သမ္မတအမိန့်နဲ့ လွှတ်တော်ဖျက်သိမ်းနိုင်တဲ့ ဥပဒေမူကြမ်း ကြံ့ခိုင်ရေးပါတီ တင်သွင်း

လွှတ်တော်ကို ဖျက်သိမ်းနိုင်တဲ့ အခွင့်အရေးရှိတဲ့ အမျိုးသားကာကွယ်ရေးနှင့် လုံခြုံရေးကောင်စီရဲ့ တာဝန်တွေကို ထည့်သွင်းထားတဲ့ အခြေခံဥပဒေပြင်ဆင်ရေး ဥပဒေမူကြမ်းကို ကြံ့ခိုင်ဖွံ့ဖြိုးရေးပါတီနဲ့ တပ်မတော်သား ကိုယ်စား လှယ်တွေက ပြည်ထောင်စုလွှတ်တော်မှာ ဒီနေ့ တင်သွင်းလိုက်ပါတယ်။

ကြံ့ခိုင်ဖွံ့ဖြိုးရေးပါတီက လွှတ်တော်ကိုယ်စားလှယ် ဦးစိုင်းသန်းနိုင် တင်သွင်းခဲ့တာဖြစ်ပါတယ်။

အုပ်ချုပ်ရေးကဏ္ဍနဲ့ ဥပဒေပြုရေးကဏ္ဍ အပြန်အလှန်ထိန်းကျောင်းမှု ဆောင်ရွက်ရာမှာ သမ္မတစနစ် ပိုမိုပီပြင်စေဖို့ သမ္မတက အမျိုးသားကာကွယ်ရေးနှင့် လုံခြုံရေးကောင်စီရဲ့ထောက်ခံချက်နဲ့ လွှတ်တော်တွေကို ဖျက်သိမ်းနိုင်တဲ့ အခွင့်အရေးကို ရရှိစေဖို့ ပြင်ဆင်တာဖြစ်ကြောင်း လွှတ်တော်ကို ဒီနေ့တင်ပြတဲ့ ဥပဒေမူကြမ်းမှာ ဖော်ပြထားပါတယ်။

၂၀၀၈ ဖွဲ့စည်းပုံမှာ အမျိုးသားကာကွယ်ရေးနှင့် လုံခြုံရေးကောင်စီ ဖွဲ့စည်းခြင်းသာပါရှိပြီး အခုပြင်ဆင်ဖို့တင်သွင်းတဲ့ ဥပဒေကြမ်းမှာ ကာလုံရဲ့ တာဝန်တွေကို ထပ်မံဖြည့်စွက်လိုက်တာပါ။

ဖြည့်စွက်ထားတဲ့အချက်တွေက ဥပဒေပြုရေးနဲ့ အုပ်ချုပ်ရေးကဏ္ဍ အချင်းချင်း အပြန်အလှန် ထိန်းကျောင်းမှု ယိုယွင်းလာတဲ့အခါ လွှတ်တော်ကို ဖျက်သိမ်းဖို့ သင့်၊ မသင့် နိုင်ငံတော် သမ္မတကို ကာလုံအနေနဲ့ အကြံပေးဖို့ ပြည်သူ့လွှတ်တော် အမျိုးသားလွှတ်တော် ကိုယ်စားလှယ်အရေအတွက် သုံးပုံ တစ်ပုံနဲ့အထက် အကြောင်းအမျိုး မျိုးကြောင့် လစ်လပ်သွားပါက လွှတ်တော်ကို ဖျက်သိမ်းဖို့ သင့်၊ မသင့် နိုင်ငံတော်သမ္မတကို အကြံပေးဖို့ စတဲ့ အချက်တွေပါဝင်ပါတယ်။

ကြံ့ခိုင်ဖွံ့ဖြိုးရေးပါတီက လွှတ်တော်ကိုယ်စားလှယ် ဦးစိုင်းသန်းနိုင် တင်သွင်းတဲ့ အခြေခံဥပဒေ ပြင်ဆင်ရေးမူကြမ်းကို ကြံ့ခိုင်ဖွံ့ဖြိုးရေးပါတီနဲ့ တပ်မတော်သား လွှတ်တော်ကိုယ်စားလှယ် ၁၄၅ ဦး လတ်မှတ်ထိုးထားတာဖြစ်ပါတယ်။

အလားတူ တပ်မတော်သားလွှတ်တော်ကိုယ်စားလှယ် ဗိုလ်မှူးချုပ် အောင်စန်းချစ်ကလည်း တပ်မတော်သား လွှတ်တော်ကိုယ်စားလှယ် ၁၄၄ ဦးလက်မှတ်နဲ့ ဥပဒေမူကြမ်းတစ်ခုကို တင်ခဲ့တာကြောင့် ဒီနေ့ ပြည်ထောင်စု လွှတ်တော်မှာ စုစုပေါင်း အခြေခံဥပဒေပြင်ဆင်ရေးမူကြမ်း နှစ်ခုကို တင်သွင်းခဲ့တာဖြစ်ပါတယ်။

တပ်မတော်သားအစုအဖွဲ့က ပြင်ဆင်ဖို့ တင်သွင်းတဲ့ ဥပဒေကြမ်းမှာ ပါဝင်တဲ့ ပုဒ်မတွေက ၂၀၀၈ ဖွဲ့စည်းပုံအခြေခံ ဥပဒေ အခန်း ၅ အုပ်ချုပ်ရေးကဏ္ဍမှာ တိုင်းဒေသကြီး ပြည်နယ်ဝန်ကြီးချုပ် ခန့်အပ်တာဝန်ပေးရာမှာ သမ္မတရဲ့ လုပ်ပိုင်ခွင့်ကို လျော့ချပြီး သမ္မတကို တင်ပြဖို့မလိုပဲ ခန့်အပ်ခွင့်ရဖို့ ပြင်ဆင်ထားတဲ့ ပုဒ်မတွေ အများဆုံး ပါဝင်တာကိုတွေ့ရပါတယ်။

တပ်မတော်အနေနဲ့ ဒီဥပဒေကြမ်းကို တင်သွင်းရတဲ့ ရည်ရွယ်ချက်က တိုင်းပြည်ရဲ့ ဒီမိုကရေစီစနစ်တည်ငြိမ်စေဖို့၊ ဒီမိုကရေစီစံနှုန်းများနဲ့အညီ လွတ်လပ်တရားမျှတတဲ့ တိုင်းရင်းသားတွေလိုလားချက်ကို အလေးဂရုပြုဖော်ဆောင်ပေး ဖို့ ဖြစ်တယ်လို့ ဥပဒေမူကြမ်းမှာ ဖော်ပြထားပါတယ်။

ပြီးခဲ့တဲ့ စက်တင်ဘာလ ၁၇ ရက်နေ့ကလည်း ပြည်ထောင်စုဝန်ကြီးနဲ့ တိုင်းဒေသကြီး၊ ပြည်နယ်ဝန်ကြီးချုပ်တွေရဲ့ အရည်အချင်းသတ်မှတ်ချက် ထပ်မံဖြည့်စွက်ဖို့ အခြေခံဥပဒေပြင်ဆင်ရေး ဥပဒေမူကြမ်းကို တပ်မတော်က တင်သွင်းထားတာရှိပါတယ်။

Credit - RFA

တပ်မတော် အပစ်ရပ် သက်တမ်းတိုးဖို့ မသေချာတော့

မြောက်ပိုင်း မဟာမိတ် ၃ ဖွဲ့၏ မနေ့က တဖက်သတ် အပစ်ရပ်ကြေညာမှု အပြီး နာရီပိုင်းအတွင်း ရက္ခိုင့် တပ်မတော် (AA)က ရခိုင်ပြည်နယ်၊ ဘူးသီးတောင်ရှိ တပ်မဌာနချုပ်တခုကို တိုက်ခိုက်ခဲ့သဖြင့် ယနေ့ နောက်ဆုံး ဖြစ်သည့် အပစ်ရပ်ကာလကို သက်တမ်းတိုးရန် မသေချာတော့ကြောင်း သိရသည်။

တပ်မတော်မှ ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းက “အဲဒီ ၃ ဖွဲ့ က မနေ့က နေ့လယ်ပိုင်းမှာ အပစ်ရပ် ကြေညာတယ်။ ညနေပိုင်းမှာ ရခိုင်မှာ ဝင်တိုက်တယ်။ ပြောနိုင်တာ တခုကတော့ ဒါနဲ့ ပတ်သက်ပြီးတော့ တခုခု ထုတ်ပြန် ကြေညာဖို့ မရှိသေးဘူး။ သက်တမ်းတိုး၊ မတိုး မပြောနိုင်ဘူး။ သက်တမ်းတိုးဖို့လည်း မသေချာဘူး”ဟု ဧရာဝတီသို့ ပြောသည်။

တပ်မတော်ဘက်မှ စစ်ရေးလှုပ်ရှားမှုများ ရပ်ဆိုင်းခြင်းကို ရခိုင်ဒေသမှ လွဲ၍ မြောက်ပိုင်းတိုင်း၊ အရှေ့မြောက်တိုင်း၊ အရှေ့ ပိုင်းတိုင်း၊ အရှေ့အလယ်ပိုင်းတိုင်းနှင့် တြိဂံတိုင်း တို့တွင် ၂၀၁၈ ခုနှစ်၊ ဒီဇင်ဘာလက စတင်ပြီး ၂ လ တကြိမ် အပစ်ရပ် သက်တမ်း တိုးပေးခဲ့ ခြင်း ဖြစ်သည်။

နောက်ဆုံး သက်တမ်းတိုးမှုမှာ သြဂုတ်လ ၃၁ ရက်နေ့ မြောက်ပိုင်း မဟာမိတ်များနှင့် အစိုးရတို့ကြား တွေ့ ဆုံခဲ့သည့် ကျိုင်းတုံ ဆွေးနွေးပွဲ အပြီးတွင် ယင်းရလဒ်အပေါ် မူတည်၍ ၂၀၁၉ ခုနှစ်၊ စက်တင်ဘာလ ၂၁ ရက်နေ့အထိ ဖြစ် သည်။

တပ်မတော် အပစ်အခတ် ရပ်စဲမှုသည် ၂၀၁၈ ခုနှစ် ဒီဇင်ဘာလ ၂၁ ရက်မှ ဧပြီလ ၃၀ ရက်အထိ စတင် ကြေညာပြီး နောက် ၂၀၁၉ ခုနှစ် ဇွန်လ ၃၀ ရက် အထိ တကြိမ်၊ သြဂုတ်လ ၃၁ ရက်အထိ တကြိမ်၊ ယခု စက်တင်ဘာလ ၂၁ ရက် အထိ တကြိမ် ၃ ကြိမ် မြောက် သက်တမ်း တိုးထားသည်။

တပ်မတော်၏ ယခုကဲ့သို့ သက်တမ်း မတိုးမှုအပေါ် TNLA သို့ ဧရာဝတီက ဆက်သွယ် မေးမြန်းရာ တပ်မတော်၏ တရားဝင် ထုတ်ပြန်ချက် တွေ့မြင်ရမှသာ သဘောထား ပေးနိုင်မည်ဟု ယင်းအဖွဲ့မှ ဗိုလ်မှူးချုပ် တာဘုန်းကျော်က တုန့်ပြန်သည်။

ကချင် လွတ်လပ်ရေး တပ်မတော်(KIA)၊ TNLA၊ မြန်မာ အမျိုးသား ဒီမိုကရက်တစ် မဟာမိတ် တပ်မတော် (MNDAA)၊ ရက္ခိုင်တပ်မတော်တို့ (AA)တို့ ပြီးခဲ့သည့် စက်တင်ဘာ ၁၇ ရက်နေ့က ကျိုင်းတုံမြို့တွင် တွေ့ ဆုံခဲ့သော်လည်း တိုက်ပွဲများ ရပ်တန့်ရေး ဆက်လက် ဆွေးနွေးမည်ဟု သဘောတူညီမှုမှ အပ သိသာတိုးတက်သည့် ဆွေးနွေးပွဲ ရလဒ်များ မထွက်ပေါ်ခဲ့ပေ။

တပ်မတော် ကာကွယ်ရေး ဦးစီးချုပ်ရုံးက ပဏာမ အပစ်ရပ် စာချုပ် (Bilateral Agreement) နှင့် တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူ စာချုပ် (NCA) လက်မှတ် မထိုးရသေးသည့် တိုင်းရင်းသား လက်နက်ကိုင် အဖွဲ့များနှင့် ညှိနှိုင်း ဆွေးနွေးရန် အပစ်ရပ်ကာလကို သက်တမ်း တိုးပေးနေခြင်း ဖြစ်ကြောင်း တပ်မတော်မှ ပြောရေး ဆိုခွင့်ရှိသူ ဗိုလ်ချုပ် စိုးနိုင်ဦးက မီဒီယာများသို့ ပြောဆိုထားသည်။

ငြိမ်းချမ်းရေး ကော်မရှင်တွင် အကြံပေးအဖြစ် ဆောင်ရွက်ခဲ့သူ ဒေါက်တာ မင်းဇော်ဦးက “အပစ်ရပ် သက်တမ်း တိုးတာ၊ မတိုးတာထက် မြေပြင်မှာ ၂ ဖက် တပ်တွေ ဘယ်လို လုပ်ဆောင်မလဲ ဆိုတဲ့ အပေါ်မှာ အခြေခံလိမ့်မယ်။ ဥပမာ ကျနော်တို့ ကချင်ပြည်နယ် မှာဆိုရင် နှစ်ဖက် တရားဝင် အပစ် အခတ် ရပ်စဲရေးက ဘာမှ မရှိဘူး။ ဒီတနှစ်လုံးမှာ တပ်မတော်နဲ့ KIA ကြား တိုက်ပွဲတွေ မရှိဘူး။ ဒါက ၂ ဖက်လုံးက တပ်တွေ အပေါ်မှာ အများကြီး မူတည်တယ်”ဟု ဧရာဝတီသို့ ပြောသည်။

တပ်မတော်နှင့် မြောက်ပိုင်း မဟာမိတ် ၂ ဖက်စလုံးက အပစ်အလခတ် ရပ်စဲကြောင်း ကြေညာကြ သော်လည်း ခြွင်းချက်များ ပါဝင်နေရာ ယင်းခြွင်းချက်များကြောင့် တိုက်ပွဲ အချိန်မရွေး ဖြစ်နိုင်သည့် သဘော ဖြစ်နေကြောင်း၊ နယ်မြေ တိတိကျကျ မရှိသည့် အပေါ်တွင် တပ်များ လှုပ်ရှားပါကလည်း ထိတွေ့ တိုက်ပွဲများ ဖြစ်နိုင်ကြောင်း ၎င်းက သုံးသပ်သည်။

၎င်းက ဆက်၍ “တိုက်ပွဲတွေ လုံးဝ ရပ်သွားဖို့ ဆိုရင်တော့ ၂ ဖက် တပ်တွေက ဘယ်နေရာမှာ ဘယ်လို နေမယ်။ တဖက်နဲ့တဖက် ဘယ်လို Communication ဘယ်လို လုပ်မလဲ။ တဖက်နဲ့ တဖက် ဆက်သွယ်ပြီး ဘယ်လို လုပ်မလဲ ဆိုတာမျိုး တိတိကျကျ ရှိမှ ဖြစ် မှာ။ ဒါပေမယ့် ဒီလို အခြေအနေမျိုး တွေမှာတော့ စစ်ဆင်ရေး အကြီးကြီးတွေတော့ လုပ်မယ် မထင်တော့ဘူး။ သက်တမ်း မတိုးဘူး ဆိုရင်တောင်မှ လက်ရှိ အနေအထား အတိုင်း ပိုနေမြဲ၊ ကျားနေမြဲ အနေအထားလောက်ပဲ လုပ်ကောင်း၊ လုပ်လိ့မ်မယ်”ဟု ပြောသည်။

ရခိုင်အမျိုးသား ပါတီမှ ပြည်သူ့လွှတ်တော်ကိုယ်စားလှယ် ဦးဖေသန်းက“နဂိုကတည်းက ရခိုင်ပြည် နယ်မှာ စစ်ပွဲတွေ ရပ်ထားတာ မဟုတ်ဘူး။ စစ်တိုင်း ၅ ခု မှာပဲ တိုးနေတာ။ အဲဒီအကြောင်းပြချက် ကြောင့် ဆိုရင်လည်းပဲ မူလ စစ်တိုင်း ၅ တိုင်းပဲ တိုးလို့ ရတာပဲ။ ရခိုင်ပြည်နယ်ကို တိုးပါမယ်လို့ သူတို့ တခါမှ မပြောဖူးဘူး။ သူတို့ မတိုးချင်လို့ မတိုးတာပဲ ဖြစ်လိမ့်မယ်”ဟု ဧရာဝတီသို့ ပြောသည်။

တပ်မတော်နှင့် မြောက်ပိုင်း မဟာမိတ်များကြား ဖြစ်ပွားလျက်ရှိသည့် တိုက်ပွဲများနှင့် ပတ်သက်၍ ၂ ဖက်စလုံး ပါဝင်သော အပစ် အခတ်ရပ်စဲရေး စောင့်ကြည့်မှု ကော်မတီတခု ရှိရန် လိုအပ်နေပြီ ဖြစ် ကြောင်း မြောက်ပိုင်း မဟာမိတ်များဘက်က စက်တင်ဘာလ ၁၆ ရက်နေ့တွင် ဧရာဝတီသို့ ပြောဆိုထားသည်။

၎င်းတို့ဆိုလိုသည့် အပစ်ရပ်စဲရေး ကော်မတီဆိုသည်မှာ တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူစာချုပ် (NCA) လက် မှတ်ရေးထိုးပြီးမှသာ နိုင်ငံရေးသဘောအရ စဉ်းစားရမည့်ကိစ္စတခု ဖြစ်သည်ဟု သိရသော်လည်း တိုက်ပွဲများ ဖြစ်နေဆဲအချိန်တွင် မြောက်ပိုင်း မဟာမိတ်များက ယခုလို စတင် တောင်းဆိုခဲ့ခြင်း ဖြစ်သည်။

မြောက်ပိုင်း မဟာမိတ် ၄ ဖွဲ့အနက် TNLA၊ MNDAA၊ AA တို့ ၃ ဖွဲ့သည် ပြင်ဦးလွင်ရှိ တပ်မတော် နည်းပညာ တက္ကသိုလ်နှင့် တိုးဂိတ် အပါအဝင် နောင်ချို တိုးဂိတ်၊ မူးယစ်ဆေးဝါးဂိတ်၊ ရဲစခန်းနှင့် မြို့ရှောင်လမ်း တိုးဂိတ် စသည့် နေရာ ၆ နေရာကို ၂၀၁၉ ခုနှစ် သြ ဂုတ်လ ၁၅ ရက်က တပြိုင်တည်း တိုက်ခိုက်ခဲ့ကြသည်။

ယင်းတိုက်ခိုက်ခံရမှုပြီးနောက် ငြိမ်းချမ်းရေးဆွေးနွေးပွဲသို့ လာရောက်ပါက ကြိုဆိုမည် ဖြစ်သကဲ့သို့ တိုက်ပွဲများ ဆက်တိုက်လိုပါက တပ်မတော် အနေဖြင့် အဆင်သင့်ကြောင်း တပ်မတော်မှ ပြောခွင့်ရသူ ဗိုလ်ချုပ် စိုးနိုင်ဦးက တုန့်ပြန်ခဲ့သည်။

၂ ဖက်တိုက်ပွဲများအတွင်း အရပ်သား သေဆုံးမှုများ၊ မော်တော်ယာဉ်၊ အဆောက်အဦများ ပျက်စီး ဆုံးရှုံးမှုများ အများအပြား ရှိခဲ့ပြီး ၂ ဖက်စလုံးက ၎င်းတို့၏ လက်ချက်ဟု ဝန်ခံ ပြောဆိုခဲ့ခြင်း မရှိပေ။

လက်ရှိအချိန်အထိလည်း တပ်မတော်မှ အပစ်ကာလ သက်တမ်း ကြေညာခြင်းမျိုးကို မတွေ့ရပေ။

Credit - Irrawaddy

ငြိမ်းချမ်းရေးဖြစ်စဉ်မှာ အမျိုးသမီးပါဝင်ရင် လက်နက်ကိုင်လမ်းစဉ်ပျောက်သွားနိုင်

ငြိမ်းချမ်းရေးဖြစ်စဉ်မှာ အမျိုးသမီးတွေ ပါဝင်ခြင်းအားဖြင့် နိုင်ငံရေးပြဿနာတွေကို နိုင်ငံရေးနည်းနဲ့ ဖြေရှင်းဖို့ဘက်ကို ပိုပြီးတော့တွန်းအားပေးပြီး လက်နက်ကိုင်လမ်းစဉ်တွေပျောက်သွားအောင်လုပ် ဆောင်နိုင်မယ်လို့ ယုံကြည်ကြောင်း မြန်မာ့အမျိုးသမီးသမဂ္ဂရဲ့ မူဝါဒရေးရာဦးဆောင်အဖွဲ့ဝင် ဒေါ်မိဆူးပွင့်က ပြောပါတယ်။

မကွေးမြို့မှာ ဒီနေ့ကျင်းပတဲ့ နိုင်ငံတကာ ငြိမ်းချမ်းရေးနေ့မှာ ဒေါ်မိဆူးပွင့်က ပြောကြားခဲ့တာဖြစ်ပြီး ပဋိပက္ခဖြစ်စဉ်တွေမှာ ခွဲခြားဆက်ဆံမှုတွေကပဲ အဓိကကျ တွန်းအားပေးနေတယ်လို့လည်း ပြောပါတယ်။

ကျားမရေးရာ ခွဲခြားဆက်ဆံတာ၊ ဘာသာအယူဝါဒ၊ လူမျိုးရေးစတဲ့ ခွဲခြားမှုတွေဟာ ငြိမ်းချမ်းရေးကို ခြိမ်းခြောက်နေတဲ့ အရာတွေပဲဖြစ်တယ်လို့ ဆိုပါတယ်။

ဒေါ်မိဆူးဟာ လက်နက်ကိုင်အဖွဲ့အစည်းတခုဖြစ်တဲ့ ABSDF မှာလည်း ထိပ်တန်းခေါင်းဆောင်တစ်ဦးဖြစ်ပါတယ်။

မြန်မာ့အမျိုးသမီးများသမဂ္ဂ ဥက္ကဋ္ဌ ဒေါ်တင်တင်ညိုကတော့ နှစ်ဘက်စစ်ပွဲတွေဟာ ဝေးလံခေါင်သီတဲ့ တိုင်းရင်းသားဒေသတွေမှာ ဖြစ်ပွားလေ့ရှိတဲ့အတွက် သတင်းအချက်လက်တွေရရှိဖို့ ခက်ခဲနေတယ်လို့ ပြောပါတယ်။

ဒါ့အပြင် စစ်ဖြစ်လာခဲ့ရင် အမျိုးသားရော၊ အမျိုးသမီးရော တွေ့ကြုံရင်ဆိုင်ရတယ်ဆိုပေမယ့် အမျိုးသမီးနဲ့ ကလေးသူငယ်တွေ အပေါ်မှာပိုပြီး ဆိုးကျိုးတွေကျရောက်စေတယ်လို့လည်း ဆိုပါတယ်။
စစ်ဖြစ်လာပြီဆိုရင် အမျိုးသမီးတွေအပေါ် လိင်အကြမ်းဖက်တာတွေအပါအဝင် တခြား မျှော်လင့်မထားနိုင်တဲ့ အန္တရာယ်တွေလည်း ကျရောက်နိုင်တယ်လို့ပြောပါတယ်။

ကလေးတွေရဲ့ ပညာရေးကျန်းမာရေးကအစ စားဝတ်နေမှုတွေပါ ကျပ်တည်းပြီး အားနည်းတဲ့ အမျိုးသမီးထုနဲ့ ကလေးသူငယ်အများစုမှာ မငြိမ်းချမ်းနိုင်တဲ့ ဘေးဒဏ်ကို ပိုခံစားရတယ်လို့ ဒေါ်တင်တင်ညိုက ပြောပါတယ်။

မကွေးတိုင်းဒေသကြီး လွှတ်တော် ဒုဥက္ကဋ္ဌ ဦးဇော်မျိုးဝင်းကတော့ ငြိမ်းချမ်းရေးနဲ့ ပတ်သက်ရင် နိုင်ငံပေါင်းစုံဟာ ညီညွတ်ဖို့လိုတယ်ဆိုတဲ့ ကမ္ဘာ့ကုလသမဂ္ဂရဲ့ ဆောင်ပုဒ်နဲ့အညီ ကျင့်သုံးနိုင်ဖို့ လိုတယ်လို့ ပြောပါတယ်။

နိုင်ငံတကာငြိမ်းချမ်းရေးနေ့ကို နှစ်စဉ်နှစ်တိုင်း ဆောင်ပုဒ်တစ်ခုခုကိုရွေးချယ်ပြီး ကျင်းပလေ့ရှိပါတယ်။
ဒီနှစ်အတွက်ဆောင်ပုဒ်ဟာ Climate Action for peace လို့ဆိုတဲ့ ရာသီဥတုအတွက် လှုပ်ရှားရင်း ငြိမ်းချမ်းရေးဆီသို့ဆိုတဲ့ ဆောင်ပုဒ်ဖြစ်တယ်လို့ သိရပါတယ်။

နိုင်ငံတကာငြိမ်းချမ်းရေးနေ့ အခမ်းအနားကို ရန်ကုန်မြို့မှာလည်း ဒီနေ့ကျင်းပခဲ့ပါတယ်။

ရန်ကုန်မြို့မှာ ကျင်းပတဲ့ အခမ်းအနားမှာ ဘာသာပေါင်းစုံ ဆုတောင်းပွဲအပါအ၀င် ငြိမ်းချမ်းရေး ကဗျာရွတ်ဆိုတာတွေနဲ့ ငြိမ်းချမ်းရေးအတွက် ဂုဏ်ပြုဖျော်ဖြေရေးအစီအစဉ်တွေလည်း ပါဝင်ပါတယ်။

Credit - RFA

ကောင်းကင်မှကျလာသည့် ယန္တရားအပိုင်းအစကို တပ်မတော်သို့ လွှဲပြောင်းမည်

ကိုယ်ဝန်ဆောင်အမျိုးသမီးတစ်ဦး ဆေးကုသမှုခံယူခဲ့ရ

ဖားကန့်မြို့နယ်ရှိ ကျေး ရွာတစ်ရွာအနီး ပြုတ်ကျလာ သည့် ယန္တရားအပိုင်းအစကို တပ် မတော်သို့ လွှဲပြောင်းပေးမည်ဖြစ် ကြောင်း ကချင်ပြည်နယ်အစိုးရ အဖွဲ့က ပြောသည်။

‘‘အရင်တစ်ခေါက် (၂၀၁၆) ကျတုန်းကတော့ တပ်မတော်ကို ပဲအပ်လိုက်တယ်။ အခုလည်း နယ်မြေခံတပ်ကိုပဲ အပ်မှာပါ။ နောက်ပိုင်း ဘာဆက်လုပ်မယ် ဆိုတာကို မသိသေးဘူးခင်ဗျ’’ ဟု ကချင်ပြည်နယ် အစိုးရအဖွဲ့ညွှန် ကြားရေးမှူး ဦးဇော်မျိုးညွန့်က ပြောသည်။

အလျား ၁၅ ပေခန့်၊လုံးပတ် ခုနစ်ပေခန့်ရှိသော စက်ကိရိယာ အချို့ပါ ယန္တရားအစိတ်အပိုင်း တစ်ခု ဖားကန့်မြို့နယ် မှော်ပုံ ကျေးရွာရှိ လူနေအိမ်အချို့အနီး သို့ စက်တင်ဘာ ၁၉ ရက် နေ့ လယ် ၁ နာရီမိနစ် ၂၀ ခန့်က ပြုတ်ကျရာ ဒေသခံများ အထိတ် တလန့်ဖြစ်ခဲ့သည်။ ကိုယ်ဝန် ဆောင်အမျိုးသမီးတစ်ဦး ရှိနေ သော နေအိမ်နှင့် ပေ ၂၀ ခန့်အ ကွာသို့ ပေါက်ကွဲသံနှင့်အတူ အ ရှိန်ပြင်းပြင်းကျလာ၍ အသက် (၂၄)နှစ်အရွယ်၎င်းအမျိုးသမီး သည် ထိတ်လန့်တုန်လှုပ်ပြီးကျန်းမာရေးဌာနတွင် ဆေးကုသမှုခံယူခဲ့ရသည်။

‘‘စက်တင်ဘာ ၁၉ ရက်က အဖြစ်ကြောင့် လန့်ပြီး ဗိုက်ကြီးကိုမပြီး ထွက်ပြေးခဲ့ရတယ်လို့ပြောတယ်’’ ဟု ကိုယ်ဝန်ဆောင်အမျိုးသမီးကို ကျန်းမာ ရေးစစ်ဆေးပေးခဲ့သည့် လုံးခင်း တိုက်နယ်ကျန်းမာရေးဌာန ဆန် ခါကျေးလက်ကျန်းမာရေးဌာနခွဲ (ယာယီ)မှ သားဖွားဆရာမ ဒေါ် ဖြူဖြူမြင့်သိန်းက ပြောသည်။

ကိုယ်ဝန်သည် ခုနစ်လ ကျော်နေပြီဖြစ်ပြီး အသေးစိတ် စစ်ဆေးရာ ထိခိုက်မှုမရှိခဲ့ကြောင်း ဒေါ်ဖြူဖြူမြင့်သိန်းက ပြောသည်။ နေအိမ်ပေါ် တည့်တည့်မကျခြင်း သည် ကံအလွန်ကောင်းပြီး အိမ် နှင့်ကပ်လျက် အုတ်ရေကန်နှင့် မီးဖိုဆောင် ကွဲအက်ပျက်စီးခဲ့ ကြောင်း ဒေသခံများက ပြော သည်။

‘‘ရေကန်တစ်ကန်ဖြစ်ဖို့ လည်း မလွယ်ဘူးလေဗျာ။ တာ ၀န်ရှိသူတွေ အနေနဲ့ ပြန်ထောက် ပံ့ပေးတာမျိုးဖြစ်လာရင် ကောင်း တာပေါ့။ အခုကတော့ ဘာမှန်း မသိရဘဲ ပျက်စီးတာ’’ ဟုဒေသခံ ဦးတင်လှိုင်က ပြောသည်။

ယန္တရားအပိုင်းအစသည် တရုတ်နိုင်ငံမှ ပစ်လွှတ်လိုက် သော ဂြိုဟ်တုတစ်ခု၏ အပိုင်း အစတစ်ခုဖြစ်ကြောင်း ဒေသခံ များက ယုံကြည်နေပြီး မည်သည့် နိုင်ငံက ပစ်လွှတ်သည်ဖြစ်စေ မြန်မာအစိုးရအနေဖြင့် သတင်း ထုတ်ပြန်ရှင်းပြသင့်ကြောင်းဒေ သခံများက မှတ်ချက်ပြုသည်။

ကောင်းကင်ပေါ်မှ ယန္တရား အစိတ်အပိုင်းတစ်ခု ပြုတ်ကျခြင်း သည် ဖားကန့်ဒေသတွင် သုံးနှစ် အတွင်း နှစ်ကြိမ်မြောက်ဖြစ် သည်။ ၂၀၁၆ နိုဝင်ဘာ ၁၀ ရက် နံနက် ၅ နာရီခန့်ကလည်း ဖား ကန့်မြို့နယ် မှော်ဆီဇာကျေးရွာ ၀န်းကျင်ကျောက်စိမ်းလုပ်ကွက် အနီးသို့ ဂြိုဟ်တုအပိုင်းအစကဲ့သို့ ယန္တရားအစိတ်အပိုင်းတစ်ခု ပြုတ်ကျဖူးပြီး နေအိမ်အချို့ ထိ ခိုက်ပျက်စီးခဲ့သည်။ ယင်းဖြစ်စဉ် ၏အကြောင်းရင်းကို ဌာနဆိုင်ရာ တာဝန်ရှိသူများက ရှင်းပြနိုင်ခြင်း မရှိခဲ့ပေ။

Credit - 7 Day Daily

ရဲရွာစီမံကိန်းကြောင့် လျှပ်စစ်နှင့် စွမ်းအင်ဝန်ကြီးဌာန စစ်ဆေးခံနေရ

လျှပ်စစ်နှင့်စွမ်းအင်ဝန်ကြီးဌာနကို အဂတိကော်မရှင်က စစ်ဆေးနေခြင်းမှာ မီတာဘောက်စ် ကိစ္စ ကြောင့်မဟုတ်ဘဲ ရဲရွာရေအားလျှပ် စစ် စီမံကိန်းနှင့် သက်ဆိုင်သော တိုင်တန်းချက်တခုကြောင့် စစ်ဆေးနေရခြင်းဖြစ်ကြောင်း သိရသည်။

အဂတိလိုက်စားမှုတိုက်ဖျက်ရေးကော်မရှင် စစ်ဆေးရေးမှူးချုပ် ဦးသန့်ဇော်က “အများထင်ထားသလို မီတာဘောက်စ် ကိစ္စကိုလည်း စစ်ဆေး နေတာ မဟုတ်ပါဘူး” ဟု ယနေ့ နေပြည်တော်ရှိ အဂတိလိုက် စားမှုတိုက်ဖျက်ရေးကော်မရှင်ရုံး တွင် ပြုလုပ်သည့် သတင်း စာရှင်းလင်းပွဲတွင် ပြောသည်။

လျှပ်စစ်နှင့် စွမ်းအင်ဝန်ကြီးဌာန ရေအားလျှပ်စစ် အကောင်အထည်ဖော်ရေး ဦးစီးဌာန၏ အမှတ် ( ၃) ရေအားလျှပ်စစ် ရဲရွာ စီမံကိန်းနှင့် ပတ်သက်ပြီး လုပ်ငန်းခွင် တိုင်ကြားချက်တခု ရှိသဖြင့် စုံစမ်းစစ် ဆေးမှုများ ပြုလုပ်နေရခြင်း ဖြစ်ကြောင်း၊ လက်ရှိတွင်လည်း စုံစမ်းစစ်ဆေးဆဲ ကာလသာ ဖြစ် ကြောင်း အဂတိလိုက်စားမှု တိုက်ဖျက်ရေးက်ာမရှင်မှ သိရသည်။

ပြီးခဲ့သည့် သြဂုတ်လအတွင်းက လျှပ်စစ်နှင့် စွမ်းအင်ဝန်ကြီးဌာနမှ ဝန်ကြီးနှင့် ဒုတိယဝန်ကြီးတို့ကို အဂတိလိုက်စားမှု တိုက်ဖျက်ရေး ကော်မရှင်မှ စုံစမ်းမှု အရှိန်မြင့်တက်လာပြီး ဝန်ကြီးများရုံးတွင် ပြုလုပ်သည့် ပြုလုပ်သည့် အစည်းအဝေး (EC) မှတ်တမ်းများကိုပါ ကော်မရှင်မှ သိမ်းယူသွားခဲ့ သေးသည်။

ဝန်ကြီး ဦးဝင်းခိုင်နှင့် ဒုတိယဝန်ကြီး ဒေါက်တာထွန်းနိုင် တို့၏ ဘဏ်စာရင်းများကို ဗဟိုဘဏ်မှ စစ်ဆေးပြီး၍ အဂတိလိုက်စားမှု တိုက် ဖျက်ရေး ကော်မရှင်သို့ ပေးပို့ခဲ့ရကြောင်းကိုလည်း မြန်မာ နိုင်ငံ ဗဟိုဘဏ် ဒုတိယဥက္ကဌ ဦးစိုးသိန်းက လွှတ်တော်တွင် သတင်း ထောက်များကို ပြောပြခဲ့ဖူး သည်။

အဂတိကော်မရှင်မှ အရာရှိ ဦးသန့်ဇော်က “လျှပ်စစ်နှင့် စွမ်းအင်ဝန်ကြီးဌာနနဲ့ ပတ်သက်တဲ့ စာရွက် စာတမ်းတွေ ကျနော်တို့ ဒါတွေကို လည်း စစ်ဆေးနေရတယ်။ ဆောင်ရွက်နေဆဲ ဖြစ်ပါတယ်” ဟု ပြောသည်။

ထိုသို့ ကော်မရှင် အနေဖြင့် စုံစမ်းစစ်ဆေးမှု ကြန့်ကြာနေရခြင်းမှာ စစ်ဆေးမှုများ ပြုလုပ်သည့် အခါတွင် အပြည်ပြည် ဆိုင်ရာ စာချုပ် ၊ စာတမ်းများနှင့် တိုက်ဆိုင်စစ်ဆေး နေရခြင်း ဖြစ်သည့် အတွက် ကြန့်ကြာနေရခြင်းဖြစ်ကြောင်း အဂတိလိုက်စားမှု တိုက်ဖျက်ရေး ကော် မရှင်က ပြောသည်။

ယခု အဂတိကော်မရှင် အနေဖြင့် ယခုစစ်ဆေးမှုများ ပြုလုပ်နေရာတွင် နည်းပညာရပ်ဆိုင်ရာ ကိစ္စရပ် များ ပါဝင်နေသည့် အတွက် အချိန်ယူ စစ်ဆေးနေပြီး တိကျခိုင်မာသည့် အဖြေရရှိရန် အတွက် စစ်ဆေးမှုများ ပြုလုပ်နေသည်ဟု ယူဆ ကြောင်းပြည်သူ့လွှတ်တော် လျှပ်စစ်နှင့် စွမ်းအင် ဖွံ့ဖြိုး တိုးတက်ရေးကော်မတီ အဖွဲ့ဝင် ဦးနေမျိုးထက်က ဧရာဝတီသို့ မှတ်ချက်ပေးသည်။

ဦးနေမျိုးထက်က “ တိုင်တဲ့စာမှာ ငွေလဘ်စားတာ မဟုတ်ဘဲ စက်ပစ္စည်းရွေးတာမှားတာ။ System မှားတာ ဆိုရင် နည်းပညာ အကုန်ပြန်စစ်ဆေးရပါမယ်” ဟု ဆက်ပြောသည်။

မန္တလေးတိုင်းဒေသကြီး၊ ကျောက်ဆည်မြို့နယ်၊ ရဲရမန်းကျေးရွာအနီး မြစ်ငယ်မြစ်ပေါ်တွင် ၂၀၀၁ခုနှစ် က စတင် တည်ဆောက်ထားသည့် ရဲရွာရေအားလျှပ်စစ် ဓာတ်အားပေးစက်ရုံသည် ၁၉၇ ဒသမ ၅ မဂ္ဂါဝပ်ထွက်ရှိသော ဖရန်စစ် (ဒေါင်လိုက်) တာဘိုင် အမျိုးအစား စက်(၄)လုံးဖြင့် စုစုပေါင်းစက်တပ် ဆင် အင်အား ၇၉၀ မဂ္ဂါဝပ်ရှိကာ ဒီဇိုင်းအရ တစ်နှစ်ထုတ်လုပ်နိုင်မှုမှာ ၃၅၅၀ ကီလိုဝပ်နာရီသန်း ပေါင်း ဖြစ်သည်။

လျှပ်စစ်နှင့် စွမ်းအင် ဝန်ကြီးဌာနသည် မီတာဘေလ် စာရွက်ထုတ်သည့် တင်ဒါကိစ္စများနှင့် ပတ်သက် ပြီး ပြည်သူ့လွှတ်တော် လျှပ်စစ်နှင့် ဖွံ့ ဖြိုးတိုးတက်ရေး ကေ်ာမတီသို့ တိုင်ကြားခံထားရကြောင်း လည်း သိရသည်။

လျှပ်စစ်နှင့် စွမ်းအင်ဝန်ကြီးဌာန အနေဖြင့် မီတာဝယ်ရန် တင်ဒါခေါ်ရာတွင် တင်ဒါဝင်ရောက်ယှဉ်ပြိုင် သည့် ကုမ္ပဏီများက တင်ဒါစိစစ် ရွေးချယ်မှုအပေါ် ဝင်ရောက်စွက်ဖက်ခြင်း၊ လွှမ်းမိုးခြင်းနှင့် မလျော် သြဇာသုံး ဆောင်ရွက်လိုခြင်းများ ပြုလုပ် သဖြင့် တင်ဒါပယ်ဖျက်ခြင်း လုပ်ဆောင်ခဲ့ကြောင်း ဒုတိယ ဝန်ကြီး ဒေါက်တာထွန်းနိုင်က သြဂုတ် ၂၂ ရက်နေ့က ပြုလုပ်သည့် ပြည်ထောင်စု လွှတ်တော်သို့ ရှင်းလင်းခဲ့သည်။

၂၀၁၇ ခုနှစ်က ခေါ်ယူခဲ့သည့် မီတာတင်ဒါ တခုတွင် ယှဉ်ပြိုင်သူ ခြောက်ဦးအနက် ကုမ္ပဏီနှစ်ခုက နည်းပညာပိုင်းဆိုင်ရာ အောင်မြင်ခဲ့၍ ယင်းကုမ္ပဏီနှစ်ခု၏ ဈေးနှုန်းကို ယှဉ်ပြိုင်သူ အားလုံးရှေ့၌ ဖွင့်ဖောက်ရာ အယ်ဖာပါဝါအ မည်ရှိ ကုမ္ပဏီက ကျပ် ၈ ဒသမ ၁ဘီလီယံ ခန့်ဖြစ်ပြီး မြန်မာ့စီးပွား ရေး ဦးပိုင်၏ဈေးနှုန်းသည် ၁၃ဒသမ ၄ ဘီလီယံခန့် ဖြစ်ကြောင်း ဒေါက်တာထွန်းနိုင်က ပြောသည်။

ထိုအခါ မြန်မာ့စီးပွားရေးဦးပိုင်လီမိတက် အမည်ဖြင့် ဝင်ပြိုင်သည့် ကုမ္ပဏီက ယှဉ်ပြိုင်ဘက်ထက် ဈေးနှုန်း ကျပ် ၅,၃၄၃ သန်းပိုများနေ၍ တင်ဒါရှုံးသည်ကို သဘောပေါက်သွားပြီး ပြည်ထောင်စုဝန်ကြီး ထံသို့ ကုမ္ပဏီတစ်ခု၏ အမည်ဖြင့် အဆိုပါတင်ဒါကို ပြန်လည်စိစစ်ပေးရန် ကန့်ကွက်စာပေးပို့ခဲ့ သည်။

အဆိုပါ ကန့်ကွက်စာပေးပို့မှု အပေါ် အယ် ဖာပါဝါ ကုမ္ပဏီက ပြည်ထောင်စု ဝန်ကြီးထံသို့ ယှဉ်ပြိုင်မှု ရလဒ် အတိုင်းအတည်ပြုပေးရန် ပြန်လည် ပေးပို့ခဲ့ကြောင်း၊ မြန်မာ့ စီးပွားရေးဦးပိုင် လီမိတက်က ၎င်းတို့၏ မီတာများ ကို ဦးစားပေးရွေးချယ်ပေးရန် ပြည်ထောင်စုဝန်ကြီးထံ ထပ်မံ အကြောင်းကြား လာကြောင်း ဒုတိယ ဝန်ကြီးက လွှတ်တော်သို့ ရှင်းလင်းတင်ပြချက်များ အရ သိရသည်။

ဦးဝင်းခိုင်သည် လျှပ်စစ်နှင့် စွမ်းအင် ဝန်ကြီးဌာနတွင် ဝန်ကြီး မဖြစ်မီ ဆောက်လုပ်ရေး ဝန်ကြီး အဖြစ် တာဝန်ယူစဉ်က “လမ်းတလမ်း ၅ နှစ်မှ မခံရင် အဲဒီအင်ဂျင်နီယာ ထောင်ထဲ ပို့ပစ်လိုက်မည်” ဆိုသည့် ပြောဆိုချက်ကြောင့် လူမှုကွန်ရက် တွင် ထောက်ခံသူ များစွာဖြင့် ရေပန်းစားခဲ့ဖူးသည်။

သို့သော် လျှပ်စစ်နှင့် စွမ်းအင်ဝန်ကြီး ဖြစ်လာသည့်အခါ အမေရိကန် ဒေါ်လာ ၅ ဘီလျံကျော် တန်ဖိုးရှိ လျှပ်စစ်ဓာတ်အား ထုတ်လုပ်မည့် စီမံကိန်း လုပ်ငန်းကြီး ၄ ခုကို တင်ဒါခေါ်ယူခြင်း မရှိဘဲ ဆောင်ရွက်သည့်အခါ အတိုက်အခံ ပြည်ထောင်စု ကြံ့ခိုင်ရေးနှင့် ဖွံ့ဖြိုး ရေးပါတီ (ကြံ့ခိုင်ရေး)က လွှတ်တော်ထဲတွင် ၂၀၁၈ ခုနှစ်က အပြင်းအထန် ကန့်ကွက်ခဲ့သည်။

Credit - Irrawaddy