၂၀၂၀ ရွေးကောက်ပွဲ ရခိုင်၊ ရှမ်းနဲ့ ကချင်ပြည်နယ်တွေမှာ ကျင်းပပေးဖို့ တောင်းဆို

လာမယ့် ၂၀၂၀ ရွေးကောက်ပွဲမှာ မငြိမ်းချမ်းသေးတဲ့ ရခိုင်၊ ရှမ်းနဲ့ ကချင်ပြည်နယ်တွေမှာ ရွေးကောက်ပွဲ ကျင်းပပေးနိုင်ဖို့ စဉ်းစားစေချင်တယ်လို့ ဒီကနေ့ နေပြည်တော်မှာ ကျင်းပတဲ့ ရွေးကောက်ပွဲကော်မရှင်နဲ့ နိုင်ငံရေးပါတီတွေ တွေ့ဆုံပွဲမှာ တက်ရောက်လာတဲ့ တိုင်းရင်းသား ပါတီတချို့က တင်ပြခဲ့ကြတယ်လို့ သိရပါတယ်။

ရွေးကောက်ပွဲကော်မရှင်နဲ့ နိုင်ငံရေးပါတီ ၈၄ ခုတို့က ဒီကနေ့ နေပြည်တော်က တွေ့ဆုံဆွေးနွေးတဲ့အခါမှာ မငြိမ်းချမ်းသေးဘဲ တိုက်ပွဲတွေမကြာခဏဖြစ်နေတဲ့ ကချင်၊ ရခိုင်နဲ့ ရှမ်းပြည်နယ်တွေမှာလည်း လာမယ့် ၂၀၂၀ ရွေးကောက်ပွဲကို ကျင်းပစေချင်တဲ့အကြောင်း ရှမ်းတိုင်းရင်းသားများ ဒီမိုကရက်တစ်ပါတီ အတွင်းရေးမှူး ဦးစိုင်းအောင်မြင့်ခိုင်က ပြောပါတယ်။

ပြီးခဲ့တဲ့ ၂၀၁၅ အထွေထွေရွေးကောက်ပွဲမှာ နယ်မြေမတည်ငြိမ်တာကြောင့် ရှမ်းပြည်နယ်မြောက်ပိုင်းက မိုင်းရှုး၊ ကျေးသီး၊ ဟိုပန်နဲ့ တန့်ယန်းမြို့နယ်တွေမှာ ရွေးကောက်ပွဲ မကျင်းပနိုင်ခဲ့ပါဘူး။

အဲဒီလိုပဲ ရခိုင်အမျိုးသားပါတီ ANP ကလည်း အခုချိန်မှာ မငြိမ်သက်သေးတဲ့ ရခိုင်ပြည်နယ်မှာ၂၀၂၀ ရွေးကောက်ပွဲ ကျင်းပပေးဖို့ ဆွေးနွေးတာနဲ့ပတ်သက်ပြီး ဦးအောင်ကျော်ဇံက ပြောပါတယ်။

ရွေးကောက်ပွဲကော်မရှင်ကလည်း တစ်နိုင်ငံလုံး အတိုင်းတာနဲ့ ရွေးကောက်ပွဲကျင်းပနိုင်ဖို့ ရည်ရွယ်ထားပေမယ့် အချိန်ကာလလိုသေးတယ်လို့လည်း ကော်မရှင်အဖွဲ့ဝင် ဦးမြင့်နိုင်က ပြောပါတယ်။

ပြီးခဲ့တဲ့ ရွေးကောက်ပွဲတွေတုန်းက မဲစာရင်း မမှန်ခဲ့တာတွေ၊ မြို့နယ်ကော်မရှင်ဝင်တွေကို ခန့်အပ်တာနဲ့ပတ်သက်ပြီး စစ်ဆေးပေးဖို့အပါအ၀င် ကိုယ့်နယ်မြေမှာ ဖြစ်ပေါ်နေတဲ့ကိစ္စရပ်တွေကို တင်ပြခဲ့ကြတယ်လို့ သိရပါတယ်။

ဒီနေ့ကျင်းပတဲ့ ဆွေးနွေးပွဲဟာလည်း လာမယ့် ၂၀၂၀ ရွေးကောက်ပွဲမှာ နိုင်ငံရေးပါတီတွေအနေနဲ့ အားလုံးနဲ့အတူ သက်ဆိုင်ရာ ကဏ္ဍကနေ ပူးပေါင်းဆောင်ရွက်ကြဖို့ ဆွေးနွေးတဲ့အကြောင်း၊ မဲစာရင်းတွေကိုလည်း အရင်ရွေးကောက်ပွဲနဲ့ ကြားဖြတ်ရွေးကောက်ပွဲ စာရင်းတွေကို အခြေခံပြီး ကောက်ယူနေတဲ့အကြောင်းကိုလည်း ရွေးကောက်ပွဲကော်မရှင်အဖွဲ့ဝင် ဦးမြင့်နိုင်က RFA ကို ပြောပါတယ်။

၂၀၂၀ မှာ ကျင်းပမယ့် အထွေထွေရွေးကောက်ပွဲကို ဟန်ပြမလုပ်ဘဲ စံပြဖြစ်အောင် လုပ်သွားမယ်လို့ ရွေးကောက်ပွဲကော်မရှင်ဥက္ကဋ္ဌ ဦးလှသိန်းက အဖွင့်စကားမှာ ပြောခဲ့ပါတယ်။ ဒီနေ့တွေ့ဆုံပွဲဟာ ကော်မရှင်သက်တမ်း ၃ နှစ်တာ ကာလအတွင်းမှာ ၄ ကြိမ်မြောက် တွေ့ဆုံတာဖြစ်ပြီး နိုင်ငံရေးပါတီ ၈၄ ခု တက်ရောက်ခဲ့ပါတယ်။

Credit - RFA

ငြိမ်းချမ်းရေးလုပ်ငန်းစဉ်ကို လာမည့် အစိုးရလက်ထက်များတွင် ဆက်လက်ဆွေးနွေးနိုင်ရေး ကြိုးပမ်းနေဟု KNU ပြော

၂၀၂၀ မတိုင်မီ အပစ်အခတ်ရပ်စဲရေး ခိုင်မာမှုရှိရေး ဆွေးနွေးရန်နှင့် ငြိမ်းချမ်းရေးလုပ်ငန်းစဉ်ကို နောင်တက်လာမည့် အစိုးရလက်ထက်များ၌ ဆက်လက်ဆွေးနွေးနိုင်ရေး ကြိုးပမ်းနေကြောင်း ကရင်အမျိုးသား အစည်းအရုံး(KNU) အထွေထွေ အတွင်းရေးမှူး ပဒိုစောတာဒိုမူးက ပြောသည်။

အစိုးရဆွေးနွေးရေး ကိုယ် စားလှယ်အဖွဲ့နှင့် KNU တို့ သြဂုတ် ၂၀ ရက်က ထိုင်းနိုင်ငံ ချင်းမိုင်မြို့၌တွေ့ဆုံဆွေးနွေးစဉ် ဆွေးနွေးသည့် အကြောင်းအရာများနှင့် ပတ်သက်ပြီး အထွေထွေအတွင်း ရေးမှူးချုပ်၏ ပြောကြားချက်များ ကို သြဂုတ် ၂၂ ရက်တွင် KNU ဌာနချုပ် ဖေ့စ်ဘွတ်ခ်စာမျက်နှာမှ တစ်ဆင့် အမေး၊ အဖြေပုံစံဖြင့် ဖော်ပြသည်။

အစိုးရကိုယ်စားလှယ်အဖွဲ့ နှင့် တွေ့ဆုံပွဲ တိုးတက်မှုရှိကြောင်း၊ ငြိမ်းချမ်းရေးလုပ်ငန်းစဉ် ရှေ့ဆက် ဆောင်ရွက်ရန်နှင့် ပတ် သက်ပြီး KNU အဆိုပြုချက်အပေါ် အစိုးရဘက်က ပိုနားလည်လာသည်ဟု ယူဆကြောင်း ပဒိုစောတာဒိုမူးက ပြောသည်။

‘‘ကျွန်တော်တို့ ကြိုးစားနေတာက ၂၀၂၀ မတိုင်မီ အပစ်အခတ်ရပ်စဲရေး ခိုင်မာမှုရှိဖို့အတွက် လိုအပ်တဲ့ဆွေနွေးမှုတွေ၊ လုပ်ငန်း စဉ်တွေ ဖြစ်ပေါ်လာဖို့အတွက် သဘောတူညီမှုရရှိဖို့နဲ့ ၂၀၂၀ အလွန်မှာ ငြိမ်းချမ်းရေးလုပ်ငန်းစဉ် တွေ ဆက်သွားဖို့ဖြစ်တယ်။ အဲဒီ ဆက်သွားတဲ့ ငြိမ်းချမ်းရေးလုပ် ငန်းစဉ်တွေမှာ ဖက်ဒရယ်တည် ဆောက်ရေး အဆင့်သုံးဆင့်ကိုအခြေခံပြီး နောက်တက်လာမယ့် အစိုးရတွေကာလမှာ ဆက်လက် ဆွေးနွေး အကောင်အထည်ဖော် နိုင်ဖို့အတွက် တရားဝင်မှုရှိတဲ့ ဆွေးနွေးရေးလုပ်ငန်းစဉ်တွေ ရရှိ ဖို့ဖြစ်ပါတယ်’’ ဟု ၎င်းက ဆို သည်။

‘‘ဥပမာ - NCA အခန်း (၃) ဆိုရင် လက်မှတ်ရေးထိုးပြီး ၁၄ ရက်အတွင်း နှစ်ဖက် တာဝန်ရှိ ခေါင်းဆောင်တွေ တွေ့ရမယ်လို့ သဘောတူထားကြပေမယ့် အခုဆို NCA က လက်မှတ်ရေးထိုး ထားတာ လေးနှစ်ပြည့်တော့မယ်။ ခုထိ အဲဒီအစည်းအဝေး မကျင်းပ နိုင်သေးပါဘူး။ ထင်သာမြင်သာ ဥပမာပြောရမယ်ဆိုရင် အခန်း (၃) ဆွေးနွေးပွဲရဲ့အဖြေက မထွက် သေးဘဲ အခန်း(၄)ရဲ့ အပစ်အခတ် ရပ်စဲရေး စောင့်ကြည့်မှုလုပ်ငန်း စဉ်က ဘာကို စောင့်ကြည့်ရမှန်းမသိဖြစ်နေတာက လက်ရှိ JMC ရဲ့ အခက်အခဲပါ။ ဒါကြောင့် လက်ရှိ JMC က Function မဖြစ်ဘူး ဖြစ်နေတာပေါ့။ အခန်း (၆) ဆို အကြောင်းအမျိုးမျိုးကြောင့် အခု ထိ မဆွေးနွေးနိုင်သေးပါဘူး။ကြားကာလ ခေါင်းစဉ်အောက်မှာ ပေါ့။ ဒီလိုမျိုး ဆက်လက်ဆွေးနွေးရမယ့် ကိစ္စ၊ မဆွေးနွေးရသေးတဲ့ ကိစ္စတွေကို ပြန်လည် ကတိက ၀တ်ပြုပြီး ဆက်လက် အကောင်အထည်ဖော်ဖို့ ဆွေးနွေးရေးလုပ် ငန်းစဉ်ကို ညှိနှိုင်းမှာဖြစ်ပါတယ်’’ ဟု ပဒိုစောတာဒိုမူးက ပြောသည်။ဒေသဖွံ့ဖြိုးရေး ဆောင်ရွက်မှုနှင့်ပတ်သက်ပြီး ညှိနှိုင်းတိုင်ပင်မှု မရှိ၍ အောက်ခြေတွင် ထိတွေ့မှု ဖြစ်ခဲ့ကြောင်း ယင်းအပေါ် တပ်မတော်ဘက်ကလည်း တပ်စခန်း တိုးချဲ့၊ အင်အားတိုးချဲ့လာ ကြောင်း၊ လွန်ခဲ့သည့် လအတွင်း၌ တပ်စခန်းအသစ်ငါးခု တိုးချဲ့ လာသည်ကို တွေ့ရကြောင်း ပဒို စောတာဒိုမူးက ပြောသည်။

Credit - 7 Day Daily

၉၀ ရွေးကောက်ပွဲ အနိုင်ရပုဂ္ဂိုလ်များ ဦးဆောင်သည့်ပါတီ မကြာမီတည်ထောင်ခွင့်ရမည်ဟုဆို

အသစ်ထူထောင်မည့် ညီညွတ်သော တိုင်းရင်းသားလူ မျိုးများ ဒီမိုကရေစီပါတီက တင် သွင်းသောလူစာရင်းတွင် လက်ရှိ အာဏာရ ပါတီအမျိုးသား ဒီမိုကရေစီအဖွဲ့ချုပ်၌ တာဝန်ယူခဲ့သူ များ ပါဝင်နေခြင်းကိစ္စ ရှင်းလင်း ပြီးဖြစ်၍ ပါတီတည်ထောင်ခွင့် မကြာမီရရှိမည်ဖြစ်ကြောင်း ပြောရေးဆိုခွင့်ရှိသူ ဦးဒေးဗစ် လှမြင့်က ပြောသည်။

တပ်မတော်က အာဏာလွှဲ ပေးခြင်းမရှိသော ၁၉၉၀ ပြည့်နှစ် အထွေထွေ ရွေးကောက်ပွဲတွင် ဒီချုပ်ပါတီနှင့်အတူ အနိုင်ရသူ များဦးဆောင်ပြီး ညီညွတ်သော တိုင်းရင်းသား လူမျိုးများဒီမိုကရေစီပါတီအဖြစ် အသစ်ထူထောင်နိုင်ရေး မှတ်ပုံတင်ခွင့်ရ ရန် ပြည်ထောင်စု ရွေးကောက် ပွဲကော်မ ရှင်ထံသို့ ဇွန်လကတည်းက လျှောက်ထားသော်လည်း NLD ပါတီနှင့်ဆက်နွှယ်မှုရှိ၊မရှိ ရွေးကောက်ပွဲကော်မရှင်က စိစစ်ခြင်း ဖြစ်သည်။

‘‘စစ်ဆေးမှုက အားလုံးပြီးသွားပြီ။ NLDကလည်း ပြည်ထောင်စု ရွေးကောက်ပွဲကော်မရှင်ကို ကျွန်တော်တို့ နုတ်ထွက်ပြီးဖြစ်ကြောင်း စာပို့ထားပြီးပြီပြောတယ်။ ကျွန်တော်တို့က ရွေးကော်က ပါတီမှတ်ပုံတင်ခွင့်ပြုဖို့အတွက် ချထားပေးဖို့ပဲ ကျန်ပါတော့တယ်’’ဟု ဦးဒေးဗစ်လှမြင့် က ပြောသည်။

အသစ်ထူထောင်မည့် ပါတီ တွင် အစဉ်အလာရှိသော တိုင်း ရင်းသား နိုင်ငံရေးခေါင်းဆောင် ရှစ်ဦးကို နာယကအဖြစ်လျာထား ပြီး အခြားတိုင်းရင်းသား ခေါင်းဆောင်များ၏ အကြံပြုချက်များ လည်း ရယူမည်ဟု ၁၉၉၀ ရွေးကောက်ခံအမတ်များက ပြောကြားသည်။

ပါတီသစ်၏ ဥက္ကဋ္ဌ နေရာကို ၁၉၉၀ ရွေးကောက်ပွဲ၌ ဒီချုပ်ကို ကိုယ်စားပြု၍ ပုဇွန်တောင်မြို့နယ် ပြည်သူ့လွှတ်တော် ကိုယ်စားလှယ်အဖြစ် ရွေးကောက်ခံရသည့် ဦးနိုင်းနိုင်းက တာဝန်ယူရန် စီစဉ်ထားသည်။

ထို့အပြင် ၁၉၉၀ ပြည်သူ့ လွှတ်တော် ကိုယ်စားပြုကော်မတီ (CRPP) အဖွဲ့ဝင် တိုင်းရင်းသား ခေါင်းဆောင်များ၊ တော်လှန်ရေး အဆက်ဆက်တွင် ပါဝင်ခဲ့သောရဲဘော်များ၊ ဒီချုပ်ပါတီပြင်ပ ရောက်နိုင်ငံရေးလုပ်ဖော်ကိုင် ဖက်များ၊ အရပ်ဘက် အဖွဲ့အစည်းများနှင့် တတ်သိပညာရှင် များပါဝင်မည်ဟု ဆိုသည်။

ပြည်ထောင်စုရွေးကောက် ပွဲကော်မရှင် ပြောရေးဆိုခွင့်ရှိသူ ဦးမြင့်နိုင်ကမူ အဆိုပါပါတီမှတ်ပုံ တင်ခြင်းကိစ္စတွင် ပြည်ထဲရေးနှင့် လူဝင်မှုကြီးကြပ်ရေး ဌာနတို့က လိုအပ်သော စစ်ဆေးမေးမြန်းမှု များပြီးစီးပါမှ တစ်စုံတစ်ရာ အကြောင်းအရာ မပေါ်ပေါက်ပါက ပါတီမှတ်ပုံတင်ခြင်းကိစ္စ ဆောင်ရွက်ခြင်းသည် အချိန်ကြာမြင့်ခြင်း မရှိကြောင်း ပြောသည်။

‘‘စစ်ဆေးမှုတွေ ပြီးစီးသွားပေမယ့် ပါတီက မကျသေးဘူး။ ဒါကို ကျွန်တော်တို့ နေပြည်တော်ကိုတက်ပြီးတော့ အခြေအနေကို သွားမေးမယ်။ ဘာများကျန်သေးတယ်၊ ဘယ်အချိန်ချပေးမ လဲ ဆိုတာကို သွားမေးပါမယ်’’ ဟုပါတီမှတ်ပုံတင်ထားသည့်အဖွဲ့ အစည်း ပြောရေးဆိုခွင့်ရှိသူ ဦးဒေးဗစ်လှမြင့်က ပြောသည်။

Credit - 7 Day Daily