တိုင်းရင်းသားတွေအားလုံး သွေးစည်းညီညွတ်အောင်ကြောင်းဖြာစေဖို့ ရည်ရွယ်ပါသည်-

တွေးရရင်
ကျုပ်တို့ဗမာတွေကမနာတတ်ဆုံးပဲ
cmt တွေမှာ
ရခိုင်နဲ့ဗမာအပြန်အလှန်ဖြစ်နေကြတာများ
မြင်မကောင်းဘူး
မင်းတို့ဗမာတွေ မင်းတို့ရခိုင်တွေ နဲ့....
ကျုပ်တို့ ဗမာတွေများ
နာဖို့ဆဲဖို့နေနေသာသာ
မိုးအေးအေးဆိုလည်း
ရခိုင်မုန့်တီလေးပြေးသောက်ရမှ
နေပူပူဆိုလည်း ရခိုင်သုပ်လေး
ငါးဖယ်လေး ထည့်စားလိုက်ရမှ
ရခိုင်ငပိဆိုလည်း ကြိုက်မှကြိုက်
ရခိုင်အစားအစာဆိုင်တွေဆိုလည်း
အမလေးလေး..ခမ်းခမ်းနားနား
လူတွေမှကြိတ်ကြိတ်တိုး...
trip ထွက်ဦးမလား
မြောက်ဦးသွားမယ် ငပလီသွားမယ်
နေတိုးလား...ကိုက်မစားရုံတမယ်
အားပေးချက်...
မနာချက်များ...

ရှမ်းလား...
အမလေး..
Trip သွားရင် တောင်ကြီး ကလော အင်းလေး
မပါမဖြစ်
ရှမ်းပဲပုတ် ရှမ်းခေါက်ဆွဲ စားမှစားကြပဲ
ရှမ်းဘောင်းဘီတောင်ဝတ်လိုက်သေး
ရှမ်းတွေတွေ့ရင် ဓာတ်ပုံတောင်တွဲတွဲရိုက်ကြသေး
စိုင်းဆိုင်မော့လား
စိုင်းထီးဆိုင်လား
စိုင်းစိုင်းခမ်းလှိုင်လား
အသေရရ အရှင်ရရ
အားပေးချက်များ....
ခေါပုပ်လား လာထား
ကျုပ်ဆိုကြိုက်မှကြိုက်...

ကချင်လား
သေသွားမယ်နော်
မြစ်ဆုံကိစ္စဝိုင်းအော်ကြတာ
တပြည်လုံး
ကချင်ပုဆိုး ကချင်လွယ်အိတ်
ကြိုက်မှကြိုက် လွယ်မှလွယ်ပဲ
ကချင်အစားအစာတောင်
ခုနောက်ပိုင်းခေတ်စားနေတာ..

ကရင်လား
ကယားလား
မွန်လား
ချင်းလား
အားလုံးကိုစိတ်ထဲမှာ
ညီအကိုမောင်နှမတွေလို့ပဲ
သဘောထားတယ်.....

တရုတ်နှစ်သစ်ကူးလား
အံပေါင်းတောင် အရှက်မရှိတောင်းကြသေး
တရုတ်မုန့်လား
လာထား....
တရုတ်တန်းလား
ပြေးပြေးဝယ်ကြတာ
တရုတ်ကားလား
အတွဲလိုက်ကိုလွှင့်တာ
ကြည့်ကြတာ...

ကုလားလား...
နာတယ်ထင်လား...
နိုးဟိုးဟိုးပါ..
ကုလားအစ်နေ့လား..
သနားလိုက်တာဟယ်..နွားတွေ..ဘာညာပဲ
သွားကြည့်ကြ
အမဲသားယူဖို့တန်းစီနေကြတာ ဗမာတွေချည်းပဲ
ကုလားမုန့်လား..လာထားပဲ
စမိုင်လား..ဆွဲပြီးသားပဲ
ဒံပေါက်လား သွားကြည့်
ဗမာတွေချည်းစားကြတာ ကြိတ်ကြိတ်တိုး
ချစ်တီးထမင်းဆိုင်လား
သွားကြည့်...တို့တွေချည်းပဲ..
ကုလားကားလား
မြန်မာပေါကားထက် ပိုကြိုက်ကြတယ်....

ဗြိတိသျှမျက်နှာဖြူလူမျိုးများတဲ့...
နာမယ်ထင်လား...
နိုး...ဟိုး...ဟိုး..ပါ
ဘောလုံးအသင်းလား...အော်ကျ ဟစ်ကြ အားပေးကြတာ...
သွားချင်လိုက်တဲ့ အင်္ဂလန်...
ချစ်လိုက်ကြတဲ့ အင်္ဂလန်ဘောလုံးသမား
ကြည့်လိုက်ကြတဲ့ အင်္ဂလိပ်ကား...

ဖက်ဆစ်ဂျပန်လား...
နိုး...အောလ်ဆိုး...နိုး...ပါ
ဂျပန်ကိုသွားချင်ကြတယ်
ဆာကူရာကိုချစ်တယ်
ဂျပန်စာစားတာကို ဂုဏ်ယူကြတယ်
ဂျပန်ကတုံးသိပ်ကြိုက်ကြတယ်
ဂျပန်ကုမ္ပဏီများ လုပ်ချင်ကြလွန်းလို့......
မနာကြတာ.....မနာကြတာ....

ကဲ....
ဘယ်မလဲ
ခများတို့ပြောကြတဲ့
မကောင်းတဲ့ ဗမာ...

ဂုတ်သွေးစုတ်သွားတာ
ဗမာတွေလား ဟိုသူခိုးတစ်စုလား?

တိုင်းရင်းသားတွေငတ်နေတယ်လား?
တူတူပဲ...
ဗမာတွေလည်းငတ်နေကြတာပဲ
သယံဇာတတွေယူတာ ဗမာလား
ဟိုခွေးသူခိုးတွေလား?

သယံဇာတတွေကို
ခများတို့လည်း မစားရဘူး
ကျုပ်တို့ဗမာတွေလည်း မစားရဘူး

ဖိနှိပ်ခံခဲ့ရတဲ့အထဲ
ခများတို့လည်းပါတယ်
ကျုပ်တို့ဗမာတွေလည်းပါတယ်

သတ်ခံရတာတွေလား..
တူတူပဲ
ခများတို့လည်းအကြောင်းမဲ့သတ်ခံရတယ်
ကျုပ်တို့လည်းသေကြတာ ဒုနဲ့ဒေး...

နိုင်ငံခြားမှာကြည့်
တိုင်ရင်းသားတွေလည်း အိမ်ဖော်
ဗမာတွေလည်း အိမ်ဖော်တွေ...

ဒါပေမယ့်
ကျုပ်တို့ဗမာတွေ
ခများတို့လောက် အငြိုးအတေးမကြီးဘူး...

ငတ်ပျော်ပျော်
နေပျော်ပျော်
သေပျော်ပျော်
ရှင်ပျော်ပျော်ပဲ
အဲဒါ ဗမာလို့ခေါ်တယ်...

တသက်လုံးနာကြည်းနေသလား
ကောင်းတာလေးတစ်ခုနှစ်ခုလုပ်ပြရင်
တရားသဘောလေးတွေတွေးမိကြရင်
ခွင့်လွှတ်သွားကြပြန်ရော
အဲဒါ ဗမာလို့ခေါ်တယ်...

မြန်မာနှစ်သစ်ကူးလား
အင်္ဂလိပ်နှစ်သစ်ကူးလား
ကရင်နှစ်သစ်ကူးလား
ဒေပါဝါလီနေ့လား
တရုတ်နှစ်ကူးလား
ကုလားအစ်နေ့လား
ရှိသမျှနေ့ အကုန်လိုက်ပျော်ကြတာ
အဲဒါ ဗမာလို့ခေါ်တယ်.....

ဘယ်လောက်ငတ်ငတ်
ဘယ်နေရာမှာ ဘာဖြစ်နေတယ်ဟေ့ဆို
ရှိတာလေးထည့်လှူလိုက်ရမှ
အဲဒါ ဗမာလို့ခေါ်တယ်...

ဘယ်လူမျိုးဖြစ်ဖြစ်
သူ့အဝတ်အစားလေးဆို ငေးကြည့်လိုက်ရမှ
သူ့အစားအစာလေး စားကြည့်လိုက်ရမှ
ငွေလေးများရှိရင်
သူတို့ဒေသ သွားလည်လိုက်ရမှ
သူတို့ ကျုပ်တို့ဆီလာလည်ရင်လည်း
နေရာစုံလိုက်ပို့ပေးလိုက်ရမှ
ရှိတာလေး ချကျွေးလိုက်ရမှ
အဲဒါ ဗမာလို့ခေါ်တယ်...

ခများတို့လာကြည့်လိုက်ပါ...
တောင်းစားနေတဲ့ ဗမာတွေ
ဖာဖြစ်နေတဲ့ ဗမာတွေ
အလုပ်ကြမ်းတွေကုန်းရုံးလုပ်နေတဲ့ ဗမာတွေ
နေစရာမရှိတဲ့ ဗမာတွေ
ငတ်နေတဲ့ ဗမာတွေ
ပိုင်ရှင်မဲ့အလောင်းတွေက ဗမာတွေ
ဒါပေမယ့် ဘယ်သူ့ကိုမှမစွတ်စွဲဘူး
ဘယ်ဝါ့ကိုမှ မပုပ်ခတ်ဘူး
နိုင်သလောက်ကူကြတယ်
ရှိသလောက်လှူကြတယ်
အဲဒါ ဗမာလို့ခေါ်တယ်....

နာဖို့နေနေသာသာ
ကလဲ့စားချေဖို့နေနေသာသာ
ကိုယ်တောင်
ကိုယ့်အနာဂတ်
ကိုယ့်မိသားစုအနာဂတ်
ကိုယ့်လူမျိုးအကြောင်း
ကိုယ့်တိုင်းပြည်အနာဂတ်အကြောင်းတွေးမိရင်
အသက်ဝဝမရှူရဲကြဘူး
ဘာမှမသေချာ မရေရာလို့
အဲဒါ ဗမာလို့ခေါ်တယ်...

ဗမာအကုန်လုံးကောင်းတယ်မပြောလိုပေမယ့်
အများစုဗမာတွေက
ဒီသဘောထားအတိုင်းဆိုတာကိုတော့
သိစေချင်မိတယ်......

ခများတို့ကျုပ်တို့သိထားရမှာက
ကျုပ်တို့မှာ မုန်းနေဖို့အချိန်မရှိဘူးဆိုတာပါပဲ...
ငြိမ်းချမ်းကြပါစေ...👍

Min Yel Kyaw Swar 💙
Photo copy..

ရန်ကုန်မြို့တော်ဝန် ဦးမောင်မောင်စိုးကို ငဖြီးကြီးလို့ စမ်းချောင်းအမတ်က အမည်တပ်၊ ကိုယ့်အလုပ် ကိုယ်မသိရင် မလုပ်နဲ့လုို့ဆုို

ရန်ကုန်၊ ဇန်နဝါရီ ၁၀
အမျိုးသားဒီမိုကရေစီအဖွဲ့ချုပ်ရဲ့ စမ်းချောင်းမြို့နယ် ပြည်သူ့လွှတ်တော်ကိုယ်စားလှယ် ဦးဘိုဘိုဦးက ရန်ကုန်မြို့တော်ဝန်လည်းဖြစ်၊ ရန်ကုန်တိုင်းဒေသကြီးအစိုရရဲ့ စည်ပင် သာယာရေးဝန်ကြီးလည်းဖြစ်တဲ့ ဦးမောင်မောင်စိုးကို လုပ်ငန်းတာဝန်တွေကို မဆောင် ရွက်နိုင်တဲ့ ငဖြီးကြီးလို့ အမည်တပ်လိုက်ပြီး စမ်းချောင်းမဲဆန္ဒရှင်တွေက မြို့တော်ဝန်ကို တရားစွဲ မယ်ဆိုရင် သူ့အနေနဲ့ သက်သေလိုက်ပေးမယ်လို့ ပြောဆိုလိုက်ပါတယ်။
ဒါ့အပြင် ရန်ကုန်မြို့တော်ဝန်အနေနဲ့ ကိုယ့်အလုပ်တာဝန် ကိုယ်မသိရင် မလုပ်သင့် တော့ဘူး လို့လည်း သူက ဆိုပါတယ်။
NLD အစိုးရ အာဏာရရှိလာပြီး ၃ နှစ်သက်တမ်းကျော်လာချိန်မှာ အမတ်တွေနဲ့ အစိုးရ တွေကြားမှာ ပွတ်တိုက်မှုတွေ ရှိနေပေမယ့်လည်း ဒီလိုကြီး နာမည်တပ်ပြီး တရားစွဲမယ် ဆိုရင် သက်သေလိုက်ပေးမယ်လို့ ပြောဆိုလိုက်တာကတော့ ထူးထူး ခြားခြားဖြစ်နေပါတယ်။
ဘာကြောင့် ရန်ကုန်မြို့တော်ဝန်ကို ငဖြီးကြီးကို စမ်းချောင်းလွှတ်တော်အမတ်က ကင်ပွန်း တပ်ရတာပါလဲ။
စမ်းချောင်းမှာ ဖြစ်တဲ့ စည်ပင်ပြဿနာတွေ
ပြည်သူ့လွှတ်တော်ကိုယ်စားလှယ် ဦးဘိုဘိုဦးရဲ့ မဲဆန္ဒနယ်ဖြစ်တဲ့ စမ်းချောင်းမြို့နယ်၊ ဝေဠုဝန်မြောက်ရပ်ကွက်ထဲမှာရှိတဲ့ ကံ့ကော်လမ်း၊ အိမ်နံပါတ် ၁၂ မှာ မိလ္လာစနစ်ကနေပြီးတော့ မိလ္လာရေတွေ မြောင်းထဲကို စီးဆင်းနေတယ်ဆိုတဲ့ကိစ္စ ဖြစ်ပေါ်ခဲ့ပါတယ်။ အဲဒီကိစ္စနဲ့ပတ်သက်ပြီး မဲဆန္ဒရှင်တွေက အကြောင်းကြားလို့ စည်ပင်သာယာရေးကော်မတီကို အကြောင်းကြားခဲ့ပေမယ့် ဖြေရှင်းပေးခြင်း မရှိခဲ့ဘူးလို့ ဆိုပါတယ်။ ၂ ကြိမ်တိုင်တိုင် အာဏာပိုင်တွေနဲ့ လွှတ်တော်အမတ်ဦးဘိုဘိုဦးတို့ တိုင်ပင် ညှိနှိုင်းခဲ့ပေမယ့်လည်း ဖြစ်မလာခဲ့ပါဘူးလို့ ဆိုပါတယ်။
အလားတူပါပဲ။ စမ်းချောင်းမြောင်းထဲမှာ ရေဆိုးတွေကိုထုတ်တဲ့စနစ် မှားယွင်းမှုကြောင့် အောင်ချမ်းသာ ၆ လမ်းဘက်ကို ရေဆိုးတွေကျဆင်းနေတဲ့ကိစ္စ၊ စမ်းချောင်း မင်းလမ်းမှာ မိလ္လာစနစ် ချို့ယွင်းနေလို့ ပြည်သူတွေ ခက်ခဲနေတဲ့ ကိစ္စတွေမှာလည်း စည်ပင်ကို ဘယ်လိုပင် အကြောင်းကြားခဲ့ပေမယ့်လည်း ဖြေရှင်ပေးခဲ့ခြင်းမရှိဘူးလို့ ဆိုပါတယ်။
အလားတူပါပဲ လေလွင့်ခွေးတွေ စမ်းချောင်းမှာ ပေါများနေလို့ ဖြေရှင်းပေးဖို့ တောင်းဆိုခဲ့ပေမယ့်လည်း အရာမထင်ခဲ့ပါဘူးလို့ ဆိုပါတယ်။ လမ်းဘေးဈေးသည်၊ ကျူးကျော်ကိစ္စ၊ ဆိုင်တွေ ကျူးကျော်ပြီး ရှေ့တိုး ဆောက်ထားတဲ့ကိစ္စ တွေအားလုံးမှာ စည်ပင်ဘက်က တစ်စုံတစ်ရာဖြေရှင်းပေးခြင်းမရှိဘူးလို့ ဦးဘိုဘိုဦးက ဆိုပါတယ်။
မန္တလေးစည်ပင်ကိုအားကျတယ်
လွှတ်တော်အမတ် ဦးဘိုဘိုဦးက ရန်ကုန်မြို့တော်စည်ပင်သာယာရေးဥပဒေ ၂၀၁၈ ခုနှစ်နဲ့ နည်းဥပဒေသစ်တွေ ထွက်ရှိပြီးဖြစ်ပေမယ့်လည်း အခုအချိန်အထိ အကောင်အထည်မှုအပိုင်းမှာအားနည်းနေတာဟာ သံသယဖြစ်စရာရှိသလို မန္တလေး စည်ပင်ကို အားကျတယ်လို့ ဆိုပါတယ်။
“မန္တလေးစည်ပင်ယာလုပ်နေတဲ့ဥစ္စာတွေကို အရမ်းအားကျမိတယ်။ ဥပဒေစိုးမိုးရေး ဘက် ကို သူတို့လုပ်ဆောင်နေတာ မန္တလေးစည်ပင်သာယာရေးဥပဒေနဲ့အညီ လုပ်ဆောင်နေတာတွေဟာ အင်မတန် အားရစရာကောင်းတယ်။ ကျနော်တို့ ဒီမြို့တော်ဝန်က သူက တာဝန်အရှိဆုံးပဲ။ မြို့တော်ဝန်က စည်ပင်သာယာရေး ကော်မတီမှာ သူက အကြီးဆုံးပဲလေ” လို့ ဦးဘိုဘိုဦးက ဆိုပါတယ်။
ရန်ကုန်စည်ပင်ရဲ့ ပေါ့လျော့မှုတွေကြောင့် စမ်းချောင်းလမ်းတွေပေါ်မှာ လေလွင့်ခွေး တွေရှိနေပြီး ကလေးတွေနဲ့ လမ်းသွားလမ်းလာ ပြည်သူတွေ အကိုက်ခံနေရတယ်လို့ လည်းဆိုပါတယ်။
“လမ်းပေါ်မှာ ခဏခဏအကိုက်ခံနေရတဲ့ခွေးတွေ၊ ခွေးတွေကိုပဲ ကြောက်နေရတယ်၊ လူတွေသွားနေတယ်၊ ကလေးတွေက ကြောက်နေရတယ်။ အမျိုးသမီးလေးတစ်ယောက်ဆို ဟိုတစ်နေ့က လိုက်ဆွဲလို့ ကျနော်တောင် မောင်းထုတ်ပေးခဲ့ရသေးတယ် ခွေးကို။ ကျနော်ကိုယ်တိုင် မောင်းထုတ် ပေးခဲ့ရတယ်” လို့ ဦးဘိုဘိုဦးက ဆိုပါတယ်။
ရန်ကုန်မြို့တော်ဝန် ဘာလို့ ဖြီးနေသလဲ
အများပြည်သူနဲ့ သက်ဆိုင်တဲ့ စည်ပင်သာယာရေးလုပ်ငန်းတွေမှာ ဘာလို့ ရန်ကုန်မြို့တော်ဝန် လစ်ဟင်းနေပါသလဲ။ ဦးဘိုဘိုဦးကတော့ ရန်ကုန်မြို့တော်ဝန်ဟာ သူ့မှာ လုပ်ပိုင်ခွင့်မရှိသလို ပုံစံနဲ့ ဖြီးနေတယ်လို့ ဆိုပါတယ်။
“ဒါ စည်ပင်သာယာမှာ တာဝန်အရှိဆုံးပဲ။ စည်ပင်သာယာမှာ တာဝန်အရှိဆုံးမှာ စည်ပင်သာယာမှာ တာဝန်ယူတဲ့လူက သူ့မှာတာဝန်မရှိသလိုလို၊ အပေါ်ကိုပဲ ကြောက် သလိုလို၊ သူ့မှာပဲလုပ်ပိုင်ခွင့်မရှိသလိုလိုဆိုပြီးတော့ လူတွေကို အယုံသွင်းတာ ဒါ ဖြီးတာပဲဗျ၊ ဒါ ဖြီးတာပဲ။ ဒါကြောင့် စည်ပင်သာယာဥပဒေကို ထိထိရောက်ရောက် အကောင်အထည်ဖော်ပါ၊ အဲဒီလိုဖော်တဲ့နေရာမှာ မြို့တော်ဝန်က အဓိကနေရာကနေ ရှိနေရမယ်ဆိုတာကို မြို့တော်ဝန်သိဖို့ကောင်းတယ်” လို့ သူက ဆိုပါတယ်။
ရန်ကုန်မြို့တော်ဝန် အနေနဲ့ ကိုယ့်အလုပ်တာဝန်ကိုယ်မသိရင်တော့ မလုပ်သင့်တော့ဘူးလို့ သူက ဆိုပါတယ်။
“ကိုယ့်တာဝန်ကိုယ်မသိဘူးဆိုရင်တော့ ဒီအလုပ်လုပ်မနေနဲ့တော့လေဗျာ။ ကိုယ့်တာဝန်ကိုယ်မသိဘဲနဲ့ ဒီအလုပ်လုပ်နေတယ်ဆိုတာ ဒါ ဖြီးတာပဲဗျ။ ဒါကြောင့် ကျနော် ဖြီးတာလို့ကို သုံးလိုက်တာဗျ။ ဒါတော့ မဟုတ်ဘူးဗျ သိလား။ ဒေါက်တာရဲလွင် ဆိုတာ ကျနော် တစ်ခါမှလည်း မမြင်ဖူးဘူးပါဘူး နော်။ အပြင်မှာလည်း တစ်ခါမှ မဆုံဖူးပါဘူး။ ဒါပေမယ့် ကျနော် မန္တလေးကိုရောက်တဲ့အချိန်မှာ မန္တလေးလမ်းတွေ ဘယ်လိုရှိလဲ၊ မန္တလေးမှာ လမ်းတွေက သန့်ရှင်းပြီး လမ်းတွေဘယ်လိုခင်းနေလဲ၊ မန္တလေးမှာ လူတွေပျော်နေလား၊ အစစအရာရာ အများကြီးကွာတယ်ဗျ၊ အခြေအနေတွေ။ ကျနော်တို့ရန်ကုန်က ယခင်ရန်ကုန်နဲ့ ဘာမှမထူးသေးဘူးဗျ၊ ဘာမှမထူးသေးဘူး” လို့ ဦးဘိုဘိုဦးက ပြောပါတယ်။
ရန်ကုန်မြို့တော်ဝန် ဦးမောင်မောင်စိုးဟာ မြို့တေ်ာဝန် ရာထူးယူပြီး ၃ နှစ်အတွင်း ထိထိရောက်ရောက် ဘာလုပ်ပေးနိုင်ပြီလဲလို့ ဦးဘိုဘိုဦးက မေးခွန်းထုတ်လိုက်ပြီး ပြည်သူတွေ မလုံခြုံတဲ့ဘ၀ ခံစားနေရတာဟာ တာဝန်လစ်ဟင်းပြီး ဖြီးနေတာ လို့ ဆိုပါတယ်။
“ ဒီမြို့တော်ဝန် တာဝန်ယူတာ ၃ နှစ်နီးပါးရှိသွားပြီဗျ။ ၃ နှစ်နီးပါးရှိသွားတဲ့အချိန်မှာ ထိထိရောက်ရောက် ဘာများလုပ်ပေးပြီးလဲ။ အခု ကျနော်တို့ပြောနေတဲ့ ဆိုင်တွေကျူးနေတဲ့ကိစ္စ၊ ဘာများလုပ်ပြီးပြီလဲ။ ကျနော်တို့မြို့နယ်မှာ အခု ဆရာမတို့ သွားလို့ရှိရင် မြင်နေရမယ်။ ကျူးနေတဲ့ဆိုင်တွေ လမ်းမပေါ်မှာ၊ မြင်မကောင်းဘူး၊ လူတွေက အကုန်လုံး လမ်းမပေါ် ဆင်းလျှောက်နေရတယ်၊ ကားတွေကြားထဲကနေပြီးတော့။ ဒါ ပြည်သူ့အတွက်ကို Safety ပဲဗျ။ ပြည်သူ့ရဲ့ လုံခြုံမှုမရှိတဲ့ဘဝကို ဖြစ်နေတာ ဒါတွေက ကျနော်တို့ ဆောင်ရွက်ပေးရမှာ။ ၂၀၁၈ ခုနှစ် စည်ပင်သာယာဥပဒေကို ကျနော်တို့ စောင့်ဆိုင်းခဲ့တယ်။ဘာတွေများ သူဆောင်ရွက် ပေးသလဲ၊ ဘာမှဆောင်ရွက်မပေးဘူး ကျနော်ပြောတာ။ ဒါကြောင့် ကျနော် ဖြီးနေတာလို့ပြောတာဗျ” လို့ ဆိုပါတယ်။
ရန်ကုန်ခေတ်သစ်သတင်းဌာနအနေနဲ့ စမ်းချောင်းလွှတ်တော်အမတ် ဦးဘိုဘိုဦးရဲ့ ပြောကြားချက် တွေနဲ့ပတ်သက်ပြီး ရန်ကုန်မြို့တော်ဝန် ဦးမောင်မောင်စိုးဆီက မှတ်ချက် ရယူဖို့ ကြိုးစားခဲ့ပေမယ့်လည်း တရားဝင်စာတင်ပြဖို့ပဲ စည်ပင်သာယာဘက်က တုံ့ပြန်ပြောဆိုပါတယ်။
www.khitthitnews.com

မန္တလေး တစ်ပြ

.
မန္တလေးသူ မန္တလေးသားတွေက မြေပြင်ပေါ်က ခရီးအကွာအဝေးကို ပြောတဲ့အခါဖြစ်ဖြစ်၊ လမ်းညွှန်တဲ့အခါ ဖြစ်ဖြစ်
၁ ပြ၊ ၂ ပြ၊ ၃ ပြ.... စသဖြင့် ပြောတတ်ကြတယ်။
မန္တလေးနဲ့ စိမ်းတဲ့သူတွေက အဲ့ဒီ တစ်ပြနှစ်ပြတွေကို ဘာပြောမှန်း မသိကြဘူး။
တချို့က ကြားဖူးနားဝနဲ့ နားလည်မှုလွဲကြတယ်...
မန္တလေး တစ်ပြဆိုတာ မရေမရာကြီးလိုလို၊ အတိုင်းအဆမဲ့နေသလိုလို၊ အရမ်းကြီး ဝေးနေသလိုလို။
မသိသေးသူတွေ သိသွားအောင် ကျနော်ဖတ်မှတ်သိရှိခဲ့တာလေးတွေကို ပြန်လည် ဖောက်သည်ချပါမယ်။
(မှားတာရှိ ပြင်ပေးပါ)
မန္တလေး ၁ ပြ ဟာ တာ ၅၀ ရှိပါတယ်။
အတိအကျကို တာ၅၀ ရှိတာပါ။

ရှေးမြန်မာအတိုင်းအတာအရ 'တာ ၅၀' ပါ။
၁ တာ မှာ ၇ တောင် ရှိပါတယ်။

မြန်မာအတိုင်းအတာ ၁ တောင်ဟာ အင်္ဂလိပ်အတိုင်းအတာ ၁၉လက်မခန့် နဲ့ ညီမျှပါတယ်။ (တချို့က ၁၈လက်မလို့ ယူကြတယ်)
ဆိုတော့...
တာ ၅၀ = အတောင် ၃၅၀ = ၆၆၅၀ လက်မ = ၅၅၄.၁ ပေ
၁ ပြ = ၅၅၄ ပေ ပေါ့ (အနီးစပ်ဆုံး)
အဲ့ဒီ တစ်ပြကို တာ၅၀ က ဘယ်က လာတာလဲ?
မြို့ရိုးကနေ လာတာပါ။
မန္တလေးနန်းမြို့ရိုးဟာ လေးထောင့်စပ်စပ်ပုံသဏ္ဍန် ရှိပါတယ်။
မြိ်ု့ရိုးကို ပစ္စင် ပြအိုး သူရဲခို သူရဲပြေး ရင်းတား စတာတွေနဲ့ ဖွဲစည်း တည်ဆောက်ထားကြတယ်။
မြို့ရိုးတစ်ဖက်ဟာ 'တာ၆၀၀' ရှည်ပါတယ်။
တာ၅၀ တိုင်းမှာ ပြအိုးတစ်ခု ရှိပါတယ်။
အဲ့ဒီ ပြအိုးနဲ့ တည့်တည့်ကို ဦးတိုက်ပြီး မန္တလေးလမ်းတွေကို ဖောက်ထားတာပါ။
(Google map မှာ ကြည့်ရင် သိပါမယ်)
ဒါကြောင့်...
တစ်ပြဟာ တစ်လမ်း ပါ။
မြို့ရိုးပေါ်က တစ်ပြနဲ့တစ်ပြ အကွာအဝေးဟာ တစ်လမ်းနဲ့တစ်လမ်း အကွာအဝေးပဲပေါ့။
တစ်လမ်းနှစ်လမ်းမပြောဘူး တစ်ပြနှစ်ပြပဲ ပြောတာ မန္တလေးသား။ (အတူတူကိုး)
မြို့ရိုးတစ်ဖက်မှာ ၁၂ လမ်း ( ၁၂ပြ) ရှိပါတယ်။
မြို့ရိုးနဲ့ ကျုံးကြားက တာ ၂၀၊ ကျုံးအကျယ်က တာ ၂၀ နဲ့ လမ်းဘေး ပလက်ဖောင်း ဘာညာသာရကာက ၁၀တာ လောက် ရှိတော့ မြို့ရိုးကနေ နောက်ထပ် တာ၅၀ အကွာမှာ လမ်းတစ်လမ်း ယူထားတယ်။
အဲ့သဟာကြောင့်...
ကျုံးတစ်ဖက်စီဟာ ၁၄ လမ်း (၁၄ပြ) ရှိပါတယ်။

မြောက်ဖက်ကျုံးလမ်းဟာ လမ်းနံပတ် ၁၂ပါ
တောင်ဖက်ကျုံးဟာ လမ်းနံပတ် ၂၆ ပါ
၁၄ လမ်း ရှိတယ်။
အရှေ့ကျုံးလမ်းဟာ လမ်းနံပတ် ၆၆ ပါ
အနောက်ကျုံးလမ်းဟာ လမ်းနံပတ် ၈၀ ပါ
၁၄လမ်း ရှိပါတယ်။
(တချို့ထင်သလို ကျုံးတစ်ဖက်ဟာ ၂ မိုင် မရှိပါ။
၁မိုင်ခွဲခန့်သာ ရှိပါမယ်။)
မန္တလေးသားတွေက...
တစ်လမ်း နှစ်လမ်း သုံးလမ်းလို့ မပြောဘဲ တစ်ပြ နှစ်ပြ သုံးပြ စသဖြင့် ပြောကြတယ်။
လမ်း နဲ့ ပြ အခေါ် အတူတူပါပဲ။
(မြို့ထဲပိုင်း ပြောတာပါ၊ မြို့သစ်တွေ စက်မှုဇုန်တွေထဲမတော့ လမ်းနံမည်တွေဟာ ဖြစ်ချင်တိုင်း ဖြစ်နေလိုက်တာများ ချီးပုံ ကြက်ယက်ထားတဲ့ အတိုင်းပဲ၊ ပန်းနံမယ်တွေ၊ ရာဇဝင်ထဲက အဘတွေရဲ့ နာမယ်တွေနဲ့ ဘယ်လမ်းဟာ ဘယ်နားရှိမှန်း မန်းလေးသားတွေကို မသိတော့တာ၊ ဇာတ်ပျက်တယ်ဆိုတာ ဒါမျိုးကို ခေါ်တာလေ)
ချုပ်ပြီးပြောရရင်...
မန္တလေး ၁ ပြ ဟာ တချို့လူတွေထင်သလို မရေမရာ မတိမကျ ဗရမ်းဗတာ မဟုတ်ပါဘူး။
၁ပြ = တစ်လမ်း = တာ ၅၀ = ပေ ၅၅၀ခန့်
.
.
.
မန်းသား

မြဝတီဆိုတာနဲ

မြဝတီဆိုတာနဲ့ မြန်မာနိုင်ငံအတွင်း တရားမဝင် without ကားတွေသွင်းတဲ့မြို့ without ကားတွေ ထည်လဲစီးတဲ့မြို့လို့ အသိများကြပါတယ်။
မြန်မာနိုင်ငံ တနံတလျားကို ဖြန့်ချီပေးနေတဲ့ without ကား ဝယ်ရောင်းသမားတွေသိကြတာက ဒီ without ကားတွေဟာ ဂျပန်နိုင်ငံမှ လေလံဆွဲပြီး မဲဆောက်သောင်ရင်းမြစ်ကမ်းပါးဂိတ်မှာ (များသောအားဖြင့် ပါကစ္စတန်ကုလားတွေ)ရောင်းချကြတယ်ပေါ့လေ။ အဲ့ဒါကို မြန်မာတွေက သွားဝယ်။ဂိတ်ကိုတာဝန်ယူထားတဲ့ လက်နက်ကိုင်အဖွဲ့အစည်းကို ကမ်းကူးခ ဂိတ်ကြေးပေးပြီး ညနေပိုင်းမှာ ဝယ်ထားတဲ့ ကားတွေကိုလှေနဲ့တင် ဒီဘက်မြဝတီကမ်းဘက်ရောက်။
နောက် မြဝတီမြို့ကတဆင့် မြန်မာနိုင်ငံအတွင်းက ဝယ်မယ့်သူတွေရှိရာမြို့ကို အမျိုးမျိုးသောနည်းတွေနဲ့အရောက်ပို့တဲ့ without ကားလောကပါပဲ။( ဒီအကြောင်းသိချင်ရင် အသေးစိတ်ထပ်ရေးပြပါဦးမယ်)
ထိုင်းအာဏာပိုင်တွေဟာလည်း ဂျပန်ကျကားတွေကို ထိုင်းဆိပ်ကမ်းတွေကတဆင့် မဲဆောက်မြို့ကို ဖြတ်သန်းရောင်းချခွင့်ပေးထားပါတယ်။ ဒါပေမယ့် အဲ့ဒီကား ကွန်တိန်နာတွေကို မဲဆောက်မြို့တွင်းရှိ ဂျပန်ကားရောင်းတဲ့ ကားဝင်းထဲမှာမှ ဖောက်ခွင့်ပေးထားပါတယ်။ ကမ်းနားမှာ လမ်းမှာ လုံးဝဖောက်ခွင့်မရှိပါဘူး။ ရောင်းခွင့်မရှိပါဘူး။ အဲ့ဒီကားတွေကို မြန်မာနိုင်ငံသို့သာရောင်းချစေပါတယ်။ ဒါပေမယ့် မြန်မာနိုင်ငံအတွင်းကိုရောက်ပြီး ကြိုက်တဲ့နံပါတ်တွေအလွယ်တကူ ကောက်တပ်ထားတဲ့ အဲ့ဒီ without ကားတွေကိုတော့ ကျန်ခဲ့တဲ့ နှစ်လလောက်ထိ ချစ်ကြည်ရေးတံတားပေါ်ကတဆင့် သူတို့နိုင်ငံအတွင်းကို နေ့ချင်းပြန်အလည်သွားလိုပါကလည်း ခွင့်ပြုပေးပါတယ်။ ခုတော့ လိုင်စင်ကားအစစ်အမှန်တွေနဲ့ ကလိုထူးဘော အဖွဲ့လက်မှတ်လုပ်ထားတဲ့ ကားတွေကိုသာ တံတားပေါ်ကဖြတ်သန်းပြီး မဲဆောက်မြို့တွင်း လည်ပတ်ခွင့်ပြုပါတော့တယ်။
ူကားဝယ်ရောင်းသမားအများစုနဲ့အတူ မြဝတီနယ်ခံအချို့ပါမသိသေးတဲ့ without ကားလောကတစ်ခုကလည်း မြဝတီမှာသီးခြားရှိနေပါသေးတယ်။ ဒီလမ်းကိုတော့ တချို့အရမ်းလည်တဲ့ ကားဝယ်ရောင်းတချို့နဲ့ မြဝတီနယ်ခံလူတချို့သာသိကြပါသေးတယ်။
အဲ့ဒီလောကကတော့ Vigo, Tiger စတဲ့ယိုးဒယားကားတွေကို မြန်မာနိုက်ငံအတွင်းသို့ တရားမဝင် မတရားသောနည်းလမ်းများဖြင့်ခိုး သွင်းနေတဲ့ ခိုးကူးကားလောကပါပဲ။
ထိုင်းနိုင်ငံအတွင်းမှာ အရစ်ကျစနစ်နဲ့ရောင်းချပေးတဲ့ Vigo, Tiger စတဲ့ ထိုင်းနိုင်ငံထုတ်ကားတွေကို ထိုင်းနိုင်ငံသားတွေက အရစ်ကျစနစ်နဲ့ဝယ်ယူခွင့်ရှိပါတယ်။ တချို့ထိုက်းနိုင်ငံသားတွေက အဲ့ဒီလို အရစ်ကျနဲ့ဝယ်ယူပြီး မြန်မာကားဝယ်ရောင်းသမားတွေကိုထက်ဝက်ဈေးနဲ့ လက်ငင်းပြန်ရောင်းချပြီးငွေကစားကြပါတယ်။ အဲ့ဒီလိုရောင်းချတဲ့ကားတွေကို မြန်မာနိုင်ငံသားတွေက ဝယ်ယူပြီး(ထိုင်းနိုင်ငံကတရားဝင်ဂိတ်တွေကတဆင့် ဂျပန်ကားတွေလို အန္တရာယ်ကင်းကင်းနဲ့ အလွယ်တကူ ဖြတ်ပြီးသယ်ယူလို့မရတဲ့အတွက်) ခိုးကူးဂိတ်လို့ခေါ်တဲ့ ဂိတ်မဟုတ်တဲ့ သောင်ရင်းမြစ်ကမ်းပါး ထိုင်းဘက်ကမ်းက လယ်မြေပိုင်ရှင်နဲ့ မြန်မာလက်ကမ်းက လယ်မြေပိုင်ရှင်ကို ဖြတ်သန်းခပေးပြီး ခိုးကူးကြပါတယ်။ မြန်မာဘက်ကမ်းက လက်နက်ကိုင်အဖွဲ့အစည်းများက တာဝန်ယူ အခွန်အခတောင်းယူပြီး သယ်ဆောင်ပေးကြပေမယ့် ထိုင်းဘက်ကမ်းက ရဲများကတော့ပူးပေါင်းခြင်းမရှိဘဲအမြဲလိုက်လံဖမ်းဆီးတတ်ကြပါတယ်။
ခိုးကူးနောက်တစ်မျိုးကတော့ အရစ်ကျဝယ်ယူထားတဲ့ကားများကို ပြန်လည်ဝယ်ယူခြင်းမဟုတ်ဘဲ မဲဆောက်မြို့မှာ ရပ်ထားတဲ့ကားများကို ကားခိုးအဖွဲ့က နေ့ခင်းကြောင်တောင်လိုက်လံခိုးယူခြင်းပါပဲ။ အဲ့ဒီလိုခိုးယူမယ့်အဖွဲ့ဟာ ကားကိုခိုးမယူခင် နှစ်ရက် သုံးရက်စောင့်ကြည့်ဆဲကာလမှာပဲ အဲ့ဒီကားကိုဓါတ်ပုံရိုက်ယူပြီး မြဝတီဘက်ခြမ်းက ဝယ်လက်နဲ့ချိတ်ပါတယ်။ ကားတန်ဖိုးကတော့ ပေါက်ဈေးရဲ့ထက်ဝက်ပါ။ ဝယ်လက်ရပြီဆိုတာနဲ့ ကားကို တာဝန်ယူ ခိုးကူးပေးမယ့် မြန်မာနိုင်ငံအတွင်းက လက်နက်ကိုင်အဖွဲ့နဲ့ထပ်ချိတ်ရပါတယ်။ ကူးခကတော့ ဂျပန်ကားကူးခရဲ့နှစ်ဆပါ။ အားလုံးပြီးရင်တော့ အဆင်ပြေတဲ့နေ့မှာပဲ ကားကိုခိုးယူပြီး မဲဆောက်ဘက်ကမ်းက အချိန်းအချက်လုပ်ထားတဲ့သောင်ရင်းမြစ်ကမ်းပါး လယ်တောထဲကို ကားမောင်းပြေးရပါတယ်။ တခါတလေ ထိုင်းရဲတွေ သတင်းရသွားတဲ့အခါ လိုက်လံဖမ်းဆီးတတ်တာမျိုးလည်းရှိတတ်ပါတယ်။ ကမ်းနားရောက်ရင်တော့ အသင့်စောင့်နေတဲ့ မြန်မာဘက်ကမ်းက ကားတက်နိုင်အောင် ပျဉ်နှစ်ချပ်ကန့်လန့်တင်ထားတဲ့လှေပေါ် ကားကိုမောင်းယူရပါတယ်။ လှေဟာ ရေလယ်ခေါင်ရောက်ပြီဆိုရင်တော့ ထိုင်းရဲတွေဘယ်လိုမှလုပ်လို့မရတော့ပါဘူး။ တခါတံသေနတ်နဲ့လှမ်းပစ်တာမျိုးရှိတတ်ပေမယ့် ဖမ်းလို့လည်းမရတော့ပါဘူး။ ဒါဟာ နှစ်နိုင်ငံကြားက အရမ်းကိုကြီးမားတဲ့ ဥပဒေအားနည်းချက်ပါ။ အဲ့လိုနဲ့ မြဝတီဘက်ခြမ်းရောက်ရင်တော့ ကိစ္စအားလုံးပြီးငြိမ်းသွားပါပြီ။ မြဝတီဘက်ရောက်တဲ့ကားကို ထိုင်းဘက်ခြမ်းက လာဖမ်းလို့ လာသိမ်းလို့လည်းမရတော့ပါဘူး။
တချို့ကားခိုးအဖွဲ့တွေဟာ သူတို့စောင့်ကြည့်နေတဲ့ကားတင်မကပါဘူး။ ဝယ်လက်ကို မဲဆောက်မြို့ထဲထိခေါ်သွားပြီး ကြိုက်တဲ့ကားကို လက်ညှိုးထိုးစေပြီး ရအောင်ခိုးပေးနိုင်စွမ်းရှိကြပါတယ်။ ဒါဟာရုပ်ရှင်မဟုတ်တဲ့ တကယ့်အဖြစ်အပျက်တွေပါ။
အဲ့ဒီလိုကားခိုးကူးဂိတ်တွေဟာ ထိုင်းရဲတွေ သတင်းရသွားတာနဲ့တပြိုင်နက် နေရာပြောင်းရွှေ့တတ်တာမို့ နေရာအတည်တကျတော့သိပ်မရှိတတ်ပါဘူး။
ထိုင်းအာဏာပိုင်တွေဟာ ထိုင်းနိုင်ငံထုတ်ကားများဖြစ်တဲ့ Vigo, Tiger စတဲ့ကားများကိုတော့ ချစ်ကြည်ရေးတံတားပေါ်ကဖြတ်ပြီး သူတို့နိုင်ငံအတွင်းကို လာရောက်လည်ပတ်ခွင့်ကိုတော့လုံးဝပိတ်ပင်ထားပါတယ်။
မြဝတီမြို့မှာ without ကားပေါများတာ လူတိုင်းနီးပါးသိပြီးလောက်ဖြစ်ပါတယ်။ သင်ဟာ ဂျပန်နိုင်ငံထုတ် without ကားတစ်စီး ဝယ်စီးဖို့ဆန္ဒရှိရင်တော့မြဝတီမြို့ကို လာခဲ့ပါ။ သင့်ကို မြဝတီမြို့က နိုင်ငံတော်လစာစားနေတဲ့လက်နက်ကိုင်အဖွဲ့အစည်းတစ်ခုက တာဝန်ယူဖွင့်လှစ်ထားတဲ့ သောင်ရင်းမြစ်ကမ်းနားက ၁၃ ဂိတ်သစ်ကို ခေါ်ဆောင်သွားပေးပါ့မယ်။
သင်ဟာ ကားနဲ့သွားတဲ့သူဖြစ်ရင်တော့ ဂိတ်အဝင်အဝမှာ သင့်ကိုကဒ်ပြားလေးတစ်ခုပေးပါလိမ့်မယ်။ အဲ့ဒီကဒ်ပြားလေးကို သင်ဟာ သင့်ကားဒတ်ရ်ှဘုတ်ပေါ်တင်ထားရပါမယ်။ ပြန်ထွက်ရင်တော့ အဲ့ဒီကဒ်ပြားလေးပြန်အပ်ရပါတယ်။ အဲ့ဒီကဒ်ပြားမပါတဲ့ကားတွေကိုတော့ ခုမှကမ်းကူးလာတဲ့ကားလို့သတ်မှတ်ပြီး ဂိတ်ကြေးထပ်မံကောက်ယူမှာဖြစ်ပါတယ်။
ပြီးတာနဲ့ သင့်ကားကို ဂိတ်တလျှောက် သောင်ရင်းမြစ်ကမ်းပါးအထိမောင်းယူသွားရပါမယ်။ကမ်းနားရောက်ရင်တော့ ဂိတ်ထဲက ကျယ်ဝန်းလှတဲ့ ကားပါကင်မှာသင့်ကားကိုပါကင်ထိုးပြီးရင်တော့ သင်ဟာ မြဝတီဘက် သောင်ရင်းမြစ်ကမ်းပါးမှ မဲဆောက်ဘက် သောင်ရင်းမြစ်ကမ်းပါးကိုကူးဖြတ်ပို့ဆောင်ပေးနေတဲ့ လှေကြီးကိုစီးပြီးမဲဆောက်ဘက်ကမ်းကို ကူးရပါတော့မယ်။ လှေစီးခက တစ်ယောက်ကို ဘတ် ၂၀ ပါ။
ဒီလိုနဲ့ မဲဆောက်ဘက်ခြမ်းရောက်ပြီဆိုရင်တော့ သင်ဟာ ကျယ်ဝန်းလှတဲ့ ကားပင်လယ်ကြီးကို စမြင်ရပါပြီ။ လှေပေါ်ကဆင်းဆင်းခြင်းပဲ ကားပြပေးမယ့်ပွဲစားအသေးလေးတွေ သင့်ဘေးကိုရောက်လာပါလိမ့်မယ်။ ဘာကားလိုချင်သလဲ လိုက်ပြပေးမယ်လို့ပြောတာကို အားကိုးတကြီးနဲ့ လက်မခံလိုက်ပါနဲ့။ သူတို့သင့်ဘေးမှာပါသွားပြီဆိုတာနဲ့ သင်ဘယ်ကားကြည့်ကြည့် ကားပိုင်ရှင်တွေဟာ အဲ့ဒီပွဲစားတွေအတွက် အနည်းဆုံး ဘတ် ၁၅၀၀ သင့်ကားဖိုးကို တင်တော့မှာမို့ပါ။
ဒီလိုနဲ့ ဆက်လျှောက်သွားရင်တော့ ကားဝင်းအကြီးကြီးထဲမှာမှ ခြံမခတ်ဝင်းမခတ်ဘဲ ကားပိုင်ရှင်တွေရဲ့ သူ့အကွက်နဲ့သူချပြထားတဲ့ အမျိုးစုံ အရောင်စုံ မော်ဒယ်စုံကားများကိုစတင်မြင်ရပါမယ်။ တချို့ကားရှေ့ဘက်မှန်တွေမှာ ဆက်သွယ်လို့ရမယ့်ဖုန်းနံပါတ်တွေရေးပေးထားတာကြောင့် ကားဘေးနားမှာ ကားတံခါးဖွင့်ပြ စမ်းပြ ရှင်းပြ ပေးမယ့်သူအလွယ်တကူမတွေ့ရင်လည်း အဲ့ဒီဖုန်းနံပါတ်လေးကိုလှမ်းဆက်လိုက်ရုံပါပဲ။ အဲ့ဒီလိုဆက်လိုက်တာနဲ့တပြိုင်နက် သေ့ာပြင်ကုလားထက်များတဲ့ သော့တွဲကြီးကိုကိုင်ဆောင်ထားတဲ့ ကားပိုင်ရှင် သို့ ကားလွှဲအပ်ခြင်းခံထားရသူချက်ချင်းရောက်လာပြီး သင့်ကိုကားအကြောင်းရှင်းပြပါလိမ့်မယ်။ကားကို စမ်းပြပါလိမ့်မယ်။ သင်စိတ်ကြိုက်စမ်းသပ်လို့ကြိုက်ပြီဆိုရင်တော့ ဈေးဆစ်လို့ရပါတယ်။ ဈေးမတည့် ကားမကြိုက်ဘူးဆိုရင်တော့ သင်ဟာ နောက်ကားတစ်စီးကို စိတ်ကြိုက်မဖြစ်မချင်း ဆက်လက်ရှာဖွေနိုင်ပါတယ်။ များသောအားဖြင့် ကားရောင်းသူများဟာ ပါကစ္စတန်တွေဖြစ်နေတတ်ပါတယ်။ အကယ်၍ ကားစိတ်ကြိုက်မတွေ့ပါကလည်း ဂျပန်နိုင်ငံမှ စက္ကန့်နှင့်အမျှတင်နေသောကားများထဲမှ သင့်စိတ်ကြိုက်ကားကို ဝန်ဆောင်ခယူ၍ လေလံဆွဲပေးသော လေလံရုံးငယ်လေးထဲသို့ဝင်၍ သင်ကိုယ်တိုင်လေလံဆွဲယူနိုင်ပါသေးတယ်။ လေလံဆွဲပြီးချိန်မှ မဲဆောက်သို့ သင့်ကားရောက်ရှိဖို့ အချိန်ကတော့ ကြာမြင့်ချိန် ၂ ပါတ်ပါ။
ကားစိတ်ကြိုက်ရပြီ ဈေးတည့်ပြီဆိုရင်တော့ သင်ဟာ ကားတန်ဖိုးအပြင် ကားကိုကမ်းကူးခ ၄၇၀၀ ဘတ်အပိုထပ်ဆောင်းပေးဆောင်ရပါမယ်။ တကယ်လို့ သင်ဟာကားဝယ်ချိန်နောက်ကျပြီး သင့်ကားမြဝတီဘက်ခြမ်းကူးဖို့မမှီတော့ဘူး သင်ကလည်းမစောင့်နိုင်ဘဲ ဒီနေ့ပဲချက်ချင်းကူးချင်တယ်ဆိုရင်တော့ ဒဏ်ကြေးအဖြစ် ၅၀၀ ဘတ်ထပ်မံပေးဆောင်ရပါမယ်။
ကားထဲက စပါယ်ယာဘီး ဂျိုက် tv စတာတွေလည်းစစ်ယူဖို့မမေ့ပါနဲ့။ သေချာမစစ်တဲ့သူတွေဆို သူတို့က ဖြုတ်ယူထားတတ်လို့ပါ။ အဲ့ဒီကိစ္စတွေပြီးရင်တော့ သင်ဟာ လှေခ ဘတ် ၂၀ ပေးပြီးမြဝတီဘက်ခြမ်းမှာပြန်လာနားလို့ရပါပြီ။
ညနေ ၄ နာရီထိုးပြီးဆိုတာနဲ့ မြန်မာနိုင်ငံတနံတလျားက ကားလာဝယ်သူတွေ သင့်လိုပဲဝယ်ယူထားတဲ့ တမျှော်တခေါ်ရှည်လျားတဲ့ကားတွေကို လှေနဲ့စတင် သယ်ယူပေးပါပြီ။ မဲဆောက်ဘက်ကမ်းမှာ ရပ်ထားတဲ့သင်တို့ကားတွေကို ဂိတ်ထဲက ကားမောင်းကျွမ်းကျင်တဲ့ ဝန်ထမ်းတွေက သစ်သားတန်းတွေထိုးထားတဲ့လှေပေါ်ကို စနစ်တကျကွက်တိဖြစ်အောင် မောင်းတက်ကြမှာဖြစ်ပါတယ်။ နည်းနည်းမှ လွဲချော်လို့မရပါဘူး။ ။ နည်းနည်းကလေးလွဲလိုက်တာနဲ့ ကားဟာရေထဲကိုထိုးကျသွားမှာပါ။ဒါပေမယ့် အဲသည်လို တစ်ခုခုလွဲချော်မှုတွေကိုတော့ သင် လုံးဝ စိုးရိမ်ပူပန်နေစရာမလိုပါဘူး။ သူတို့ကားမောင်းဆင်းရင်းတိုက်မိတာပဲဖြစ်ဖြစ် ကားရေထဲကိုပြုတ်ကျသွားတာပဲဖြစ်ဖြစ် ဂိတ်က အစအဆုံး အားလုံးတာဝန်ယူလျော်ပေးပါတယ်။ လှေတစ်စီးကို ကား၃ စီးနှုန်းနဲ့ အခေါက်ခေါက်အခါခါသယ်ယူပေးပါတယ်။နေ့စဉ် တစ်ရက်ကို ပုံမှန်ကားကူးနှုန်းဟာ အစီးရေ ၂၀၀စီးမှ ၄၀၀ စီးထိ ပိတ်ရက်မရှိပုံမှန်ကူးနေပါတယ်။ သင့်ကား ဒီဘက်ကမ်းရောက်ပြီဆိုရင်တော့ သင်ဟာ သင့်နာမည်ပြောပြီးကားကိုအလွယ်တကူသွားယူမောင်းလာရုံပါပဲ။
သည်အဆင့်တွေအားလုံးကို သင်ဟာ တရားဝင်သကဲ့သို့ အဖမ်းအဆီးအတွက်ကြောက်ရွံ့မှုမရှိဘဲလုပ်ဆောင်နိုင်မှာဖြစ်ပါတယ်။
သင့်ကိုမြဝတီက ဘယ်ရဲ ဘယ်ဌာနကမှ ဖမ်းဆီးခြင်းပြုမှာမဟုတ်ပါဘူး။
ဂိတ်ထဲမှတဆင့် သင်တည်းခိုရာမြဝတီမြို့ထဲက်ိုရောက်ဖို့ဆိုရင်တော့ သင်ဟာ လမ်းမှာဂိတ်ကြေး ၅၀၀၀ + ၅၀၀၀ + ၃၀၀၀ ထပ်မံပေးဆောင်ရပါမယ်။
မြဝတီမြို့ထဲရောက်ရင်တော့ ကားကိုသင့်စိတ်ကြိုက်နံပါတ်ပြားတပ်ခြင်း စတစ်ကာတပ်ခြင်းများပြုလုပ်ဖို့ ဆိုင်တွေကတော့အများကြီးပါ။ သင့်စိတ်ကြိုက်ရွေးချယ်အပ်နှံနိုင်ပါတယ်။
သင်ဝယ်ယူထားတဲ့ ကားတွေကိုသင်နေထိုင်ရာမြို့သို့ အခက်အခဲမရှိသယ်ယူဖို့ဆိုရင်တော့ လမ်းကြောင်းက ၂ ခုရှိပါတယ်။
တစ်ခုက ကညန မှထုတ်ပေးသော မီးထိုးခံသောကားဝှီးတက် အသားတံဆိပ်ပါသောကားနံပါတ်ပြား မူလီကအစ အစစ်နှင့်ခွဲမရအောင် ချွတ်စွတ်တူသောအတုများကို မြန်မာငွေကျပ် ၆ သိန်းမှ ၁၀ သိန်းအကြားပေးလုပ်ပြီး သင့်ကားကို လိုင်စင်ကားသကဲ့သို့ သင်ကိုယ်တိုင် ခပ်တည်တည်မောင်းယူသွားခြင်းဖြစ်ပါတယ်။ သင်စိတ်မရဲ၍ မောင်းမယူချင်ပါကလည်း ရန်ကုန်အထိမောင်းကြေး ၂ သိန်းမှ ၄ သိန်းထိဈေးအစားစားဖြင့် လိုက်ပို့ပေးသောမောင်းသမားများကို အလွယ်တကူခေါ်ယူ၍ ရပါသေးသည်။ တချို့ ကားကိုအလုံးလိုက်ချိန်းချင်သောလိုင်စင်ကားပိုင်ရှင်များဟာလည်း သူတို့ရဲ့ လိုင်စင်ကားအစစ်မှ ဝှီးတက် နံပါတ်ပြားစတာတွေကိုယူဆောင်လာပြီး မြဝတီမှကားဝယ်ကာ ပုံမှားရိုက်မောင်းယူသွားတာမျိုးလည်းရှိတတ်ပါသေးတယ်။
နောက်တစ်ခုက သင်ကိုယ်တိုင်လိုင်စင်တွေကို အတုမလုပ်ဘဲ ကားပို့စားသူများကို သင့်ကားအပ်လိုက်ခြင်းပါပဲ။ အဲ့ဒီလို ကားအပ်လိုက်တာနဲ့ သူတို့က သင့်ကိုကားတန်ဖိုးအလိုက် ငွေပေါင်ပြန်ပေးပါလိမ့်မယ်။ သင်က ပို့ရမယ့်လိပ်စာအတိအကျသာပေးလိုက်ရုံပါပဲ။ ကား သင့်အိမ်ရှေ့ရောက်မှ သူတို့ပေးထားသောငွေပေါင်နှင့် ကားပို့ခကိုရှင်းပေးရုံပါပဲ။
ကဲ။
သည်လိုနဲ့ သင်ဟာ အဖမ်းအဆီးမရှိ သင့်အိမ်ရှေ့အရောက်ရောက်လာမယ့် without ကားတစ်စီးကို ပိုင်ဆိုင်နိုင်ပါပြီ။
ဤကဲ့သိုသောနည်းဖြင့် မြဝတီမြို့မှ တစ်ရက်အနည်းဆုံး အစီးရေ ၂၀၀
တစ်လ အစီးရေ ၆၀၀၀ သောကားများဟာ မြန်မာနိုင်ငံတနံတလျားမှာပြန့်ကျဲရောက်ရှိနေတာ ဆယ်စုနှစ်တစ်ခုနီးပါးရှိခဲ့ပါပြီ။ မည်သည့်အရပ်ကိုရောက်၍ မည်သို့သောနည်းဖြင့် မည်သူတွေစီးနေသည်ဆိုတာကတော့...
Credit : Original Uploader

ရာက်တတ်ရာရာ စာစုများ(၅၈၅)

နိမှသောင်

-----------------------------------

ဒီရက်ပိုင်းတွေမှာ AAရဲ့ မထော်မနန်းကိစ္စတွေက ပြည်သူအများစုရဲ့စိတ်နှလုံးကိုမချမ်းမြေ့စေခဲ့ပါဘူး။ ဘယ်သူမှားတယ်၊ ဘယ်သူမှန်တယ်ဆိုတာ အထွေအထူး မဝေဖန်ချင်ဘူးခင်ဗျ။

ဒါပေမဲ့ တော်ရုံမကြောက်တတ်တဲ့ ကျွန်တော်လည်း လွန်ခဲ့တဲ့နှစ်က လေယဉ်လက်မှတ်ဝယ်၊ ဟိုတယ်Booking လုပ်ထားပြီးမှ မြောက်ဦးကိုသွားမဲ့ကိစ္စ cancel လုပ်လိုက်ရပါတယ်။ ဘာကြောင့်လည်းဆိုတော့ ကိုယ့်လုံခြုံရေးကို ကိုယ်တိုင်စိတ်မချရတော့လို့ပါ။ AAက ပြည်သူထဲကို ထဲထဲဝင်ဝင်စိမ့်ဝင်ပျံ့နှံ့နေပြီဆိုတာ သိလိုက်ရလို့ပါခင်ဗျ။

ခုတော့ AAကိုယ်တိုင်က စစ်မီးကို မွှေးတယ်။ နိုင်ငံတော်က ကြေညာချက်ထုတ်တော့ AAကိုယ်တိုင်သာမက ရခိုင်ပါတီကပါကြေညာချက်ထုတ်နေမှတော့ သေချာနေပြီလေ။ အားလုံးတစ်စိတ်တစ်ဝမ်းထဲဆိုတာကိုပေါ့။

ရခိုင်ဒေသဟာ ၁၉၈၀မှာ ဗိုလ်သက်ထွန်းလက်နှက်ချပြီးကတည်းက ယေဘုယျအားဖြင့်ငြိမ်းချမ်းတယ်လို့ ပြောနိုင်ပါတယ်၊ ခုလို စစ်မီးမွှေးပြီးမှတော့ တပ်မတော်က ဘယ်လိုသာလွန်အင်အားနဲ့နှိမ်နှင်းစေဦးတော့ ဘယ်မှာရုတ်တရက်ငြိမ်းနိုင်ပါ့မလဲခင်ဗျာ။

စစ်တလင်းဖြစ်လို့ချမ်းသာသွားတဲ့ဒေသဆိုတာ မကြားဖူးပါဘူးခင်ဗျာ။ ဒီတော့စစ်ပွဲတွေကြာတာနဲ့အမျှ နဂိုဆင်းရဲတဲ့ ရခိုင်ပြည်သူတွေပိုဆင်းရဲဖို့သာပြင်ထားပါတော့ခင်ဗျာ။ ဒီတော့စစ်ရဲ့ အနိဌာရုံတွေဖြစ်တဲ့ စစ်ဘေးရှောင်တွေ၊ ၁၇(၁)နဲ့ ထောင်ကျတာတွေ၊ မိုင်းလက်နက်ထိလို့ တို(၁) ရှည်(၁) ဖြစ်တာတွေ ပြောမဆုံးပေါင် တောသုံးတောင်ပါပဲ ခင်ဗျာ။

ရိုးသားတဲ့ပြည်သူတွေဘဝကိုပဲ သနားပါတယ်ဗျာ။ သူတို့ဆင်းရဲတွင်းနက်ဖို့ဘဲ ရှိပါတယ်။ မသမာတဲ့၊မူမမှန်တဲ့ခေါင်းဆောင်တွေရဲ့ သမိုင်းကြောင်းကို ထောက်ပြပြီး ဘိုးတော်ဦးဝိုင်းကိုတောင် မောင်ဝိုင်းလို့ ချိုးချိုးဖဲ့ဖဲ့ခေါ်ဆိုကြပေမဲ့ ဗမာတွေက သွေးချင်းရခိုင်တွေကို ခွင့်လွှတ်နိုင်ပါတယ်။

သမိုင်းမှာ ဗမာ၊ မွန်၊ ရခိုင်၊ ရှမ်း၊ ထိုင်းတို့ အားကြီးသူကလက်ရုံးဆန့်တန်းတိုက်နေခဲ့ကြတာပါပဲ။ မတရားဘူးဆိုရင်လည်း ယခင်က လွန်ခဲ့တဲ့ နှစ်၃၀၀/၄၀၀ က ကိစ္စတွေလေဗျာ။

နောက်ဆုံးတော့ ရခိုင်သမ္မတကြီးဖြစ်ချင်တဲ့လူတစ်စုရဲ့ သွေးထိုးမြှောက်ပင့်မှုကို ယုံကြည်တဲ့ရခိုင်သွေးချင်းရော မယုံကြည်သူရောအားလုံးဒုက္ခရောက်ရင် ဗမာတွေ ပျော်မယ်လို့မထင်ပါနဲ့၊ ကျွန်တော်တို့လည်း စိတ်ဆင်းရဲရမှာ အမှန်ပါပဲ။

ဒါကြောင့် ရခိုင်ကိစ္စကို ကျွန်တော်ပေးချင်တဲ့ မှတ်ချက်ကတော့ တစ်ခုပါပဲခင်ဗျာ၊ အဲဒါကတော့ သွေးချင်းတို့ "နိမှသောင်" ကြပါလိမ့်မယ်။ခုတော့ သွေးပူနေတာမို့ ဘယ်

လိုပြောပြော နားဝင်မှာ မဟုတ်ပါဘူး။

စာပြီးရက်-၂၀၁၉ ဇန် ၉

credit -MP MAUNG MYINT

ကိုးကန့် နှင့် TNLA က ဖမ်းသွားသူများ ပြန်လွတ်ရေး တပ်မတော် ကြိုးပမ်းမည်

.

မြန်မာနိုင်ငံ အမျိုးသား ဒီမိုကရေစီမဟာမိတ် တပ်မတော် (MNDAA-ကိုးကန့်တပ်ဖွဲ့)နှင့် တအန်း (ပလောင်) အမျိုးသား လွတ် မြောက်ရေး တပ်မတော် (TNLA) တို့ ဖမ်းဆီးသွားသည့် ပြည်သူများ ပြန်လည် လွတ်မြောက်ရေး လိုအပ်သလို ဆောင်ရွက် သွားမည်ဟု တပ်မတော်ကာကွယ်ရေး ဦးစီးချုပ်ရုံးက ဆိုသည်။

ရှမ်းပြည်နယ် မြောက်ပိုင်း ကွမ်လုံမြို့နယ်နှင့် နမ့်ခမ်းမြို့နယ်တို့မှ ဒေသခံ တိုင်းရင်းသားများကို MNDAA နှင့် TNLA က အဓမ္မဖမ်းဆီးမှုများ ရှိနေပြီး ယင်းသို့ ဖမ်းဆီးခံထားရသူများအရေးနှင့် ပတ်သက်ပြီး တပ်မတော်ကာကွယ်ရေး ဦးစီးချုပ်ရုံး က ဇန်နဝါရီ ၇ ရက်နေ့က ထုတ်ပြန်ထားခြင်းဖြစ်သည်။

ယင်းထုတ်ချက်တွင် “MNDAA၊ TNLA အဖွဲ့များအနေဖြင့် ဒေသခံ တိုင်းရင်းသားများ အပေါ် အနိုင်ကျင့်ခြင်း၊ နိုင်ငံတော် အစိုးရ၏ အုပ်ချုပ်မှု ယန္တရားကို နှောင့်ယှက်ခြင်း၊ ပြည်သူလူထု၏ အသက် အိုးအိမ် စည်းစိမ်နှင့် အကျိုးစီးပွားကို ထိခိုက်အောင် ဆောင်ရွက်ခြင်းများ ပြုလုပ်လာခဲ့သည်ကို တွေ့ရှိရသောကြောင့် တပ်မတော်အနေဖြင့် ဖမ်းဆီးခံရသူများ ပြန်လည် လွတ်မြောက်ရေး လိုအပ်သလို ဆက်လက် ဆောင် ရွက်သွားမည်” ဟု ပြောထားသည်။

တပ်မတော်အနေဖြင့် ထာဝရ ငြိမ်းချမ်းရေး ရရှိရန်အတွက် ကြိုးပမ်း ဆောင်ရွက်လျက်ရှိပြီး ညှိနှိုင်းဆွေးနွေးမှုများ ပြုလုပ်နိုင်ရန် ၂၀၁၈ ခုနှစ်၊ ဒီဇင်ဘာ ၂၁ ရက်တွင် ပစ်ခတ် တိုက်ခိုက်မှု ရပ်စဲရေးနှင့် ထာဝရ ငြိမ်းချမ်းရေး အတွက် ထုတ်ပြန်၍ စစ်ရေးဆိုင်ရာ လှုပ်ရှားမှုများ အားလုံးကို ရပ်ဆိုင်ခဲ့သော်လည်း MNDAA ၊ TNLA အဖွဲ့ များက ဒေသခံ တိုင်းရင်းသားများအပေါ် အနိုင်ကျင့်ခြင်းများ ပြုလုပ်လာသည်ဟု ဆိုသည်။

ရှမ်းပြည်နယ်မြောက်ပိုင်း၊ ကွမ်းလုံမြို့နယ်အတွင်းရှိ တာရှောက်တီးကျေးရွာ၊ ကျန်ကြားကျိုင်းကျေးရွာ၊ ဖတ်တူ ကျေးရွာနှင့် ပန်ဟုန်း ကျေးရွာများသို့ ကိုးကန့်တပ်ဖွဲ့ (MNDAA) မှ တပ်ဖွဲ့ဝင်များသည် ၂၀၁၉ ခုနှစ်၊ ဇန်နဝါရီ ၆ ရက်က သွားရောက်၍ အုပ်ချုပ်ရေးမှူး နေအိမ်များ၌ လူသစ်ပေးရန်အတွက် အစည်းအဝေးပြုလုပ်ခဲ့ပြီး တာရှောက်တီး ကျေးရွာမှ ဦးဇီသွေးလျှံ၊ ဦးဇီရှောက်ကျုံး၊ ဦးကျန်ရှောက်ယွမ်နှင့် ဦးဝေလောက်တယ်၊ ကျန်ကြား ကျိုင်းကျေးရွာမှ ဦးရှန်ဖူးနှင့် ဦးစီတို့အား ဖမ်းဆီး ခေါ်ဆောင်သွားကြောင်း တပ်မတော်ကာကွယ်ရေးဦးစီးချုပ်ရုံး က ထုတ်ပြန်သည်။

ယင်းသို့ ဖမ်းဆီးခြင်းများကြောင့် ကျန်ကြားကျိုင်း ကျေးရွာနှင့် ပတ်ဝန်း ကျင် ကျေးရွာများမှ အိမ်ထောင်စု ၁၆၀ စု၊ အမျိုးသား ၂၀၀ ဦး၊ အမျိုးသမီး ၂၅၅ ဦး၊ စုစုပေါင်း ၄၅၅ ဦး တို့သည် ကွမ်းလုံမြို့နယ်၊ ဟိုလီကျေးရွာ စာကြည့် တိုက်နှင့် ကျေးရွာ အုပ်ချုပ်ရေးမှူး ရုံးသို့ ဇန်နဝါရီ ၇ ရက်တွင် ထွက်ပြေး တိမ်းရှောင် ရောက်ရှိလျက် ရှိသည်ဟုလည်း သိရသည်။

ဟိုလီကျေးရွာမှ အုပ်ချုပ်ရေးမှူး ဦးမောင်စိန် ကတော့ MNDAA ၏ လူသစ် စုဆောင်းမှုကြောင့် ညိုချန်းကျေးရွာ၊ မန်ဟွယ်ကျေးရွာ၊ ကြိုကော်ယင်းကျေးရွာ၊ ကျန်ကြားကျိုင်းကျေးရွာမှ အိမ်ထောင်စု ၈၀ မှ လူဦးရေ ၄၆၁ ဦး သည် ဟိုလီကျေးရွာ ဘက်သို့ ထွက်ပြေး တိမ်းရှောင်လာခဲ့ကြကြောင်း၊ လက်ရှိတွင် သူကြီး အပါအဝင် လက်ထောက်သူကြီးနှင့် ရွာသား ၁၁ ဦးကို MNDAA က ဖမ်းဆီး ခေါ်ဆောင်သွားကြောင်း ဧရာဝတီသို့ ပြောသည်။

ဦးမောင်စိန် က “စုစုပေါင်း ၁၁ ယောက်ပါသွားတယ်၊ သူကြီးတွေ၊ လက်ထောက် သူကြီးတွေ၊ ရွာသားတွေ အစည်းအဝေး ခေါ်လို့ သွားတဲ့လူတွေက ဖမ်းခံရတာပါ၊ MNDAA က စုဆောင်ရေး အတွင်းဝင်ဆွဲလို့ ကြောက်အား လန့်အားနဲ့ ကျနော့်ရွာ လာပြီးတော့ စစ်ရှောင်လာကြတာ ကျနော့်ရွာနဲ့ ကွမ်းလုံမြို့က ၃ မိုင်ခွဲပဲ ဝေးတဲ့ အတွက်ကြောင့် ဒီဘက်ကို ရောက်လာတာပါ ၄၆၁ ယောက်ရှိပါတယ်” ဟု ပြောသည်။

လက်ရှိတွင် တပ်မတော်စစ်ကြောင်းက နယ်မြေလုံခြုံရေး ဆောင်ရွက်နေခြင်းကြောင့် ကိုးကန့်တပ်ဖွဲ့ဝင်များ ပြန်လည် ဆုတ်ခွာ သွားသည့် အတွက် အခြေအနေ ပြန်လည် တည်ငြိမ်လာပြီး ဖြစ်ကြောင်း၊ သို့သော်လည်း ထွက်ပြေး တိမ်ရှောင်လာသူများသည် မပြန်ရဲသေးသဖြင့် ဟိုလီကျေးရွာအတွင်းရှိ ကချင်ခရစ်ယာန် ဘုရားကျောင်း ၊ မြန်မာစာသင်ကျောင်း၊ ကိုးကန့် စာသင်ကျောင်းနှင့် အုပ်ချုပ်ရေးမှူးရုံးများတွင် နေရာချထား ပေး ထားသည်။

“သူတို့ကတော့ မပြန်သေးဘူး၊ အခြေအနေ နည်းနည်းကောင်းမှ ပြန်ကြမယ့် သဘောရှိတယ်၊ အိမ်ထောင်စု ၈၀ ၊ လူဦးရေ ၄၆၁ ယောက်၊ မြောင်ဇီလူမျိုး ၉၀ ရာခိုင်နှုန်းပါတယ်၊ ကိုးကန့်လူမျိုး ၁၀ ရာခိုင်နှုန်းပါတယ်။ အခု စားရေးသောက်ရေးကို အရှေ့မြောက်ပိုင်းတိုင်း စစ်ဌာနချုပ်ကနေတဆင့် တပ်မမှူးတို့၊ ဗျူဟာမှူးတို့ကနေ လာထောက်ပံ့ထားတာရှိတယ်၊ မြို့နယ် အုပ်ချုပ်ရေးမှူးရဲ့ ခွင့်ပြုချက်နဲ့ လုပ်ငန်းရှင်တွေက လာထောက်ပံ့ထားတာရှိ တယ်၊ နောက် ကြက်ခြေနီတွေလည်း လာထောက်ပံ့တယ်”ဟု ဦးမောင်စိန် က ပြောသည်။

MNDAA ၏ လူသစ်စုဆောင်းနေမှုများကြောင့် ကွမ်းလုံမြို့နယ်၊ ဟိုလီကျေးရွာဘက်သို့ ထွက်ပြေး တိမ်းရှောင် လာကြသည့် ဒေသခံများ အခြေအနေနှင့် ပတ်သက်ပြီး ကွင်းဆင်း သတင်းယူနေသည့် DVB မှ ရုပ်သံသတင်း ထောက် ကိုခွန်ဇော်ဦးက “ရွာတွေဘက်ကို တပ်မ ၉၉ နယ်မြေရှင်းလင်းရေး လုပ်နေပါတယ်၊ ရွာသွားတွေ အားလုံးကတော့ ကြောက်ရွံ့နေကြတယ်”ဟု ဧရာဝတီသို့ ပြောပြသည်။

အလားတူ TNLA အဖွဲ့ အင်အား ၅၀ ဦး ခန့်သည် ဇန်နဝါရီ ၄ ရက် မွန်းလွဲပိုင်းတွင် နမ့်ခမ်းမြို့နယ်၊ တာကွန့်ကျေးရွာနှင့် ပန်မောင်းကျေးရွာများသို့ ဝင် ရောက်ခဲ့ပြီး ၎င်းကျေး ရွာများမှ ကျေးရွာသူ/သား ၁၈ ဦးတို့အား ဘိန်းစိုက်ပျိုးသည်ဟု အကြောင်းပြ၍ ဖမ်းဆီး ခေါ်ဆောင်သွား ကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်တွင် ဖော်ပြထားသည်။

အဆိုပါ ကိစ္စနှင့်ပတ်သက်ပြီး နမ့်ခမ်းမဲဆန္ဒနယ်မှ ရှမ်းပြည်နယ်လွှတ်တော် ကိုယ်စားလှယ် ဦးအေးမောင်က ယင်းသတင်း မှန်ကန်ကြောင်း ဆိုသည်။

ဦးအေးမောင် က “ရှင်းရှင်းပြောရမယ်ဆိုရင် ဒီအချိန်ကျတော့ ဘိန်းစိုက်တဲ့ ရာသီ၊ အဲဘိန်းခြံလုပ်တဲ့ ပုဂ္ဂိုလ်တွေက သူတို့ခြံရှင်းပြီးတဲ့ အချိန် အဲခြံထဲကနေ ခေါ်သွားတယ်လို့ ကြားရတယ်၊ ဘိန်း ခင်းကိစ္စပါ TNLA က ခေါ်သွားတာပါ၊ အယောက် ၂၀ လို့ပြောပါတယ်။ အဲဒါလည်း ခိုင်လုံတဲ့ သတင်းပေါ့ဗျာ” ဟု ပြောသည်။

ထိုကဲ့သို့ TNLA က ဖမ်းဆီးသွားခြင်းသည် လူသစ်စုဆောင်းခြင်း မဟုတ်ဘဲ ဘိန်းခင်းများ လုပ်ကိုင်နေခြင်းနှင့် ပတ်သက်ပြီး ဖမ်းဆီးသွားခြင်းသာ ဖြစ်ကြောင်း၊ ၎င်းတို့ ပြန်လွတ်ရန်အတွက် လူမှုကွန်ရက် အဖွဲ့အစည်းများဖြင့် ဆွေးနွေးနေပြီး မည်သို့ ဆောင်ရွက်မလဲ အဖြေရှာနေကြောင်း လွှတ်တော်ကိုယ်စားလှယ် ဦးအေးမောင်က ပြော သည်။

ဦးအေးမောင် က “ ဒီပတ်ဝန်းကျင်က တာကွန့်ကျေးရွာ၊ ပန်မောင်းကျေးရွာ အဲမှာ ဘိန်းခင်းကို သူတို့က ခိုးလုပ်တဲ့ဟာတွေ ရှိတာပေါ့နော်၊ ခိုးလုပ်တာက လျိုမြောင်းတွေကြားထဲမှာပေါ့၊ လူမရောက်တဲ့ရောပေါ့။ ဒါတွေကို သူတို့ကလည်း သိတယ်ပေါ့၊ သူတို့ သွားလာ လှုပ်ရှားတဲ့ နယ်မြေ ဖြစ်တော့ သူတို့အဲမှာ သွားပြီးတော့ ဘိန်းခင်း စောင့်တဲ့လူရော လုပ်တဲ့လူရော သူတို့ ဖမ်းသွားတဲ့ အခြေအနေမှာ ရှိပါတယ်၊ စစ်သား စုဆောင်းတာတော့ မဟုတ်ပါဘူး” ဟု ပြောသည်။

ကွမ်းလုံမြို့နယ်အတွင်းမှာ MNDAA က လူသစ်စုဆောင်းနေခြင်း အပါအဝင် နမ့်ခမ်းမြို့နယ် အတွင်းတွင် TNLA မှ တာကွန့် ကျေးရွာနှင့် ပန်မောင်းကျေးရွာမှ ဒေသခံ ၂၀ ဝန်းကျင်ကို ဖမ်းဆီး သွားခြင်းတို့နှင့် ပတ်သက်ပြီး သက်ဆိုင်ရာ အဖွဲ့အစည်းများမှ တာဝန်ရှိသူများကို ဆက်သွယ်သော်လည်း ဆက်သွယ်မှု မရသည့်အတွက် တစုံတရာ မသိရပေ။

ထို့အတူ တပ်မတော်မှ ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းကို ဆက်သွယ်သော်လည်း ဖုန်းကိုင် ဖြေဆိုမှု မရှိပါ။

MNDAA နှင့် TNLA တို့သည် တနိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) အပါအဝင် ပြည်နယ်အဆင့်၊ ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးစာချုပ်များ လက်မှတ်ရေးထိုးနိုင်ရေး အတွက် အစိုးရ၊ တပ်မတော်တို့ဖြင့် ဆွေးနွေးနေသော လက်နက်ကိုင်အဖွဲ့များ ဖြစ်ကြသည်။

ချစ်မင်းထွန်း

တပ်မတော်နှင့် တိုက်ပွဲများ ပိုမိုပြင်းထန်လာနိုင်ဟု ဗိုလ်ချုပ် ထွန်းမြတ်နိုင်ပြော

ရခိုင်ပြည်နယ်၊ ဘူးသီးတောင်မြို့နယ်အတွင်း ဇန်နဝါရီလ ၄ ရက် တိုက်ခိုက်မှု ပြီးသည့်နောက်တွင် တပ်မတော်မှ အင်အား အများအပြား တိုးချဲ့လာသဖြင့် တိုက်ပွဲများ ပိုပြင်းထန်လာမည့် အခြေအနေ ရှိနေသည်ဟု ရက္ခိုင့် တပ်မတော် (AA) စစ်ဦးစီးချုပ် ဗိုလ်ချုပ် ထွန်းမြတ်နိုင်က ဧရာဝတီကို ပြောသည်။

ဗိုလ်ချုပ် ထွန်းမြတ်နိုင် က “တပ်တွေ ဒီနေ့လည်း ဝင်နေတာ တွေ့ရတယ်။ လေယာဉ်နဲ့ရော ကားနဲ့ရော ဆိုတော့ နောက်လာမယ့် အချိန်တွေမှာ တိုက်ပွဲတွေက ပြင်းပြင်းထန်ထန် ဖြစ်လာဖို့ အလားအလာတွေ များပါတယ်”ဟု ပြောသည်။

တပ်မတော်နှင့် AA တို့ကြား စစ်ရေးတင်းမာနေမှုများအရ လက်ရှိတွင် ငြိမ်းချမ်းရေးမှာ ကမ်းမမြင် လမ်းမမြင် ဖြစ်နေသည်ဟုလည်း ဗိုလ်ချုပ်ထွန်းမြတ်နိုင်က ဆိုသည်။

ဇန်နဝါရီလ ၄ ရက်၊ လွတ်လပ်ရေးနေ့တွင် ဘူးသီးတောင်မြို့နယ်အတွင်းရှိ ကျောင်းတောင်၊ ငမြင်းဘော်၊ ဂုပ္ပီ၊ ခထီးလှ တို့ကို AA က ဝင်တိုက်ပြီး လက်နက် ၄၀ ကျော်၊ ကျည်ဆံ ၁၆၀၀၀ ကျော်တို့ကို ယူသွားသည်။

တိုက်ပွဲအတွင်း နယ်ခြားစောင့်ရဲစခန်း ၂ ခု ဝင်ရောက်စီးနင်း ခံရပြီး စခန်း ၄ ခုမှ ရဲ ၁၃ ဦး သေဆုံးကာ ၉ ဦး ဒဏ်ရာ ရရှိခဲ့သည်။

တိုက်ခိုက်မှုများအပေါ် သမ္မတ၊ နိုင်ငံတော်အတိုင်ပင်ခံ ၊ တပ်မတော်ကာကွယ်ရေးဦးစီးချုပ်တို့ ပါဝင်သည့် ထိပ်သီး အစည်းအဝေး တခုကို ဇန်နဝါရီလ ၇ ရက်က နေပြည်တော်တွင် ကျင်းပပြီး AA ကို ချေမှုန်းရန် ရဟတ်ယာဉ်များ တပ်အင်အားများကို အသုံးပြုရန် သမ္မတရုံးက သဘောတူခဲ့သည်။

ဗိုလ်ချုပ်ထွန်းမြတ်နိုင် က နယ်ခြားစောင့်ရဲစခန်း ၄ ခုကို ဝင်တိုက်ရခြင်းမှာ ထိုတိုက်ခိုက်မှု မတိုင်မီ ၂၀၁၈ ခုနှစ်၊ ဒီဇင်ဘာလ အတွင်း ရသေ့တောင်၊ ဘူးသီးတောင်၊ ကျောက်တော်၊ ပုဏ္ဏားကျွန်းမြို့နယ်အတွင်း တိုက်ပွဲများ တွင် နယ်ခြားစောင့်ရဲများက တပ်မတော်ကို ကူညီပြီး အရပ်သားများကို စစ်ဆင်ရေးတွင်း အသုံးချကာ ဒုက္ခပေးခဲ့ခြင်းကြောင့် ဖြစ်သည်ဟု ပြောသည်။

အရပ်သားများ စားနပ်ရိက္ခာသယ်ယူမှုကို ဖြတ်တောက်ပြီး AA ကို တိုက်ခိုက်ရန် တောလမ်းများသို့ သွားရာတွင် ရွာသားများကို ရှေ့မှ သွားခိုင်းခြင်းနှင့် ရဲတပ်ဖွဲ့ဝင်များ အိပ်နေချိန်တွင် ရွာသားများကို ကင်းစောင့်ခိုင်းခြင်းများ လုပ်ဆောင်သည်ဟု ဗိုလ်ချုပ် ထွန်းမြတ်နိုင် က ပြောသည်။

ဗိုလ်ချုပ်ထွန်းမြတ်နိုင် က “ကျနော်တို့ ရပ်ရွာတွေကို အမြှောက်တွေနဲ့ ပစ်တဲ့ တပ်တွေကိုလည်း ကျနော်တို့ စာရင်း မှတ်ထားပါတယ်။ ရဲတပ်ရင်းတွေ နယ်ခြားစောင့်တွေကို ကျနော်တို့ သေချာ မှတ်တမ်းပြုစုထားတယ်။ ကျနော်တို့ ဒါကို ခွင့်မလွှတ်ပါဘူး။ ဒါမျိုးလုပ်ရပ်တွေကို ကျနော်တို့ နိုင်တဲ့ဘက်ကနေ တုန့်ပြန်မှာပါ”ဟု ဆိုသည်။

ရခိုင်ပြည်သူများကို နှိပ်ကွက်နေပါက သည်းခံမည်မဟုတ်ဟုလည်း ၎င်းက ပြောသည်။

၂၀၁၈ ခုနှစ်၊ ဒီဇင်ဘာလမှ ယနေ့ထိ တိုက်ပွဲများ ဖြစ်ပွားရာတွင် တပ်မတော်နှင့်နယ်ခြားစောင့် ရဲတပ်ဖွဲ့ များမှ အရပ်သားများကို လမ်းပြအဖြစ် ခေါ်ဆောင်ခြင်း၊ သေနတ်ဒင်ဖြင့် ရိုက်နှက်ခြင်း၊ ရိက္ခာတောင်းယူခိုင်း ခြင်းများ ကြုံတွေ့ခဲ့ရသည့် အရပ်သားများက ဧရာဝတီကို ပြောဆိုထားသည်။

ဇန်နဝါရီလ ၇ ရက်၊ သမ္မတရုံး သတင်းစာရှင်းလင်းပွဲတွင် သမ္မတရုံး ပြောရေးဆိုခွင့်ရှိသူ ဦးဇော်ဌေးက AAကို ARSA အကြမ်းဖက် အဖွဲ့နှင့် ညှိနှိုင်းကာ ရခိုင်ပြည်နယ်အတွင်း လှုပ်ရှားကာ တိုက်ခိုက် နေပြီး ARSA နှင့် AA ကြား မူးယစ်ဆေးဝါး အကျိုးတူ စီးပွားရေးများ ရှိသည်ဟု စွပ်စွဲ ပြောဆိုထားသည်။

နယ်ခြားစောင့် ရဲစခန်း ၄ ခုကို AA ဝင်တိုက်ခြင်းမှာ ARSA အကြမ်းဖက် အဖွဲ့ကို အထောက်အကူပြုသည့် စစ်ဆင်ရေးမျိုး လုပ်ဆောင်ခြင်း ဖြစ်သည်ဟုလည်း ဦးဇော်ဌေးက ဆိုသည်။

ဦးဇော်ဌေး က “အဓိက ဒေသခံ ရခိုင်တိုင်းရင်းသားတွေ ဒုက္ခရောက်တယ်။ တိုက်ပွဲမီးက ဆက်မြင့်လာရင် အဲ့မှာ ရှိတဲ့ လူငယ်တွေ ကျောင်းမတတ်နိုင်ဘူး။ အများကြီး ဒုက္ခရောက်ကြမယ်။ အဓိက က အဲ့မှာ ရှိတဲ့ တိုင်းရင်းသား ပြည်သူတွေပဲ ဒုက္ခရောက်မယ်”ဟု ပြောသည်။

ရခိုင်ပြည်သူများ ၊ ရခိုင်ရဟန်းသံဃာများ ၊ အရပ်ဘက်အဖွဲ့များ၊ ရပ်မိရပ်ဖများအနေဖြင့် ရခိုင်ပြည်နယ်ကို မပျက်စီးစေချင်ပါက AA ကို မထောက်ခံရန်လည်း ဦးဇော်ဌေးက ပြောဆိုသည်။

AA က ၎င်းတို့ ARSA နှင့် ပတ်သတ်ခြင်း၊ ပူးပေါင်းခြင်း မရှိဟုလည်း ငြင်းဆိုထားသည်။

ဦးဇော်ဌေး ပြောဆိုချက်နှင့် ပတ်သတ်၍ ဗိုလ်ချုပ်ထွန်းမြတ်နိုင် က “ရခိုင်ပြည် ဖွတ်ဖွတ်ကျေသွားမယ်။ နောက် ၁၀ နှစ်မှာ ဘာဖြစ်သွားမယ်ပေါ့။ ဆီးရီးယားလို ဖြစ်မယ်လို့ ပြောတာလည်း ကျနော်တို့ ကြားမိပါတယ်။ ကျနော့် စိတ်ထဲမှာ ဘာတွေ ဖြစ်လဲ ဆိုတော့ ငါတို့ တိုင်းပြည်ကို ဖျက်ရင် သူတို့ တိုင်းပြည်ကိုလည်း ဖျက်ရမလား ဆိုတဲ့ အတွေးလည်း ရောက်မိပါတယ်”ဟု ပြောသည်။

တပ်မတော်ဘက်မှ AA တပ်ဖွဲ့များ ရခိုင်ပြည်နယ်တွင်း ရောက်ရှိလှုပ်ရှားနေသည်ကို အသိအမှတ်ပြုပြီး ငြိမ်းချမ်းရေး ကမ်းလှမ်းပါက တတ်တတ်ကြွကြွ ပါဝင်မည် ဖြစ်ပြီး ရခိုင်ပြည်နယ်ကို တစစီဖြစ်အောင် လုပ်မည် ဆိုပါက ထပ်တူထပ်မျှ ပြန်လုပ်ဆောင်မည်ဟုလည်း ဗိုလ်ချုပ်ထွန်းမြတ်နိုင် က ဆိုသည်။

AA နှင့် ARSA  ပတ်သတ်နေသည်ဟု ပြောဆိုချက်အပေါ်တွင် ရခိုင်နိုင်ငံရေး အသိုင်းအဝိုင်းမှလည်း ဝိုင်းဝန်း ကန့်ကွက်ကြပြီး AA ကို ဆက်လက်ထောက်ခံမည်ဆိုသည့် ပြောဆိုမှု အရိပ်အရောင်များလည်း တွေ့ရသည်။

ရခိုင်အမျိုးသားပါတီ (ANP) ကလည်း ဦးဇော်ဌေး၏ ပြောဆိုချက်ကို ကန့်ကွက်ကြောင်း ထုတ်ပြန်ချက် တစောင် ထုတ်ပြီး ထိုထဲတွင် ရခိုင်ဒေသ၌ မြေပေါ်မြေအောက်လှုပ်ရှားနေကြသည့် ရခိုင်နိုင်ငံရေး အဖွဲ့အစည်းများမှာ မည်သည့် အကြမ်းဖက် အဖွဲ့အစည်းနှင့်မှ အားပေးအားမြှောက် လုပ် ပူးပေါင်းခြင်း မရှိဟုလည်း ရေးသား ထားသည်။

တပ်မတော်ကာကွယ်ရေး ဦးစီးချုပ်ရုံးက AA အပါအဝင် အပစ်အခတ်ရပ်စဲရေးမလုပ်ရသေးသည့် တိုင်းရင်းသား လက်နက်ကိုင် တပ်ဖွဲ့များနှင့် အပစ်ရပ် ဆွေးနွေးရန် ၂၀၁၈ ခုနှစ်၊ ဒီဇင်ဘာလ ၂၁ ရက်မှ ၂၀၁၉ ခုနှစ်၊ ဧပြီလ ၃၀ ရက်ထိ အပစ်ရပ်ဆိုင်းကြောင်း စစ်တိုင်း ၅ တိုင်းကို ကြေငြာထားသည်။

တပ်မတော်ကာကွယ်ရေး ဦးစီးချုပ်ရုံး၏ အပစ်ရပ်ဆိုင်းမှုတွင် AA နှင့် တိုက်ပွဲများ ဖြစ်နေသည့် အနောက်ပိုင်း တိုင်း စစ်ဌာနချုပ် နယ်မြေ မပါဝင်ခဲ့ပါ။

တပ်မတော်နှင့် AA တို့အကြား ရခိုင်ပြည်နယ်၊ ဘူးသီးတောင်နှင့် ကျောက်တော်မြို့နယ်တွင်း တိုက်ပွဲများကြောင့် အရပ်သား ၅၀၀၀ ကျော်မှာ နေရပ်စွန့်ခွာပြီး စစ်ဘေးရှောင်ဒုက္ခသည်များ ဖြစ်နေသည်။

AA သည် ၂၀၀၉ ခုနှစ်၊ ဧပြီလ ၁၀ ရက်က ကချင်ပြည်နယ်၊ လိုင်ဇာမြို့တွင် လူငယ် ၂၆ ဦးဖြင့် စတင် ဖွဲ့စည်း ခဲ့ပြီး ယခုအခါ အင်အား ခန့်မှန်းခြေ ၇၀၀၀ ခန့်ရှိပြီ ဖြစ်သည်။

AA သည် ၂၀၁၅ ခုနှစ်မှစ၍ ရခိုင်ပြည်နယ်တွင်းသို့ ထိုးဖောက်ဝင်ရောက်လာပြီး လက်ရှိတွင် မြန်မာ-အိန္ဒိယနယ်စပ် ချင်းပြည်နယ်၊ ပလက်ဝမြို့၊ မြန်မာ-ဘင်္ဂလားဒေ့ရ်ှနယ်စပ် ရခိုင်ပြည်နယ်၊ ဘူးသီးတောင်၊ ကျောက်တော်၊ ရသေ့တောင်နှင့် ပုဏ္ဏားကျွန်းမြို့နယ်တို့တွင် ဝင်ရောက်လှုပ်ရှားကာ တပ်စခန်း နေရာ အခိုင်အမာ ရရှိရန် ကြိုးစားလျှက် ရှိသည်။

ဧရာဝတီနှင့် AA စစ်ဦးစီးချုပ် ဗိုလ်ချုပ် ထွန်းမြတ်နိုင် သီးသန့် အင်တာဗျူးကို ဆက်လက်ဖေါ်ပြပေးပါမည်။

Did you find apk for android? You can find new Free Android Games and apps.
Topics: AA, ဗိုလ်ချုပ် ထွန်းမြတ်နိုင်

မဲစာရင်း ပြုစုသည့် UEC အဖွဲ့ဝင်များ အမှားပါလျှင် တာဝန်ယူရမည်ဟု ဆို

-----------------------------------

၂၀၂၀ ပြည့်နှစ် အထွေထွေ ရွေးကောက်ပွဲ အတွက် မဲစာရင်း ပြုစုရာတွင် အမှားရှိပါက တာဝန်ယူမှု၊ တာဝန် ခံမှု ရှိရမည် ဖြစ်ပြီး ကော်မရှင် အနေနဲ့နှင့်လည်း အလျှော့ပေးမည် မဟုတ်ကြောင်း ပြည်ထောင်စု ရွေးကောက်ပွဲ ကော်မရှင် (UEC) ဥက္ကဋ္ဌ ဦးလှသိန်းက ပြောသည်။

ဦးလှသိန်းက“ကျနော့် မှာလည်း တာဝန် ရှိတယ်။ ရွေးကောက်ပွဲ အရာရှိတွေ၊ တိုင်း အရာရှိတွေ၊ အဆင့်ဆင့် ပေါ့လေ။ တိုင်း အရာရှိတွေ အရေးကြီးဆုံးပဲ။ ကိုယ့်တိုင်းဒေသကြီး၊ ပြည်နယ်မှာ ဖြစ်ထားတဲ့ ကိစ္စ မှန်သမျှ မဲစာရင်း ပြဿနာ ဆရာတို့ တာဝန် ယူရပါမယ်။ ဒီကိစ္စမှာ အလျှော့အတင်း မရှိဘူး”ဟု ပြောသည်။

ဇန်နဝါရီလ ၉ ရက်က နေပြည်တော်ရှိ Grand Amara ဟိုတယ်၌ ပြုလုပ်သည့် တနိုင်ငံလုံး အဆင့် မဲဆန္ဒရှင် စာရင်းပြုစု ခြင်း လုပ်ငန်း စတင်ခြင်း သင်တန်း ဖွင့်ပွဲ အခမ်းအနား ရပ်နားချိန်တွင် ပြောခြင်း ဖြစ်သည်။

ဦးလှသိန်းက“ကျနော်တို့ ၂၀၁၇၊၂၀၁၈ ကြားဖြတ် ရွေးကောက်ပွဲ မဲစာရင်းကတော့ ၂၀၁၅ မဲစာရင်းကို အခြေခံပြီး လုပ် ပါတယ်။ အခု ၂၀၂၀ ရွေးကောက်ပွဲကတော့ မဲစာရင်း အသစ် ပြုစုတာ ဖြစ်ပါတယ်။ ဒီလို ပြုစုတဲ့ နေရာမှာ အမှား အယွင်း တွေ နည်းအောင် ပြည့်စုံ မှန်ကန်မှု ရှိအောင် ဒီလို သင်တန်းတွေ ပို့ချရခြင်း ဖြစ်ပါတယ်။ မဲစာရင်းက အရေး ကြီးဆုံး ပါပဲ”ဟု ပြောသည်။

ထိုသို့ ဆောင်ရွက်ရာတွင် ၂၀၁၅ အထွေထွေ ရွေးကောက်ပွဲမှ အားနည်းချက်များ၂၀၂၀ ရွေးကောက်ပွဲတွင် ထပ်မံ မဖြစ် စေရန် ကြိုတင် ဆောင်ရွက်သွားမည် ဖြစ်ကြောင်း ၎င်းက ဆိုသည်။

“ကော်မရှင်ရယ်၊ အထွေထွေ အုပ်ချုပ်ရေး ဦးစီး ဌာနရယ်၊ လူဝင်မှု ကြီးကြပ်ရေးရယ် ဒီ ၃ ခု ပေါင်းစပ်ပြီး ဆောင်ရွက် တဲ့ လုပ်ငန်း ဖြစ်တဲ့အတွက် တခု၊ တဖွဲ့က ချို့ယွင်းသွားရင် အားနည်းချက် ဖြစ်လာမှာပေါ့။ ကော်မရှင် ဘက်တော့ အား နည်းချက် မရှိအောင် ဆောင်ရွက်ပေးမှာပါ။ ဝန်ကြီးဌာန ၂ ခုကလည်း ကျနော်တို့ကို အားဖြည့်ပြီး ကူညီပေးရင် ပြည့်စုံ မယ်လို့ ထင်ပါတယ်”ဟု ဦးလှသိန်းက ဆက်ပြောသည်။

International Foundation for Electoral Systems (IFES) Myanmar ၏ ဌာနေ ညွှန်ကြားရေးမှူး Mr. Paul Guerin ကလည်း“မဲစာရင်း ပြုစုခြင်း လုပ်ငန်းက ရွေးကောက်ပွဲ လုပ်ငန်းစဉ်မှာ အရေးကြီးဆုံး လုပ်ငန်းစဉ် ဖြစ်ပါ တယ်။ နိုင်ငံသား တယောက် မဲစာရင်း မပါဘူး ဆိုရင် သူ့မှာ မဲပေးပိုင်ခွင့် မရှိပါဘူး။ ကျနော်တို့ဆီမှာ ကောက်ယူထား တဲ့ စစ်တမ်းတွေ အရ ဆိုရင်၂၀၂၀ ပြည့်နှစ်မှာ မဲစာရင်းထဲမှာ ထည့်သွင်းရမယ့် မဲဆန္ဒရှင် အသစ် စုစုပေါင်း ၅ သန်း ခန့် ရှိပါတယ်။ ဒီအသစ် ထည့်ရမယ့် မဲဆန္ဒရှင်တွေကို စနစ်တကျ ပါဝင်ဖြစ်အောင် ဆိုရင် လိုအပ်တဲ့ သင်တန်းတွေ ပေးပြီးတော့ တိုင်းနဲ့ ပြည်နယ် အသီးသီးမှာ မဲစာရင်းကို ပြုစုရမှာ ဖြစ်ပါတယ်”ဟု ဆိုသည်။

ထို့ကြောင့် တိုင်းဒေသကြီးနှင့် ပြည်နယ် ရွေးကောက်ပွဲ အရာရှိများ အနေဖြင့် အခက်အခဲများရှိပါက ပြည်ထောင်စု ရွေး ကောက်ပွဲ ကော်မရှင်ထံသို့ ၂၄ နာရီ တင်ပြနိုင်ကြောင်း၊ ထိုသို့ တင်ပြမှု မရှိ၍ မိမိတိုင်း ဒေသကြီး၊ ပြည်နယ် အတွင်း ဖြစ်ပေါ်လာသည့် မဲစာရင်းပြဿနာများကို မိမိကိုယ်တိုင် တာဝန်ယူရမည် ဟုလည်း ဦးလှသိန်း က ပြောဆိုသည်။

ပြည်ထောင်စု ကြံ့ခိုင်ရေးနှင့် ဖွဲ့ဖြိုးရေး ပါတီမှ ပြောရေးဆိုခွင့် ရှိသူ ဒေါက်တာ နန္ဒာလှမြင့်ကလည်း“UEC အနေနဲ့ အတွေ့ အကြုံ သိပ်မရှိသေးဘူး။ အတွေ့အကြုံ မရှိလို့ အမှားအယွင်း ရှိတာကို နားလည် လက်ခံလို့ ရတယ်။ သို့သော် လည်း ရည်ရွယ်ချက် ရှိရှိနဲ့ မိမိကို ခန့်အပ် တာဝန်ပေးထားတဲ့ ပါတီ အစိုးရကို ဘက်လိုက်တာမျိုးတေ့ာ မဖြစ်စေချင် ဘူး”ဟု ဧရာဝတီ သို့ ပြောသည်။

ယခင် ကော်မရှင် ဥက္ကဋ္ဌ ဦးတင်အေး လက်ထက်တွင် လိုအပ်ချက်များ ရှိခဲ့ပြီး ယခု ဦးလှသိန်း လက်ထက်တွင်လည်း လိုအပ်ချက်များ ရှိနေဆဲ ဖြစ်ကြောင်း ကော်မရှင် အနေနှင့် ရိုးသား ဖြောင့်မတ်ရန်၊ ဘက်မလိုက်ရန် လိုအပ်ကြောင်း လည်း ဒေါက်တာ နန္ဒာလှမြင့်က ဆိုသည်။

ထိုသို့ဆောင်ရွက်ရာတွင် ရွေးကောက်ပွဲသည် လွတ်လပ်မှု၊ တရားမျှတမှု၊ ပွင့်လင်း မြင်သာမှု ရှိရမည်ဖြစ်ပြီး အများ ယုံ ကြည်သည့် ရွေးကောက်ပွဲ ဖြစ်၍ ရွေးကောက်ပွဲ ရလဒ်သည် ပြည်သူ့ ဆန္ဒနှင့် တထပ်တည်း ဖြစ်ရမည် ဟူသော အဓိက စံသတ်မှတ်ချက် ၅ ချက်ဖြင့် ဦးတည် ဆောင်ရွက်နေကြောင်း ဦးလှသိန်း က ပြောသည်။

အဆိုပါ သင်တန်းကို ပြည်ထောင်စု ရွေးကောက်ပွဲ ကော်မရှင်နှင့် IFES အဖွဲ့တို့ ပူးပေါင်း ဆောင်ရွက်ခြင်း ဖြစ်ပြီး မဲစာရင်း ပြုစုခြင်း ဆိုင်ရာ မူဝါဒများတွင် ပါဝင်သည့် အချက်လက် ရိုက်သွင်းခြင်း၊ ဆိုက်ဘာ သန့်ရှင်း လုံခြုံခြင်း၊ ထိန်းသိမ်းခြင်းနှင့် အရန် Data ထိန်းသိမ်း ထားရှိခြင်း စသည်များကို ဇန်နဝါရီ ၉ ရက်မှ ၁၁ ရက် အထိ သုံးရက်ကြာ သင်တန်း ပို့ချသွားမည် ဖြစ်ကြောင်း သိရသည်။

ဌာနေတိုင်းရင်းသားများ၏ သံလွင် ငြိမ်းချမ်းရေး ဥယျာဉ်

ဌာနေတိုင်းရင်းသားများ၏ သံလွင် ငြိမ်းချမ်းရေး ဥယျာဉ်
အတွင်းတွင် ကျေးရွာပေါင်း ၃၀၀ ခန့်နှင့် လူဦးရေ ၆ သောင်းခန့် ပါဝင်နေပြီး ထိုသူများသည် ၎င်းတို့မြေကို ၎င်းတို့ စောင့်ရှောက်ရန် အဓိက တာဝန်ရှိမည်
==================================
ကရင်ပြည်နယ်တွင် မြေလွတ်မြေရိုင်း မရှိကြောင်းနှင့် မြေအားလုံးနှင့် မြေသယံဇာတများကို စီမံပြီး ကရင်ဌာနေ တိုင်းရင်းသား အသိုင်းအဝန်းများက ပိုင်ဆိုင်သည်ဟု သံလွင်ငြိမ်းချမ်းရေး ဥယျာဉ်မှ ကိုယ်စားလှယ်များက ပြောသည်။

သံလွင်မြစ်ဝှမ်းတွင် စုစုပေါင်း မြေ ၅၄၈၅ ဧက ကျယ်သည့် ထိုဥယျာဉ်ကို တည်ထောင်ရန် စီမံကိန်းကို သံလွင် ငြိမ်းချမ်းရေး ဥယျာဉ် ဦးဆောင်ကော်မတီက တရားဝင် ထုတ်ပြန်ကြေညာထားသည်။

ထိုဥယျာဉ်သည် ကရင်အမျိုးသား လွတ်မြောက်ရေးတပ်မတော် (KNLA) တပ်မဟာ ၅ အခြေစိုက်သည့် ဒေသခံများက မတ်တရောဟု ခေါ်သော ဖာပွန်နယ်မြေတွင် တည်ရှိသည်။ ထိုဒေသတွင် တပ်မတော်က စစ်သုံးလမ်း တည်ဆောက်ရန် ကြိုးစားသောကြောင့် တပ်မတော်နှင့် KNLA အကြား တိုက်ပွဲများစွာကို ကြုံတွေ့ခဲ့ရသော ဒေသလည်း ဖြစ်သည်။ မြန်မာ အစိုးရသည်လည်း ထိုနေရာတွင် ရေအားလျှပ်စစ်ဆည် တည်ဆောက်ရန် စီမံကိန်းများ ရှိနေသည်။

သံလွင်ငြိမ်းချမ်းရေး ဥယျာဉ်ဟူသော အမည်ကို အစိုးရက မြေလွတ်မြေရိုင်း ဥပဒေပြင်ဆင်ချက် ထုတ်ပြန်ပြီးနောက် ရက်ပိုင်းအတွင်း ဖြစ်သော ဒီဇင်ဘာလ ၁၈ ရက်နေ့က ထုတ်ပြန်ကြေညာခဲ့သည်။ ထိုဥပဒေ ပြင်ဆင်ချက်သည် မြန်မာနိုင်ငံရှိ တိုင်းရင်းသားများ အတွက် ခြိမ်းခြောက်မှုဖြစ်သည်ဟု မြင်ကြသည်။

တိုင်းရင်းသားများသည် မြေယာ ပိုင်ဆိုင်မှုကို ၎င်းတို့၏ ထုံးတမ်းစဉ်လာ ဥပဒေများအရသာ သတ်မှတ် ဖြေရှင်းကြသည်။

မြေပိုင်ရှင်များသည် အစိုးရထံတွင် မှတ်ပုံတင်ရန်လိုသော ထိုဥပဒေ ပြင်ဆင်ချက်ကြောင့် ကရင် ထုံးတမ်းစဉ်လာ မြေယာ ဥပဒေများ ပျက်ပျယ်သွားသည်။ မှတ်ပုံတင်မထားသော မြေကို ထိုမြေတွင် လုပ်ငန်းလုပ်ပိုင်ခွင့် လျှောက်ထားသော မည်သူကို မဆို ပေးအပ်နိုင်သည်။ ဒေသခံ လူ့အခွင့်အရေး အုပ်စုများ၏ အဆိုအရ ထိုပြဿနာကြောင့် ကရင်အုပ်စုများနှင့် တပ်မတော်အကြား နောက်ထပ် လက်နက်ကိုင် ပဋိပက္ခများ ပေါ်ပေါက်လာစေနိုင်သည်ဟု သိရသည်။

“အစိုးရရဲ့ မြေယာဥပဒေကို ကြည့်လိုက်ရင် ကျနော်တို့ ငြိမ်းချမ်းရေးဥယျာဉ် တည်ထောင်ရေး စီမံကိန်းနဲ့ မသင့်လျော်ဘူး။ ဒါပေမယ့် ကုလမသဂ္ဂရဲ့ ဌာနေတိုင်းရင်းသားများ အခွင့်အရေးကို ကြည့်လိုက်မယ်ဆိုရင် ကျနော်တို့ ကရင် ဌာနေ တိုင်းရင်းသားက သူတို့မြေကို သူတို့ ကာကွယ်ပိုင်ခွင့်ရှိတယ်” ဟု ငြိမ်းချမ်းရေး ဥယျာဉ် တည်ထောင်ရေး ဦးဆောင် ကော်မတီကို ထောက်ခံသည့် ကရင်သဘာဝ ပတ်ဝန်းကျင်နှင့် လူမှုလှုပ်ရှားမှု ကွန်ရက် (KESAN) ၏ အမှုဆောင် ဒါရိုက်တာ စောပေါစိန်တွာက ပြောသည်။

“ကျနော်တို့က အစိုးရရဲ့ ဥပဒေကို တိုက်ရိုက် မဆန့်ကျင်ချင်ဘူး။ သူတို့ဖာသာသူတို့ ဥပဒေကို ပြင်စေချင်တယ်” ဟုလည်း သူက ပြောသည်။

ကရင် လက်နက်ကိုင်အင်အားစု များသည် နှစ်ပေါင်း ၆၀ ကျော်ကြာပြီဖြစ်သော မြန်မာနိုင်ငံမှ အရှည်ကြာဆုံး ပြည်တွင်းစစ်တွင် ဗဟိုအစိုးရနှင့် တိုက်ခိုက်နေသည့် အင်အားစုများတွင် အပါအဝင်ဖြစ်သည်။

ကရင်တိုင်းရင်းသား များသည် ၎င်းတို့၏ သဘာဝပတ်ဝန်းကျင်ကို ၎င်းတို့ မကာကွယ်နိုင်ခဲ့သည်မှာ နှစ်အတန် ကြာပြီဖြစ်သည်။ သဘာဝပတ်ဝန်းကျင်ကို နိုးကြားစွာ ကာကွယ်ရန် ကရင်းတိုင်းရင်းသား အားလုံးကို တောင်းဆိုကြောင်း ငြိမ်းချမ်းရေး ဥယျာဉ် တည်ထောင်ရန် ဆော်သြသူများက ပြောသည်။

“သံလွင် ငြိမ်းချမ်းရေးဥယျာဉ်ရဲ့ ပဋိညာဉ်အရ သံလွင်ငြိမ်းချမ်းရေး ဥယျာဉ် ဦးဆောင်ကော်မတီဟာ သဘာဝ ပတ်ဝန်းကျင် ကာကွယ်စောင့်ရှောက်ရေးကို အဆင့် အသီးသီးကနေ ရည်မှန်း လုပ်ဆောင်ရမယ်။ ဒီလုပ်ငန်းတွေက တဆင့် သံလွင် ငြိမ်းချမ်းရေး ဥယျာဉ်ဟာ ရည်မှန်းချက်တွေကို အောင်မြင်အောင် လုပ်ဖို့ ရည်ရွယ်တယ်။ ဒီလိုလုပ်တဲ့ သေနင်္ဂဗျူဟာဟာ ကရင် တိုင်းရင်းသားတွေအနေနဲ့ သဘာဝပတ်ဝန်းကျင်ကို ထိန်းသိမ်း ကာကွယ်ဖို့ အထောက်အကူ ဖြစ်စေတယ်” ဟုလည်း သူက ရှင်းပြသည်။

ကရင်တိုင်းရင်းသားများတွင် ၎င်းတို့၏ မြေနှင့် သဘာဝပတ်ဝန်းကျင်ကို ကာကွယ်ရန် သက်တမ်းရှည်ကြာလှပြီ ဖြစ်သော ဓလေ့ထုံးတမ်း ဥပဒေများ ရှိသည်။ ထိုဥပဒေများသည် သဘာဝသားရိုင်း တိရစ္ဆာန်များ လွတ်လပ်စွာ ကျင်လည်သော နေရာများကို ခွင့်ပြုထားသကဲ့သို့ ချက်ပြုတ်ရန်ထင်းအတွက် ဒေသခံများ သစ်အနည်းငယ် ခုတ်နိုင်သော နေရာများ ကိုလည်း သတ်မှတ်ပေးထားသည်။ လုံးဝ မထိခိုက်သေးသော သဘာဝ သစ်တောများလည်းရှိသည်။

ငြိမ်းချမ်းရေး ဥယျာဉ် အကောင်အထည် ဖော်ရန်အတွက် သံလွင်ငြိမ်းချမ်းရေး ဥယျာဉ် ဦးဆောင်ကော်မတီသည် ဒေသခံ အသိုင်းအဝန်းများ၊ လူမှုအခြေပြုအဖွဲ့များ (CSOs) နှင့် ကရင်အမျိုးသား အစည်းအရုံး (KNU) တို့မှ အဖွဲ့ဝင်များပါဝင်သည့် အုပ်ချုပ်မှုအဖွဲ့ကို ဖွဲ့စည်းမည်ဖြစ်ပြီး ဆုံးဖြတ်ချက် ချမှတ်ရာတွင် ဒေသခံများက ဦးဆောင်သော အခန်းကဏ္ဍမှ ပါဝင်မည် ဖြစ်သည်။

သံလွင် ငြိမ်းချမ်းရေးဥယျာဉ် ဦးဆောင်ကော်မတီသည် ဥယျာဉ်ထူထောင်ရေး အတွက် အားသွန်ခွန်စိုက် လုပ်ဆောင်နေပြီး ပထမဦးစွာ ဥယျာဉ်၏ နယ်နိမိတ်ကို သတ်မှတ်ကာ GPS အသုံးပြုပြီး မြေပုံ ရေးဆွဲခဲ့သည်။ ယခုအခါတွင် မြစ်တခုစီ၊ ဒေသတခုစီနှင့် ကျေးရွာ တခုစီ၏ အမည်များကို မှတ်တမ်းတင်သော လုပ်ငန်း ဆောင်ရွက်နေသည်။

ထိုသို့ လုပ်ဆောင်ခြင်းကြောင့် နယ်နိမိတ် သတ်မှတ်နိုင်မည်ဖြစ်ပြီး အနာဂတ်တွင် ပိုင်နက် အငြင်းပွားမှုများကို ရှောင်ရှားနိုင်ရန် မည်သည့်မြေကို မည်သူက ပိုင်သည်ကို ဆုံးဖြတ်နိုင်မည် ဖြစ်သည်။

ထုံးတမ်းစဉ်လာအရ ဒေသခံများသည် ကုန်းမြေ နယ်နိမိတ်ကို သဘာဝ အမှတ်အသားများဖြစ်သော သစ်ပင်များ၊ ကျောက်ဆောင်များဖြင့် သတ်မှတ်ကြသော်လည်း မြေပိုင်ဆိုင်မှုကို မှတ်တမ်းတင်ခြင်းမရှိပေ။ သံလွင် ငြိမ်းချမ်းရေးဥယျာဉ် အကောင်အထည် ဖော်သူများသည် GPS အသုံးပြုကာ မည်သည့်ဒေသကို မည်သူပိုင်သည်ကို အတိအကျ မှတ်တမ်း တင်မည်ဖြစ်သည်။

“ဒေသတွေကို မြေပုံဆွဲပြီးတဲ့နောက်မှာ ဘယ်နေရာက သားရိုင်းတိရစ္ဆာန်တွေအတွက် နေရာ၊ ဘယ်နေရာက ဒေသခံတွေ အသုံးပြုဖို့ နေရာဆိုတာကို သတ်မှတ်နိုင်မယ်။ လမ်းအမည်တွေ၊ မြစ်အမည်တွေလည်း ရှိလာမယ်။ ဒါတွေဟာ ဒေသခံတွေ အနေနဲ့ သူတို့မြေကို သူတို့ပိုင်ကြောင်း အထောက်အထားတွေ ဖြစ်လာမယ်” ဟု စောပေါစိန်တွာက ပြောသည်။

အစိုးရက ကရင်ပြည်နယ်တွင် ဖွံ့ဖြိုးတိုးတက်ရေး စီမံကိန်းများ လုပ်ဆောင်သော အခါ ဒေသခံများအနေဖြင့် မည်သည့် မြေကို မည်သူပိုင်ကြောင်း အထောက်အထား ရှိမည်ဟုလည်း သူက ဆိုသည်။

ဥယျာဉ်အတွင်းတွင် ကျေးရွာပေါင်း ၃၀၀ ခန့်နှင့် လူဦးရေ ၆ သောင်းခန့် ပါဝင်နေပြီး ထိုသူများသည် ၎င်းတို့မြေကို ၎င်းတို့ စောင့်ရှောက်ရန် အဓိက တာဝန်ရှိမည်ဖြစ်သည်။ သံလွင် ငြိမ်းချမ်းရေးဥယျာဉ် အုပ်ချုပ်ရေးအဖွဲ့သည်မြေယာကို စောင့်ရှောက်ရန် ဒေသခံများ လက်ရှိအသုံးပြုနေသည့် စနစ်များနှင့် လုပ်ထုံးလုပ်နည်းများကို ထောက်ကူသွားမည် ဖြစ်သည်။

သံလွင် ငြိမ်းချမ်းရေးဥယျာဉ် အုပ်ချုပ်ရေးအဖွဲ့သည် ဒေသများကို မြေပုံဆွဲရန်နှင့် သစ်တော၊ သစ်ထုတ်လုပ်ရေး၊ သတ္တုတူးဖော်ရေးနှင့် စားနပ်ရိက္ခာ စိုက်ပျိုးရေး နေရာများ သတ်မှတ်မည်ဖြစ်သည်။ ထိုဥယျာဉ်ကို ကာကွယ်ရန်အတွက် ကရင် ဓလေ့ထုံးတမ်းစဉ်လာ ဥပဒေများကို လိုက်နာမည် ဖြစ်သည်။

ကရင် ဓလေ့ထုံးတမ်းစဉ်လာ ဥပဒေများကို မျိုးဆက်တခုမှ တခုသို့ နှုတ်အားဖြင့် လက်ဆင့်ကမ်း သယ်ဆောင် ခဲ့သောကြောင့် စာရွက်စာတမ်း မှတ်တမ်းမရှိဘဲ ဒေသခံများသည် သဘာဝပတ်ဝန်းကျင်ကို ကာကွယ်ရန်အတွက် လူကြီးသူမများထံမှ အကြံဉာဏ်တောင်းခံသည်။

“ကျနော်တို့က သူတို့အနေနဲ့ သူတို့ဥပဒေတွေကို စာနဲ့မှတ်တမ်းတင် ခိုင်းမယ်။ တယောက်ယောက်က ဒီဥပဒေတွေကို ချိုးဖောက်ရင် ချိုးဖောက်သူကို သူတို့ အပြစ်ပေးလိမ့်မယ်။ အောက်ခြေအဆင့်က ပြဿနာကို မရှင်းနိုင်ရင် အုပ်ချုပ်ရေးအဖွဲ့ အဆင့်အထိ တက်လို့ရတယ်” ဟု အမှုဆောင် ဒါရိုက်တာ စောပေါစိန်တွာက ပြောသည်။

သို့သော် ထိုစီမံကိန်းသည် KNU နှင့် အထူးသဖြင့် KNU ၏ သစ်တောဌာနနှင့် နားလည်မှု လွဲမှားခြင်းများ ဖြစ်နိုင်သည်။ ထိုသို့ မဖြစ်စေရန်အတွက် ဥယျာဉ်အုပ်ချုပ်ရေးအဖွဲ့တွင် ပါဝင်ရန် KNU ကိုယ်စားလှယ်များကို ဖိတ်ခေါ်သွားမည် ဖြစ်သည်။

လက်နက်ကိုင် ပဋိပက္ခ ဖြစ်ပွားနေချိန်တွင် တိုင်းရင်းသား အုပ်စုတခုက ယခုကဲ့သို့ ဥယျာဉ်တခု ထူထောင်ခြင်းသည် မြန်မာနိုင်ငံတွင် ပထမဆုံးအကြိမ်ဖြစ်သည်။ သို့သော် အလားတူ စီမံကိန်းများမှာ ကနေဒါနှင့် အမေဇုန်ကဲ့သို့ ပြည်ပတွင် ရှိနေပြီး ထိုနေရာများတွင် ဌာနေတိုင်းရင်းသားများသည် ၎င်းတို့ ကိုယ်တိုင် ကာကွယ်စောင့်ရှောက်သည့် ဥယျာဉ်များ ထူထောင် ထားကြသည်။ ထိုသို့သော ဥပမာများကြောင့် သံလွင်ငြိမ်းချမ်းရေး ဥယျာဉ်ကို ထူထောင်ရန် စိတ်အား တက်ကြွမှုများ ဖြစ်စေခဲ့သည်။

ဌာနေ တိုင်းရင်းသားများသည် အစိုးရထံမှ အကူအညီမယူဘဲ ဥယျာဉ်ထူထောင်ရန် ထိရောက်စွာ လုပ်ကိုင်နိုင်မည်ဟု သံလွင် ငြိမ်းချမ်းရေးဥယျာဉ် ဦးဆောင်ကော်မတီက ယုံကြည်သည်။ အစိုးရသည် တိုင်းရင်းသား ဒေသများတွင် အမျိုးသား ဥယျာဉ်များ ထူထောင်သောအခါ တိုင်းရင်းသားများ၏ အခွင့်အရေးများကို ချိုးဖောက်တတ်ကြောင်း သမိုင်းဝင် ဥပမာ များလည်း ရှိနေသည်။

အခြား အုပ်စုတခု၏ အကျိုးအတွက် မြေထိန်းချုပ်ခွင့်ကို ဆုံးရှုံးသောအခါ ဒေသခံများသည် မြေကိုပင် ဖျက်ဆီးတတ်ကြောင်း အမှုဆောင်ဒါရိုက်တာ စောပေါစိန်တွာက ပြောသည်။

ဥယျာဉ် တည်ရှိရာနေရာတွင် သဘာဝတောရိုင်း တိရစ္ဆာန်မျိုးစုံနှင့် ကျားအများအပြား ရှိကြောင်း KESAN ၏ အဆိုအရ သိရသည်။ ကရင် သားရိုင်းတိရစ္ဆာန် ထိန်းသိမ်းစောင့်ရှောက်ရေး အစီအစဉ် (KWCI) သည် ထိုဒေသတွင် သားရိုင်း တိရစ္ဆာန်များကို စောင့်ကြည့်လေ့လာသော သစ်တော၊ သားရိုင်း တိရစ္ဆာန် ကျွမ်းကျင်သူများနှင့် သစ်တော စောင့်ရှောက်သူများ၏ အဖွဲ့ဖြစ်သည်။

KWCI သည် နိုင်ငံတကာ သားရိုင်းတိရစ္ဆာန် ထိန်းသိမ်းစောင့်ရှောက်ရေး အဖွဲ့များနှင့်လည်း ပူးပေါင်း ဆောင်ရွက်မည် ဖြစ်ပြီး ယခုအစီအစဉ်အရ သားရိုင်းတိရစ္ဆာန် အရေအတွက် တိုးပွားလာမည်ဟု မျှော်လင့်နေသည်။

ကရင် တိုင်းရင်းသား အသိုင်းအဝန်းသည် နိုင်ငံရေးနှင့် လူမှုရေး အပြောင်းအလဲများကို ကြုံတွေ့လာသောကြောင့် သဘာဝ ပတ်ဝန်းကျင်သည် ခြိမ်းခြောက်မှုများနှင့် ပိုမိုရင်ဆိုင်လာရသည်။ ၂၀၁၅ ခုနှစ်တွင် KNU က တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူစာချုပ် လက်မှတ်ရေးထိုးပြီးချိန်မှ စတင်ပြီး ကရင်ပြည်နယ်တွင် သတ္တု တူးဖော်ရေး လုပ်ငန်းများ များပြာလာသည်။ ဌာနေ မဟုတ်သော အမဲလိုက်သူများက ဒေသတွင်းတွင် အမဲလိုက်ရန် ကြိုးစားမှုများ ရှိသောကြောင့်လည်း သဘာဝပတ်ဝန်းကျင်နှင့် သားရိုင်းတိရစ္ဆာန် အရေအတွက်ကို ထိခိုက်စေလာသည်။

သံလွင် ငြိမ်းချမ်းရေးဥယျာဉ်သည် ကရင် သဘာဝပတ်ဝန်းကျင်ကို ထိန်းသိမ်းရေးအတွက် ဓလေ့ထုံးတမ်းစဉ်လာ ဥပဒေများနှင့် ခေတ်မီ နည်းပညာများကို ယှဉ်တွဲအသုံးပြုရန်လည်း ရည်ရွယ်သည်။

“လွန်ခဲ့တဲ့ နှစ် ၅၀ လောက်က ပုံစံဟောင်းနဲ့ ဆက်သွားနေလို့ မရတော့ဘူး။ ကျနော်တို့ ကရင်တွေအနေနဲ့ သဘာဝ ပတ်ဝန်းကျင်ကို ကာကွယ်ဖို့ နည်းလမ်းသစ်တွေ လိုတယ်” ဟု အမှုဆောင်ဒါရိုက်တာ စောပေါစိန်တွာက ပြောသည်။

သံလွင် ငြိမ်းချမ်းရေးဥယျာဉ် စတင်ခြင်း

သံလွင် ငြိမ်းချမ်းရေးဥယျာဉ် စတင်သည့် အခမ်းအနားအတွက် ဖာပွန်သို့ သတင်းသမားများ၊ တက်ကြွ လှုပ်ရှားသူများနှင့် သဘာဝ ပတ်ဝန်းကျင် ထိန်းသိမ်းစောင့်ရှောက်ရေး သမားများကို ဖိတ်ခေါ်ခဲ့သည်။ အလွတ်တမ်း စာရေးဆရာ စကော့အက်ဇယ်က သံလွင် ငြိမ်းချမ်းရေးဥယျာဉ် တည်ထောင်သော နေရာအပေါ် သူ၏ အမြင်ကို အောက်ပါ အတိုင်း တင်ပြခဲ့သည်။

“စာရေးသူတို့သည် ထိုင်းနယ်စပ် မဲစာရိုင်မှ မြောက်ဖက် သံလွင်မြစ်ကမ်းရှိ ကရင် ကျေးရွာကလေး တခုတွင် အမြီးရှည်သော လှေကြီးတစင်းပေါ်မှ ဆင်းလိုက်ကြသည်။ ထို့နောက် ကြီးမားသော ကုန်ကားကြီးဖြင့် တောင်တန်း များကို တက်ကြပြီး အပေါ်ရောက်သော အခါ အရပ်မျက်နှာ ပေါင်းစုံသို့ မိုင်နှင့်ချီသော အကွာအဝေးအထိ မြင်နိုင်ကြောင်း သိလိုက်ရသည်။

ရှုခင်းမှာ တောင်တန်းကြီများနှင့် တောင်ကြားလွင်ပြင်များသည် အလိပ်လိုက် ကရင်ပြည်နယ် မြောက်ပိုင်းမှ တောင်ပိုင်းသို့ ပြေးနေပြီး သံလွင်မြစ် တဖက်တွင် ထိုင်းနိုင်ငံရှိနေသည်။ ထိုင်းနိုင်ငံဘက်တွင် သစ်တောများကို ခုတ်ထွင်ပြီးနောက် လွန်ခဲ့သော ဆယ်နှစ်၊ အနှစ်နှစ်ဆယ်အတွင်း ပြန်လည်စိုက်ပျိုး ခဲ့သော်လည်း ကော်သူးလေဟု ခေါ်သော ကရင်ပြည်နယ်တွင် သစ်တောများသည် တခုနှင့်တခု ပိုမိုနီးကပ်နေကာ တလုံးတစည်းတည်း ကဲ့သို့ဖြစ်နေပြီး သဘာဝ မူရင်းအတိုင်း ရှိနေသေးသည်။

ဒေသတွင်းရှိ လမ်းများကို လမ်းခင်းထားခြင်းမရှိဘဲ ဆဲလ်ဖုန်းအဝင်လည်း လက်ခံနိုင်ခြင်း မရှိသောကြောင့် ကရင်ပြည်နယ်သို့ ရောက်လာခြင်းသည် အချိန်နောက်ပြန် သွားရခြင်းနှင့်လည်း တူနေသည်။

သံလွင် ငြိမ်းချမ်းရေးဥယျာဉ်အတွင်း ရှုခင်းမှာမူ မြစ်များ၊ စမ်းချောင်းများ ယှက်နွှယ်နေပြီး စိမ်းစိမ်းစိုစို ရှိလှသည်။ မြစ်များ အကြားမှ တောင်တန်းကြီးများ ထိုးထောင် ထွက်လာသောကြောင့် တောင်ကြားလွင်ပြင်တွင် ရှိနေသောအခါ ဝိုင်းပတ် ပိတ်ဆို့ ထားသကဲ့သို့ ခံစားရသည်။ မီးစက် တချို့နှင့် ဆိုလာပြားတချို့မှလွဲပြီး လျှပ်စစ်ဓာတ်အား မရှိပေ။ ရွာများတွင် အဆောက်အဦ တည်ဆောက်ပုံမှာ အများအားဖြင့် ဝါး၊ သက်ကယ်နှင့် သစ်များဖြင့် ဆောက်ထားပြီး ကွန်ကရစ် မရှိသလောက် ဖြစ်နေသည်။

ဆိုင်ကယ် အနည်းငယ်လည်း ရှိသည်။ ဒေသခံများသည် ဝါး၊ သစ် စသည့် သဘာဝပတ်ဝန်းကျင်မှ ရသော အရာများ အသုံးပြုကာ လက်ဖြင့် အလုပ်လုပ်ကိုင် ကြသည်။ အမျိုသမီးများနှင့် ကလေးအများစုတို့သည် ရိုးရာ ကရင်သင်တိုင်း ဝတ်စုံများကိုသာ ဝတ်ဆင်ကြသည်။

ငြိမ်းချမ်းရေး ဥယျာဉ် စတင်သည့် အခမ်းအနားတွင် KNLA စစ်သားများလည်း ရှိနေပြီး ထိုဒေသတွင် နေထိုင်မှုပုံစံမှာ ရိုးရှင်း၊ သဘာဝအတိုင်း ဖြစ်ကာ မြေသယံဇာတအပေါ် အခြေခံသော်လည်း ဒေသခံများသည် စစ်နယ်မြေအတွင်း ပိတ်မိနေသူများ ဖြစ်ကြောင်းကိုလည်း သတိပေးနေသလို ဖြစ်နေသည်။

တပ်မတော် စစ်သားများက ၂၀၁၇ ခုနှစ်တွင် သတ်ဖြတ်ခဲ့သော စောအိုမူး အထိမ်းအမှတ်သည်လည်း ထိုဒေသတွင် အမြဲ အန္တရာယ်ရှိနေကြောင်း သတိပေးနေသည်။

ငြိမ်းချမ်းရေးဥယျာဉ်သည် နေပြည်တော်က လုပ်ဆောင်ပေးနေသည်ကို မစောင့်ဘဲ ငြိမ်းချမ်းရေးကို အောက်ခြေမှ တည်ဆောက်သည့် စီမံကိန်းဖြစ်သည်။ ထို့အပြင် ကရင်တိုင်းရင်းသားများ အတွက် ငြိမ်းချမ်းရေးဆိုသည်မှာ သူတို့မြေတွင် သူတို့ နေထိုင်လိုသော ပုံစံဖြင့် နေထိုင်နိုင်ရေးလည်း ဖြစ်နေသည်။ ကရင်တိုင်းရင်းသားများကို ဒုက္ခသည် စခန်းများသို့ ပို့ဆောင်ခြင်း၊ ချင်းမိုင် သို့မဟုတ် ကနေဒါသို့ ပို့ဆောင်ခြင်းသည် ၎င်းတို့ကို စစ်အကြမ်းဖက်မှုမှ ကာကွယ်ပေးခြင်း ဖြစ်သော်လည်း သူတို့ကို သူတို့ပိုင်သော မြေမှ ဖယ်ရှားလိုက်ခြင်းလည်း ဖြစ်နေသည်။

ကရင်ပြည်နယ်သည် မြန်မာနိုင်ငံတွင် လက်ကျန် ဇီဝမျိုးကွဲ အများဆုံးရှိသော ပြည်နယ်ဖြစ်သောကြောင့် ကရင်ရိုးရာ အသက်မွေးဝမ်းကြောင်းနှင့် မြေယာ စီမံခန့်ခွဲမှုသည် သစ်တောနှင့် ဇီဝမျိုးကွဲများ ထိန်းသိမ်းရေးကဲ့သို့သော ကမ္ဘာ့ ရည်မှန်းချက်များကို တိုက်ရိုက် အကျိုးပြုကြောင်းမှာ ထင်ရှားလှသည်။

မြန်မာနိုင်ငံက ပါဝင် လက်မှတ်ရေးထိုးထားသော ဌာနေတိုင်းရင်းသားများ အခွင့်အရေးဆိုင်ရာ ကုလသမဂ္ဂ ကြေညာ စာတမ်းက အာမခံထားသည့် ဌာနေတိုင်းရင်းသား အခွင့်အရေးများကို ကာကွယ်ရာ ရောက်ကြောင်းလည်း ထင်ရှားသည်။

ငြိမ်းချမ်းရေးဥယျာဉ်မှ ပြန်လည်ထွက်ခွာရခြင်းသည် တခြားသော ကမ္ဘာတခုကို စွန့်ခွာရသည်နှင့်လည်း တူသည်။ ထိုကမ္ဘာမှာ ဗဟိုအစိုးရနှင့် စီးပွားရေး လုပ်ငန်းကြီးများ မရောက်သေးသော နေရာဖြစ်သည်။ လူ၊ သစ်တောနှင့် တိရစ္ဆာန်များ သဟဇာတ ရှိရှိ နေထိုင်နေသော နေရာဖြစ်သည်။

သယံဇာတများကို ပြင်ပမှ အမြတ်ထုတ် ထုတ်ယူခြင်း မရှိသော နေရာဖြစ်သည်။ သံလွင်မြစ်ပေါ်မှ ထက်ကြီး ရေကာတာ အပါအဝင် ဖွံ့ဖြိုးတိုးတက်ရေးနှင့် မဟာစီမံကိန်းကြီး များကြောင့် ကရင်ပြည်နယ်အတွက် ထိခိုက်မှုမရှိဟု ဆိုသည်မှာ မမှန်ပါ။ သို့သော် ကရင်တိုင်းရင်းသားများ ၎င်းတို့၏ ယဉ်ကျေးမှုနှင့် သဘာဝရှုခင်းကို ထိန်းသိမ်းသည်ကို မြင်ရခြင်းကြောင့် သံလွင် ငြိမ်းချမ်းရေးဥယျာဉ်သည် ကရင်အဝန်းအဝိုင်း များနှင့် သစ်တောများ တည်ရှိသည့် ကျယ်ပြန့်လှသော ဒေသကြီးကို စီမံခန့်ခွဲရန်သာမက ကမ္ဘာတဝန်းလုံးမှ ဇာတိမြေတွင် နေထိုင်နေကြသော ဌာနေ တိုင်းရင်းသား များ၏ ဒေသများကို စီမံခန့်ခွဲရန် အကောင်းဆုံး နည်းလမ်းဖြစ်ကြောင်း ထင်ရှားလှသည်” ။