၂ရက်သမီးလေးကို ငွေ၁၀သိန်းနဲ့ တရုတ်ကို ရောင်းစားတဲ့ အမေ

အင်းစိန်ဆေးရုံမှာ မွေးဖွားခဲ့တဲ့ ၂ ရက်သားအရွယ် သမီးငယ်ကို ငွေကျပ် ၁၀ သိန်းနဲ့ ရောင်းစားခဲ့တဲ့ အမေကို လူကုန်ကူးမှု တားဆီးကာကွယ်ရေးပုဒ်မနဲ့ အမှုဖွင့် အရေးယူထားတယ်လို့ မြန်မာနိုင်ငံ လူကုန်ကူးမှု တိုက်ဖျက်ရေး ရဲတပ်ဖွဲ့က ရဲမှူးခင်မောင်ကြွယ်က ဘီဘီစီကိုပြောပါတယ် ။

၂ ရက်သားအရွယ် သမီးလေးကို ရောင်းစားခဲ့ တဲ့ မိခင်ဖြစ်သူကတော့ အင်းစိန်မြို့နယ်၊ ဈေးကုန်းအရှေ့ ရပ်ကွက်မှာ နေထိုင်သူ အသက်၂၂ နှစ်အရွယ် အမျိုးသမီးဖြစ်ပါတယ် ။

သြဂုတ် ၇ ရက်နေ့က အင်းစိန်ဆေးရုံမှာ ကလေးမွေးဖွားခဲ့ပြီးတဲ့ နောက် သြဂုတ် ၉ ရက်နေ့မှာ ဒေါ်ရွှေရွှေသင်း ဆိုတဲ့ အမျိုးသမီးဆီကို ကလေးကိုငွေ ကျပ် ၁၀ သိန်းနဲ့ ရောင်းစားခဲ့တာဖြစ်ပါတယ်။

ရပ်ကွက်နေသူတွေ နဲ့ အနီးအနားပတ်ဝန်းကျင်က သတင်းတွေအရ လူကုန်ကူးမှုတိုက်ဖျက်ရေးရဲတပ်ဖွဲ့ က စုံစမ်းပြီး သြဂုတ်လ ၁၇ ရက်နေ့ က အမှုဖွင့်ခဲ့တာလို့လည်း မြန်မာနိုင်ငံလူကုန်ကူးမှု တိုက်ဖျက်ရေး ရဲတပ်ဖွဲ့က ရဲမှူးခင်မောင်ကြွယ်ကပြောပါတယ် ။

ဘယ်လိုရောင်းတာလဲ

ရဲမှူးခင်မောင်ကြွယ် ပြောပြချက်တွေ အရဆိုရင် တော့ လူကုန်ကူးမှုတွေ မှာဖြစ်လေ့ရှိတဲ့ ထုံးစံအတိုင်းငွေချေး တဲ့ ဇာတ်လမ်းက စတာဖြစ်ပါတယ် ။

"ကလေးရဲ့မအေဖြစ်သူ က ကိုယ်ဝန်ခြောက်လကတည်းက အဲဒီဝယ်တဲ့ ဒေါ်ရွှေရွှေသင်းဆီကနေ ငွေ နှစ်သိန်း ချေးသုံးဖူးတယ်။ မိန်းကလေး မွေးခဲ့ရင် သူ့ကိုပေးလို့လည်း ဟိုက ပြောထားတယ်။ ဒေါ်ရွှေရွှေသင်းက တရုတ်နိုင်ငံနဲ့ မြန်မာနိုင်ငံကို သွားလိုက်ပြန်လိုက် လုပ်နေသူ၊ဆေးရုံမှာ မိန်းကလေးလဲ မွေးလာရော ဒေါ်ရွှေရွှေသင်းက နောက်ထပ် ငွေ နှစ်သိန်း ထပ်ထုတ်ပေးခဲ့တယ်။ ကျန်တဲ့ ငွေခြောက်သိန်းကို တရုတ်နိုင်ငံ ကနေ လွှဲပေးလိုက်မယ်လို့ ပြောသွားတယ်" လို့ ရဲမှူး ခင်မောင်ကြွယ်က ရှင်းပြပါတယ်။

ကျန်တဲ့ ၆သိန်းရ၊မရ မသိရ သလို ရောင်းစားခံရတဲ့ ကလေးငယ် ကိုလည်း ပြန်မတွေ့သေးပါဘူး။

ဒါပေမယ့် ကလေးဝယ်တဲ့ အမျိုးသမီးဟာ တရုတ်နိုင်ငံဘက်ကို ရောက်သွားပြီလို့ သိရကြောင်း ရဲမှူးခင်မောင်ကြွယ်က ဘီဘီစီကို ပြောပါတယ်။

ကိုယ်မွေးတဲ့ကလေးကိုယ်ရောင်းစားလို့ရလား

မြန်မာနိုင်ငံရဲ့ လက်ရှိတည်ဆဲဥပဒေတွေ အရတော့ ကိုယ်မွေးထားတဲ့ သားသမီးပေမယ့် ငွေနဲ့ရောင်းစားရင် ခေါင်းပုံဖြတ်မှု မြောက်ပြီး လူကုန်ကူးမှုလည်းမြောက်ပါတယ် ။

"ဘယ်သူကပဲရောင်းရောင်း မိခင် အရင်းကပဲရောင်းရောင်း၊ အရေးယူလို့ရတယ်။ အရေးယူခဲ့တာတွေလည်းရှိတယ် " လို့လည်း လူကုန်ကူးမှုတိုက်ဖျက်ရေးက အငြိမ်းစားရဲမှူးကြီး ဦးခင်မောင်လှက ဘီဘီစီကို ပြောပါတယ် ။

၂၀၁၀ ခုနှစ်မတိုင်မီ ကတည်းက ရှမ်းပြည်နယ် ဘက်ကနေ ကိုယ့်သားသမီးအရင်းတွေ တရုတ်ဘက်ကို ရောင်းစားလို့ အရေးယူခဲ့တာတွေရှိတယ် လို့လည်း သူကပြောပါတယ်။

တရုတ်ဘက် ကတော့ မွေးစားချင်လို့ဝယ်တာလား၊ ခိုင်းစားချင်လို့လား၊ ကိုယ်တွင်းကလီစာတွေတချိန်မှာ ထုတ်ရောင်းဖို့လား၊အမျိုးမျိုးဖြစ်နိုင်တယ် လို့ လည်းလူကုန်ကူးမှုတိုက်ဖျက်ရေးက အငြိမ်းစားရဲမှူးကြီး ဦးခင်မောင်လှက ရှင်းပြပါတယ် ။

မွေးကင်းစကလေးကိုဘာအတွက်ဝယ်ကြတာလဲ

ဒီလိုမွေးကင်းစကလေးကို တရုတ်နိုင်ငံဘက်ကို တင်ပို့ရောင်းဝယ်တာဟာ ဘယ်လိုရည်ရွယ်ချက်နဲ့ ဝယ်တယ်ဆိုတာ ရှင်းရှင်းလင်းလင်း မသိရသေးကြောင်းလည်း လူကုန်ကူးမှု တားဆီးနှိမ်နင်းရေး ရဲတပ်ဖွဲ့က ရဲမှူး ခင်မောင်ကြွယ်က ပြောပါတယ်။

"ဘာရည်ရွယ်ချက်နဲ့ ကလေးကို ဝယ်သွားတာလဲ။ အရွယ်ရောက်တဲ့အထိ ကလေးကို မွေးမှာလား။ ဒါမှမဟုတ် အသုံးပြုလို့ရတဲ့ အရွယ်မှာပဲ ကိုယ်အင်္ဂါ အစိတ်အပိုင်းတွေကို ရောင်းစားမှာလား ဆိုတာတော့ ဖမ်းမိတဲ့အချိန် စစ်ဆေးကြည့်မှ သိနိုင်မယ်" လို့လည်း သူက ဘီဘီစီကို ပြောပါတယ်။

ကလေးကို ကျပ် ၁၀ သိန်းနဲ့ ရောင်းစားခဲ့ တဲ့ အမေနဲ့ အဖေဟာ လက်လုပ်လက်စားတွေဖြစ်ပြီး စီးပွားရေး အဆင်မပြေမှု၊ ဆင်းရဲနွမ်းပါးမှုနဲ့ ဗဟုသုတ နည်းပါးမှုတို့ကြောင့် မိမိကလေးကို ငွေကြေးနဲ့ ရောင်းစားခဲ့တာလို့ စစ်ဆေး တွေ့ရှိရကြောင်း ရဲမှူး ခင်မောင်ကြွယ်က ဘီဘီစီကို ပြောပါတယ်။

"ဒီကလေးက မွေးကင်းစကလေးလေ။ အသက်ရှိတဲ့ ကလေးလေ။ ရောင်းစားလို့ မရဘူး။ ဥပဒေနဲ့အညီ မွေးစားတာဆိုတမျိုးပေါ့" လို့ လည်း ရဲမှူး ခင်မောင်ကြွယ်ကပြောပါတယ်။

ကလေးမွေးဖွားပြီးတဲ့နောက်မှာ အမေဖြစ်သူက သြဂုတ် ၁၂ ရက်နေ့ မှာ ဆေးရုံကနေ မွေးစာရင်းထုတ်ပြီး ဒေါ်ရွှေရွှေသင်း ထံ ကလေးကို ပေးအပ်ခဲ့ကြောင်းနဲ့ ဒေါ်ရွှေရွှေသင်း ထပ်ပေးတဲ့ ငွေကျပ်နှစ်သိန်းထဲကနေ မိဘတွေက တစ်သိန်းကို သုံးထားပြီးတော့ ကျန်ငွေတစ်သိန်းကို အကြွေးဆပ်လိုက်ပြီလို့ စစ်ဆေးတွေ့ရှိရလို့ ငွေကျပ်တစ်သိန်းကို ရဲတပ်ဖွဲ့က သက်သေခံ ပစ္စည်းအဖြစ် ပြန်လည် သိမ်းဆည်းခဲ့ပါတယ်။

မွေးကင်းစ ကလေးကို ငွေကြေးနဲ့ ရောင်းချခဲ့သူ အင်းစိန် ဈေးကုန်းအရှေ့ရပ်ကွက်က မိခင်နဲ့ ကလေးကို ငွေနဲ့ဝယ်ပြီး တရုတ်နိုင်ငံကို ခေါ်သွားသူ ဒေါ်ရွှေရွှေသင်း(စုံစမ်းဆဲ)တို့ နှစ်ဦးကို အင်းစိန်မြို့မ ရဲစခန်းက လူကုန်ကူးမှု တားဆီး ကာကွယ်ရေး ဥပဒေ ပုဒ်မ ၂၄/၃၂ နဲ့ အမှုဖွင့် ထားတယ်လို့လည်း သိရပါတယ်။

ဒေါ်ရွှေရွှေသင်းကတော့ ကလေးနဲ့မူဆယ်/လားရှိုးဘက်ကိုရောက်သွားပြီလို့ သိရလို့ သူ့ကို ဖမ်းဆီးနိုင်ဖို့ စိစစ်ဆောင်ရွက်နေတယ်လို့လည်း ပြောပါတယ်။

ပြစ်မှုထင်ရှားရင်တော့ ဒီပြစ်မှုဟာ ထောင်ဒဏ် ၁၀ နှစ်ကနေ တစ်သက်တကျွန်းအထိ ပြစ်ဒဏ်ကျခံနိုင်ရဖို့ ရှိပါတယ်။

၂၀၁၀ ပြည့်နှစ် မတိုင်မီကတော့ အရွယ်ရောက်ပြီး ကလေးငယ် တချို့ကို တရုတ်နိုင်ငံဘက် ရောင်းစားတာ ရှိခဲ့ပြီးတော့ ကလေးငယ်တွေကို ပြန်ပြီး ကယ်နိုင်တာမျိုး မရှိကြောင်းနဲ့ တရုတ်နိုင်ငံထဲရောက်သွားရင်တော့ ပြန် ကယ်ဖို့ မလွယ်ကြောင်း လည်းလူကုန်ကူးမှုတိုက်ဖျက်ရေး က အငြိမ်းစားရဲမှူးကြီးဦးခင်မောင်လှ ကရှင်းပြပါတယ် ။

Credit - BBC

အဂတိလိုက်စားမှု မြန်မာလူထု တိုင်ကြားနိုင်မယ့် စနစ်သစ် ရှေ့လထဲစမည်

မြန်မာနိုင်ငံတ၀န်းက အများပြည်သူနဲ့ ဆက်ဆံနေရတဲ့ ဝန်ကြီးဌာန ၁၈ ခုမှာ CPU လို့ခေါ်တဲ့ အဂတိလိုက်စားမှု တားဆီးကာကွယ်ရေးအဖွဲ့ ၃၂ ဖွဲ့ ဖွဲ့စည်းထားရှိပြီး၊ မြို့ နယ်၊ ရပ်ကွက်၊ ကျေးရွာတွေအထိ လက်လှမ်းမှီမယ့်၊ ထိရောက်တဲ့ စံနစ်တခုကို ကမ္ဘာ့ဘဏ်ရဲ့ အကူအညီနဲ့ မကြာမီ အကောင်အထည်ဖေါ်ဖို့ ရှိတယ်လို့ အဂတိလိုက်စားမှုကော်မရှင်က ပြောဆိုလိုက်ပါတယ်။ ပြည်သူတွေအနေနဲ့ တယ်လီဖုန်း SMS Message နဲ့ CPU အဖွဲ့တွေဆီကို စက်တင်ဘာလကုန်မှာ တိုက်ရိုက် အကြောင်းကြားနိုင်တော့မှာ ဖြစ်တယ်လို့လည်း အဂတိလိုက်စားမှုကော်မရှင်ဥက္ကဋ္ဌ ဦးအောင်ကြည်က ဗွီအိုအေကို ပြောပါတယ်။ အစောဆုံး ရှေ့လထဲမှာ စတင်ဖို့ရှိတဲ့ အစီအစဉ်နဲ့ ပတ်သက်လို့ ဗွီအိုအေမြန်မာပိုင်း အယ်ဒီတာ ဒေါ်ခင်စိုးဝင်း က နေပြည်တော်မှာ ဦးအောင်ကြည်နဲ့ သီးသန့်တွေ့ဆုံမေးမြန်းရာမှာ အခုလို စရှင်းပြပါတယ်။

ဦးအောင်ကြည်။ ။ CPU အနေနဲ့ ကျနော်တို့ ပြီးခဲ့တဲ့ လကုန်ပိုင်းမှာ လုပ်ခဲ့တဲ့ ဆွေးနွေးပွဲမှာ ကမ္ဘာ့ဘဏ်အကူအညီနဲ့ပေါ့နော်။ CPU က အောက်မှာ ရှိနေတဲ့ မြို့နယ်အဆင့် ရပ်ကျေးအဆင့် ရုံးခွဲတွေကို လက်လှမ်းမမှီတာရှိနေတယ်။ များသောအားဖြင့် ၀န်ကြီးဌာနတွေအနေနဲ့က သူတို့ ဘာတွေဖြစ်နေသလဲ၊ ဘယ်လိုအဂတိ လိုက်စားနေကြသလဲ ဆိုတာကို အပေါ်ကနေပြီးတော့ မထိန်းချုပ်နိုင်ဘူးဆိုတဲ့အနေအထားလေးတွေ ကျနော်တို့ တွေ့ရပါတယ်။ ဒီအပေါ်မှာ ကမ္ဘာ့ဘဏ်က ကျနော်တို့ကို application လေးတခု အကူအညီပေးတာ ရှိပါတယ်။ အဲဒီတော့ ဒီ Application ကို CPU tool kit လို့ခေါ်ထားပါတယ်။ အဲဒါကိုလည်း ကျနော်တို့ ၀န်ကြီးဌာန တခုချင်းရဲ့ လုပ်ငန်းသဘာဝပေါ် မူတည်ပြီးတော့ ဒီဇိုင်းတွေ ဆွဲနေပါပြီ။ ဒါကိုလည်း ကျနော်တို့ လေ့ကျင့်ထားပြီးသားရှိပါတယ်။ အဲဒါ ဘယ်လိုလုပ်သလဲဆိုတော့ တယ်လီဖုန်းက တဆင့်ပါပဲ။ အခုခေတ်မှာ တယ်လီဖုန်းက လူတိုင်းမှာ ရှိနေကြတဲ့အခါကျတော့ တယ်လီဖုန်းက SMS ပို့တဲ့စနစ်တွေပါမယ်။ အဲဒီတော့ အောက်ခြေမှာဖြစ်နေတဲ့ ကိစ္စမှာ ဥပမာ- ဘယ်ဌာနမှာ ဘယ်ခွင့်ပြုချက်ကို တောင်းတယ်ဆိုရင် အဲဒီတောင်းတဲ့လူရဲ့ ဖုန်းနံပတ်ကို အောက်ခြေရုံးဌာနကတဆင့် CPU က ပို့ပေးရမယ်။ အဲဒီတော့ CPU ကနေပြီးမှ အဲဒီတောင်းတဲ့လူကို သဘောထားမေးရမှာပေါ့နော်။ အဲဒီတော့ အဲဒီအခါမှာ ကျနော်တို့ ခုနကပြောတဲ့အတိုင်း အက်စ်အိုပီထဲမှာ ပြဌာန်းထားရမယ်လေ။ အက်စ်အိုပီထဲမှာ အောက်ခြေက ရုံးတွေက သူတို့နဲ့ ဆက်သွယ်တဲ့ လူတွေဆီကနေပြီးတော့ ဖုန်းနံပတ် ရယူရမယ် ပြီးရင် CPU ကိုပို့ပေးရမယ်ဆိုတဲ့ အချက်မျိုးလေး ထည့်ထားမယ်ဆိုရင် CPU က တန်းပြီးတော့မှ ပြည်သူကို မေးတော့မယ် ။ ဒီကိစ္စ အဆင်ပြေရဲ့လား ၊ ဘယ်လောက်ပေးခဲ့ရသလဲ၊ ဘယ်သူ့ကို ပေးခဲ့ရတာ ရှိသေးသလဲ ။ ကျေနပ်တယ် အဆင်ပြေတယ်ဆိုရင်တော့ အိုကေပေါ့ ၊ ဒီဌာနလည်း ကောင်းတယ် ရုံးလေးကလည်း မဆိုးဘူးပေါ့။ ဒီမှာ ပြဿနာလေးတွေရှိတယ်ဆိုရင် ဒါက သတိပေး လို့ရသွားပြီ။

ဒေါ်ခင်စိုးဝင်း။ ။ အဲဒါက Application လား တယ်လီဖုန်းထဲမှာ ထည့်လို့ရတဲ့ Application လား World Bank ကလုပ်ပေးတဲ့ဟာ၊ ဒါမှမဟုတ် SMS နဲ့ပို့ရတာလား။

ဦးအောင်ကြည်။ ။ အမှန်ကတော့ SMS ပဲ ဒါပေမယ့် ဒါတွေအကုန်လုံးကို SMS အသုံးပြုထားတဲ့ Application ပေါ့နော် ဒါတွေအကုန်လုံးကို ကျနော်တို့ Data procession လုပ်ထားတာပေါ့။ သက်ဆိုင်တဲ့ ဌာနတွေလုပ်သမျှအားလုံးကို CPU က သိနေအောင်ပေါ့နော်။ အလားတူပဲ CPU လုပ်သမျှလည်း ကျနော်တို့ ကော်မရှင်အနေနဲ့ သိနေရမယ်။ ကျနော်တို့က သိရုံပဲသိမှာပါ ကျန်တဲ့အပိုင်းက ဘာမှ မရှိဘူး။ သို့သော်လည်း ဘယ်သူတို့ ဘယ်လို ဆက်သွယ်ကြသလဲဟိုက သဘောထားက ဘယ်လိုပြန်ကြားသလဲ ဘာညာပေါ့နော် ဒါလေးတွေကို World bank က ဆောင်ရွက်ပေးနေတာ ရှိပါတယ်။ ဒါက သူ့ဌာနနဲ့သူ ဒီဇိုင်း ဆွဲထားကြတယ်။ လုပ်ငန်းသဘာဝချင်းမတူဘူးပေါ့ အဲဒီတော့ အဲဒီဒီဇိုင်းက စက်တင်ဘာလောက်ဆိုရင် အများပြည်သူကို မိတ်ဆက်ပေးလို့ ရတယ်။ အများပြည်သူကလည်း CPU ကို တန်းပြီးတော့ ပြောလို့ရတယ်။ ဒီဌာနကတော့ ကျမတို့ကို ဒီလို ပိုက်ဆံတောင်းနေတယ်ဆိုတာကို ချက်ချင်းပြောလို့ရတယ်။ အဲလိုဆိုရင် CPU ကလည်း လှမ်းမေးလို့ရတာပေါ့ ။ ဒါက ကျနော်တို့ဆီ ရောက်စရာမလိုဘူး အရေးယူစရာမလိုဘူး ချက်ချင်းကို အဲဒီမှာတင် တားဆီးလို့ရနေပါပြီ။ အဲဒီသဘောမျိုး လွယ်လွယ်ကူကူလေးနဲ့ ကျနော်တို့က ချိတ်ဆက်လို့ရတယ် အဲဒါလေးလည်း CPU က လုပ်မှာဆိုတော့ ခုနက မေးခွန်းလိုပေါ့ တတိယ အဖွဲ့အစည်း မပါပဲနဲ့ အလုပ်ဖြစ်ပါ့မလား ဆိုတဲ့ သံသယတွေလည်း ပြောက်သွားမှာပေါ့။ ဒီလုပ်ငန်း စဉ်ဟာ ကျနော့်အမြင်အရတော့ စက်တင်ဘာလကုန် လောက်ကစပြီးတော့ အကောင်အထည်ဖော်တော့မှာဖြစ်ပါတယ်။ ဒါတွေလုပ်လာပြီ ဆိုရင် CPU လည်း မအားမလပ်ဖြစ်နေမှာပဲ။ အလုပ်တွေ အများကြီးပဲလေ။ အဲဒီတော့ ပြည်သူကလည်း CPU ကို တိုက်ရိုက်ပိုပြီးတော့ အားကိုးလာမယ် သက်ဆိုင်ရာဝန်ကြီးဌာနတွေကို အားကိုးလာမယ် ။ ယုံကြည်လာမှာပေါ့နော် အုပ်ချုပ်ရေးပိုင်းမှာလည်း ယုံကြည်မှုတွေ အများကြီးတိုးပြီးရလာမယ်လို့ ယုံကြည်ပါတယ်။”

Credit - VOA

အပစ်ရပ် ၁၀ ဖွဲ့ရဲ့ PPST အစည်းအဝေး ချင်းမိုင်မှာကျင်းပ

တစ်ဆို့နေတဲ့ ငြိမ်းချမ်းရေးလုပ်ငန်းစဉ်တွေနဲ့ ပတ်သက်လို့ NCA အပစ်ရပ် တိုင်းရင်းသား လက်နက်ကိုင်အဖွဲ့တွေအနေနဲ့ တူညီတဲ့ ဘုံသဘောထား ရယူပြီး အစိုးရထိပ်ပိုင်းခေါင်းဆောင်တွေနဲ့ တွေ့ဆုံသွားမယ်လို့ ဒီကနေ့ ထိုင်းနိုင်ငံ၊ ချင်းမိုင်မြို့မှာ စတင်ကျင်းပတဲ့ ငြိမ်းချမ်းရေး လုပ်ငန်းစဉ် ဦးဆောင်အဖွဲ့ PPST အစည်းအဝေးမှာ တိုင်းရင်းသား ခေါင်းဆောင်တွေက ပြောပါတယ်။

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် NCA မှာ လက်မှတ်ရေးထိုးထားကြတဲ့ တိုင်းရင်းသား လက်နက်ကိုင်အဖွဲ့တွေဟာ ငြိမ်းချမ်းရေး လုပ်ငန်းစဉ် ရှေ့ဆက်နိုင်မယ့် ဘုံသဘောတူညီမှုတွေ ရရှိဖို့အတွက် ထိပ်သီးခေါင်းဆောင်တွေပါဝင်တဲ့ ငြိမ်းချမ်းရေး လုပ်ငန်းစဉ် ဦးဆောင်အဖွဲ့ PPST အစည်းအဝေးကို ချင်းမိုင်မြို့မှာ ဒီကနေ့ စတင်ကျင်းပနေတာဖြစ်ပါတယ်။

ဒီကနေ့ စတင်ကျင်းပတဲ့ အစည်းအဝေးဟာ မေ ၁၈ ရက်နေ့က PPST ကနေ ညှိနှိုင်းအဖွဲ့ PPCM ပြောင်းလဲရာမှာ သဘောထားကွဲလွဲမှုတွေကို ပြန်လည်စည်းရုံးဖို့ သဘောဖြစ်တယ်လို့ PPST အဖွဲ့ဝင် ဗိုလ်မှူးကြီး ခွန်ဥက္ကာ က ပြောပါတယ်။

ငြိမ်းချမ်းရေး လုပ်ငန်းစဉ် တစ်ဆို့မှု ကျော်လွှားရေးကိစ္စ၊ အစိုးရက အဆိုပြုလာတဲ့ ငြိမ်းချမ်းရေး လုပ်ငန်းစဉ် ရှေ့တိုးရေး နည်းလမ်း လေးရပ်၊ ပြည်ထောင်စု ငြိမ်းချမ်းရေး ညီလာခံ ၂၁ ရာစု ပင်လုံ ကျင်းပရေးမှာ ရလဒ်ကောင်းထွက်ရှိရေးကိစ္စတွေ အပါအ၀င် ငြိမ်းချမ်းရေးလုပ်ငန်းစဉ် ဦးဆောင်အဖွဲ့ PPST စုဖွဲ့မှု စတဲ့ ကိစ္စတွေကို အဓိက ဆွေးနွေးသွားကြဖို့ ရှိတယ်လို့လည်း သိရပါတယ်။

ဒါ့အပြင် တိုင်းရင်းသားတွေအနေနဲ့ ၂၀၀၈ ဖွဲ့စည်းပုံ ပြင်ဆင်ရေးကို လွှတ်တော်ပြင်ပဖြစ်တဲ့ ငြိမ်းချမ်းရေးလုပ်ငန်းစဉ်ကနေ တွန်းအားပေးသွားမယ်လို့လည်း ဗိုလ်မှူးကြီး ခွန်ဥက္ကာက ပြောပါတယ်။

ဒီအစည်းအဝေး မကျင်းပမီ သြဂုတ်လ ၁၉ ရက်နေ့ကလည်း အငြိမ်းစား ဒုတိယ ဗိုလ်ချုပ်ကြီး ခင်ဇော်ဦး ခေါင်းဆောင်တဲ့အဖွဲ့ ချင်းမိုင်မြို့ကို ရောက်ရှိချိန်မှာ နိုင်ငံ့ထိပ်ပိုင်းခေါင်းဆောင်တွေနဲ့ တွေ့ဆုံဖို့ ကမ်းလှမ်းခဲ့တာရှိတယ်လို့ သိရပါတယ်။

တပ်မတော်ရဲ့ အပစ်ရပ်ကာလဟာလည်း ဒီသြဂုတ်လမှာ သက်တမ်းကုန်ဆုံးတော့မှာဖြစ်သလို NCA လက်မှတ်ရေးထိုးခဲ့တာဟာလည်း လေးနှစ်ပြည့်တော့မှာဖြစ်ပေမယ့် ဖက်ဒရယ်ပြည်ထောင်စု တည်ဆောက်ရေးလမ်းကြောင်းဟာ ဝေး၀ါးနေဆဲပဲလို့ ဒီကနေ့ အစည်းအဝေး အဖွင့်မိန့်ခွန်းမှာ RCSS ဥက္ကဋ္ဌ ဗိုလ်ချုပ်ကြီး ယွက်စစ် က ထည့်သွင်း ပြောဆိုခဲ့ပါတယ်။

RCSS ဥက္ကဋ္ဌ ဗိုလ်ချုပ်ကြီး ယွက်စစ် အနေနဲ့ PPST အစည်းအဝေးတွေမှာ မြန်မာလို အစအဆုံး မိန့်ခွန်းပြောတာဟာ ဒါ ပထမဆုံးအကြိမ် ဖြစ်ပါတယ်။

လေးရက်ကြာကျင်းပမယ့် ဒီအစည်းအဝေးကိုတော့ NCA အပစ်ရပ် တိုင်းရင်းသား လက်နက်ကိုင်အဖွဲ့တွေရဲ့ ထိပ်သီးခေါင်းဆောင်တွေအပါအ၀င် ကိုယ်စားလှယ် ၈၀ နီးပါး တက်ရောက်ခဲ့ပါတယ်။

Credit - RFA

လက်နက်ကိုင်အဖွဲ့တွေကို တရုတ် ထိန်းချုပ်ရင် ငြိမ်းချမ်းရေးမှာ အထောက်အကူဖြစ်မယ်လို့ ဒုဝန်ကြီးပြော

နယ်စပ်ဒေသမှာရှိတဲ့ တိုင်းရင်းသားလက်နက်ကိုင်အဖွဲ့တွေကို တရုတ်နိုင်ငံက သြဇာလွှမ်းမိုးနိုင်တယ်လို့ ယူဆတဲ့အတွက် တရုတ်ကသာ တင်းတင်းကျပ်ကျပ် ထိန်းချုပ်မယ်ဆိုရင် ငြိမ်းချမ်းရေးအတွက် အများကြီး အထောက်အကူပြုမှာ ဖြစ်ကြောင်း စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထူးက ပြောလိုက်ပါတယ်။

ဒီနေ့ ပြည်ထောင်စုလွှတ်တော်ကို တက်ရောက်ခဲ့တဲ့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထူးကို နယ်စပ်ကုန်သွယ်ရေး အခြေအနေနဲ့ ပတ်သက်ပြီး သတင်းထောက်တွေက မေးမြန်းရာမှာ တရုတ်ရဲ့ အရေးပါမှုကို ဖြေကြားခဲ့တာဖြစ်ပါတယ်။

သြဂုတ်လ ၁၅ ရက်နေ့က ပြင်ဦးလွင် နည်းပညာစစ်တက္ကသိုလ်နဲ့ နောင်ချိုမြို့တို့မှာ TNLA တအာင်းပလောင်၊ MNDAA ကိုးကန့်နဲ့ AA အဖွဲ့တို့ ရဲ့ တိုက်ခိုက်မှုအပြီး တံတားတွေ မိုင်းခွဲတိုက်ခိုက်ခံခဲ့ရသလို ရှမ်းပြည်နယ်မြောက်ပိုင်းမှာ တပ်မတော်နဲ့ တိုက်ပွဲတွေ ဒီနေ့အထိ ဆက်တိုက်ဖြစ်ပွားနေပါတယ်။

အဲဒီလို တံတားတွေ မိုင်းခွဲခံရတဲ့အထဲမှာ မန္တလေး- မူဆယ် ကားလမ်းပေါ်က ဂုတ်တွင်းတံတားလည်း ပါဝင်ခဲ့ပြီး ခရီးသည်ယာဉ် ကားတွေအပါအ၀င် ကုန်စည်သယ်ပို့တဲ့ ကားကြီးတွေပါ အသွားအလာ ရပ်တန့်ခဲ့ရပါတယ်။

တရုတ်နိုင်ငံကလည်း အဲဒီတိုက်ခိုက်မှုတွေဟာ မြန်မာနိုင်ငံ မြောက်ပိုင်းဒေသက တည်ငြိမ်အေးချမ်းရေးကို ထိခိုက်တဲ့အတွက် ဆန့်ကျင်ကြောင်း တရုတ်နိုင်ငံခြားရေးဝန်ကြီးဌာနက ပြီးခဲ့တဲ့ ရက်ပိုင်းက သတင်းစာရှင်းလင်းပွဲမှာ ထုတ်ပြန်ပြောကြားခဲ့ပါတယ်။

တံတားတွေကို ပြန်လည်တည်ဆောက်နေတဲ့ အချိန်အတွင်း ကုန်စည် စီးဆင်းမှု ရပ်တန့်သွားတဲ့အတွက် ဘယ်အတိုင်းအတာ ပမာဏအထိ ဆုံးရှုံးနစ်နာခဲ့ရတယ်ဆိုတာကိုတော့ အတိအကျ မပြောနိုင်သေးဘူးလို့ သိရပါတယ်။

သြဂုတ်လ ၁၅ ရက်နေ့က မိုင်းခွဲဖျက်ဆီးခံခဲ့ရတဲ့ ဂုတ်တွင်းတံတားကို မနေ့က ယာယီဘေလီတံထားနဲ့ အစားထိုး ပြန်လည်တည်ဆောက်ပြီးဖြစ်တဲ့အတွက် တန်ချိန်ကန့်သတ်ထားတဲ့ ကုန်တင်ယာဉ်တွေတော့ စတင် သွားလာနိုင်ပြီဖြစ်ပါတယ်။

ဆောက်လုပ်ရေးဝန်ကြီးဌာနက ဒုတိယ၀န်ကြီး ဦးကျော်လင်းက မိုင်းခွဲဖျက်ဆီးခံရတဲ့ တံတားတွေကို အမြန်ဆုံးပြင်ဆင်ဆောင်ရွက်နေလို့ လမ်းပမ်းဆက်သွယ်ရေး ကောင်းမွန်လာတော့မယ်လို့ ပြောပါတယ်။

ဒါ့အပြင် လက်ရှိ ဘေလီ ဂုတ်တွင်း တံတားအနီးမှာ တံတားသစ်တစ်စင်း ထပ်မံတည်ဆောက်သွားမယ်လို့ ပြောပါတယ်။

တရုတ်နိုင်ငံက သွင်းကုန်တွေဟာ မြန်မာအတွက် မရှိဖြစ်လိုအပ်တဲ့ ကုန်ပစ္စည်းအမျိုးအစားတွေ မဟုတ်တဲ့ အတွက် ကုန်ဈေးနှုန်း ထိခိုက်မှာကို စိုးရိမ်တာမရှိဘဲ ပို့ကုန်နဲ့ ပတ်သက်ရင်တော့ စိုးရိမ်စိတ်ရှိတယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန ဒုဝန်ကြီး ဦးအောင်ထူး ကပြောပါတယ်။

ဒုတိယ ၀န်ကြီး ဦးအောင်ထူးက အခုလတ်တလောမှာ ကုန်ပစ္စည်း သယ်ပို့တဲ့ ယာဉ်တွေ အသွားအလာ ရပ်တန့်ထားရပေမယ့် တံတားပြင်ပြီးတာနဲ့ ကုန်သွယ်ရေး ပြန်စနိုင်မယ်လို့ မျှော်လင့်ကြောင်း ပြောပါတယ်။

ချင်းရွှေဟော်ဘက်မှာတော့ တံတား တစ်စီးက ပြန်လည်မပြုပြင်နိုင်သေးတဲ့အတွက် သွားရေး၊ လာရေး အခက်အခဲရှိနိုင်တယ်လို့ သိရပါတယ်။

အလားတူ နောင်ချိုမြို့ အထက်ဘက်မှာ တံတား ငါးစင်း မိုင်းခွဲခံခဲ့ရပြီး တခြားဒေသတွေမှာလည်း တံတားမိုင်းခွဲဖျက်ဆီးခံရတာတွေရှိပါတယ်။

Credit - RFA

တိုက်ပွဲရပ်ရန် မြောက်ပိုင်းမဟာမိတ်အဖွဲ့ကို တရုတ် ဖိအားပေး

ရှမ်းပြည်နယ် မြောက်ပိုင်းတွင် ပြုလုပ်နေသည့် စစ်ဆင်ရေး ရပ်တန့်ပေးရန် မြောက်ပိုင်းမဟာမိတ်အဖွဲ့ကို တရုတ်နိုင်ငံက ခေါ်ယူ ဖိအားပေးလျက် ရှိကြောင်း ပလောင် (တအန်း) အမျိုးသား လွတ်မြောက်ရေး တပ်မတော် (TNLA) မှ ဗိုလ်မှူးချုပ် တာဘုန်းကျော်က ဧရာဝတီသို့ ပြောသည်။

တရုတ်နိုင်ငံ၊ နိုင်ငံခြားရေး ဝန်ကြီးဌာန၏ အာရှရေးရာ အထူးကိုယ်စားလှယ် မစ္စတာ ဆွန်ကော့ရှန်က “ဝ” ပြည် သွေးစည်း ညီညွတ်ရေးတပ်ဖွဲ့ (UWSA) ဦးဆောင်သည့် ပြည်ထောင်စု ငြိမ်းချမ်းရေး ဆွေးနွေးမှု ကော်မတီ (FPNCC) ကို သြဂုတ် ၂၀ ရက်နေ့က တရုတ်နိုင်ငံ ကူမင်းမြို့သို့ ခေါ်ယူ၍ ဖိအားပေးခဲ့ခြင်း ဖြစ်ကြောင်း သိရသည်။

TNLA မှ ဗိုလ်မှူးချုပ် တာဘုန်းကျော်က “ကျနော်တို့ ၃ ဖွဲ့ ကို တရုတ် ကိုယ်စားလှယ် ဆွန်ကော့ရှန်က ခေါ်တွေ့တယ်။ ယူနန်ပြည်နယ် ရဲမှူးလည်း ပါတယ်။ တရုတ်ဘက်က ပြောတာက ကျနော်တို့ တိုက်နေတဲ့စစ်ပွဲကို ရပ်ဖို့ သူတို့ဘက်က ဒီဟာလက်မခံဘူးတဲ့။ သူတို့ဘက်က ဒီဟာကို သဘောမကျဘူး။ ဘယ်လိုနည်းနဲ့ပဲ ဖြစ်ဖြစ် ဒီဟာကို ရပ်ဖို့ပြောတယ်။ ကျနော်တို့ကို ဖိအားပေးတာပေါ့”ဟု ပြောသည်။

FPNCC တွင် “ဝ” ပြည် သွေးစည်း ညီညွတ်ရေး တပ်မတော် (UWSA)၊ အမျိုးသား ဒီမိုကရေစီ မဟာမိတ် တပ်မတော် (NDAA)၊ ကချင်လွတ်လပ်ရေး တပ်မတော် (KIA)၊ မြန်မာအမျိုးသား ဒီမိုကရေစီ မဟာမိတ်တပ်မတော် (MNDAA)၊ ရှမ်းပြည်မြောက်ပိုင်း တပ်မတော် (SSPP/SSA)၊ တအန်းအမျိုးသား လွတ်မြောက်ရေး တပ်မတော် (TNLA) နှင့် ရက္ခိုင်စစ်တပ် (AA) တို့ ပါဝင်သည်။

တိုက်ပွဲများ ရပ်ရမည် ဆိုပါက ရခိုင်၊ ကိုးကန့်၊ ပလောင် တိုင်းရင်းသားဒေသများတွင် ပြုလုပ်နေသည့် စစ်ဆင်ရေးများကို ရပ်ရန် လိုကြောင်း၊ တိုင်းရင်းသားဒေသများတွင် ကျူးလွန်နေသည့် စစ်ရာဇဝတ်မှုများကို ရပ်တန့်ရန်နှင့် စစ်မှန်သည့် တွေ့ဆုံ ဆွေးနွေးမှု အပစ်ရပ်ရေး ကိစ္စက အစိုးရက ဆောင်ရွက်ပေးရန် လိုကြောင်း ပြန်လည် တင်ပြခဲ့သည်ဟု TNLA က ပြောသည်။

ဗိုလ်မှူးချုပ် တာဘုန်းကျော် က “ဒီတောင်းဆိုချက် ဖြစ်မြောက်ရင် တိုက်ပွဲက ရပ်သွားမှာပဲ။ တရုတ်ဘက်က တင်ပြတဲ့ တွေ့ဆုံ ဆွေးနွေဖို့ ကိစ္စက ကျနော်တို့ သဘောတူပါတယ်။ အခုတွေ့လည်း တွေ့ နိုင်ပါတယ်။ နေရာကိစ္စပဲ အခက်အခဲ ဖြစ်နေတယ်။ မြန်မာ့ တပ်မတော်က နေပြည်တော် လားရိူး လာဖို့ ပြောတယ်။ ကျနော်တို့ဘက်က တိုက်ပွဲဖြစ်နေတော့ မလာနိုင်ဘူးလို့ ပြောတယ်။ ကျနော်တို့ တွေ့ချင်တာ က “ဝ” ဒေသ သို့မဟုတ် မိုင်းလားမှာ တွေ့ချင်တယ်”ဟု ပြောသည်။

အစိုးရဘက်မှ မိုင်းလားကို အဆိုပြုရာ KIA က အဆင်ပြေသော်လည်း AA ၊ TNLA ၊ MNDAA တို့ ၃ ဖွဲ့က အကြောင်း မပြန်ကြောင်း၊ အကြောင်း မပြန်သည့်တိုင် အစိုးရဘက်မှ အဆိုပြုထားသည့် အပစ်ရပ်စာချုပ် မူကြမ်းအပေါ်တွင် သဘောထား ပြန်ပေးပါက တွေ့သည့်အခါတွင် အဆင်ပြေနိုင်ကြောင်း အစိုးရ၏ ပြောရေးဆိုခွင့်ရှိသူ ဦးဇော်ဌေးက သြဂုတ် ၂၀ ရက်နေ့က ချင်းမိုင်တွင် သတင်းထောက်များကို ပြောသည်။

ဦးဇော်ဌေးက “သို့သော် No Response ။ No Remark မလာဘူး။ အဲဒီကြားကာလမှာ ၁၅ ရက်နေ့မှာ ဖြစ်စဉ် ဖြစ်သွားတော့ ကျနော်တို့ ဆွေးနွေးနေတဲ့ အနေအထားကို စဉ်းစားကြည့်ပေါ့။ ဆွန်ကော်ရှန်နဲ့လည်း ကျနေ်ာတို့ တွေ့ ပါတယ်။ ငြိမ်းချမ်းရေး ကော်မရှင်နဲ့လည်း တွေ့ တယ်။ တွေ့တဲ့အခါမှာ တချို့ ကျနော်တို့ လိုလားချက်တွေ၊ တိုက်တွန်းချက်တွေ ပြောလိုက်ပါတယ်”ဟု ပြောသည်။

မြန်မာ အစိုးရက ငြိမ်းချမ်းရေး အကျိုးဆောင်တဦး အနေဖြင့် တရုတ်နိုင်ငံ၏ အခန်းကဏ္ဍကို အလေးထားကြောင်း၊ တရုတ်ကို ကြားခံ၍ ၂ ဖက် ပြောဆိုနေသော်လည်း လက်တွေ့ တွင် ကိုယ့်နိုင်ငံသားချင်းသာ ဆွေးနွေးရမည် ဖြစ်ကြောင်း ၎င်းက ဆက်လက် ပြောကြားသည်။

မနေ့က တရုတ်နိုင်ငံ၊ ယူနယ်ပြည်နယ်၊ ကူးမင်းမြို့တွင် တွေ့ ဆုံပွဲသို့ FPNCC မှ အဆုံးအဖြတ် ပေးနိုင်သည့် ခေါင်းဆောင်များ ကိုယ်တိုင် တက်ရောက်ရန် ဖိတ်ကြားခဲ့ခြင်း ဖြစ်ကြောင်း ဧရာဝတီက စုံစမ်း သိရှိရသည်။

AA မှ ပြောရေးဆိုခွင့် ရှိသူ ခိုင်သုခ က “ဖိတ်တာကတော့ FPNCC ၇ ဖွဲ့ကို ဖိတ်တာ။ ကျနော်တို့ဆီက ခေါင်းဆောင်တွေ အစည်း အဝေး သွားတက်တယ်။ အခုလမ်းမှာ ပြန်လာတုန်းပဲဆိုတော့ ဘာတွေ ဆွေးနွေးလဲဆိုတာ ကျနော် မသိရသေးဘူး”ဟု ဧရာဝတီသို့ ပြောသည်။

တရုတ်နိုင်ငံ၏ ခေါ်ယူတွေ့ ဆုံမှုမှာ တိုက်ပွဲရပ်စေချင်၍ ဖြစ်ပြီး ကုန်သွယ်ရေးလမ်းကြောင်းကို ပြန်ပွင့်စေလိုသည့် သဘော ရှိ ကြောင်း၊ ၂ ဖက်စလုံး၏ လိုအပ်ချက်များအပေါ်တွင် ပြတ်ပြတ်သားသား ညှိနှိုင်းစေချင်သည့် ပုံစံမျိုး တွေ့ ရကြောင်း နိုင်ငံရေး လေ့လာသူ ဦးမောင်မောင်စိုး က ပြောသည်။

ဦးမောင်မောင်စိုး က “နှစ်စဉ် ကုန်သွယ်မှု တန်ဖိုးက သန်းနှင့်ချီနေတော့ သူတို့လည်း ထိခိုက်မှာပဲလေ။ ကုန်သွယ်ရေး လမ်းကြောင်း ပေါ်မှာပဲ ဖြစ်နေ တော့ အဲဒါကိုပဲ အဓိကထား စဉ်းစားမယ်လို့ ထင်ပါတယ်။ သူ့အကျိုးစီးပွားပေါ်မှာလည်း အခြေခံတာပေါ့။ တဖက်ကလည်း မြန် မာပြည်ရဲ့ ငြိမ်းချမ်းရေး လုပ်ငန်းစဉ်မှာတော့ သူတို့ အပြုသဘော ဆက်ပါမယ်ဆိုတာကြောင့် ဒီလို ခေါ်တွေ့ တာပေါ့”ဟု ရှင်းပြသည်။

FPNCC အဖွဲ့သည် တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ပြင်ပကနေ၍ နိုင်ငံရေး ဆွေးနွေးရန် တောင်းဆိုထားသည့် အဖွဲ့ တခု ဖြစ်ပြီး ယင်းအဖွဲ့ အတွင်း “ဝ” နှင့် KIA တို့ကြားတွင်လည်း အားပြိုင်မှုများ ရှိနေသည်ဟု သုံးသပ်ကြသည်။

ပလောင် (တအန်း) အမျိုးသားလွတ်မြောက်ရေးတပ်မတော်(TNLA)၊ ရက္ခိုင့်စစ်တပ်(AA)၊ မြန်မာအမျိုးသား ဒီမိုကရက်တစ် မဟာမိတ် တပ်မတော် (MNDAA) တို့ ပါဝင်သော မြောက်ပိုင်းမဟာမိတ် သုံးဖွဲ့သည် သြဂုတ်လ ၁၅ ရက်က နောင်ချို နှင့် မန္တလေးတိုင်းဒေသကြီး ပြင်ဦးလွင်ရှိ တပ်မတော် နည်းပညာတက္ကသိုလ် အပါအဝင် နေရာ ၆ နေရာကို တပြိုင်တည်း တိုက်ခိုက်သော စစ်ဆင်ရေး တရပ်ပြုလုပ်ခဲ့သည်။

ထို့ပြင် မူဆယ်-မန္တလေးကြား ကုန်သွယ်လျက်ရှိသော ပြည်ထောင်စုလမ်းမကြီးပေါ်ရှိ နောင်ချို မြို့ ဂုတ်တွင်းတံ တားကိုလည်း ဖောက်ခွဲ ဖျက်စီးခဲ့ခြင်းကြောင့် တပ်မတော်က နယ်မြေရှင်းလင်းရေး လုပ်နေပြီး နှစ်ဖက် တိုက်ပွဲ များ ရင်ဆိုင် ဖြစ်ပွားနေသည်မှာ ယနေ့ချိန်ထိ ဖြစ်သည်။

Credit - Irrawaddy

မီးလောင်ရာလေပင့် သတင်းမှား သတင်းတု ဖြန့်ဝေမှုတွေ ချက်ချင်းရပ်

မြန်မာနိုင်ငံမှာ ကြီး မားတဲ့ ပြဿနာတစ်ခုခုနဲ့ ကြုံတွေ့ရရင်ပဲ ဖြစ်ဖြစ်၊ လူထုစိတ်ဝင်စားမှု မြင့် တက်တဲ့ အကြောင်းအရာပဲဖြစ် ဖြစ် အများ ဆုံး ကြုံ တွေ့ရလေ့ရှိတာက အွန် လိုင်း ပေါ် က နေ သတင်းတု သတင်းမှား ဖြန့်ဝေ ပြီး ပြည် သူ တွေကို စိုးရိမ်ထိတ်လန့် အောင် လုပ် တာ တွေရှိပါတယ်။

မကြာခင်ရက်ပိုင်းက ကြုံတွေ့ခဲ့ရတဲ့ တိုင်းဒေသကြီး ပြည်နယ်သုံးခုမှာ ရေ ကြီး၊ မြေပြိုတဲ့အချိန်တုန်းကဆိုရင် လူ တစ်ဦး တစ်ယောက်ကပဲဖြစ်ဖြစ်၊သတင်းပေ့ခ်ျအ တုကပဲဖြစ်ဖြစ် သတင်းမှားတွေကို အွန် လိုင်း ပေါ်တင်ကာ ပြည်သူတွေကို စိုးရိမ် ထိတ်လန့်အောင် ပြုလုပ်ကြတာတွေ ရှိခဲ့ပါ တယ်။

အထူးသဖြင့် တနင်္သာရီတိုင်းကို မုန် တိုင်းလေးလုံး တစ်ပြိုင်နက်ဝင်မယ်ဆိုတဲ့ သတင်းတုဟာ ဒေသခံတွေအပါ အဝင် ပြည်သူအများစုကို စိုးရိမ်မှု ဖြစ် စေ ခဲ့ပါ တယ်။ သည်သတင်းကို မိုးဇလ ပညာ ရှင် ဒေါက်တာထွန်းလွင် ကိုယ်တိုင် သူ့ရဲ့ ဖေ့စ် ဘုတ်ခ်မှာ သတင်းအမှား သာ ဖြစ် ကြောင်း ပြန်လည်ရှင်းလင်းရတဲ့ အထိ ဖြစ် ခဲ့ ပါ တယ်။

လက်ရှိကြုံနေရတဲ့ရှမ်းမြောက် ဒေသ ပစ်ခတ်တိုက်ခိုက်မှုဖြစ်စဉ်မှာဆိုရင်လည်း သတင်းတုထုတ်လွှင့်မှုတွေနဲ့ ကြုံ တွေ့ကြ ရတဲ့အတွက် ပြည်သူတွေ စိုးရိမ် ထိတ်လန့် မှု ဖြစ်ရပါတယ်။

တချို့ဆိုရင် လွန်ခဲ့တဲ့နှစ်တွေက တိုက် ပွဲဖြစ်တဲ့ဓာတ်ပုံ၊ ဗီဒီယိုတွေ အွန်လိုင်းပေါ် တင်ပြီး ပြည်သူတွေ ထိတ်လန့်အောင် လုပ် တာရှိသလို တချို့ဆိုရင်လည်း ဘယ်ဒေ သ မှာ ဝင်တိုက်တော့မယ်ဆိုတဲ့အတွက် သ တိ ထား ကြဖို့ဆိုပြီး အွန်လိုင်းပေါ်မှာ တင် လေ့ ရှိပါတယ်။

တချို့လည်း သတင်းတု၊ သတင်းမှား တွေကို မယုံကြည်ကြဖို့နဲ့လက်ရှိ ဖြစ်နေ တဲ့ အခြေအနေမှန်တွေကို စေတနာအမှန်နဲ့ အွန်လိုင်းပေါ်မှာ ရေးသားကြတာတွေ လည်း ရှိပါတယ်။ အထူးသဖြင့် လက်တ လော တိုက်ပွဲဖြစ်ရာဒေသ ရှမ်းမြောက်ရဲ့ အ ခြေ အနေဆိုရင် အချိန်နဲ့ တစ်ပြေးညီ သိ ရှိ ရသလောက် အွန်လိုင်းပေါ်မှာ သတင်း အမှန် တင်ပေးနေတဲ့သူတွေလည်း ရှိနေ ပါတယ်။

မည်သို့ပင်ဖြစ်စေ သည်လို သတင်း မှား တွေ ထုတ်လွှင့်တာဟာ တခြားနိုင်ငံ တွေမှာလည်း ကြုံတွေ့ရလေ့ရှိပေမဲ့ မြန်မာ နိုင်ငံလို သတင်းလွတ်လပ်မှု ရရှိ ခါစ၊ ဆိုရှယ်မီဒီယာ သုံးစွဲမှု ဖွံ့ဖြိုးစ နိုင်ငံ အ တွက်တော့ ပြည်သူအများစုရဲ့ အ သိ ဉာဏ် က တခြားနိုင်ငံတွေထက် နောက်ကျနေ သေး တာကြောင့် ဆိုးကျိုးကိုသာ ပိုများစေ တယ် လို့လည်း အချို့က သုံးသပ်ကြ ပါ တယ်။

ပုလဲ မဲဆန္ဒနယ်က ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က “လူမှု ကွန်ရက်ကို အသုံးချတဲ့အခါမှာ တချို့ လဲ အရမ်းကောင်းတာတွေ ရှိပါတယ်၊အချိန်နဲ့ တစ်ပြေးညီ သိရှိရတဲ့အတွက်၊တချို့ကျ တော့လဲ ကိုယ့်ရဲ့ စိတ်ခံစားချက်အတိုင်း ထင်ရာမြင်ရာတွေ လျှောက်ရေးတဲ့အခါ ကျတော့ သက်ရောက်မှုတွေက မကောင်း တဲ့ဘက်ကို ရောက်သွားတာတွေလဲ ရှိတာ ပေါ့” လို့ ပြောပါတယ်။

ဘာကြောင့်လဲ

သည်လို သတင်းမှားတွေ သတင်းတု တွေ ထုတ်လွှင့်နိုင်တာ၊ ပြည်သူအချို့က သည်အတုတွေအပေါ် ယုံကြည်လာကြ တာဟာ အစိုးရရဲ့ ဆောင်ရွက်ချက်အား နည်းမှုကလည်း ကဏ္ဍတစ်ခုအနေနဲ့ ပါဝင် နေပါတယ်။

အထူးသဖြင့် အစိုးရတာဝန်ရှိသူတွေ အနေနဲ့ သတင်းကို အချိန်မီ မထုတ်ပြန် နိုင် တာ၊ ဌာနတွေမှာ ပြောရေးဆိုခွင့်ပေးထား သူတွေကို တရားဝင်သတင်းဌာနတွေက ဆက်သွယ်ရခက်ခဲတာ စတဲ့အချက်တွေ ကြောင့်ဖြစ်တယ်လို့ မင်္ဂလာဒုံမဲဆန္ဒနယ် မှ ပြည်သူ့လွှတ်တော် ကိုယ်စားလှယ် ဦးအောင်လှိုင်ဝင်းက သုံးသပ် ပြော ဆိုပါ တယ်။

တခြားနိုင်ငံတွေမှာတော့ ပြဿနာ တစ်စုံတစ်ရာဖြစ်ရင် အစိုးရက တရားဝင် သတင်းထုတ်ပြန်ဖို့ မြန်မာနိုင်ငံလိုပဲ အ စည်း အဝေး ထိုင်ရတာကြောင့် သတင်း ထုတ် ပြန်တာ နောက်ကျနိုင်ပေမဲ့ ပြောရေး ဆိုခွင့်ရှိသူတွေကတော့ အချိန်နဲ့တစ်ပြေး ညီ သူတို့ ဆောင်ရွက်ချက်တွေ၊ သိရှိထား တဲ့ ဟာ တွေကို ထုတ်ပြန်လေ့ ရှိတယ်လို့ သိရ ပါ တယ်။

ဦးအောင်လှိုင်ဝင်းက “ အစိုးရသစ် တက်ခါစက ပေးထားတယ်၊ ပြောရေးဆို ခွင့်ပုဂ္ဂိုလ်တွေ၊ ဒါပေမဲ့ သူတို့ကို ဖုန်း ဆက် တဲ့ အခါမှာ ကျွန်တော်တို့ ကိုယ်တိုင်လဲ ဆက်ဖူးတယ်၊ ဖုန်းမကိုင်တာတို့၊ ကျွန် တော်တို့ မသိသေးဘူးတို့၊ လူကြီးမရှိ ဘူး တို့ အဲဒီလိုမျိုးတွေလဲ ကြုံနေရ တယ်၊ အဲဒါ ကြောင့်လဲ ထိတ်လန့်မှု တွေဖြစ်တာပေါ့ ” လို့ ပြောပါတယ်။

လက်ရှိမှာတော့ မြန်မာနိုင်ငံရှိ အစိုးရ ဌာနအများစုက သတင်းထုတ်ပြန်မှု နောက် ကျတာတွေ ရှိနေဆဲဖြစ်သလိုတချို့ ဝန်ကြီး ဌာနတွေရဲ့ ဝက်ဘ်ဆိုက် တွေဆို ရင် Up-date မဖြစ်တော့တဲ့အခြေ အနေ အထိ ရှိနေ တာတွေလည်း တွေ့နေရတယ်လို့ ရင်းနှီး မြှုပ်နှံမှုနှင့် နိုင်ငံခြား စီးပွားဆက် သွယ် ရေး ဝန်ကြီးဌာနမှ အမြဲတမ်း အတွင်းဝန် ဦး အောင် နိုင်ဦးက ထောက်ပြ ပြောဆို ဖူး ပါတယ်။

သည့်အတွက် ပြည်သူအများစုဟာ ပြဿနာ တစ်စုံတစ်ရာ ကြုံတွေ့လာတဲ့ အခါ တရားဝင်သတင်းတွေက အကြောင်း အမျိုးမျိုးကြောင့် အချိန်နဲ့ တစ်ပြေးညီ တင် ပြ နိုင်ခြင်းမရှိတာပဲဖြစ်ဖြစ် အစိုးရရဲ့ ထုတ် ပြန်ချက် မသိရှိနိုင်တာပဲဖြစ်ဖြစ် ကြုံရတဲ့ အခါ အွန်လိုင်းပေါ်က သတင်းတု၊သတင်း အမှားတွေကို ယုံကြည်လာကြကာ စိုးရိမ် မှု တွေ ထိတ်လန့်မှုတွေ ဖြစ်ကြရတာ ဖြစ် ပါတယ်။

နောက်တစ်ခုကတော့ တခြားနိုင်ငံ တွေမှာ သည်လို သတင်းတု သတင်းမှား တွေကို ချင့်ချိန်ပြီးမှ ယုံကြတဲ့သူတွေ များ ပေမဲ့ မြန်မာနိုင်ငံမှာတော့ သည်လိုချင့်ချိန် ပြီးမှ ယုံကြည်တဲ့သူတွေက နည်းနေဆဲ ဖြစ် တယ်လို့လည်း ဦးအောင်လှိုင်ဝင်း က ထောက် ပြပြောဆိုပါတယ်။

လားရှိုးမြို့မှာ တာဝန်ထမ်းဆောင် နေ တဲ့ မူလတန်းပြဆရာမ ဒေါ်ကေသီ က “ အခု တိုက်ပွဲတွေဖြစ်တော့ လိုင်းပေါ်တော့ သ တင်း က တက်နေတာပဲ၊ အမျိုးမျိုးပဲ၊ ဘယ် နေရာ တိုက်နေပြီတို့ အစုံပဲ၊ကိုယ်နဲ့လဲ နီး တော့ အဲဒီလိုတွေမြင်တော့ ကြောက်မိ တာ တော့ အမှန်ပဲ၊ မဟုတ်တာ ဟုတ်တာ နောက် ထား” လို့ ပြောပါတယ်။

ဘယ်လိုထိန်းချုပ်မလဲ

တရားလွှတ်တော်ရှေ့နေ ဦးခင်မောင် ဇော် ကတော့ သည်လို ဆိုရှယ်မီဒီယာကို အသုံးပြုပြီး အများပြည်သူတွေကို ထိတ် လန့်စေအောင် မမှန်မကန်ပြုလုပ်တဲ့သူ ဒါမှမဟုတ် အဖွဲ့အစည်းကို ဖော်ထုတ် နိုင် ရင် ဆက်သွယ်ရေးဥပဒေပုဒ်မ ၆၆ မှာပါ တဲ့ အချက်တွေနဲ့ အကျုံးဝင်တယ်လို့ ဆို ထားပါတယ်။

ရှေ့နေဦးခင်မောင်ဇော်က“ ၆၆ မှာ လူတစ်ယောက်ရဲ့ သိက္ခာကို လျော့ပါး အောင် လုပ်တာတို့ ဘာတို့တင် မဟုတ် ဘူး၊ အင်တာနက်ကို အသုံးချပြီးတော့ စိုးရိမ် ထိတ်လန့်မှုဖြစ်အောင် လူတွေ အပေါ် ခြောက်လန့်တာ အကုန်လုံးက ဆက် သွယ် ရေးဥပဒေနဲ့ အကျုံးဝင်တာပါ ပဲ၊ ၆၆ မှာ လေ”လို့ ပြောပါတယ်။

မြန်မာနိုင်ငံရဲ့ လက်ရှိအနေအ ထား အရ cyber မှုခင်းတွေအပါအဝင် ဆိုရှယ် မီဒီယာအသုံးပြုမှုနဲ့ပတ်သက်တဲ့ ကိစ္စရပ် တွေကို အရေးယူမှုလုပ်ဆောင်နိုင်တာ က ၂၀၁၃ ခုနှစ်မှာ ပြဋ္ဌာန်းခဲ့တဲ့ ဆက်သွယ် ရေးဥပဒေနဲ့ ၁၉၉၆ ခုနှစ်မှာ ပြဋ္ဌာန်း ထား တဲ့ ကွန်ပျူတာ ပညာဖွံ့ဖြိုးရေး ဥပဒေတို့ ဖြစ်ပါတယ်။

ဆက်သွယ်ရေးဥပဒေ ပုဒ်မ ၇၅၊ ၇၆ မှာဆိုရင်လည်း နိုင်ငံတော်လုံခြုံရေးနဲ့ တ ရားဥပဒေစိုးမိုးရေးအတွက် သက်ဆိုင်ရာ ဝန် ကြီးဌာနက ဝန်ဆောင်မှုပေးနေတဲ့ operator တွေကို တရားဥပဒေနဲ့ အညီ ဝင် ရောက် စစ်ဆေးခွင့်ရှိပါတယ်။

ဆက်သွယ်ရေးဥပဒေ ပုဒ်မ ၇၇ အရ ဆိုရင်လည်း အစိုးရအနေနဲ့ မြန်မာနိုင်ငံ က operator တွေကို တရားဥပဒေနှင့် အညီ Lawful Interception ပြုလုပ် ဖို့ အတွက် စေခိုင်းနိုင်ပါတယ်။ နိုင်ငံတော် လုံခြုံရေးနဲ့ တရားဥပဒေစိုးမိုးရေးအတွက် သတင်း လက် ဦး မှု ရရှိဖို့ မဖြစ်မနေ လိုအပ် တယ်လို့ သိရပါတယ်။

ဦးခင်မောင်ဇော်ကတော့ သတင်း တု၊ သတင်း မှား တွေကို အွန်လိုင်းပေါ်မှာ တင် ကြ တာနဲ့ ပတ်သက်ပြီး ပြည်သူလူ ထု အ ချင်း ချင်းပဲ ထိန်းသွားရင်ပိုပြီးတော့ ဒီ ကိစ္စ ကကောင်းသွားမှာပါ”လို့ သုံးသပ် ပြော ဆို ပါတယ်။

မီဒီယာကောင်စီ

မြန်မာနိုင်ငံ သတင်းမီဒီယာကောင်စီ အနေနဲ့ကတော့ သတင်းအတု/အယောင် များ၊ သတင်းမှားများနဲ့သတင်းခိုး ကူး နေတဲ့ အွန်လိုင်းဝက်ဘ်ဆိုက်များ၊ ဆိုရှယ် မီဒီယာပေ့ခ်ျများကို အများပြည်သူတွေ သိ ရှိ အောင် ဒုတိယအကြိမ် အထိ ထုတ်ပြန် ကြေညာထားပြီး ဖြစ်ပါတယ်။

ပထမတစ်ကြိမ် ထုတ်ပြန်တုန်းက တရားဝင် သတင်းပေ့ခ်ျမဟုတ်တာ ၃၁ ခု ကိုထုတ်ပြန်ထားပြီး ဒုတိယအကြိမ်မှာ တော့ ၄၈ ခု ထုတ်ပြန်ထားတာကြောင့် စုစုပေါင်း ၇၉ ခု အထိရှိပြီဖြစ်ပါတယ်။

သတင်းမီဒီယာကောင်စီအနေနဲ့ အခု လို ဆောင်ရွက်ရတာကလည်း ၂၀၁၉ ခုနှစ် ဧပြီလ ၃၀ ရက်နေ့ ပြန်ကြားရေး ဝန်ကြီးဌာန၊ စုပေါင်းခန်းမမှာ ကျင်းပခဲ့တဲ့“ မီဒီယာကဏ္ဍဖွံ့ဖြိုးတိုးတက်ရေး အတွက် တတိယအကြိမ် မဏ္ဍိုင် လေးရပ် အလုပ်ရုံ ဆွေးနွေးပွဲမှာ သဘောတူညီချက် (၁၃) ချက်မှ အမှတ်စဉ် (၁၀) မှာ သတင်း အတု/ အယောင်တွေ၊ သတင်းမှားတွေ ရေးသား ဖြန့်ဖြူးနေမှုတွေနဲ့ ပတ်သက်၍ သတင်း မီဒီ ယာများနှင့် သက်ဆိုင်ရာ အဖွဲ့အစည်း တွေ ကဖော်ထုတ်ပြီး ပြည်သူလူထုသို့ အသိပေးဖြန့်ဝေ သွားရန်”လို့ ပါရှိတဲ့ အ တွက်ဖြစ်ပါတယ်။ ဆက်လက်ပြီးတော့ လည်း ထုတ်ပြန်သွားမယ်လို့ သိရပါ တယ်။

Credit - Kumudra