွင်း၌ ကျေးလက်ဒေသဖွံ့ဖြိုးတိုးတက်ရေး၊ လမ်းပန်း ဆက်သွယ်မှုကောင်းမွန်စေရေး၊ စီးပွားရေးဖွံ့ဖြိုးတိုးတက်စေရေး၊ လူမှုဘ၀ဖွံ့ဖြိုးတိုးတက်ရေးနှင့် နယ်မြေခံလုံခြုံရေးတပ်ဖွဲ့ဝင်များ၏ ဆက်သွယ်ရေးနှင့် အုပ်ချုပ်မှုကိစ္စရပ်များ ဆောင်ရွက်နိုင်ရန် ရည်ရွယ်၍ ဗျက္ကောပု-ယွန်းစလင်း လမ်းကြောင်းပြုပြင်ထိန်းသိမ်းခြင်း လုပ်ငန်းများဆောင်ရွက် သွားမည်ဟု၂၀၁၉ ခုနှစ်၊ ဇန်န၀ါရီ ၁ ရက်တွင် KNU အဖွဲ့သို့ ဆက်သွယ်အကြောင်းကြားပြီးဖြစ်သည်။

ထိုသို့ဆက်သွယ်အကြောင်းကြားခဲ့ပြီးနောက် လမ်းကြောင်းပြုပြင်ထိန်းသိမ်းခြင်းလုပ်ငန်းများအား စတင်ဆောင်ရွက်ခဲ့ရာ ၂၀၁၉ ခုနှစ်၊ ဇန်န၀ါရီ ၄ ရက် နံနက် ၁၀ နာရီခန့်တွင် ဘော်စဲခိုကျေးရွာ၏ အရှေ့ဘက် ၃ မိုင် ၄ ဖာလုံခန့်၌ လမ်းဖောက်လုပ်လျက်ရှိသောတပ်ဖွဲ့ဝင်များနှင့် လုံခြုံရေး တပ်ဖွဲ့ဝင်များအား KNU အဖွဲ့မှ အင်အား ၁၄ ဦးခန့်မှ လမ်း၏ ၀ဲ/ယာဘက်မှ လက်နက်ကြီး၊ လက်နက်ငယ်များဖြင့် လာရောက်နှောင့်ယှက်ပစ်ခတ်ခဲ့သည်။

ထို့ပြင် လမ်းကြောင်းဖောက်လုပ်ရာတစ်လျှောက်၌ မိုင်းရှင်းလင်းခြင်းလုပ်ငန်းများဆောင်ရွက်ခဲ့ရာ ဘော်စဲခိုကျေးရွာ၏အရှေ့ဘက် ၃ မိုင် ၂ ဖာလုံခန့်တွင် KNU အဖွဲ့မှထောင်ထားသော နင်းမိုင်း လေးလုံးတို့အားတွေ့ရှိသဖြင့် လမ်းဖောက်လုပ်ရေးအဖွဲ့ဝင်များနှင့် ဒေသခံပြည်သူများ ဘေးအန္တရာယ် မဖြစ်စေရေးအတွက် စနစ်တကျဖောက်ခွဲဖျက်ဆီးခဲ့သည်။

၎င်းအပြင် ဇန်န၀ါရီ ၅ ရက်၌လည်း လမ်းဖောက်လုပ်ရေးလုပ်ငန်းများဆောင်ရွက်နေသော မြေထိုးစက်ယာဉ်အား ဘော်စဲခိုကျေးရွာ၏အရှေ့ဘက် ၄ မိုင် ၄ ဖာလုံခန့်အကွာ၌ မိုင်းထောင် ဖောက်ခွဲခြင်း ထပ်မံပြုလုပ်ခဲ့သဖြင့် ယာဉ်အစိတ်အပိုင်းများ ပျက်စီးခဲ့ရသည်။

KNU အဖွဲ့အနေဖြင့် နယ်မြေဒေသဖွံ့ဖြိုးတိုးတက်ရေးလုပ်ငန်းများဆောင်ရွက်နေသည့် တပ်မတော် စစ်ကြောင်းများအား ယခုကဲ့သို့နှောင့်ယှက်ပစ်ခတ်မှုများဆောင်ရွက်လာသည့်အတွက် ဖြစ်စဉ်များတွင် မိမိဘက်မှ မလွှဲသာမရှောင်သာ ပြန်လည်ပစ်ခတ်မှုများရှိခဲ့ကြောင်း သတင်းရရှိသည်။

တပ်မတော်ကာကွယ်ရေးဦးစီးချုပ်ရုံး

နိုင်ငံရေးပါတီအချို့နှင့် ဦးအောင်ဆန်းဦး အမွေကိစ္စ တွေ့ဆုံ

ဗိုလ်ချုပ်အောင်ဆန်းရဲ့ သားကြီးဖြစ်သူ ဦးအောင်ဆန်းဦးဟာ နိုင်ငံရေးပါတီအချို့နဲ့ တွေ့ဆုံပြီး ရန်ကုန်မြို့ တက္ကသိုလ်ရိပ်သာလမ်းက နေအိမ်အမွေကိစ္စ တွေ့ဆုံခဲ့ပါတယ်။

ဦးအောင်ဆန်းဦးဟာ ဇန်နဝါရီ ၅ ရက်နေ့က နေပြည်တော် ဧရာဝတီလမ်းမပေါ်မှာရှိတဲ့ Mandalay Paradise မှာ နိုင်ငံရေး ပါတီအချို့နဲ့ တွေ့ဆုံဆွေးနွေးခဲ့တာပါ။

ရန်ကုန်မြို တက္ကသိုလ် ရိပ်သာလမ်းမှာရှိတဲ့ ခြံအမှတ် ၅၄ အမွေခွဲဝေရရှိမှုနဲ့ ပတ်သက်ပြီး နိုင်ငံရေးပါတီတွေကို ရှင်းပြခဲ့ပြီး အထူးအယူခံဝင်ခဲ့ပေမယ့် ပယ်ချခံရတဲ့အပေါ် လုံးဝ မကျေနပ်ဘူးလို့ ဦးအောင်ဆန်းဦးက ပြောဆိုခဲ့ပါတယ်။

“နိုင်ငံရေးအဖွဲ့အစည်းက သူ့အလုပ်သူလုပ်၊ ကျနော့်ဘာသာ ကျနော် ပုဂံအိမ်မှာ အေးအေးဆေးဆေးနေလို့ ရတယ်။ ဒါပေမယ့် ကျနော်က ဥပဒေကို မှန်မှန်ကန်ကန် မတရား အနိုင်ကျင့်တာတော့ ကုန်းခံပြီးတော့ ခေါင်းငုံ့ခံတဲ့ စိတ်ဓာတ်တော့မရှိဘူး။ တတိုင်းပြည်လုံးအတွက် လူမျိုးအားလုံးအတွက် သူတို့ရရမယ့် အခွင့်အရေးကို အမြန်ဆုံးရလာအောင် စဉ်းစားတတ်ဖို့ လိုတယ်။ ဒီလို အီယောင်ဝါးနဲ့ လုပ်လိုက်၊ ဒီမိုကရေစီစစ်သွားတယ်ဆိုတာ မဟုတ်ဘူး” လို့ ပြောဆိုခဲ့ပါတယ်။

တွေ့ဆုံမှုမှာတော့ မြန်မာအမျိုးသားကွန်ကရက်ပါတီ၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ ခေတ်သစ်ပြည်ထောင်စုပါတီ၊ အမျိုးသားဒီမိုကရေစီပါတီသစ်၊ မြန်မာပြည်သူ့ဒီမိုကရက်တစ်ပါတီ၊ အမျိုးသားတိုးတက်ရေးပါတီ၊ မတူကွဲပြားခြင်းနှင့် ငြိမ်းချမ်းရေးပါတီတို့နဲ့ တွေ့ဆုံခဲ့ကြတာပါ။

မြန်မာအမျိုးသားကွန်ကရက်ပါတီ ဥက္ကဋ္ဌ ဦးကောင်းမြတ်ထွဋ်က “အသေအချာ သုံးသပ်ပြီးတော့ ကြားထဲမှာ သေချာတိုင်ပင်ဆွေးနွေးမှုတွေ လုပ်ပါမယ်။ လုပ်ပြီးတော့ ဒီကိစ္စကကလည်း လက်တလော နိုင်ငံရေးပါတီတွေကို အသိပေးတယ်ဆိုတာ မိတ်ဆွေသဘောအရ ပြောတာပါသလို၊ ပြည်သူတွေအတွက် ဘာလုပ်ပေးရမယ်ဆိုတာလဲ ပါသလို၊ နားစွင့်နေတဲ့ နိုင်ငံရေးပါတီတွေရဲ့ ကိစ္စတခု။ ဘယ်လိုလုပ်ရမယ်ဆိုတာ မိမိကိုယ်ကိုယ် ပြန်မေးရမယ့်ကိစ္စတခုလို့မြင်တယ်။ ကျနော်တို့ နိုင်ငံရေးပါတီတွေက ဆက်လက်တိုင်ပင်ပြီး ကျနော်တို့ရဲ့ အကောင်းဆုံးရပ်တည်ချက်ပြကြပါမယ်” လို့ ပြောပါတယ်။

ပြီးခဲ့တဲ့ ၂၀၁၆ ခုနှစ် နိုဝင်ဘာလမှာ ရန်ကုန်အနောက်ပိုင်းခရိုင် တရားရုံးကနေ ရန်ကုန်မြို့ တက္ကသိုလ်ရိပ်သာလမ်းရှိ မိခင်ကြီး ဒေါ်ခင်ကြည် အမည်ပေါက် မြေအကျယ်အ၀န်း ၁ ဒသမ ၉၂၃ ဧက၊ နှစ်ထပ်တိုက်နဲ့ မြေတစ်ဝက်ကို ဒေါ်အောင်ဆန်းစုကြည်၊ တစ်ထပ်တိုက်နဲ့ မြေတစ်ဝက်ကို ဦးအောင်ဆန်းဦးဆိုပြီး တစ် ၀က်စီခွဲဝေဖို့ အပြီးသတ်အမိန့်ချခဲ့ပါတယ်။

ဗိုလ်ချုပ်အောင်ဆန်းရဲ့ သားကြီး ဦးအောင်ဆန်းဦးက ပြီးခဲ့တဲ့နှစ် အောက်တိုဘာ ၁၆ ရက်နေ့မှာ အထူးအယူခံဆက်တင်ပြီး အမှတ် (၅၄) နေအိမ်ကို လေလံတင်ရောင်းချပြီး ရလာတဲ့တန်ဖိုးကို ညီမဖြစ်သူ ဒေါ်အောင်ဆန်းစုကြည်နဲ့ တယောက်တ၀က်ခွဲယူဖို့ လျှောက်ထားခဲ့ပါတယ်။ ဒါပေမယ့် အထူးအယူခံလျှောက်ထားမှုကို ပြီးခဲ့နှစ် ဒီဇင်ဘာ ၁၂ ရက်နေ့မှာ နေပြည်တော် ပြည်ထောင်စုတရားလွှတ်တော်ချုပ်က ထပ်မံပယ်ချခဲ့တာလည်း ဖြစ်ပါတယ်။

ဗီတာမင် D အကြောင်းတစေ့တစောင်း

ဗီတာမင် D ကျန်းမာရေးအတွက် တော်တေ်ာလေး အထောက်အကူပြုပေးတဲ့ ဗီတာမင် တစ်ခုပေါ့။ နေရောင်ခြည်ကပေးတဲ့ ဗီတာမင်လို့လည်းခေါ်ကြပါတယ်။ ဗီတာမင် D ကို အခြားဗီတာမင်တွေလိုမျိုး အစားအသောက်တွေကနေတဆင့်ရရှိနိုင်ပါတယ်။ ထူးခြားချက်တစ်ခုကေတာ့ အရေပြားကို နေရောင်နဲ့ထိတွေ့တဲ့အခါ ခန္ဓာကိုယ်က တုံ့ပြန်ပြီး ဗီတာမင် D ထွက်လာတာပါ။

ဗီတာမင် D ဆိုတာ

ဗီတာမင် D ကအမည်ကသာ ဗီတာမင် D တကယ်တော့ pro-hormone ပါ။ ဗီတာမင် စစ်စစ်ကြီးမဟုတ်ပါဘူး။ ဗီတာမင်ဆိုတာက အာဟာရဓာတ်တွေပါ။ ခန္ဓာကိုယ်က မထုတ်နိုင်ပါဘူး။ အာဟာရတွေကနေတဆင့် ရယူရတာပါ။ ဗီတာမင် D ကတော့ နေရောင်နဲ့ အရေပြားထိတွေ့တဲ့အခါခန္ဓာကိုယ်က ထုတ်လုပ်တဲ့ ဓာတ်တစ်မျိုးပေါ့။ လူတစ်ယောက်အနေနဲ့ တစ်နေ့ကို ၅ မိနစ်ကနေ ၁၀ မိနစ်လောက် နေရောင်ခြည်နဲ့ထိတွေ့ပေးမယ်ဆိုရင် လုံလောက်တဲ့ ဗီတာမင် D ပမာဏကိုရရှိစေမှာပါ။ အထူးသဖြင့်တော့ ဆောင်းရာသီမှာ ဗီတာမင် D လျော့နည်းတတ်ပါတယ်။ အစားအစာတွေကနေတဆင့် ဗီတာမင် D ကိုရရှိနိုင်သလို နေရောင်ခြည်ကနေလည်း ဗီတာမင် D ကိုရရှိနိုင်ပါတယ်။

ဗီတာမင် D နည်းရင်ဘာတွေဖြစ်နိုင်လဲ

ဗီတာမင် D ကခန္ဓာကိုယ်အတွက် အရေးပါတဲ့ ဓာတ်တစ်ခုပါ။ အရိုးတွေ၊သွားတွေ ကြံ့ခိုင်စေဖို့အပါအဝင် ကင်ဆာ၊ အမျိုးအစား ၁ ဆီးချိုရောဂါ နဲ့ Multiple sclerosis (အာရုံ​ကြော ယိုယွင်းမှု​ကြောင့် ကိုယ်လက်​လှုပ်ရှားမှု စကား​ပြောဆိုမှု မထိန်းနိုင်​သည့်ရောဂါ) တို့လိုမျိုးရောဂါတွေကို ကာကွယ်ပေးနိုင်ပါတယ်။

ဗီတာမင် D မလုံလောက်တဲ့အခါ အရိုးတွေကြံ့ခိုင်သန်စွမ်းဖို့အတွက် လိုအပ်တဲ့ ကယ်လ်ဆီယမ်ကို ခန္ဓာကိုယ်က ကောင်းကောင်းမစုပ်ယူနိုင်တော့ပါဘူး။ ဗီတာမင် D မလုံလောက်တဲ့အခါ ကလေးတွေမှာ အရိုးပျော့ရောဂါဖြစ်နိုင်သလို အရိုးပွတာနဲ့ ခန္ဓာကိုယ်ရဲ့ လုပ်ငန်းဆောင်တာတွေကို ကောင်းကောင်းမလုပ်ဆောင်နိုင်တာမျိုးဖြစ်နိုင်ပါတယ်။

ဗီတာမင် D နည်းပါးလာတဲ့အခါ ရင်သားကင်ဆာ၊ အူမကြီး ကင်ဆာ၊ ဆီးကျိတ်ကင်ဆာ၊ နှလုံးရောဂါ၊ စိတ်ကျဝေဒနာ၊ ကိုယ်အလေးချိန် တက်လာတာ နဲ့ အခြားသောရောဂါတွေကို ခံစားရနိုင်ပါတယ်။ အရိုးပွတာ၊ တုပ်ကွေးဖြစ်တာ၊ နာတာရှည်နာကျင်မှုဝေဒနာ၊ သွေးတိုးရောဂါ တွေခံစားရနိုင်ခြေလည်း ပိုများနေပါတယ်။

ဗီတာမင် D ကခန္ဓာကိုယ်ကို ဒီလိုအထောက်အကူပြုပေးပါတယ်

ဗီတာမင် D ကခန္ဓာကိုယ်ကို အများကြီးအထောက်အပံ့ပေးပါတယ်။

အရိုးနဲ့သွားတွေကို ကြံ့ခိုင်သန်စွမ်းစေနိုင်ပါတယ်။

ကိုယ်ခံအားစနစ်ကိုကောင်းမွန်စေနိုင်ပါတယ်။

ဦးနှောက်နဲ့အာရုံကြောစနစ်ကို ကျန်းမာစေနိုင်တယ်။

အင်ဆူလင် ပမာဏကို ထိန်းချုပ်နိုင်ပြီး ဆီးချိုထိန်းညှိရာမှာ အထောက်အကူပြုပေးနိုင်ပါတယ်။

အဆုတ်ကျန်းမာစေနိုင်တယ်။

နှလုံးကျန်းမာစေနိုင်တယ်။

ကင်ဆာအပါအဝင် နာတာရှည်ရောဂါတွေကို ကာကွယ်ပေးနိုင်ပါတယ်။

ဆီးချိုကာကွယ်ပေးနိုင်တယ်။

အရိုးပွရောဂါကို ကာကွယ်ပေးနိုင်တယ်။

တုပ်ကွေးမဖြစ်အောင်ကာကွယ်ပေးနိုင်တယ်။

ကိုယ်ဝန်ဆောင်ကာလမှာ ကျန်းမာစေနိုင်တယ်။

သန္ဓေသားကို ကျန်းမာသန်စွမ်းစေနိုင်တယ်။

အသက်အရွယ်အလိုက်လိုအပ်မယ့် ဗီတာမင် D ပမာဏ

အသက်အရွယ်ကိုလိုက်ပြီး ဗီတာမင် D လိုအပ်မှု ပမာဏ ကွာခြားနိုင်ပါတယ်။

မွေးကင်းစကနေ ၁ နှစ်အရွယ်အထိ ၁၀ မိုက်ခရိုဂရမ်

အသက် ၁ နှစ် ကနေ ၁၈ နှစ်အရွယ် ၁၅ မိုက်ခရိုဂရမ်

၁၈ နှစ်ကနေ အသက် ၇၀ နှစ်အရွယ် ၁၅ မိုက်ခရိုဂရမ်

အသက် ၇၀ အထက် ၂၀ မိုက်ခရိုဂရမ်

ကိုယ်ဝန်ဆောင်မိခင် ၁၅ မိုက်ခရိုဂရမ် လိုအပ်မှာပါ။

ဒီအချက်တွေကြောင့် ဗီတာမင် D ချို့တဲ့နိုင်ပါတယ်

ဗီတာမင် D ကို လုံလောက်တဲ့ ပမာဏရရှိအောင် မစားသုံးတာ

နေရောင်ခြည်နဲ့ ထိတွေ့မှုနည်းတာ

အသားအရေ အရမ်းအရောင်ရင့်တာ

ကျောက်ကပ်ကောင်းကောင်းအလုပ်မလုပ်နိုင်တာ

အစာခြေလမ်းကြောင်း ဗီတာမင် D ကိုပြည့်ပြည့်ဝဝမစုပ်ယူနိုင်တာတွေကြောင့် ဗီတာမင် D ချို့တဲ့နိုင်ပါတယ်။

ဒါတွေကနေ ဗီတာမင် D ကိုရရှိနိုင်ပါတယ်

ဗီတာမင် D ကိုအဓိကရရှိနိုင်တာကတော့ နေရောင်ခြည်ပါ။ နေရောင်ခြည် အပြင် ဒီအစားအစာတွေကနေတဆင့်လည်း ဗီတာမင် D ကိုရရှိနိုင်ပါတယ်။

ဆယ်လ်မွန်ငါး

ဆာဒင်းငါး

ကြက်ဥအနှစ်

ပုစွန်ဆိတ်

ဗီတာမင် D ဖြည့်စွက်ထားတဲ့ နို့

ဗီတာမင် D ဖြည့်စွက်ထားတဲ့ ကွေကာအုတ်

ဗီတာမင် D ဖြည့်စွက်ထားတဲ့ ဒိန်ချဉ်

ဗီတာမင် D ဖြည့်စွက်ထားတဲ့ လိမ္မော်ရည် တွေကနေ ဗီတာမင် D ရရှိနိုင်ပါတယ်။

ဗီတာမင် D နည်းရင် ဘယ်လိုရောဂါတွေဖြစ်နိုင်မလဲ

အရိုးတွေ နာကျင်ကိုက်ခဲနိုင်တယ်

ကြွက်သားတွေအားနည်းနိုင်တယ်

သွေးပေါင်ချိန်ကျနိုင်တယ်

နှလုံးသွေးကြောဆိုင်ရာ ရောဂါတွေခံစားရနိုင်ပါတယ်

အာရုံကြောဆိုင်ရာရောဂါတွေခံစားရနိုင်ပါတယ်

ပန်းနာရင်ကျပ်ရောဂါ ခံစားရနိုင်ပါတယ်

ကင်ဆာရောဂါလိုမျိုး နာတာရှည်ရောဂါတွေခံစားရနိုင်ပါတယ်

ဆီးချိုရောဂါတွေခံစားရနိုင်ပါတယ်

အရိုးပွရောဂါ ခံစားရနိုင်ပါတယ်။

သံဇစ်မြစ်ရေထု ညစ်ညမ်းမှုအကြောင်းအရင်း ပြည်သူကို ပွင့်လင်းမြင်သာစွာ ချပြသင့်

ကျောက်ဖြူမြို့ မြဒေးကျွန်းအနီးရှိ သံဇစ်မြစ်ရေထုညစ်ညမ်းမှု ဖြစ်ပေါ်ခဲ့မှုကို အစိုးရအနေနဲ့ အကြောင်းအရင်းရှာဖွေပြီး ပြည်သူတွေကို ပွင့်လင်းမြင်သာစွာ ချပြသင့်တယ်လို့ အရပ်ဘက်အဖွဲ့အစည်းတွေက တောင်းဆိုလိုက်ပါတယ်။

ရခိုင်ပြည်နယ်ကျောက်ဖြူမြို့နယ် မြဒေးကျွန်းအနီးရှိ သံဇစ်မြစ်အတွင်း ၂၀၁၈ ခုနှစ် ဇူလိုင်လအတွင်း ရေထုညစ်ညမ်းမှုဖြစ်ပေါ်ခဲ့တာပါ။

မြန်မာနိုင်ငံ ပွင့်လင်းမြင်သာမှုနှင့်တာဝန်ယူတာဝန်ခံမှု အရပ်ဘက် မဟာမိတ်အဖွဲ့) ရခိုင်ပြည်နယ်တာဝန်ခံ ကိုစိုးရွှေက “ကျနော်တို့ ဖြစ်စေချင်တာက အစိုးရတရပ်မှာရှိတဲ့ တာဝန်ယူသင့်တာတွေကို တာဝန်ယူစေချင်တယ်။ ရေထုညစ်ညမ်းမှုဖြစ်တယ်၊ ဒါကို အစိုးရဘက်ကလည်း လက်ခံတယ်၊ ဒီညစ်ညမ်းမှုကို ဘာကြောင့်ဖြစ် ရသလဲဆိုတဲ့ အကြောင်းအရင်း ဇစ်မြစ်ကို ရှာသင့်တာပေါ့။ ဒါကို အစိုးရပ်တရပ် အနေနဲ့ လုပ်ပေးသင့်တယ်။ ဒီဇစ်မြစ်ကိုသိလာတော့မှ နောက်အနာဂတ်မှာ ဒီဟာမျိုး မဖြစ်လာအောင်အတွက် ဘယ်လိုမျိုး ပြင်ဆင်ကာကွယ်ထားမလဲဆိုတဲ့ အစီအစဉ်မျိုးတွေကိုလည်း အစိုးရပ်အနေနဲ့ရေးဆွဲပြီး ချမှတ်သင့်တယ်၊ ပြည်သူလူထုကိုလည်း ပွင့်ပွင့်လင်းလင်းပဲချပြသင့်တယ်” လို့ ပြောပါတယ်။

အဆိုပါ သံဇစ်မြစ်ရေထုညစ်ညမ်းခဲ့မှု ဖြစ်ပေါ်ခဲ့ပြီးနောက်ပိုင်း ငါး၊ ပုစွန်၊ ဂဏန်း တွေ ဖမ်းဆီးရမိမှု နည်းလာသလို မရွေ့လျားနိုင်တဲ့ ခုံးတွေ၊ ခရုတွေဟာ အစုလိုက်အပြုံလိုက် သေဆုံးတာ တော်တော်များများ တွေ့လာရတယ်လို့ ဆိုပါတယ်။

အခုလို ရေထုညစ်ညမ်းမှုဖြစ်ပေါ်ခဲ့တာကို ပြည်သူ့လွှတ်တော်မှာမေးမြန်းခဲ့ပေမယ့် တိကျသေချာတဲ့ ဖြေရှင်းမှု မရှိတဲ့အတွက် ကျေနပ်အားရမှုမရှိဘူးလို့ ပြည်သူ့လွှတ်တော်ကိုယ်စားလှယ် ဦးဘရှိန်က ပြောပါတယ်။

“လွှတ်တော်ကတဆင့် အစိုးရကို မေးတယ်၊ ဒီဓာတ်ခွဲခန်းတွေရဲ့ အဖြေအရဆိုလို့ရှိရင် ဒီသံဇစ်မြစ်ရေပြင်မှာ လူတွေ၊ သတ္တ၀ါတွေအတွက် အခက်အခဲတွေ ရှိနိုင်တယ်ဆိုတဲ့ မူလရှိရမယ့် ဓတ်သတ္တုတွေထက် လွန်ကဲပြီးတော့ ရှိနေတယ်ဆိုတဲ့ဟာကို အန်ကယ်က ပြောပြခဲ့တယ်၊ ဓာတ်ခွဲခန်းရဲ့ အဖြေအရပေါ့၊ ဒီရေအရောင်အဆင်းနဲ့ ပတ်သက်ပြီးတော့ ဘယ်လိုလက်တွေ့မှာ တွေ့ရတယ်၊ ဒီနေရာမှာ တရုတ်ရေနံတင် ဆိပ်ကမ်း ရှိတယ်၊ တရုတ်ရေနံ သိုလှောင်ရုံတွေရှိတယ်၊ အရင်တခါမှ မဖြစ်ပေါ်ခဲ့ဘူးဆိုတာကိုလည်း မေးပြီးတော့ တင်ပြခဲ့တာပဲ။ ဒါပင်မယ့် ကျေနပ်လောက်တဲ့ အဖြေတော့ မရပါဘူး။”

ဝန်ကြီးဌာနအားလုံး ပေါင်းစပ်အဖြေထုတ်ဖို့ အချိန်ယူရဦးမှာဖြစ်လို့ နောင်မှ ဖြေကြားပေးနိုင်မယ်လို့ ဒုတိယဝန်ကြီး ဒေါက်တာရဲမြင့်ဆွေက လွှတ်တော်မှာ ပြန်လည်ဖြေကြားခဲ့ပါတယ်။

ရေပြင်ညစ်ညမ်းခဲ့တဲ့နေရာ အနီးနားတဝိုက်မှာ မဒေးကျွန်းရေနက်ဆိပ်ကမ်းရှိပြီး ရေနံသယ်ယူတင်ပို့တာရှိပေမယ့် ရေနံယိုဖိတ်တာ မရှိဘူးလို့ လျှပ်စစ်နဲ့စွမ်းအင်ဝန်ကြီးဌာနက ငြင်းဆိုထားပါတယ်။

ငြိမ်းချမ်းရေးလုပ်ငန်းတွင် ကရင်တိုင်းရင်းသားတို့၏ ဖြောင့်မတ်တည်ကြည်မှုကို အလေးထားဟု အတိုင်ပင်ခံပြော

ကရင်တိုင်းရင်းသားတို့ရဲ့ ဖြောင့်မတ်တည်ကြည်တဲ့၊ သတ္တိကြီးတဲ့ စွမ်းရည်ကို ငြိမ်းချမ်းရေးနဲ့ အမျိုးသားပြန်လည်သင့်မြတ်ရေးလုပ်ငန်းတွေမှာ အထူးအလေးထား အားကိုးတယ်လို့ နိုင်ငံတော်ရဲ့ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြောပါတယ်။

ဒီနေ့ ကျရောက်တဲ့ ကရင်နှစ်သစ်ကူးနေ့ကို ပေးပို့တဲ့ သဝဏ်လွှာမှာ ပြောတာဖြစ်ပြီး ဆယ်စုနှစ်ပေါင်းများစွာ ပြည်တွင်းစစ်ဒဏ်ကို ပြင်းပြင်းထန်ထန် ခံခဲ့ရတဲ့ ကရင်တိုင်းရင်းသားတွေ အနေနဲ့ ငြိမ်းချမ်းရေးကို မဖြစ်မနေရယူဖို့ လိုအပ်တာကို လေးလေးနက်နက် နားလည် ယုံကြည်ကြမယ်လို့လည်း ဖော်ပြထားပါတယ်။

ရိုးသားတာ၊ ကြိုးစားတာ၊ သစ္စာရှိတာ၊ သန္နိဋ္ဌာန်နဲ့ တိတိကျကျ ပြတ်ပြတ်သားသား လုပ်ကိုင်တတ်တဲ့ ကရင်တိုင်းရင်းသားတို့ရဲ့ ကောင်းမြတ်တဲ့ ဓလေ့စရိုက်တွေဟာ ဒီမိုကရေစီပြည်ထောင်စု တည်ဆောက်ဖို့အတွက် တန်ဖိုးကြီးတဲ့ အရင်းအမြစ်တွေ ဖြစ်တယ်လို့လည်း ဆိုပါတယ်။

ပြည်တွင်းပြည်ပ စိန်ခေါ်မှု အမျိုးမျိုးနဲ့ ရင်ဆိုင်နေရတဲ့ အခုအခါမှာ တိုင်းရင်းသား အားလုံးရဲ့ တယောက်ချင်း အရည်အသွေး၊ စိတ်ဓာတ်တို့ဟာ အများကြီး အရေးကြီးတယ်လို့လည်း ဆိုပါတယ်။

နှစ်သစ်ကူးနေ့မှာ ကရင်တမျိုးသားလုံး ပေါင်းစည်းတာ၊ ပျော်ရွှင်တာ၊ စည်းလုံးတာနဲ့ အနာဂတ်အတွက် ကောင်းမွန်စွာမျှော်လင့်တာတွေနဲ့ ပြည့်စုံပါစေလို့လည်း ဒေါ်အောင်ဆန်းစုကြည်က ဆုတောင်းပေးထားပါတယ်။

နှစ်စဉ် ပြာသိုလဆန်း ၁ ရက်နေ့ကို ကရင်နှစ်သစ်ကူးနေ့အဖြစ် သတ်မှတ်ထားပြီး ဒီနှစ်မှာတော့ ၂၇၅၈ နှစ် ရှိခဲ့ပြီဖြစ်ပါတယ်။

အမေရိကန် သမ္မတရွေးကောက်ပွဲ ယှဉ်ပြိုင်မည့် အမျိုးသမီး ထောက်ခံသူများနှင့်တွေ့ဆုံ

၂၀၂၀ အမေရိကန် သမ္မတ ရွေးကောက်ပွဲမှာ ၀င်ရောက်ယှဉ်ပြိုင်မယ့် ဒီမိုကရက် အမျိုးသမီး သမ္မတလောင်းအဖြစ် မျှော်လင့်ထားသူ အဲလိဇဘတ်ဝါရန်ဟာ ဇန်န၀ါရီ ၄ ရက်နေ့က အိုင်အိုဝါပြည်နယ်မှာ ပထမဆုံးအကြိမ် ထောက်ခံသူတွေနဲ့ တွေ့ဆုံခဲ့ပါတယ်။

အဲဒီလို တွေ့ဆုံရာမှာ ၀ါရန်က အကျင့်ပျက်ခြစားမှု တိုက်ဖျက်ရေးနဲ့ လူလတ်တန်းစား မဲဆန္ဒရှင်တွေကို ပစ်မှတ်ထားတဲ့ သတင်းစကားတွေကို အလေးထားပြောကြားခဲ့ပါတယ်။

ဝါရန်ဟာ မက်ဆာချူး ဆက်ပြည်နယ်က အကြီးတန်း အထက်လွှတ်တေ်ာ အမတ်ဖြစ်ပြီး သာမန်လူထု အကျိုးစီးပွားကို လိုလားသူအဖြစ် ထင်ရှားပါတယ်။

ဝါရန်ရဲ့ အိုင်အိုဝါ ခရီးစဉ် ၃ ရက်အတွင်း တွေ့ဆုံပွဲ ၅ ခု ပြုလုပ်သွားမှာ ဖြစ်ပါတယ်။ ဒီသတင်းပတ် အစောပိုင်းက ၀ါရန်ဟာ ရွေးကောက်ပွဲ ရန်ပုံငွေ ရစေမယ့် လေ့လာရေး ကော်မတီ တစ်ရပ်ကို ဖွဲ့စည်းခဲ့ပါတယ်။

လာမယ့် ၂၀၂၀ အမေရိကန် သမ္မတ ရွေးကောက်ပွဲမှာ ဒီမိုကရက်ပါတီအတွင်း အကြိတ်အနယ် ယှဉ်ပြိုင်ရမယ်လို့ မျှော်မှန်းထားပါတယ်။

#YawMinGyi #သတင်းကဏ္ဍ