တိုက်ပွဲကြောင့် တစ်ရက်ပျမ်းမျှ အမေရိကန်ဒေါ်လာ ၁၅ သန်းကျော်ဖိုး ကုန်စည်စီးဆင်းမှုရပ်တန့်

ပြင်ဦးလွင်နှင့် နောင်ချို အနီးတစ်ဝိုက် သြဂုတ် ၁၅ရက် နံနက်က တိုက်ခိုက်ခံရပြီးနောက် တရုတ်နှင့် နေ့စဉ်ပျမ်းမျှ ကန်ဒေါ် လာ ၁၅ သန်းကျော်ဖိုး ကုန်သွယ် နေသည့် ပြည်ထောင်စုလမ်းမ ကြီး၊ မန္တလေး-မူဆယ်လမ်းပိုင်း ကုန်စည်စီးဆင်းမှုများ ရပ်တန့်သွားသည်။

ပြင်ဦးလွင် တပ်မတော်နည်း ပညာတက္ကသိုလ်၊ ဂုတ်တွင်းတံ တားနှင့် ရဲစခန်း၊ နောင်ချိုမြို့အ ထွက် ပြင်ဦးလွင်တိုးဂိတ်(X Ray စက်ဖြင့် မူးယစ်ဆေးဝါးစစ်ဆေး ရေးဂိတ်)၊ ကျောက်မဲမြို့အထွက် နောင်ချိုတိုးဂိတ်၊ နောင်ချိုရှိတပ် မတော်တပ်ရင်းဌာနချုပ်တို့ကို မြောက်ပိုင်း မဟာမိတ်လက်နက် ကိုင်သုံးဖွဲ့က တိုက်ခိုက်ခြင်းဖြစ် ကြောင်း ယမန်နေ့ နံနက်၌ တပ်မ တော်က သတင်းထုတ်ပြန်သည်။

ရခိုင်အဖွဲ့ (AA)၊ ကိုးကန့်အဖွဲ့ (MNDAA ) နှင့်အတူ ပူးပေါင်း တိုက်ခိုက်ခြင်းဖြစ်ကြောင်း တ အောင်းအဖွဲ့ (TNLA ) သတင်း နှင့် ပြန်ကြားရေးဌာန တာဝန်ခံ ဗိုလ်မှူးမိုင်းအိုက်ကျော်က အ တည်ပြုထားသည်။ ယမန်နေ့ ညနေပိုင်းအထိ အတည်ပြုနိုင် ခဲ့သည့် စာရင်းများအရ တိုက်ခိုက် မှုအတွင်း အရပ်သားသုံးဦးအပါ အ၀င် တပ်မတော်နှင့် ရဲတပ်ဖွဲ့ ၀င်စုစုပေါင်း ၁၅ ဦးသေဆုံးသည်။

တိုက်ခိုက်မှုအတွင်း ပြည် ထောင်စုလမ်းမကြီး၊ မန္တလေး-မူဆယ်လမ်းပိုင်း၌ အရေးပါသည့် ဂုတ်တွင်းတံတား မိုင်းခွဲဖျက်ဆီး ခံခဲ့ရသဖြင့် ကုန်တင်ယာဉ်များ ဖြတ်သန်းနိုင်ခြင်းမရှိဘဲ ယမန်နေ့ ကစ၍ ကုန်သွယ်မှုရပ်တန့်သွား သည်ဟု မူဆယ်မြို့မှ ကုန်သည် အချို့က အတည်ပြုသည်။

ကုန်သွယ်မှုတန်ဖိုး

စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန စာ ရင်းများအရ တရုတ်နိုင်ငံနှင့် ကုန် သွယ်မှုအတွက် အဆိုပါလမ်းပိုင်း ကို အသုံးပြု၍ သွားလာရသည့် နယ်စပ်စခန်းနှစ်ခုရှိပြီး မူဆယ် နှင့် ချင်းရွှေဟော်ဖြစ်သည်။ အဆို ပါစခန်းနှစ်ခုသည် တရုတ်နှင့် နယ်စပ်ကုန်သွယ်ရေး စုစုပေါင်း ပမာဏ၏ ၈၀ ရာခိုင်နှုန်းကျော်ရှိ ကြောင်း ၀န်ကြီးဌာနစာရင်းများ က ဖော်ပြသည်။

ချင်းရွှေဟော်မှတစ်ဆင့် တစ်ရက်လျှင် ပျမ်းမျှပို့ကုန်တန် ဖိုး ဒေါ်လာ ၁ ဒသမ ၃၄ သန်း၊ သွင်းကုန်တန်ဖိုး ဒေါ်လာနှစ်သိန်း ရှိပြီး မူဆယ်စခန်း၌ တစ်ရက်ပျမ်း မျှ ပို့ကုန်ဒေါ်လာကိုးသန်းနှင့် သွင်းကုန်ဒေါ်လာ ငါးသန်းဖိုးအ ထိ ကုန်သွယ်နေခြင်းဖြစ်သည်။

မြန်မာဘက်မှ ဆန်၊ ပဲ၊ ကြက်သွန်၊ သကြား၊ ပြောင်းဖူး စေ့၊ ရော်ဘာကုန်ကြမ်း၊ ရေထွက် ကုန်၊ ကျွဲ၊ နွား၊ သိုး၊ ဆိတ်အရှင်၊ အေးခဲ အသားများ တင်ပို့နေပြီး တရုတ်နိုင်ငံမှ ဓာတ်မြေသြဇာ၊ ပိုးသတ်ဆေး၊ လျှပ်စစ်ပစ္စည်း၊ အိမ်ဆောက်ပစ္စည်း၊ ယာဉ်၊ ယန္တရား၊ စားသောက်ကုန်တို့တင် သွင်းသည်။

အကျိုးသက်ရောက်မှု

လက်ရှိတွင် မိုးရာသီဖြစ်ပြီး နှစ်နိုင်ငံ ကုန်သွယ်မှုလျော့နည်း လေ့ရှိချိန်ဖြစ်၍ နှစ်ရက်၊ သုံးရက် အတွင်း လမ်းပြန်ဖွင့်နိုင်ပါက စီး ပွားရေးအရ ဆုံးရှုံးရမှုနည်းပါးနိုင် သည်ဟု မူဆယ်ရှိ ဆန်ကုန်စည် ဒိုင် အသင်းဝင်တစ်ဦးကသုံးသပ် သည်။

သို့သော် မိုးတွင်းကာလ၌ လမ်းတွင်ပိတ်မိနေသည့် ကုန်တင်ယာဉ်များပေါ် တစ်ရက်စာ ဆန်အိတ်အရေအတွက်ပင် အိတ်ရေလေးသောင်းကျော် ရှိနိုင်ခြင်းက စိုးရိမ်စရာဖြစ်နေကြောင်း လုံခြုံရေးအရ အမည်မဖော်လိုသည့် ၎င်းက ပြောသည်။မြန်မာနိုင်ငံအဝေးပြေး ကုန် စည်ပို့ဆောင်ရေးလုပ်ငန်းရှင်များ အသင်း (မန္တလေး) အထွေထွေ အတွင်းရေးမှူး ဦးသူရကျော်က လည်း ယမန်နေ့တိုက်ခိုက်ခံရမှု သည် ရာသီဥတုကြောင့် ကုန်တင် ယာဉ်သွားလာမှု ပုံမှန်ထက် နည်း ပါးနေချိန်ဖြစ်သော်လည်း ဆန်နှင့်သကြားတင်ပို့နေသည့် ကုန်တင်ယာဉ်စီးရေ ၂၀၀ ခန့်အပေါ် သက်ရောက်ကြောင်း သုံးသပ်သည်။

အဝေးပြေးကုန်စည်ပို့ဆောင် ရေးလုပ်ငန်းရှင်များအသင်း (မူ ဆယ်) ဥက္ကဋ္ဌဦးဝင်းအောင်ခန့်က မူ ကုန်စည်စီးဆင်းမှုအပြင် ယာဉ်မောင်း၊ ယာဉ်နောက်လိုက်၊ယာဉ်လိုင်းများပါ အခက်တွေ့စေမည်ဟု ပြောသည်။ ‘‘အခုလို ကုန်ပါးတဲ့ရာသီမှာ လမ်းပိတ်နေတော့ လုပ်ရကိုင်ရ ခက်တာပေါ့’’ ဟု ၎င်းက ဆိုသည်။

လက်ရှိမိုးတွင်းကာလ၌တစ် ရက်လျှင် မူဆယ်သို့ဦးတည်လာ သည့် ကုန်တင်ယာဉ်စီးရေ ၂၀၀ ခန့်ရှိပြီး မူဆယ်မှတစ်ဆင့် မန္တ လေး၊ ရန်ကုန်သို့ ကုန်စည်သယ် ဆောင်လာသည့် ကုန်တင်ယာဉ် စီးရေ ၃၀၀ ခန့်ရှိသည်ဟု ပြော သည်။

အဝေးပြေးလိုင်းများလည်း ရပ်

ရန်ကုန်မြို့တော်စည်ပင် သာယာရေးကော်မတီစာရင်းများ အရ ရန်ကုန် - မူဆယ်လမ်းပိုင်း ရှိမြို့များသို့ ပြေးဆွဲနေသည့် အ ဝေးပြေးခရီးသည်တင်ကားဂိတ် ၃၀ ကျော်ရှိသည်။ ယမန်နေ့တွင်အထက်ပါလမ်းပိုင်းသို့ ပြေးဆွဲမည့်ခရီးစဉ်များ ဖျက်သိမ်း၊ ရပ်ဆိုင်းထားကြောင်း ခရီးသည်တင်ယာဉ်လိုင်းအချို့က သတင်းထုတ်ပြန်ထားသည်။

ခရီးစဉ်များ ပြန်လည်ပြေးဆွဲ မည့်အစီအစဉ်ကို တိုက်ပွဲနှင့် လမ်းအခြေအနေပေါ်မူတည်ပြီး ဆောင်ရွက်မည်ဟု အဝေးပြေး ခရီးသည်ယာဉ်လိုင်းတစ်ခုမှ တာ ၀န်ရှိသူတစ်ဦးက ဆိုသည်။ နေ့ စဉ် ရန်ကုန်-မူဆယ်လမ်းပိုင်း ရှိမြို့များသို့ အစုန်၊အဆန်ပြေးဆွဲ နေသည့် ဦးရေ ၄၀ ကျော်နှင့် ၂၈ ဦးခန့်တင်ဆောင်နိုင်သည့် ခရီး သည်တင်ယာဉ်စီးရေ ပျမ်းမျှ၃၀၀ ခန့်ရှိသည်ဟု ယာဉ်လိုင်းတာဝန် ရှိသူအချို့က ခန့်မှန်းသည်။

လမ်းဘယ်တော့ ပြန်ဖွင့်နိုင်မလဲ

ပြည်ထောင်စုလမ်းမပေါ်ရှိ မူဆယ်၊ မန္တလေးလမ်းပိုင်း၌ ပျက် စီးသွားသော ဂုတ်တွင်းတံတားကို ပြန်လည်ပြင်ဆင်ရန် ဆောက် လုပ်ရေးဝန်ကြီးဌာနက ဒုတိယ ညွှန်ကြားရေးမှူးချုပ်တစ်ဦး ဦး ဆောင်ပြီး စီစဉ်နေကြောင်း တံ တားဦးစီးဌာန ညွှန်ကြားရေးမှူး ဦးရွှေလေးကပြောသည်။

ပျက်စီးဆုံးရှုံးမှုတန်ဖိုး အတိ အကျ၊ ဆောင်ရွက်ရမည့်အခြေအ နေနှင့် မည်သည့်အချိန်တွင်ပြီးစီး မည်ကို သြဂုတ် ၁၆ ရက် (ယနေ့)မှ သိရမည်ဖြစ်ကြောင်း ၎င်းက ဆက်ပြောသည်။

ကုန်သွယ်မှုအခြေအနေနှင့် စပ်လျဉ်း၍ လတ်တလော လုံခြုံ ရေးအရဖြစ်သဖြင့် ကုန်စည်စီး ဆင်းမှုရပ်တန့်နေသည်ကို ဖြေ ရှင်းနိုင်မည့်အချိန်ကို မှန်းဆရန် ခက်ကြောင်း စီးပွားရေးနှင့် ကူး သန်းရောင်းဝယ်ရေး ၀န်ကြီးဌာန လက်ထောက်အတွင်းဝန် ဦးခင် မောင်လွင်က မှတ်ချက်ပြုသည်။ ‘‘ဘယ်တော့ ပြန်ပွင့်မယ်ဆိုတာ လုံခြုံရေးပေါ်မှာမူတည်ပါတယ်’’ ဟု ၎င်းက ပြောသည်။

၂၀၁၆ နိုဝင်ဘာအတွင်း မူဆယ်မြို့တွင် တိုက်ပွဲများဖြစ် ပွားစဉ်က မြန်မာ-တရုတ်နှစ်နိုင်ငံ ကုန်သွယ်မှု၌ တစ်လအတွင်း ကန်ဒေါ်လာ သန်း ၂၀၀ ခန့်လျော့ နည်းခဲ့ဖူးကြောင်း ၀န်ကြီးဌာနစာ ရင်းများက ဆိုသည်။

Credit - 7 Day Daily