ဘောက်ဆင်လောကမှာ Muhammad Ali နဲ့ Joe Frazier ၊ တင်းနစ်လောကမှာ Björn Borg နဲ့ John McEnroe ၊ ဖော်မျူလာဝမ်း ကားမောင်းပြိုင်ပွဲမှာ Ayrton Senna နဲ့ Alain ကို ဂန္ထဝင်ပြိုင်ဘက်တွေလို့ ပြောရရင် Cristiano Ronaldo နဲ့ Lionel Messi ဟာလည်း ဘောလုံးလောကရဲ့ ကဝေနှစ်ပါးပါ။
လက်ရှိအချိန်မှာတော့ Neymar ၊ Kylian Mbappe နဲ့ Mohamed Salah တို့ဆိုတာ ထိပ်တန်းကစားသမားဆိုပေမယ့် Cristiano Ronaldo နဲ့ Lionel Messi တို့နဲ့နှိုင်းယှဉ်ရင် သူတို့ခြေစွမ်းဟာ အဆင့်တစ်ခုအထိ ကွာနေသေးတာ အမှန်ပါပဲ။ Cristiano Ronaldo ရဲ့ ပရိသတ်တွေက သူတို့အချစ်တော်ကိုပဲ ပိုကောင်းတယ်လို့ ပြောကြသလို Lionel Messi ပရိသတ်တွေကလည်း ‘ကိုယ့်ငါးချဉ် ကိုယ်ချဉ်’ မှာပါပဲ။
Cristiano Ronaldo ပရိသတ်တွေက ဘာစီလိုနာကလပ်မှာပဲ ကစားနေပြီး အရပ် ၅ပေ၇လက်မပဲရှိတဲ့ Lionel Messi ကို ‘အိမ်ကျယ် မက်ပု’ လို့ ထောပနာပြုကြသလို Lionel Messi ပရိသတ်တွေကလည်း ပင်နယ်တီဂိုးတွေ ဒိုင်ခံသွင်းတဲ့ Cristiano Ronaldo ကို ‘ပင်နယ်ဒို’ လို့ အားမနာပဆိုကြတာပါပဲ။ ဒါပေမယ့် တခြားဘောလုံးသမားတွေက သူတို့နှစ်ယောက်ကို ဘယ်သူပိုကောင်းလဲဆိုတာ ပြောကြလဲ။

Zlatan Ibrahimovic

ဆွီဒင်တိုက်စစ်မှူးကြီး Zlatan Ibrahimovic ဟာ ဘာစီလိုနာကလပ်မှာ Lionel Messi နဲ့ ၂ဝဝ၉ခုနှစ်ကနေ ၂ဝ၁၁ခုနှစ်အထိ တွဲဖက်ကစားဖူးသလို Cristiano Ronaldo နဲ့တော့ ပြိုင်ဘက်အဖြစ် အကြိမ်ကြိမ်ရင်ဆိုင်ဖူးသူပါ။ မေဂျာလိဂ်ကလပ် LA Galaxy မှာ ကစားနေတဲ့ Zlatan Ibrahimovic ကတော့ ဘယ်သူပိုကောင်းတယ်လို့ ဆိုလဲ။
“Lionel Messi ကိုတော့ ယှဉ်လို့မရပါဘူး။ သူနဲ့တွဲကစားခွင့်ရဖူးတယ်။ ကစားနေတာ PlayStation ဆော့နေသလိုပဲ။ သူ့ဆီကို ဘောလုံးရောက်သွားရင် ပြိုင်ဘက်တွေကို အလွယ်တကူကျော်ဖြတ်နိုင်စွမ်းရှိတယ်။

Ronaldo Nazario

ဘရာဇီးဂန္ထဝင်တိုက်စစ်မှူးကြီး Ronaldo Nazario ဟာ ကမ္ဘာ့ဖလားချန်ပီယံဆုကို နှစ်ကြိမ်တိုင်ရရှိထားတာကြောင့် ဘောလုံးလောကရဲ့ မီးရှူးတန်ဆောင်လို့တောင် တင်စားနိုင်ပါတယ်။ ဘာစီလိုနာနဲ့ ရီးရဲလ်မက်ဒရစ်အသင်းတွေမှာ ကျင်လည်ဖူးတဲ့ အချစ်တော် Ronaldo Nazario ကရော ဘယ်သူက ပိုကောင်းတယ်လို့ပြောလဲ။
“နှစ်ယောက်စလုံးရဲ့ ခြေစွမ်းတွေက ဆန်းကြယ်လွန်းပါတယ်။ တစ်ယောက်တစ်မျိုးစီ ကောင်းကြပါတယ်။ ကျွန်တော်ကတော့ Lionel Messi ရဲ့ ခြေစွမ်းကို သဘောကျတယ်။ ဒါပေမယ့် Cristiano Ronaldo ကိုလည်း မေ့ထားလို့မရပြန်ဘူး။ သူတို့နှစ်ယောက်ကို နှိုင်းယှဉ်တာကိုက ရက်စက်ရာကျပါတယ်။ နှစ်ယောက်စလုံး လေးစားစရာကောင်းပါတယ်”

Gary Lineker

အင်္ဂလန်အသင်းရဲ့ ဂန္ထဝင်ကစားသမားဟောင်းကြီး Gary Lineker ဟာ လက်ရှိအချိန်မှာတော့ အားကစားအစီအစဉ်သုံးသပ်သူအဖြစ် လုပ်ဆောင်နေသူပါ။ သူကရော ဘယ်သူက ပိုကောင်းတယ်လို့ ပြောလဲ။
“Cristiano Ronaldo လား Lionel Messi လား။ ကျွန်တော် Cristiano Ronaldo ကို တော်တော်ကြိုက်ပါတယ်။ ဒါပေမယ့် Lionel Messi က တခြားကမ္ဘာကလာတဲ့ သူပါ”

Diego Maradona

အာဂျင်တီးနားအသင်းကို ကမ္ဘာ့ဖလားချန်ပီယံဆုရရှိစေခဲ့တဲ့ Diego Maradona ဟာ (၂ဝ) ရာစုဘောလုံးလောကရဲ့ ဘုရင်တစ်ဆူလို့ ဆိုနိုင်ပါတယ်။ ဘာစီလိုနာနဲ့ နာပိုလီအသင်းတွေမှာ ကျင်လည်ဖူးတဲ့ ဂန္ထဝင်ကစားသမားကြီး Diego Maradona က ဘယ်သူ့ ကို ရွေးချယ်လဲ။
“Lionel Messi ခြေစွမ်းကျတာ မမြင်ဖူးသလောက်ပဲ။ ကျွန်တော်ကတော့ သူ့ ကိုပဲ ပိုကြိုက်တယ်။ ဘောလုံးသမိုင်းမှာ သူ့နာမည်ပဲ ကျန်နေလိမ့်မယ်။ ဘောလုံးဟာ သူ့အတွက် အရာရာပဲ။ ကမ္ဘာ့ဖလားချန်ပီယံဆုကို ရလိမ့်ဦးမယ်”

Eden Hazard

Eden Hazard ဆိုတာ ချဲလ်ဆီးအသင်းကို ဦးဆောင်ကစားနေတဲ့ ထိပ်တန်းကွင်းလယ်သမားဆိုတာ အားလုံးသိကြမယ်ထင်ပါတယ်။ Cristiano Ronaldo နဲ့ Lionel Messi တို့ကို ပြိုင်ဘက်အဖြစ် အကြိမ်ကြိမ်ရင်ဆိုင်ဖူးတဲ့ Eden Hazard က ဘယ်သူ့ ကို ရွေးချယ်မယ်ထင်လဲ။
“ဘောလုံးကစားမယ်ဆိုရင် အကောင်းဆုံးပြိုင်ဘက်တွေနဲ့ပဲ ရင်ဆိုင်ချင်တာပေါ့။ အကောင်းဆုံးအသင်း၊ အကောင်းဆုံးကစားသမားတွေနဲ့ပေါ့ဗျာ။ Lionel Messi ဟာ ကမ္ဘာ့အကောင်းဆုံးကစားသမားပဲ”

Paul Scholes

ကွင်းလယ်သမားကြီး Paul Scholes ဟာ မန်ချက်စတာယူနိုက်တက်အသင်းမှာ Cristiano Ronaldo နဲ့ ၂ဝဝ၃ခုနှစ်ကနေ ၂ဝဝ၉ခုနှစ်အထိ တွဲဖက်ကစားဖူးသလို Lionel Messi နဲ့လည်း ပြိုင်ဘက်အဖြစ် အကြိမ်ကြိမ်ရင်ဆိုင်ဖူးသူပါ။
“ဘောလုံးလောကမှာ အကြိုက်ဆုံးကစားသမားတွေကို ပြောရရင် Eric Cantona ၊ Zinedine Zidane ၊ Pirlo ၊ Xavi နဲ့ Cristiano Ronaldo တို့ပါ။ အားလုံးထဲကမှ အကောင်းဆုံးကစားသမားက Lionel Messi ပါ “

Carlos Tevez

Carlos Tevez ဟာ မန်ချက်စတာယူနိုက်တက်အသင်းမှာ Cristiano Ronaldo နဲ့ ကစားဖော်တွေဖြစ်ဖူးသလို အာဂျင်တီးနားအသင်းမှာလည်း Lionel Messi နဲ့ တွဲဖက်ကစားဖူးသူပါ။ ကစားသမားနှစ်ယောက်ကို အတွင်းသိအစင်းသိဖြစ်နေတဲ့ Carlos Tevez က ဘယ်သူ့ကို ပိုကောင်းတယ်လို့ ရွေးချယ်သွားလဲ။
“Cristiano Ronaldo နဲ့ Lionel Messi က တူကို မတူတာ။ တယ်။ Lionel Messi ဟာ ဘောလုံးကစားကတည်းက Gym ဆော့တယ်လို့ မထင်ဘူး။ Cristiano Ronaldo ကတော့ မိုးလင်းမိုးချုပ် Gym မှာပဲ အချိန်ကုန်နေတယ်။ Cristiano Ronaldo ဟာ အကောင်းဆုံးကစားသမားဖြစ်ဖို့ ကြိုးစားပြင်ဆင်နေတုန်းမှာ Lionel Messi က သူ့သဘာဝအတိုင်းကို ကောင်းတာ။ သူဟာ တစ်ပွဲမှာ သုံးဂိုးလောက်ဆိုရင် အသာလေးပဲ။ အဲဒါသူတို့နှစ်ယောက်ရဲ့ အဓိကခြားနားချက်ပဲ”

Dimitar Berbatov

Dimitar Berbatov ဆိုရင် မန်ချက်စတာယူနိုက်တက်ပရိသတ်တွေ သိကြမယ်ထင်ပါတယ်။ သူဟာ ၂ဝဝ၈ခုနှစ်ကနေ ၂ဝ၁၂ခုနှစ်အထိ မန်ချက်စတာယူနိုက်တက်မှာ ကစားခဲ့ပြီး ပရီးမီးယားလိဂ်ဖလား (၂ ကြိမ်) နဲ့ ဖီဖာကမ္ဘာ့ကလပ်ဖလားတွေကို ရယူနိုင်ခဲ့သူပါ။ သူကရော ဘယ်သူ့ ကို ရွေးလဲ။
“Lionel Messi က စောက်ရမ်းကောင်းတဲ့သူပါ။ Cristiano Ronaldo လည်း တော်ပါတယ်။ ဒါပေမယ့် Lionel Messi က ပိုကောင်းတဲ့သူပါ။ သူက အကောင်းဆုံးဖန်တီးနိုင်တယ်၊ ဂိုးသွင်းနိုင်တယ်။ ပြီးပြည့်စုံတဲ့ ကစားသမားပါ”

Roberto Carlos

Roberto Carlos ဟာ ဘရာဇီးအသင်းနဲ့အတူ ကမ္ဘာ့ဖလား၊ တိုက်ကြီးများဖလား၊ ကိုပါအမေရိကဖလား (၂ ကြိမ်) တွေကို ရရှိခဲ့ရုံမက ရီးရဲမက်ဒရစ်ကလပ်နဲ့အတူ ချန်ပီယံလိဂ်ဖလား (၃ ကြိမ်) ၊ လာလီဂါချန်ပီယံ (၄ ကြိမ်) နဲ့ ဥရောပစူပါဖလားတွေကို ရရှိဖူးသူပါ။ သူကရော ဘယ်သူ့ ကို ရွေးချယ်လဲ။
“Cristiano Ronaldo ရဲ့ လေ့ကျင့်ပုံတွေ အလုပ်ကြိုးစားပုံတွေကို ကျွန်တော်ကြည့်ဖူးတယ်။ သူက တစ်နေ့ထက်တစ်နေ့ ပိုကောင်းအောင် ကြိုးစားနေတဲ့သူဗျ။ အဲဒီအချက်မှာတော့ Lionel Messi နဲ့ကွာတယ်။ Messi ကတော့ ပုံမှန်အတိုင်းပဲလေ။ Cristiano Ronaldo ရဲ့ လေ့ကျင့်မှု၊ အလုပ်ကြိုးစားမှု၊ စိတ်အားထက်သန်မှုနဲ့ အောင်မြင်မှုတွေဟာ တခြားသူတွေအတွက် စိတ်အားတက်ကြွစရာပါပဲ။ Cristiano Ronaldo က ပိုကောင်းတယ်”
Cristiano Ronaldo ဟာ ယူရို (၂ဝဝ၄ခုနှစ်၊ ၂ဝဝ၈ခုနှစ်၊ ၂ဝ၁၂ခုနှစ်နဲ့ ၂ဝ၁၆ခုနှစ်) နဲ့ ကမ္ဘာ့ဖလား (၂ဝဝ၆ခုနှစ်၊ ၂ဝ၁ဝခုနှစ်၊ ၂ဝ၁၄ခုနှစ်နဲ့ ၂ဝ၁၈ခုနှစ်) တွေမှာ (၈) ကြိမ်ဆက် ဂိုးသွင်းနိုင်တဲ့ ပထမဆုံးကစားသမား၊ (၆) ရာသီဆက် ဂိုး (၅ဝ) နဲ့အထက် သွင်းယူနိုင်တဲ့ ပထမဆုံးကစားသမား၊ ပြက္ခဒိန် (၇) နှစ်အတွင်း ဂိုး (၅ဝ) နဲ့အထက် သွင်းယူနိုင်တဲ့ ပထမဆုံးကစားသမား၊ ပြက္ခဒိန် (၄) နှစ်အတွင်း ဂိုး (၆ဝ) နဲ့အထက် သွင်းယူနိုင်တဲ့ ပထမဆုံးကစားသမား၊ ချန်ပီယံလိဂ်မှာ ဂိုးအများဆုံးသွင်းထားတဲ့ ကစားသမား (၁၂၁ ဂိုး)၊ လာလီဂါပြိုင်ပွဲမှာ ဟက်ထရစ်အများဆုံး ကစားသမား (၃၄ ကြိမ်) ၊ လာလီဂါသွင်းဂိုး (၁၅ဝ) ပြည့်ဖို့ အမြန်ဆုံးကစားသမား (၁၄ဝ ပွဲ) ၊ လာလီဂါသမိုင်းမှာ ပင်နယ်တီဂိုးအများဆုံး ကစားသမား (၆၁ ဂိုး)၊ ရီးရဲလ်မက်ဒရစ်အသင်းမှာ လာလီဂါသွင်းဂိုး အများဆုံးကစားသမား (၃၁၁ ဂိုး) စတဲ့ စံချိန်ကောင်းတွေ ပိုင်ဆိုင်ထားပါတယ်။
Lionel Messi ဆိုရင် ပြက္ခဒိန်နှစ် (၂ဝ၁၂ခုနှစ်) အတွင်းမှာ ကလပ်နဲ့ နိုင်ငံအတွက် ဂိုးအများဆုံးသွင်းထားတဲ့ ဂင်းနစ်စံချိန်တင်ကစားသမား (၉၁ ဂိုး) ၊ ပြက္ခဒိန်နှစ် (၂ဝ၁၂ခုနှစ်) အတွင်းမှာ ကလပ်အတွက် ဂိုးအများဆုံးသွင်းထားတဲ့ ကစားသမား (၇၉ ဂိုး) ၊ ကလပ်အတွက် တစ်ရာသီအတွင်း ဂိုးအများဆုံးသွင်းထားတဲ့ ကစားသမား (၇၃ ဂိုး) ၊ ဥရောပရွှေဖိနပ်ဆု အကြိမ်အများဆုံးရရှိထားသူ (၅ ကြိမ်) ၊ ချန်ပီယံလိဂ်မှာ ဟက်ထရစ်အများဆုံး ကစားသမား (၈ ကြိမ်) ၊ လာလီဂါ အကောင်းဆုံးကစားသမားဆု (၆ ကြိမ်) ၊ လာလီဂါသမိုင်းမှာ ဂိုးအများဆုံးကစားသမား (၃၉၂ ဂိုး) စတဲ့ စံချိန်ကောင်းတွေ ပိုင်ဆိုင်ဖူးသူပါ။
“Cristiano Ronaldo နဲ့ Lionel Messi ဘယ်သူပိုကောင်းလဲ” ဆိုတဲ့ မေးခွန်းဟာ အဖြေခက်တဲ့ ပုစ္ဆာလိုပါပဲ။ ဖြေဆိုသူရဲ့ စိတ်ခံစားချက်ပေါ်မှာ မူတည်ပြီး အဓိပ္ပာယ်ပြောင်းသွားနိုင်ပါတယ်။ ဒါပေမယ့် သူတို့နှစ်ယောက်ဟာ မျက်မှောက်ခေတ်ရဲ့ ဘောလုံးလောကကို လွှမ်းမိုးထားနိုင်သူတွေဆိုတာတော့ ငြင်းလို့မရပါဘူး။ စာဖတ်သူတွေကရော ဘယ်သူက ပိုကောင်းတယ်လို့ ထင်လဲ။