ကွမ်းခြံကုန်းမြို့နယ်တွင် နိုင်ငံခြားဘောလုံးပွဲလောင်းကစားသူအားရန်ကုန်တိုင်းဒေသကြီးရဲတပ်ဖွဲ့မှ ဖော်ထုတ်ဖမ်းဆီးရမိ

ရန်ကုန်၊ ဒီဇင်ဘာ ၂၀

ရန်ကုန်တိုင်းဒေသကြီးရဲတပ်ဖွဲ့မှူးမှ လောင်းကစားမှုများလျော့နည်းကျဆင်းရေး အရှိန်မြင့် ဆောင်ရွက်သွားရန် ညွှန်ကြားမှုအရ ရန်ကုန်တိုင်းဒေသကြီးရဲတပ်ဖွဲ့မှူးရုံး၊ မှုခင်းအကူဌာနစုမှ တပ်ဖွဲ့ဝင်များသည် ၁၈.၁၂.၂၀၁၈ ရက်နေ့ ၁၁၄၀ အချိန် ကွမ်းခြံကုန်းမြို့မရဲစခန်းမှတပ်ဖွဲ့ဝင်များနှင့်ပူးပေါင်းကာ နိုင်ငံခြားဘောလုံးပွဲ လောင်းကစားလုပ်ကိုင်နေကြောင်း သတင်းအရ ကွမ်းခြံကုန်း မြို့နယ်၊ ကံကြီး/မကျီးရပ်ကွက်ရှိ ------- လက်ဖက်ရည်ဆိုင်သို့ ရန်ကုန်တိုင်းဒေသကြီးရဲတပ်ဖွဲ့မှူးရုံးတွင် လောင်းကစားဖမ်းဆီးမိန့်ဝရမ်းနှင့်အတူ ၀င်ရောက်ရှာဖွေရာ ဆိုင်ရှင် လဲ့လဲ့အေး(၄၈)နှစ်အား ဘောလုံးပွဲ လောင်းကစားရာတွင် အသုံးပြုသည့် စာရွတ်စာတမ်းများ၊ စက်စပ်ပစ္စည်းများ၊လောင်းကြေးငွေ(၂၉၀၄၀၀)ကျပ်နှင့်အတူ တွေ့ရှိသဖြင့် စစ်ဆေး

မေးမြန်းရာ ၎င်းသည်နိုင်ငံခြားဘောလုံးပွဲလောင်းကစားခြင်းအားပြုလုပ်ခဲ့ကြောင်း စစ်ဆေးပေါ်ပေါက်ခဲ့ပါသည်။

စစ်ဆေးပေါ်ပေါက်ချက်အရ သက်သေခံပစ္စည်းများအား သိမ်းဆည်းခဲ့ပြီးနိုင်ငံခြားဘောလုံးပွဲလောင်းကစားသူ ကွမ်းခြံကုန်းမြို့နယ်၊ ကံကြီး/မကျီးရပ်ကွက်နေ လဲ့လဲ့အေး (၄၈)နှစ် ဥပဒေနှင့်အညီ အရေးယူနိုင်ရေးဆောင်ရွက်လျက်ရှိကြောင်း သတင်းရရှိပါသည်။

တပ်မတော်လော်ဘီဟုယူဆရသည့် ဖေ့စ်ဘုတ်စာမျက်နှာ ၄၀၀ ကျော် ဖယ်ရှားခံရ

တပ်မတော်အပေါ် အားပေးထောက်ခံမှုရရှိစေရန် သိုဝှက်စွာ ကြိုးပမ်းဆောင်ရွက်သည့် တပ်လော်ဘီ ဖေ့စ်ဘုတ်စာမျက်နှာ ၄၂၅ ခု၊ အကောင့် ၁၃၅ ခု တို့အား ဖယ်ရှားပစ်လိုက်ကြောင်း ဒီဇင်ဘာ ၁၉ ရက်တွင် ဖေ့စ်ဘုတ်က ထုတ်ပြန်သည်။

ဖေ့စ်ဘုတ်အနေဖြင့် ၎င်းတို့အဆိုအရ “စစ်မှန်မှုမရှိဘဲ စုပေါင်းလှုပ်ရှားသည့် အပြုအမူ”များအတွက် မြန်မာနိုင်ငံမှ အကောင့်နှင့်စာမျက်နှာများကို ဖယ်ရှားရှင်းလင်းခြင်းမှာ ယခုအကြိမ်အပါအ၀င် ယခုနှစ်အတွင်း ၃ ကြိမ်ရှိပြီဖြစ်သည်။

“မြန်မာနိုင်ငံတွင် ထိုသို့သော အပြုအမူများနှင့်ပတ်သက်၍ စုံစမ်းစစ်ဆေးလျက်ရှိရာတွင် ဖျော်ဖြေရေး၊ အလှအပနှင့် ဘ၀နေထိုင်နည်း၊ လွတ်လပ်သော သတင်းစာမျက်နှာများဟု ထင်မြင်ယူဆရသော စာမျက်နှာမျာသည် မြန်မာ့တပ်မတော်နှင့်သော်လည်းကောင်း၊ သြဂုတ်လအတွင်းက ဖယ်ရှားခဲ့သည့် စာမျက်နှာများနှင့်သော်လည်းကောင်း ဆက်နွှယ်မှုရှိသည်ကို တွေ့ရှိရသည်”ဟု ဖေ့စ်ဘုတ်၏ထုတ်ပြန်ချက်တွင် ဖော်ပြပါရှိသည်။

ယခုတကြိမ် ရှင်းလင်းဖယ်ရှားမှုတွင် ဖေ့စ်ဘုတ် Group ၁၇ ခု၊ ဖေ့စ်ဘုတ်ကုမ္ဗဏီပိုင် Instagram အကောင့် ၁၅ ခုတို့လည်းပါဝင်ကြောင်း သိရသည်။

အဆိုပါ ဖျော်ဖြေရေးစာမျက်နှာ၊ အလှအပနှင့် ဘ၀နေထိုင်နည်းစာမျက်နှာ၊ သတင်းစာမျက်နှာများပေါ်တွင် တပ်မတော်လော်ဘီဆန်သည့် ရေးသားပြောဆိုမှုများကို မှန်မှန် ဖြန့်ဝေခဲ့ကြသည်ဟုဆိုသည်။

ဖေ့စ်ဘုတ်က ဖယ်ရှားလိုက်သည့် စာမျက်နှာတခုစီတွင် နောက်လိုက် ၂ သန်းခွဲခန့်ရှိပြီး ဖယ်ရှားလိုက်သည့် ဖေ့စ်ဘုတ် Group တခုတွင် အနည်းဆုံး အဖွဲ့ဝင် ၆၄၀၀ ခန့်ရှိကြောင်း သိရသည်။

မြန်မာနိုင်ငံကဲ့သို့ ဖွံ့ဖြိုးဆဲနိုင်ငံများတွင် တွင်ကျယ်စွာအသုံးပြုသည့် ဖေ့စ်ဘုတ် လူမှုကွန်ရက်အနေဖြင့် လူ့အဖွဲ့အစည်းများအကြား မသင့်မြတ်မှုဖြစ်ပေါ်စေခြင်း၊ သတင်းမှားများ ဖြန့်ဝေခြင်းနှင့်ပတ်သက်၍ အရေးယူဆောင်ရွက်မှု နှေးကွေးခြင်းကြောင့် ဝေဖန်ခံရလျက်ရှိသည်။

ပြီးခဲ့သည့် သြဂုတ် ၂၇ ရက်ကလည်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ တပ်မတော် ကာကွယ်ရေးဦးစီးချုပ်ရုံး ဖေ့စ်ဘုတ်စာမျက်နှာ၊ တပ်မတော်ပိုင် မြ၀တီရုပ်မြင်သံကြားအကောင့်များအပါအ၀င် ဖေ့စ်ဘုတ်အကောင့် ၁၈ ခုနှင့် ဖေ့စ်ဘုတ်စာမျက်နှာ ၅၂ ခု၊ အကောင့်နှင့်စာမျက်နှာ စုစုပေါင်း ၇၀ ခုကို ဖေ့စ်ဘုတ်က ပိတ်ပစ်ခဲ့သည်။

ဝီရ

ကြိုးတန်း ( ခင်ခင်ထူး )

(၁)

ကိုကျောက်နီဟာ သဲပြင်ပေါ်မှာ ပယ်ပယ်နယ်နယ်ကြီး ထိုင်ချလိုက်တယ်။ တစ်နေကုန် တရွရွပူထားတဲ့ သဲတွေဟာ ရေတစ်ပိုင်းစိုနေတဲ့ ကိုကျောက်နီရဲ့ ပုဆိုးရေစိုကို ဖောက်ပြီး ပူနေသေးတယ်။ ဒါပေမယ့် ကိုကျောက်နီမှာ ပူခြင်းအေးခြင်းရယ်လို့ ဘာခံစားချက်မှ ရှိပုံမရဘူး။ နီကြင်ကြင်ဆံပင်တွေ အုပ်နေတဲ့ နားရွက်ကြားက ဆေးလိပ်တိုကို မီးညှိပြီး အေးအေးဆေးဆေး ဖွာလိုက်လို့။ ကိုကျောက်နီ ဖွာလိုက်တိုင်း ရဲခနဲ ရဲခနဲ တက်လာတဲ့ ဆေးလိပ်မီးစကိုကြည့်ရင်း မနက်တုန်းက သူ ပစ်လိုက်တဲ့ ကွန်ချက်ကို ပြန်ပြီး သတိရလေရဲ့။

မနက်က သူပစ်လိုက်တဲ့ ကွန်ဟာ ရေပြင်ပေါ်ကို ရွှမ်းခနဲ ပုံကျသွားတာမှ တကယ့်ကို ၀ိုင်းဝိုင်းစက်စက်ကြီး။ ခဲသီးတွေလည်း မညိဘူး။ ကွန်လည်း မထပ်ဘူး။ ဒါကိုပဲ ကိုကျောက်နီ သဘောကျနေတာ။ ကွန်ထဲမှာ ငါးပါပါ မပါပါလေ။ ကွန်ချက်ကျအောင် ပစ်တတ်တာကိုက ငါးဖမ်းသမားရဲ့ အရည်အချင်းတစ်ခု မဟုတ်လား။ ဒါကြောင့်လည်း ကိုကျောက်နီတစ်ယောက် သူ့ကိုယ်သူ အကျေနပ်ကြီး ကျေနပ်နေတာပေါ့။ အဲသည်ကွန်ချက်နဲ့ ငါးပိဿဿာစီး ငါးဘတ်ကြီးတစ်ကောင် ဖမ်းမိခဲ့တာထက်ကို သူ့ကွန်ချက် ၀ိုင်းဝိုင်းစက်စက်ကြီးကို သူ ကျေနပ်နေတာက ပိုသေးတယ်။ သည့်ထက် ကျေနပ်တာက သူ့စားကျက်ကို တစ်ဖက်တဲက ကိုလှဆောင်း မသိသေးတာပဲ။ အဲသည်နေရာကို မနေ့မနက် စောစောကြီးကတည်းက သူ စပြီး တွေ့ခဲ့တာပေါ့။ မြစ်ကမ်းပါးခြေတစ်နေရာမှာ ငါးတွေ၊ ပုစွန်တွေ အုံဖွဲ့ကျင်းဖွဲ့နေတတ်တဲ့ ကလိုင်ပေါက်ကြီးကို သူစတွေ့ခဲ့တုန်းကတော့ သိပ်စိတ်ဝင်စားလှတာ မဟုတ်ပါဘူး။ သူတို့လို ကွန်သမားတွေအတွက် မြှုံးသမား၊ ပိုက်သမားတွေလို ငါးနုတ်ပေါက်ကလေးတွေကို ငါးလုပ်ဖမ်းချင်ကြတာမှ မဟုတ်ဘဲ။ ကွန်သမားဆိုတာက ငါးဘတ်ကြီးတွေ၊ ငါးချောင်းကြီးတွေ၊ ငါးအုံတုံကြီးတွေကို ကိုယ့်ကွန်ယက်ထဲပါအောင် ဆွဲချင်ကြတာကလား။ ဒါမှလည်း ကွန်သမားဆိုတဲ့ ဂုဏ်သိက္ခာ ရှိတော့မှာပေါ့။ ငါးစင်ရိုင်းလောက်၊ ငါးဖယ်အောင်းလောက်နဲ့ ကွန်သမားလုပ်ချင်လို့ မကောင်းဘူးလေ။ တစ်ခါလောက်ဖြစ်ဖြစ် ငါးကြီးငါးကောင်းတစ်လက် ဖမ်းဖူး၊ ရဖူးပါမှ ဒါ ကွန်သမား။ ကိုကျောက်နီကတော့ ကွန်သမားပီရုံတောင် မကတော့ပါဘူး။ ကွန်ဝါတောင် ရင့်နေပြီ။ ကွန်ကျောက်နီလို့တောင် ခေါ်နေကြပြီပဲ။ ဒါကြောင့် မနေ့တုန်းက တွေ့ခဲ့ရတဲ့ ကလိုင်ကြီးဆီကို သည်ကနေ့တစ်ခေါက် ထပ်သွားခဲ့တာပေါ့။ 

မြစ်ရေပြင်ပေါ်မှာ လေဖြူးကလေး ရှပ်တိုက်ပြေးသွားတော့ ရေဂယက်ကလေးတွေက အရာထင်တယ် ဆိုရုံကလေး တပွက်ပွက် ထလို့။ ပလုံကလေးတွေတောင် စီနေလိုက်သေး။ ဒါဆိုရင် ငါးကလေးတွေ၊ ပုစွန်ကလေးတွေ တိုးနေတဲ့သဘော။ ဒါပေမယ့် သူတစ်ဖက်ကို လှေဦးမလှည့်ခင်လေးမှာပဲ ဗွက်ခနဲ ထပွက်လိုက်တဲ့ ရေဂယက်ကြီးကို သူ သေသေချာချာ မြင်လိုက်တယ်။ လှေကို ညင်ညင်သာသာကလေး လှော်ရင်း ကွန်ကို အသာမ ယူရင်း ခဏစောင့်နေလိုက်တယ်။ ရေအောက်မှာ လှိုင်းကလေးတွေ တွန့်ကာကွေးကာ ရေယက်ကလေးတွေ ထလာတော့မှ သေချာသွားပြီလို့ တွက်လိုက်တယ်။ ဒါ ဇာတ်တူသားစားတတ်တဲ့ ငါးကြီးတစ်ကောင်ကောင်ဆိုတာ ကိုကျောက်နီ အတပ် တွေးလိုက်ပြီးသား။ ကွန်ရဲ့ သုံးပုံတစ်ပုံလောက်ကို ဘယ်ဘက်တံတောင်နဲ့ ချိတ်မြှောက်ထားပြီး ကျန်တဲ့ သုံးပုံနှစ်ပုံကို ညာဘက်လက်နဲ့ အသာဆွယူတယ်။ ပြီးတော့ ဂယက်ထနေတဲ့ နေရာဆီကို ရွှမ်းခနဲ အုပ်ချလိုက်တယ်။ ကွန်အနားတွေက ရေပြင်ပေါ်မှာ လှလှပပ ၀ိုင်းဝိုင်းစက်စက်ကြီး ပုံကျသွားလေရဲ့။ တအောင့်ကလေးပါပဲ။ သူ့လက်ထဲမှာ ကိုင်ထားတဲ့ ကွန်ထိပ်ပိုင်းဟာ တဆတ်ဆတ်ခါလာတယ်။ ရေပေါ်မှာ ရှိနေတဲ့ ကွန်စတောင် သည်လောက်ခါနေရင် ပိုက်ထဲမှာရှိနေတဲ့ ငါးက သေးသေးကွေးကွေးတော့ မဟုတ်နိုင်ဘူးဆိုတာ ကိုကျောက်နီရဲ့လက်က သိတယ်။ အာရုံခံစားမှုနဲ့ သိတယ်။ ထင်တဲ့အတိုင်းပါပဲ။ ငါးပိဿာနီးနီးလောက်ရှိတဲ့ ငါးပတ် ဖွေးဖွေးကြီးတစ်ကောင်ကို ကိုကျောက်နီ ဖမ်းမိခဲ့တာပါ။ ပိုက်ထဲမှာ ဖျပ်ဖျပ်ခါရုန်းနေတဲ့ ငါးပတ်ကြီးကို မိပြီးခါမှ လျှောထွက်မသွားအောင် ကိုကျောက်နီ ခဲရာခဲဆစ် ဖမ်းယူခဲ့ရသေးတယ်။ သည်လိုအကောင်က သိပ် အကင်းပါးတယ် မဟုတ်လား။ ကွန်ကွက်က စိပ်ပေမယ့် ဘယ်နေရာက လျှောထွက်ရင် ရနိုင်မလဲဆိုတာ သင်းတို့ကလည်း သိတယ်။ ရေထဲမှာတောင် သည်လောက်အကောင်ကြီးအောင် နေလာနိုင်တဲ့ သတ္တ၀ါပါပေပဲ။ ဒါပေမယ့် သည်တစ်ချီတော့ သူ့ထက် အတွေ့အကြုံကြီးတဲ့ ကိုကျောက်နီနဲ့ တွေ့သွားတော့ ငါးပတ်ခမျာ လှေဝမ်းထဲမှာ ဖျပ်ဖျပ်ကို လူးလို့။ ကိုကျောက်နီက ကွန်ထဲကနေ သတိနဲ့ထုတ်ပြီး လှေကပ်ကြမ်းထဲ ဖိပိတ်ပစ်လိုက်တယ်။ လှေကြမ်းပြင်ကို မာန်ကြီးကြီးနဲ့ တဖြန်းဖြန်း ခါရိုက်နေလိုက်တာမှ လှေဝမ်းတောင် ကွဲသွားမလား မှတ်ရတယ်။ ဒါပေမယ့် ကိုကျောက်နီက လှေကို သောင်စပ်ဘက် ခပ်သွက်သွက်ကလေး လှော်သွားပြီး သူ့မိန်းမ မကျော့လက်ထဲ အပ်လိုက်တော့ သည်အကောင် ကိစ္စချောပြီပေါ့။ သည်ငါးပတ်ကြီးကို ခံတောင်းထဲထည့်ုပြီး အရှေ့ဘက်ကမ်းမှာ ရောင်းဖို့ လှေလှော်ကူးသွားတဲ့ မကျော့မျှော်ရတာတောင် နေ့ဝက်ကျိုးခဲ့ပြီ။ ပေါ်မလာသေးဘူး။ ကိုကျောက်နီကတော့ မကျော့ကို မျှော်တယ်ရယ်လို့လည်း မဟုတ်ပါဘူး။ သည်လိုငါးမျိုးက သေချာပေါက် အရောင်းသွက်တာ။ ဈေးကောင်းရတာ သူသိပြီးသားပဲ။ သည်တော့ သဲပြင်ပူပူကြီးပေါ် ပယ်ပယ်နယ်နယ်ကြီး ထိုင် ဆေးလိပ်ဖွာရင်း သူ့စိတ်ကူးနဲ့ သူ ကက်ဆက်တစ်လုံး မျက်စိထဲ မြင်ကြည့်နေမိတယ်။ ကိုကျောက်နီ ကက်ဆက်လိုချင်တာ ကြာပြီလေ။သည်တစ်ခါတော့ ၀ယ်နိုင်လောက်ပါရဲ့။ကက်ဆက်ဝယ်ဖြစ်ရင်တော့လား။ ကိုကျောက်နီ ပြုံးတယ်။

(၂)

ကိုကျောက်နီတစ်ယောက် ကက်ဆက်တစ်လုံး လိုချင်နေခဲ့တာ တော်တော့်ကိုကြာဆို သူတို့နေတဲ့ နေရာကလေးမှာ ကက်ဆက်တစ်လုံးကတော့ ရှိကို ရှိသင့်တယ်လို့ ကိုကျောက်နီ ထင်တယ်လေ။

သူတို့နေတဲ့ နေရာကလေးက ဧရာဝတီမြစ်ရဲ့ ဟိုဘက်ကမ်း သည်ဘက်ကမ်း ဘယ်ကမ်းနဲ့မှ မနီးတဲ့ ရေလယ်ကောင်က သောင်ကျွန်းကလေးတစ်ခု ဆိုပါတော့။ သောင်ကျွန်းလို့သာ ခေါ်ရတာပါ။ တကယ်တော့ ဧရာဝတီမြစ်ကြီးထဲ ကျောက်ပျဉ်ကလေးတစ်ချပ် ချထားသလို ၀ိုင်းဝိုင်းမို့မို့လေး ပေါ်နေတဲ့ သောင်ကတုံးကလေးပါ။ အဲသည်သောင်ကတုံးပေါ်မှာ ကိုကျောက်နီတို့ တံငါတဲကလေးရယ်၊ ကိုလှဆောင်းတို့ တံငါတဲကလေးရယ်။ သည်တဲကလေးနှစ်လုံးပဲ ရှိတယ်။ ဘေးပတ်လည်မှာက တသွင်သွင် စီးဆင်းနေတဲ့ မြစ်ရေပြင်ကြီးပဲ ရှိတယ်။ ကမ်းနှစ်ဖက်ကတော့ တော်တော်ဝေးဝေးဆီမှာ ရှိတယ်။ ကိုလှဆောင်းကလည်း ကိုကျောက်နီလို ကွန်သမားပါပဲ။ သည်တော့ သူတို့နဲ့ အဆင်ပြေရာ သောင်ကတုံးကလေးပေါ်မှာ တဲထိုးပြီး နေကြရတဲ့ ဘ၀တူတွေပဲ ဆိုပါတော့။ 

ေ

သာင်ကတုံး ဆိုတာမျိုးကလည်း နေရာအတည်တကျ ရှိတာမျိုး မဟုတ်ဘူးလေ။ သည်နှစ် သည်နေရာမှာ ပေါ်ပေမယ့် နောက်နှစ်ကျ ဟုတ်ချင်မှ ဟုတ်တော့တာ။ ရေထဲမှာ ရှိတဲ့ နေရာဆိုတော့ မရေရာဘူးပေါ့။ သည်တော့ သောင်ကတုံးကလေးတွေ ပေါ်ရာနောက်ကို သူတို့ နှစ်စဉ်လိုလို လိုက်ကြရတယ်။ ကမ်းနားသစ်ပင်ကမှ မြဲချင် မြဲဦးမယ်။ သူတို့ရဲ့ သောင်ကတုံးကလေးကတော့ မမြဲဘူး။ တစ်ခါတလေများ ဧရာဝတီမြစ်ကြီးက သူတို့အတွက် နေရာကလေးတစ်နေရာစာတောင် သဘောထားကြီးကြီး မထားနိုင်ဘဲ လောဘကြီးချင် ကြီးနေတတ်သလို တစ်ခါတလေကျပြန်တော့လည်း ဧရာဝတီက သူတို့အတွက် ငါးတွေ ၀ှက်ချင် ၀ှက်ထားတတ်ပြန်ရော။ သည်နှစ်တော့ ဧရာဝတီက သူတို့အတွက် နေသားတကျ သောင်ကတုံးကလေးတစ်ခု မွေးဖွားပေးခဲ့ပြန်ပြီ။ သည်တော့လည်း ကိုကျောက်နီနဲ့ ကိုလှဆောင်းတို့ တဲနားနီးချင်း မိတ်ဆွေဖြစ်ခဲ့ကြတာပေါ့။ အစကတော့ သူတို့ တစ်ယောက်ကို တစ်ယောက် ကူညီစောင့်ရှောက်ခဲ့ကြပါသေးတယ်။ တစ်ယောက်ဟင်း တစ်ယောက်စား၊ တစ်ယောက်သွား တစ်ယောက်လိုက်နဲ့ အဆင်ပြေခဲ့ကြတယ် ပြောပါတော့။ အလုပ်တူ၊ ဘ၀တူချင်းတွေကိုး။ ဆင်းရဲသွားကြမှာ၊ ငတ်သွားကြမှာလည်း မကြောက်ကြဘူး။ သူတို့အတွက် ဆင်းရဲတာ ဘာမှ မဆန်းဘူး။ ဒါပေမယ့် ထူးဆန်းတာက သူတို့မှာ တစ်ဦးဦးက ကိုယ့်ထက် ပိုပြီး ရှိသွားမှာကိုတော့ ကြောက်ကြတယ်။ သည်တော့ တစ်ဖက်ကိုတစ်ဖက် စောင့်ငဲ့ကြည့်ရင်းနဲ့ မသိမသာ ၀န်တိုမှုကလေးတွေ ကိန်းအောင်းလာခဲ့တာ သိပ်မကြာလှသေးဘူး။ ကိုကျောက်နီက ကွန်ပစ်ကောင်းသလို ကိုလှဆောင်းကလည်း ဧရာဝတီမြစ်ကြီးကို နောကျောနေတဲ့ လူတစ်ယောက်ပါပဲ။ မြစ်ရေအတက်အကျကို ကြည့်ြုပီး ငါးရှာတတ်တယ်။ “ကျ မ ဆွဲ” ရင် ငါးတွေ ဘယ်လို ကျတတ်တာ၊ ရေတိုးငါးတွေ ဘယ်လို မြူးတတ်တာ ကိုလှဆောင်း သိသားပဲ။ ဒါပေမယ့် ကိုကျောက်နီကို မပြောဘူး။ ကိုကျောက်နီကလည်း သူ့ကွန်ပစ်ပညာထဲက သင့်ရာကောင်းရာကလေးတွေကို လျှို့ဝှက်ထားတတ်တယ်။ ဒါပေမယ့် ညနေစောင်းလို့ တစ်ဖက်ကမ်းကို လှေနဲ့ကူးပြီး အရက်သောက်ကြတာကျတော့ အတူတူဖြစ်နေပြန်ရော။ ညတိုင်း တဲနှစ်လုံးကြားက သဲပြင်ပေါ်မှာ ရောက်တတ်ရာရာစကားတွေ ထိုင်ပြောကြတော့လည်း တတွဲတွဲပါပဲ။ လူမနီး သူမနီး ရေပြင်ကြားက တိတ်ဆိတ်နေရာကလေးအတွက် ကက်ဆက်တစ်လုံး လိုချင်နေကြတဲ့ ဆန္ဒကလည်း သည်နေရာမှာ ထပ်တူပါပဲ။ အဲသည် ကက်ဆက်ကလေးကို တစ်ယောက်ယောက်က အရင် စ၀ယ်ဖြစ်လိုက်မှာ စိုးရိမ်နေကြတာကလည်း တစ်သဘောတည်းပါပဲ။ဒါကို သိလို့ ကိုကျောက်နီ ကက်ဆက်ကို အလျင်အမြန်နဲ့ အရူးအမူး လိုချင်နေခဲ့တာပေါ့။ သူ့မိန်းမ မကျော့ကိုယ်တိုင်ကလည်း ၀ယ်ဖို့စားဖို့အတွက် ဘာတစ်ခုမှ မပူဆာဘဲ ကက်ဆက်တစ်လုံးသာ ၀ယ်ပေးဖို့ ပူဆာနေခဲ့တာ အကြိမ်ပေါင်း မနည်းတော့ဘူး။ မကျော့က သီချင်းဆိုလို့ ကလေးချော့တေးကလေးတောင် ညည်းတတ်တာ မဟုတ်ဘူး။ ဒါ တစ်ဖက်တဲက ကိုလှဆောင်းရဲ့ မိန်းမ မလှစိန်ကို ကြွားချင်တာ သက်သက်ပဲ ဆိုတာ ကိုကျောက်နီ အတပ်သိတယ်။ ဒါကြောင့်လည်း မကျော့အလိုကို ပိုဖြည့်ချင်နေမိတာကလည်း ပါတယ်။

(၃)

မကျော့ပြန်လာတော့ နေတောင် အတော်စောင်းနေပြီ။ အနောက်မိုးကုပ်စက်ဝိုင်းဆီက တဖြည်းဖြည်းငိုက်ဆင်းသွားတဲ့ နေလုံးရဲ့ လိမ္မော်နီရောင် အသွေးတွေက ရေပြင်ပေါ်မှာ ပတ္တမြားရည်တွေ ဖြန်းချထားတယ်။ ကိုကျောက်နီရဲ့ အတွေးထဲမှာတော့ တွံတေးစိုးအောင်ရဲ့ သီချင်းတွေပေါ့လေ။ မကျော့ပြန်လာတာကိုတောင် မသိနိုင်လောက်အောင် လေတဖြူးဖြူး သဲသောင်ကမ်းနဖူးမှာ ကိုကျောက်နီတစ်ယောက် ပက်လက်လှန်ရက်ကြီး အိပ်ပျော်နေတယ်။

“ကိုကျောက်နီ … ကိုကျောက်နီ”

မကျော့က တဲဘေးမှာ ဆော့နေတဲ့ နို့စို့ကလေးကိုတောင် ကောက်မချီအားသေးဘူး။ ကိုကျောက်နီရှိရာ သောင်စပ်ကို အပြေးကလေးသွားပြီး ကိုကျောက်နီကို လှုပ်နှိုးတယ်။ အိပ်မက်မှာ ကက်ဆက်အကျယ်ကြီး ဖွင့်နေတဲ့ ကိုကျောက်နီတစ်ယောက် မကျော့က ကက်ဆက်ခလုတ်ကို ချောက်ခနဲ ပိတ်လိုက်တော့ အိပ်မှုံစုံမွှားနဲ့ ထထိုင်တယ်။

“ဟင် … မကျော့ ပြန်လာပြီလား”

မကျော့က ပါးစပ်က မဖြေဘဲ ခပ်ပြုံးပြုံးကြီး လုပ်ရင်း ရင်ဘတ်ကြားထဲက ငါးရာတန်တွေကို ထုတ်ပြပြီး အဖြေပေးလိုက်တယ်။ ကိုကျောက်နီ မျက်နှာကြီး ၀င်းထိန်သွားလိုက်ပုံက နေလုံးကြီးကတောင် အရှုံးပေးရလောက်ပါရဲ့။ ၀မ်းသာအားရနဲ့ မကျော့လက်ထဲက ပိုက်ဆံတွေကို လှမ်းယူပြီး တဲထဲကို အပြေးဝင်သွားတယ်။ နောက် ခေါင်းအုံးချုပ်ရိုးထဲ လက်လျှိုစမ်းပြီး အရင်က ထည့်ထားတဲ့ ငွေစကလေးတွေကို ထုတ်ရေတယ်။ မှို့တွေက တဲကလေးထဲမှာ လွင့်လို့။ မကျော့က ကိုကျောက်နီဘေးမှာ တင်ပျဉ်ခွေထိုင်ပြီး ကလေးပါးစပ်ကို နို့တပ်ရင်း

“ပြည့်လုပြီလား ကိုကျောက်နီ”

ကိုကျောက်နီက မျက်မှောင်ကြုတ်ပြီး စဉ်းစားဟန်ပြုတယ်။ တော်တော်နဲ့ အဖြေမပေးတော့ မကျော့က အားမလို အားမရနဲ့ ကိုကျောက်နီလက်ထဲက ငွေတွေကို ဆတ်ခနဲ လုပြီး ကိုယ်တိုင်ရေတယ်။ ရင်ခွင်ထဲက ကလေးက အံဝင်ခွင်ကျ မဖြစ်သေးတဲ့ အစာကို ဟိုဟပ်သည်ဟပ်လုပ်ရင်း ဒေါသတကြီး တစ်ချက် ကော့ထိုးတယ်။ ဒါကို မကျော့က ငွေ အရေပျက်ရပါ့မလားဆိုပြီး ကလေးရဲ့တင်ပါးကို ဖြန်းခနဲတစ်ချက် ချလိုက်တာ ကလေးက ၀ါးခနဲ ငိုတော့တာပဲ။ သည်ဘက်တဲကလေးထဲမှာ ကလေးငိုသံတွေ စီစီညံနေတုန်းမှာ ဟိုဘက်တဲက ကိုလှဆောင်းမိန်းမ မလှစိန်တစ်ယောက်ကတော့ တစ်နေ့လုံး ရောင်းမကုန်ခဲ့တဲ့ ငါးဖျဉ်းတောင့်တွေကို ချေးဖောက်နေတယ်။ သူ့ယောက်ျား ကိုလှဆောင်းကို စိတ်တိုတိုနဲ့ ငါးချေးတွေ တဗျစ်ဗျစ်နဲ့ ညှစ်ထုတ်နေလိုက်တာ နဂိုက နွမ်းရိနေတဲ့ ငါးဖျဉ်းတောင့်ကလေးတွေဆိုတာ ပျော့ဖတ်လို့ ။ မလှစိန်သဘောကတော့ သည်ငါးတွေကို ကုန်အောင် စောင့်ရောင်းခဲ့ချင်တာပါ။ လေးငါးဆယ်ရလည်း နည်းတာ မှတ်လို့။ ဒါပေမယ့် ကိုလှဆောင်းက တဂျီဂျီလေ။

“လှစိန် … ငါ ဟိုဘက်ကမ်း သွားစရာရှိသေးတယ်။ နင့်ကို စောင့်မပေးနိုင်တော့ဘူးဟာ၊ ကြုံရာလှေနဲ့သာ ပြန်ခဲ့တော့”

ဆိုတော့ မလှစိန်မှာ ကူးတို့စက်လှေ နောက်ဆုံးခေါက်နဲ့ အပြေးအလွှား ပြန်ခဲ့ရတယ်။ ဟိုဘက်တဲက မိကျော့ လှေကြုံကိုတော့ အမြင်သား။ ဒါပေမယ့် မနက်တုန်းက မြင်လိုက်ရတဲ့ သူ့ဗျတ်ထဲက ငါးပတ်ကြီးကြောင့် မိကျော့လှေနဲ့ မပြန်ချင်တော့တာ။ အပြန်လှေပေါ်မှာ ငါးပတ်ကြီးရောင်းရတဲ့ ငွေကလေး တပြပြလုပ်ရင်း ကြွားနေမှာကို မခံချင်လို့ပဲ စက်လှေကို ဆယ့်ငါးကျပ် ပေးစီးလိုက်လာခဲ့တာလေ။

“လှစိန် … နင့်ယောက်ျား လှဆောင်းရောဟ”

“အနောက်တောင်ဘက်ကမ်းတဲ့ တော်ရေ၊ နေ့လယ်ကတည်းက ကူးသွားတာပဲ”

“ဟုတ်လား … ဒါဆို ငါလိုက်သွားဦးမယ်”

ကိုကျောက်နီက လှေကလေးနဲ့ အနောက်ဘက်ကမ်းကို ကူးလိုက်သွားတယ်။ မြစ်ရေပြင်ပေါ်မှာ ခဲသားရောင် ရေလှိုင်းကလေးတွေ တလွန့်လွန့် လူးလို့။ မကြာခင် မှောင်တော့မယ့် လက္ခဏာမျိုးနဲ့ ကောင်းကင်ကြီးတစ်ခုလုံး မှုန်ရီလို့ လာပြီ။ မကျော့က တဲအပြင်ထွက်ရင်း တစ်ဖက်တဲကို လှမ်းကြည့်လိုက်တော့ မလှစိန်တစ်ယောက် ငါးချေးတွေ ဖောက်နေတာ တွေ့လိုက်ရတယ်။ မလှစိန်တို့ကတော့ ငါးစားရတော့မယ် ဆိုတဲ့အတွေးနဲ့ ပီတိကလေးတောင် ဖြစ်သွားရသေး။ ပီတိက မလှစိန်တို့ ငါးဟင်းစားရလို့ ဖြစ်ပေါ်တဲ့ စေတနာပီတိ မဟုတ်တာတော့ သေချာတယ်။ ဘာလို့လဲဆိုတော့ သူတို့တစ်တွေမှာ ရေထဲက ငါးတွေသာ ဖမ်းရောင်းနေကြတာ။ ငါးကုန်မှ ငွေရမယ် မဟုတ်လား။ ငါး မကုန်တော့ ကိုယ့်ဟာကိုယ် ချက်စားရုံကလွဲလို့ ဘာတတ်နိုင်မှာတဲ့လဲ။ သည်တော့ တံငါသည် ငါးစားရတာဟာ ကိစ္စကောင်း မဟုတ်ဘူးလေ။ သူ့ကို မကျော့ လှမ်းကြည့်နေတာ မြင်တော့ မလှစိန်ရင်ထဲ အောင့်သွားရတယ်။ လက်ထဲက ငါးဇလုံကို ထမင်းအိုးအဖုံးပေါ် ခွပ်ခနဲ ပစ်ချရင်း …

“ဟင်း … အိမ်ကသေနာတော့ အရင်တုန်းကနဲ့ကို မတူတော့ဘူး၊ သည်ရောက်မှ အပေါင်းအသင်းဖျက်တာနဲ့ သင်း ပျက်စီးနေတာ” နဲ့ ဆိုလိုက်တော့ မကျော့တစ်ကိုယ်လုံး ဆတ်ခနဲ မတ်သွားတယ်။ အပေါင်းအသင်းဖျက်တယ် ပြောရအောင်က သည်သောင်ကတုံးကလေးပေါ်မှာ သူနဲ့ကိုယ်နဲ့ နှစ်ယောက်တည်း။ ရှိတာကမှ သည်တဲကလေး နှစ်တဲ။ မိသားစုနှစ်ခုတည်း မဟုတ်လား။

“သည်မယ် လှစိန်၊ ညည်း စကားပြောရင် ကြည့်ပြောပါအေ့။ စောင်းလား ချိတ်လား မလုပ်ပါနဲ့”

“အလိုတော်… ကျုပ် မစောင်းရ မချိတ်ရပါလား၊ ကျုပ်က တည့်ပြောနေတာအေ့၊ တည့်ပြောနေတာ” နဲ့ လုပ်တော့ တစ်ယောက်တစ်ခွန်း စကားများကြတယ်။ မိန်းမချင်းဆိုတော့ သိကြတဲ့အတိုင်း အပြန်အလှန် မပြီးနိုင် မစီးနိုင်။ ငယ်ကျိုးငယ်နာဖော်ကြ၊ တစ်ယောက်မကောင်းတာ တစ်ယောက် ပြောကြနဲ့ပေါ့။ မကျော့က …

“ညည်းက ငါတို့စီးပွားတက်တာကို မနာလိုနေတာ မဟုတ်လား” လို့ ဇိုးခနဲ ဇတ်ခနဲ မေးလိုက်တော့ မလှစိန်ကလည်း မခံပါဘူး။

“စီးပွားတက်တာ ဟုတ်လား။ ဟား … ဟား … ရယ်ချင်လိုက်တာ ဖတ်ဖတ်မော ရင်ဘတ်နောက်က ကျော။ ဟွန်း … စီးပွားတက်ရအောင် ညည်းက ဘာတွေများ ၀တ်ရစားရလို့တုန်း။ ဘယ်လိုများ နေရ ထိုင်ရလို့တုန်း ကောင်မရဲ့။ သည်သောင်ယံကတုံးပေါ် တဲချင်း အတူတူပါပဲအေ။ အရှေ့ဘက်ကမ်းက မကျင်လွှမ်လို တိုက်နဲ့တာနဲ့ဆိုလည်း ဟုတ် … ဟုတ်သေးတော့”

“ငါသာ တိုက်နဲ့ နေနိုင်တဲ့ အဆင့်ဆိုရင် သည်သောင်ကတုံးပေါ်မှာ ညည်းတို့ကို မထားဘူး။ သောင်တစ်ပြင်လုံးအပြည့် တိုက်ကြီး ဟီးထနေအောင် ဆောက်ပစ်လိုက်မယ်အေ့”

“ကောင်းပါလေ့တော်၊ ကောင်းပါလေ့။ အဲသည်ကျတော့မှ ကျုပ်က ဒုံးပျံကြီးစီးပြီး အလည်လာရဦးမယ်”

တစ်ယောက်နဲ့တစ်ယောက် သဲကြီးမဲကြီး ပြောဆိုနေလိုက်ကြတာ ဧရာဝတီရဲ့ လှိုင်းပုတ်သံကိုတောင် သူတို့ မကြားနိုင်ကြပါဘူး။ အဲသလို မလှစိန်က အညှောင့်ထောင်လိုက်၊ မကျော့က ပြန်ချေလိုက်။ မကျော့က လေလုံးပစ်လိုက်၊ မလှစိန်က အဆစ်ခွပ်ချလိုက်နဲ့။ မီးခွက်ထွန်းချိန်သာ ရောက်ရော အနိုင်အရှုံး အဖြေမပေါ်သေးဘူး။ အရှေ့ဘက်ကမ်းမှာရော၊ အနောက်ဘက်ကမ်းမှာရော မီးရောင်လဲ့လဲ့တွေနဲ့ ထိန်ညီးနေပြီ။ သူတို့ သောင်ကတုံးကလေးပေါ်က အမှောင်ထဲမှာတော့ ခွန်းကြီးခွန်းငယ် အော်ကြတုန်း။

(၄)

“အဲသာပဲ … ကိုလှဆောင်း၊ တော့်ကြောင့် ကျုပ် အချိုးအနှိမ်ခံရတာ၊ တော်ညံ့လို့ ကျုပ် လူအစော်ကားခံရတာတော့ ဟီး”

ေ

ယာက်ျားသားတွေ ပြန်လာတော့ မိန်းမတွေက ငိုကြီးချက်မနဲ့ အသီးသီး ဆီးတိုင်ကြတယ်။

မလှစိန်ရဲ့ စကားကို ကြားတော့ ကိုလှဆောင်းရဲ့ ရင်ထဲမှာ ဖျဉ်းခနဲ ဖြစ်သွားတယ်။ တော့်ကြောင့်၊ တော်ညံ့လို့ ဖြစ်ရတာ ဆိုတဲ့ စကားလုံးတွေကို သူ့ကို အတော်ကလေး ထိသွားတာကိုး။ ကိုလှဆောင်းဆိုတာက တံငါဘ၀နဲ့ စခဲ့သူမှ မဟုတ်ဘဲ။ ငယ်စဉ်ကတည်းက ဧရာဝတီမြစ်ကြီးနဲ့ ဖက်ပြီး ကြီးပြင်းခဲ့တာဆိုပေမယ့် ကိုလှဆောင်းက တောင်သူတစ်ယောက်ပါ။ မြစ်ဘေးက သူတို့ရွာကလေးမှာပဲ နှမ်းလေးစိုက်လိုက်၊ ပဲကလေးစိုက်လိုက်နဲ့ နေလာခဲ့တဲ့သူ။

ြ

မစ်ရေတွေ တိုးတိုင်း သူတို့ရွာကလေးကို ရေတွေလွှမ်းခဲ့တာ။ ရေတွေ လျော့သွားတိုင်း ပေါ်လာတဲ့နုံးတင် မြေကလေးပေါ်မှာ ထွန်ဟယ် ယက်ဟယ် စိုက်ပျိုးခဲ့ကြတာ အခါပေါင်း မရေတွက်နိုင်တော့ဘူး။ အဲသည်လို တိုးလိုက် လျော့လိုက် လုပ်ရင်းနဲ့ပဲ ဧရာဝတီဟာ သူတို့ရွာကလေးကို ဖဲ့စားသွားခဲ့တယ်လေ။ ကမ်းပါးတွေပြို၊ မြေတွေပျက်ပြီး သူတို့ရွာကလေးတောင် နောက်ကို ဆုတ်ခဲ့ရပြီ မဟုတ်လား။ သူလည်း ငါးရှာစားရတော့တာပါ။ အခြေအနေကြောင့်သာ ကွန်ကို ကိုင်ခဲ့ရပေမယ့် ကိုလှဆောင်းမှာ မြေနုကျွန်းကလေး ပေါ်နိုးပေါ်နိုး မျှော်ကိုးရင်း တံငါသည်ဘ၀နဲ့ သက်တမ်းရှည်နေခဲ့တာ ကြာပါပကော။

“တောက် … သည်ကောင် ကျောက်နီတို့ လင်မယား ငါတို့ကို သက်သက် ကျေးဇူးကန်းတာ”

သည်သောင်ကတုံးကလေးပေါ်မှာတော့ ကိုလှဆောင်းက အရင် စပြီး တဲထိုးနေခဲ့တာပါ။ နောက်တစ်ပတ်လောက်ကြာမှ ကိုကျောက်နီတို့ ရောက်လာခဲ့တာလေ။ သည်တုန်းကတော့ လူသူဝေးတဲ့ သောင်ကတုံးကလေးပေါ်မှာ ကိုယ်တစ်ဦးတည်းနဲ့စာရင် တိုးတိုးဖော်ကလေးရယ်လို့ ရှိလာတာမို့ ကိုလှဆောင်း ၀မ်းသာခဲ့ရသေးတယ်။ ကိုကျောက်နီတို့ တံငါလှေကလေး သောင်စပ်မှာ ထိုးကပ်လာတော့ ပစ္စည်းတွေ ကူချပေး၊ တဲကလေး ကူဆောက်ပေးနဲ့၊ ငါးရှာတာက အစ အရက်သောက်ကြတာက အဆုံး နှစ်ယောက်သား တရုန်းရုန်းနဲ့။ သူ့ရှိတာ ကိုယ်စား၊ ကိုယ့်ရှိတာ သူ့ကျွေးနဲ့ နှစ်တဲကို တစ်တဲလုပ်နေခဲ့ကြတာပါ။ အခုမှ ငါးကြီးငါးကောင်းရတယ်ရယ်လို့ ငွေကလေးရွှင်လာတာနဲ့ပဲ ကိုကျောက်နီ ဆောင့်ကြွားကြွားလုပ်တာကို ကိုလှဆောင်း သတိထားမိတာ ကြာပြီ။ သူတို့ဘက်ကမှ သည်လို အသံထွက်လာရင် ကိုယ့်ဘက်ကလည်း အဆင်သင့်ပဲလို့ ကိုလှဆောင်း တွေးလိုက်တယ်။

“သည်မယ် လှစိန်၊ ဘာမှ အားမငယ်နဲ့၊ ငါတို့က သင်းတို့လို ရေမျောကမ်းတင်တွေ မဟုတ်ဘူး။ ကိုယ့်မှာ ရပ်နဲ့ရွာနဲ့ ရှိတယ်။ သည်နှစ်သာ မြေနုကျွန်းကလေး ပေါ်ကြည့်စမ်းပါလား၊ ဟင်း …”

ကိုလှဆောင်းက အံတွေ တင်းတင်းကြိတ်ထားလိုက်တာ မေးကြောကြီးတွေများ ထောင်လို့။ ကိုလှဆောင်းရဲ့ စကားကို ကြားလိုက်တော့ မလှစိန် အငိုရပ်သွားတယ်။ သူတို့မှာ အဲသည်မျှော်လင့်ချက်ကလေး ရှိနေသေးတာကို မလှစိန် မေ့နေတယ်။ ဟိုတစ်လောက ဈေးတန်းမှာ ရွာကလူတွေနဲ့ တွေ့တော့ သူတို့ရွာမှာ သည်နှစ် မြေနုကျွန်းကလေး ဖော်နိုင်မယ်ထင်တယ်လို့ ပြောတာ သူကြားသား။ စောစောကသာ သတိရလိုက်မိရင် မိကျော့ကို ဘယ်အရှုံးပေးမှာတုန်း။ မြေနုကျွန်းနဲ့ ကိုင်ပေါက်လိုက်ပါရဲ့။

“မြေနုကျွန်းပေါ်ရင် ဘာလုပ်မှာလဲ ကိုလှဆောင်း”

မလှစိန်က အားတက်သရော ရှေ့ကို တိုးလာတယ်။ မလှစိန် မေးလိုက်မှပဲ ကိုလှဆောင်းမှာ အခက်တွေ့သွားတော့တာပါ။ မျှော်လို့သာ မျှော်ရတာလေ။ ဘာဆက်လုပ်ရမယ်ဆိုတဲ့ စီမံကိန်းက ချထားတာ မဟုတ်တော့ စဉ်းစားရ ကျပ်သွားတယ်။ မြေပေါ်မှာ စိုက်ခင်းကလေး ဖြစ်ဖို့ဆိုတာ အရင်းရှိရမယ်လေ။ သူတို့မှာက လက်ချည်းပဲ မဟုတ်လား။ ချေးငှားလုပ်ရအောင်ကလည်း အတိုးနဲ့ပဲ ရတာလေး ထိုးဆပ်ရမယ့်ကိန်းပဲ ရှိတယ်။ စဉ်းစားရကျပ်နေတဲ့ ကိုလှဆောင်းကို မလှစိန်ကတော့ အကြံကောင်း ဥာဏ်ကောင်းပေးတယ်။

“ဟုတ်ပြီ၊ သည်မှာ ကိုလှဆောင်း၊ မြေရရင် ကျုပ်တို့ ငှားစားကြမယ်တော်” တဲ့။သည်တစ်ခါတော့ သူ့မယား မလှစိန်ကို ကိုလှဆောင်း အတော်ကလေး အထင်ကြီးသွားတယ်။ သူ တွေးမထားတဲ့ ထွက်ပေါက်ကို မလှစိန်က ဖွင့်ပေးလိုက်တာ မဟုတ်လား။

သည်ဘက်တဲမှာလည်း မကျော့က ငိုကြီးချက်မနဲ့ပါပဲ။ 

“ကိုကျောက်နီရယ်၊ မနာလိုဖြစ်ရအောင် ညည်းက ဘာများ ၀တ်ရစားရလို့တုန်းတဲ့။ သောင်ကတုံးပေါ်က တဲချင်းအတူတူပါပဲအေ တဲ့။ ကျုပ် ဘာပြန်ပြောနိုင်မှာတုန်းတော် ”

ကိုကျောက်နီကတော့ တိုဝင်နေတဲ့ ဆေးလိပ်ကိုပဲ ဖိဖွာနေတယ်။ ကိုလှဆောင်းတို့ လင်မယား သူတို့အပေါ်မှာ အမူအရာတွေ ပြောင်းနေတာ ကိုကျောက်နီ ရိပ်မိသားပဲ။ အခုတလော အရက်သောက်ချိန်ကလွဲရင် သူတို့ချင်း မဆုံမိကြတော့ဘူး။ တစ်ခါတလေ မြစ်လယ်မှာ လှေချင်းတွေ့နေတာတောင် လှမ်းစကားမပြောဖြစ်ကြတဲ့အထိ။ မိန်းမချင်းလည်း အစေးမကပ်ကြတာကို ကိုကျောက်နီ သိတယ်။ သည်မိန်းမတွေရဲ့ ပါးစပ်တွေဟာ တစ်နေ့ သည်လို ဖြစ်လာကြလိမ့်မယ်ဆိုတာ သူထင်ပြီးသားပါ။ ကိုကျောက်နီ တွေးကောင်းနေတုန်း လက်ကို ပူခနဲ ဖြစ်သွားတော့မှ အစီခံပါ လောင်နေတဲ့ ဆေးလိပ်တိုကို သဲထဲ လွှတ်ချလိုက်တယ်။

“ငိုမနေစမ်းပါနဲ့ မကျော့ရယ်၊ ငါတို့က သင်းတို့ထက် သာပြီးသားပါ။ သည်တစ်ခါ ငါးတစ်ပွက်သာ ပွက်ကြည့်၊ ကက်ဆက်တစ်လုံး သေချာပေါက် ၀ယ်နိုင်ပါပြီဟ၊ ငွေက ပြည့်လုပြည့်ခင် ဖြစ်နေလို့သာ။ မနေ့တုန်းကတောင် ငါ ကိုကျစ်တီးဆိုင်ကို ရောက်ခဲ့သေးတယ်။ အပေါင်ဆုံးဆိုပေမယ့် ခပ်လတ်လတ်ထဲကပါ။ ဘက်ထရီအိုးရယ်၊ တိတ်ခွေကလေး လေးငါးခွေရယ် ၀ယ်ရမှာမို့ ငါ ငွေစောင့်နေရလို့ပါဟာ”

“ငွေစောင့်နေရလို့ ဟုတ်လား၊ ဘယ်သူ့ဆီက ငွေတုန်း”

ေ

ကြာင်စီစီနဲ့ မကျော့ရဲ့ အူတူတူ အမေးကြောင့် ကိုကျောက်နီဒေါသတွေ ထောင်းခနဲ ဖြစ်သွားရတယ်။

“ရေထဲက ငါးတွေဆီကဟေ့၊ ရေထဲက ငါးတွေဆီက၊ အဟုတ်ဗျာ၊ တို့က ဘယ်သူ့ဆီကများ ရစရာရှိတာလိုက်လို့ … ဟွန်း”

ကိုကျောက်နီလို ခြေသလုံးအိမ်တိုင် တံငါသမားတစ်ယောက်အဖို့ရာက ဘယ်သူ့ဆီကမှ ရစရာ မရှိဘူးဆိုတာ သူတို့အတွက် အမှန်တရားပဲ မဟုတ်လား။

(၅)

မိုးကောင်းကင်ပေါ်မှာ တိမ်ညိုတွေက ခပ်မြန်မြန်ကြီးကို ရွေ့လျားနေတယ်။ အရောင်ပျောက်လုဆဲ နေလုံးကြီးကတော့ တိမ်ညိုတွေအောက်မှာ ဖုံးအုပ်သွားခဲ့ပြီ။ သောင်ပြင်ပေါ်က သဲပွင့်ကလေးတွေတောင် ဖြူလွလွအရောင်ကနေ ခဲပုပ်ရောင် မှိုင်းလို့။ မလှစိန်က လှေကို သောင်စပ်မှာ ထိုးကပ်ရင်း တစ်ဖက်တဲကို အရင် လှမ်းကြည့်လိုက်တယ်။ သည်နေ့ ငါးတန်းမှာ မကျော့ဈေးလာရောင်းတာ မမြင်ဘူးလေ။ သူထင်တဲ့အတိုင်းပါပဲ။ မကျော့ဟာ တဲဘေးက သဲပြင်ပေါ်မှာ ဆောင့်ကြောင့်ကြီး ထိုင်ပြီး ဆေးလိပ်ဖွာနေလေရဲ့။ သူ့ကို ကျောပေးထားပေမယ့် မကျော့ရဲ့ မျက်နှာအမူအရာ ဘယ်လိုရှိနေမယ်ဆိုတာ မလှစိန်က အတပ်သိနေတယ်။ ဒါကြောင့်လည်း ကွပ်ပျစ်ပေါ်မှာ ထိုင်ပြီး ပိုက်ဖာနေတဲ့ သူယောက်ျား ကိုလှဆောင်းကို လှမ်းအော်ပြောလိုက်တယ်။ 

“ကိုလှဆောင်းရေ၊ သည်နေ့ ငါးဈေး ကောင်းချက်တော့ ရက်စက်တယ်။ ငါးစင်းရိုင်းတောင် ငါးရာဈေးနဲ့ ရခဲ့သတော်။

ပြူတင်းတစ်ပေါက်ဘယ်လိုဆောက်ကြမလဲ? (၄)

#လက်ရှိအနေအထားမှာ လုပ်ငန်းရှင်တစ်ယောက်အတွက် ကုန်သွယ်မှုလုပ်ငန်းစဉ်တစ်လျောက် လိုအပ်တဲ့ အချက်အလက်တွေကို သိချင်ရင် သက်ဆိုင်ရာအလုပ်နယ်ပယ်တွေမှာ Face to Face မေးမြန်းပြင်ဆင်ဆောင်ရွက်နိုင်ပေမဲ့ NSW စနစ်ပေါ်ပေါက်လာချိန် မှာ ဆက်စပ်တဲ့ လုပ်ငန်းတွေအားလုံးဟာ အီလက်ထရောနစ်စနစ်ပြောင်းလဲသွားမှာဖြစ်လို့ ဒီကုန်သွယ်မှု လုပ်ငန်းစဉ် တစ်ခုလုံးရဲ့အချက်အလက် လုပ်ငန်းစဉ်တွေကိုဖေါ်ပြပေးမဲ့ လမ်းပြမြေပုံတစ်ခုလို အပ်လာမှာဖြစ်ပါတယ်။

#ဒါကြောင့် National Trade Respository(NTR) ကို NSWနဲ့အတူပူးတွဲတည် ထောင်လာကြပါ တယ်။နိုင်ငံတကာ ကုန်သွယ်မှုစနစ်မှာ WCO(World Customs Organizations) guideline အတိုင်း ကုန်ပစ္စည်းတစ်ခုချင်းစီကို စံနှုန်းညီသတ်မှတ်ချက် Harmonized System (HS Code) သတ်မှတ်သုံးစွဲကြသလို့ ကုန်စည်ကုန်သွယ်မှုမှာအရေးပါတဲ့ HS လိုင်း တစ်ခုချင်း အလိုက် လိုအပ်တဲ့ထောက်ခံချက်တွေ(Document) ၊အတားအဆီး measure ၊ အခွန်နှုန်းထား Tariff/ MFN Rate ၊ လုပ်ငန်းအစီအစဉ် Procedure တွေကို အသေးစိတ် ပြည့်စုံအောင် ဖေါ်ပြပေး ထားတဲ့အတွက် လုပ်ငန်းရှင်တစ်ယောက် အနေနဲ့တင်ပို့ တင်သွင်း မှု နဲ့ပတ်သတ်တဲ့ လုပ်ငန်း အစီအစဉ် အားလုံး/ဥပဒေညွှန်ကြားချက်အားလုံး ကိုတစ်နေရာတည်း မှာရှာဖွေနိုင် မှာဖြစ်ပါတယ်။

#မြန်မာနိုင်ငံအနေနဲ့လည်း National Trade Respository (Myanmar Trade Portal) ကို အကောင် အထည်ဖေါ်ပြီးဖြစ်သလို ATIGA Article 13 အရ အာဆီယံနိုင်ငံအားလုံးရဲ့ ASEAN Trade Respository(ATR) နဲ့ချိတ်ဆက်နိုင်ဖို့ဆောင်ရွက် လျက်ရှိပါတယ်။ တနည်းအား ဖြင့် NTR ဟာ NSW ရဲ့လမ်းပြမြေပုံတစ်ခုဖြစ်သလို ATR ရဲ့ကွန်ယက်တစ်ခုလည်း ဖြစ်လာပါ တယ်။ အာဆီယံနိုင်ငံအားလုံးစံနှုန်းတူညီစေဖို့အတွက် NTR တစ်ခုချင်းစီမှာ Articles (၉)ချက်ပေါ်မှာ အခြေပြု တည်ဆောက်ထားတာဖြစ်ပါတယ်။ အသေးစိတ် လေ့လာချင်ရင် တော့ www.myanmartrdeportal.gov.mm မှာဝင်ရောက် လေ့လာ နိုင်ပါတယ်။

#NSW လုပ်ငန်းစဉ်တွေမှာ ကုန်သွယ်မှုအတွက် Normal Trade တင်မဟုတ်ဘဲ Border Trade လုပ်ငန်းစဉ်များပါထည့်သွင်းစဉ်းစားဖို့လိုအပ်မှာဖြစ်ပါတယ်။အများအားဖြင့် Border Trade တွေမှာ နှစ်နိုင်ငံနယ်စပ် ကုန်သွယ်ရေးPortsတွေကတဆင့် ကုန်သွယ်မှုပြုကြရာမှာ ယေဘုယျ အားဖြင့် တဘက်နိုင်ငံမှ ပို့ကုန်ကုန်ပစ္စည်းများဟာ မိမိနိုင်ငံအတွင်း သွင်းကုန်ပစ္စည်း အနေနဲ့ ရောက်ရှိလာကြတာဖြစ်တဲ့အတွက် ဒီကုန်သွယ်မှုဒေတာအချက်အလက်တွေကို နှစ်နိုင်ငံ နယ်စပ် ကုန်သွယ်ရေး ports တွေမှာ အပြန်အလှန် Data Exchange လုပ်နိုင်မယ်ဆိုရင် Data အချက် အလက်တစ်ကြိမ်သာပြန်လည်ဖြည့်သွင်းရသည့်အတွက် Cost and Time ကိုလျော့ချနိုင်မှာဖြစ် ပါတယ်။အထူးသဖြင့် နှစ်နိုင်ငံ ကုန်သွယ်မှု Exp Imp Data ကို ကုမ္ပဏီအလိုက် Matching ပြုလုပ်လိုက်တာနဲ့ ဘယ်ကုမ္ပဏီဘယ်ကုန်ပစ္စည်းဟာ informal trade နဲ့သွားခဲ့လဲဆိုတာ ချက်ချင်း Trace လုပ်နိုင်မှာဖြစ်ပါတယ်။ဒါဟာ လက်ရှိဆောင်ရွက်နေတဲ့ ရှောင်ကွင်းလမ်းတွေ ၊လမ်းဆုံဂိတ်တွေကနေစစ်ဆေးကြပ်မတ်နေတဲ့Physical Monitoring စနစ်ထက် ပိုမို ကောင်းမွန်တဲ့ကျေးဇူးကိုလည်းရရှိစေမှာဖြစ်ပါတယ်။

CREDIT-Myo K Win

#YawMinGyi #သင့်အမြင်