ကချင်ပြ ည်နယ်က သဲထဲ ငွေသွန်ကြသူများ ....

ပည်သူတဦးအနေနဲ့ ပဲ ပြောပါရစေ ။

၂.၁.၂၀၁၉ နေ့က ဖားကန့်မြို့နယ် ပြည်သူ့လွှတ်တော် ကိုယ်စားလှယ် ဦးတင့်စိုးနဲ့ ဆယ်ဇင်းကျေးရွာ ရှမ်းနီ နှစ်သစ်ကူးပွဲကို လိုက်သွားခဲ့တယ် ။ တာမခံနဲ့ ဆယ်ဇင်းကြားမှာ ပြည်နယ် အစိုးရ ဘတ်ဂျက်နဲ့ လမ်းခင်းနေတဲ့ ကုမ္မဏီနှစ်ခုကိုတွေ့ခဲ့ရတယ် ။ အခုမိုးရွာအခုပျက်မဲ့ ကျောက်ချောလမ်းတွေကို ဖုန်တထောင်းထောင်းနဲ့ ခင်းနေတာ တွေ့ရတယ် ။အစိုးရက တမိုင်ကို သိန်းနှစ်ထောင်ကျော်ပေးထားတာပါ ။ ခင်ရမှာက ကျောက်ချောလမ်းတဲ့ ။ တကယ့်ဘုရားစူးလမ်းပါဗျာ ။ မယုံရင် ကိုယ်တိုင်သွားကြည့်ကြပါ ။ စာချုပ်ပါ စည်းကမ်းချက်တွေကိုတော့ စာရှည်မှာစိုးလို့ ရေးမပြတော့ပါဘူး ။

လမ်းခင်းထာတဲ့ ပုံစံက ကချင်ပြည်နယ်အစိုးရရဲ့လမ်းပန်းဆက်သွယ်ရေးနဲ့ ဆောက်လုပ်ရေး ဝန်ကြီးဌာနကို အတော်ပိုင်ပုံရတယ် ။ ငါတို့ခင်းချင်သလို ခင်းမယ် ဘယ်ကောင် ဘာလုပ်ရဲလဲ ဆိုတဲ့ အချိုးမျိုး ဖြစ်နေတာကို တွေ့ရတယ် ။ တကယ်ကို ဘယ်သူ့မှ ဂရုမစိုက်တဲ့ အထာနဲ့ ခင်းထားသလိုပဲ ဗျာ ။ လမ်းရဲ့ ကွာလတီဘယ်လောက်ကောင်းသလဲဆိုရင်ပုဆိုးတထည် စိုရုံလောက် မိုးရွာတာနဲ့ ပျက်ပြီသာမှတ်ပါ ။ အဲလောက်ထိ ကွာလတီကောင်းတာပါ။ ကျနော်ပြောတာ မဟုတ်ဘူး ။အဲဒီက ဒေသခံတွေ ပြောတာပါ ။

လမ်းတာဝန် ယူထားတဲ့ ကုမ္မဏီတွေကိုတော့ မပြောတော့ပါဘူး ။ကချင်ပြည်နယ် လမ်းပန်းဝန်ကြီးက ဒီလို လမ်း ကန်ထရိုက်တွေနဲ့ ဘယ်လို ပတ်သက်နေလို့ အရေးမယူတာလဲ ။ ဒါမှမဟုတ် တဖက်လှည့်နဲ့ သူ့ဆွေမျိုးသားချင်း ၊ ပါ့တနာတွေ ထောင်ထားတဲ့ သူ့ကုမ္မဏီတွေလား ၊ ကချင်ပြည်နယ် လမ်းပန်းဝန်ကြီးရဲ့ လမ်းတံတားတွေနဲ့ပတ်သက်တဲ့ တင်ဒါကိစ္စက တခုခုတော့ လွဲနေတယ်လို့ မြင်မိပါသည် ။ နောက်ပြီး ဒီလမ်းတံတားနဲ့ ဆောက်လုပ်ရေး ကိစ္စတွေနဲ့ ပတ်သက်ပြီးတော့ ကချင်ပြည်နယ်အစိုးရဟာ အဂတိလိုက်စားမှု တိုက်ဖျက်ရေး ကော်မရှင်ကို တိုင်ကြားခံထားရတယ်လို့ ကြားရပါတယ် ။

ဘယ်လောက်ထိ အကျည်းတန် ရုပ်ဆိုးသလဲဆိုရင် လမ်းကန်ထရိုက်ပေးလိုက်တဲ့ ကုမ္မဏီ နှစ်ခုမှာလည်း မျှတမှု မရှိပဲ လမ်းပန်းဆက်သွယ်ရေး ဝန်ကြီး အလုပ်မလုပ်ဘူးဆိုတာ အထင်းအရှားတွေ့ရတယ် ။ မြေပြင်အခြေအနေကို ဘာမှ သိပုံမပေါ်ပါဘူး ။ ဒါဟာ ကျုပ်တို့တိုင်းပြည်အတွက် လပြည့်ကျော် ခုနှစ်ရက် ဒီထက်ခက်အုံးမဲ့ အရိပ်လက္ခဏာပါ ။ ကုမ္မဏီတခုကို ပြင်ဘို့မလိုအပ်တဲ့ လမ်းပိုင်းကို ချပေးပြီး ၊ နောက်ကုမ္မဏီတခုကိုကျတော့ တံတားဆောက်ရမဲ့ နေရာတွေ ၊ ရေမြောင်းလုပ်ရမဲ့နေရာတွေ ၊ မိုးတွင်းမှာ ဗွက်တန်းရှည် ဖြစ်နေတဲ့ နေရာတွေ ၊ တောင်တက်တောင်ဆင်းများတဲ့ နေရာတွေကို ချပေးထားပေးတယ် ။ချပေးတဲ့ဘတ်ဂျက်ကျတော့ အတူတူဖြစ်နေတယ် ။ လမ်းကောင်းနေရာကို ရတဲ့ ကုမ္မဏီကလည်း အကြံအဖန်တွေ များလွန်းတော့ နဂိုရှိပြီးသား လမ်းတောင် ပျက်မဲ့အနေအထား ။ မကောင်းတဲ့ လမ်းပိုင်းကို ရတဲ့ ကုမ္မဏီကလည်း ရတဲ့ ဘတ်ဂျက်နဲ့ လောက်အောင် လုပ်တော့ ဘာတခုမှ ကွာလတီမမှီ ။ တော်တော်အကျည်းတန် ရုပ်ဆိုးလွန်းတဲ့ မြင်ကွင်းပါ ။

အဲတော့ အားမနာတမ်းပြောရရင် ခင်ဗျားတို့ ကျုပ်တို့ ပြည်သူအပေါ်မှာ လူပါးဝတာ များသွားပြီလို့ ခံစားရတယ် ။ ကချင်ပြည်နယ် တခွင်လုံးမှာ ချပေးခဲ့တဲ့ လမ်းတံတားဆောက်လုပ်ရေးတွေမှာ လူပြောသူပြောလဲ များခဲ့ပြီ ။ ခုချိန်ထိလဲ မဆင်မခြင် လက်လွတ်စပါယ် လုပ်နေတုံးပဲ ။ ဒါကဘာသဘောလဲ ။ ငါတို့အစိုးရဖြစ်ပြီ ငါတို့လုပ်ချင်သလို လုပ်မယ်ဆိုတဲ့ သဘောမျိုးဖြစ်နေပြီ ။ ကျုပ်တို့ ပြည်သူက ပြောင်းလဲချင်လို့ NLD ကို မဲပေးခဲ့တာပါ ။ အရှက်နဲတဲ့မျက်နှာနဲ့ ပြည်သူ့ဘဏ္ဍာကို ခိုးဝှက်နေတဲ့ လူတွေကို မောင်းထုတ်ချင်လို့ NLD ကို မဲပေးခဲ့တာပါ ။ ခင်ဗျားတို့ တာဝန်ရှိသူတွေ စဉ်းစားပါ ။ ကိုယ့်ရဲ့ စီမံခန့်ခွဲမှုက ဘယ်လောက်အထိ သက်ရောက်မှုတွေ ရှိသွားနိုင်သလဲ ၊ ပြည်သူတွေက ဘယ်လိုထင်မြင်ယူဆသွားနိုင်သလဲ ။ မတတ်လို့ စီမံခန့်ခွဲမှုတခါမှာတာ လက်ခံလို့ရပေမဲ့ လုပ်တိုင်းလွဲနေသလို ဖြစ်နေတာကြီးက သွေးရိုးသားရိုးမှ ဟုတ်ရဲ့လားဆိုတာ စဉ်းစားစရာပါ ။ တိုးတက်တဲ့ IT ခေတ်ကြီးမှာ ခင်ဗျားတို့ ကြိုက်သလို လျှို့ဝှက်လို့ရတယ် ။ ဒါပေမဲ့ Google မှာ Enter တချက်ခေါက်တာနဲ့ ခင်ဗျားတို့ ဘာတွေ လုပ်ထားသလဲ ၊ ဘယ်လိုတွေ ပတ်သက်နေသလဲ ဆိုတာတွေကို ရှာဖွေလို့ ရတဲ့ ခေတ်ကြီးဆိုတာ မမေ့စေချင်ပါ ။ကိုယ့်နိုင်ငံရေး သိက္ခာကို ကိုယ်တိုင် ကာကွယ်ထိန်းသိမ်းစေချင်ပါတယ် ။ နိုင်ငံရေး ဆက်လုပ်အုံးမယ်ဆိုရင်ပေါ့ ။

မတတ်ရင် မတတ်ဘူးလို့ ဝန်ခံလိုက်ပါ ။ပြည်သူ့ဘဏ္ဍာဟာ လူကြီးမင်းတို့ မြေစမ်း ခရမ်းပျိုးပြီး လက်သင့်ရာ စားတော်ချရမဲ့ ပစ္စည်းမဟုတ်ပါဘူး ။ ဗန်းမော် လမ်းပိုင်း ကိစ္စ ၊ ပူတာအို လမ်းပိုင်းကိစ္စ ၊အခု ဆယ်ဇင်း လမ်းပိုင်းကိစ္စ လူကြီးမင်းတို့ ဖြေရှင်းပါ ။ တာဝန်မကျေတဲ့ ကုမ္မဏီတွေကို Black List သွင်းယုံလောက်နဲ့ ပြည်သူက ကျေနပ်ရမှာလား ။ ဆုံးရှုံးသွားတဲ့ ပြည်သူ့ဘဏ္ဍာကို သိက္ခာရှိရှိ ဘယ်လို ဖြေရှင်းပေးမှာလဲ ။အရေးမယူဘူးဆိုရင် ဒါဟာ တိုင်းပြည်ဘဏ္ဍာကို တင်ဒါအောင်တဲ့ ကုမ္မဏီနဲ့ ပေါင်းပြီး အကြံအဖန်ထုတယ်လို့ပဲ ယူဆတယ် ။ဒီကိစ္စတွေ မဖြေရှင်းရင် ၁၀ .၁.၂၀၁၉ ရက်နေ့မနောပွဲကို ရောက်လာမဲ့ နိုင်ငံတော်အတိုင်ပင်ခံကို တရားဝင် မေးရပါလိမ့်မယ် ။ ပြည်သူ့ဘဏ္ဍာကို ယခုလို လုပ်တာဟာ အင်မတန် သိက္ခာမဲ့တဲ့ လုပ်ရပ်လို့ပဲ မြင်ပါတယ် ။ ကချင်ပြည်နယ် အစိုးရရဲ့ ပုံရိပ်ဟာ မျက်နှာပြစရာမရှိအောင်ကို ဖြစ်နေပါပြီ ။ ၂၀၂၀ မှာ မဲထည့်ချင်စိတ်တောင် မရှိလောက်အောင်ပါပဲ ။

စိုင်ကော်လို့ ချုံပေါ်ရောက်တာကို အဟုတ်ကြီးထင်ပြီး ဘဝင်မမြင့်ကြပါနဲ့ ။ မတတ်လို့ မလုပ်ပဲနေရင် မတိုးတက်ပေမဲ့ မဆုံးရှုံးပါဘူး ။ သိသလိုလို တတ်သလိုလို လုပ်တာဟာ ပိုပြီးသိက္ခာကျယုံမျှမက အစိုးရရဲ့ ပုံရိပ်ကိုပါ ထိခိုက်ပါတယ် ။ ပြည်သူ့လွှတ်တော်အမတ်ဦးတင့်စိုးဆိုရင် ခင်းထားတဲ့ လမ်းကို ကြည့်ပြီး စိတ်ဆိုးနေတာများ သနားဘို့ပင်ကောင်းပါတယ် ။ “ ဒါအကြံအဖန် လုပ်ထားတာပဲ ၊ ဒီပုံစံ လုံးဝ လက်မခံနိုင်ဘူး" တဲ့ ။ လမ်းပမ်းဝန်ကြီးက လေးလေးတို့ NLD ကပဲ မဟုတ်လား ။ နဲနဲပါးပါးလဲ ထိန်း ကြပါ့အုံးမျာလို့ပဲ ပြောလိုက်ပါတယ် ။ ဒီအချိုးအတိုင်း ဆက်သွားလို့ကတော့ ၂၀၂၀ မှာ NLD ဆိုရင် No ပါဆိုတဲ့ မဲဆန္ဒရှင်တွေ အများကြီး ထွက်လာမှာ အသေအချာပါပဲ ။ပြည်သူတွေ ယုံကြည်စေချင်ရင် တာဝန်မကျေတဲ့သက်ဆိုင်ရာ ဌာနက ဝန်ကြီးတွေကို လူစားလဲပါ ။ ဒါမှမဟုတ်ဆုံးရှုံးသွားတဲ့ ပြည်သူ့ဘဏ္ဍာအတွက် တာဝန်ယူပေးပါ ။NLD ပါတီကို သမိုင်းသေအောင် လုပ်မှာက ပြည်သူမဟုတ်ဘူး ၊ မီဒီယာမဟုတ်ဘူး လက်ရှိတာဝန်ထမ်းဆောင်နေတဲ့ တာဝန်ရှိသူတွေရဲ့လုပ်ရပ်ကြောင့် ဆိုတာ မမေ့ကြပါနဲ့ ။ ငါ့အစိုးရ လက်ထက်မှာ ငါပါတီက လူတွေကို အရေးယူရင် ပါတီပုံရိပ်ကျလိမ့်မယ် ၊ ၂၀၂၀ မှာ မဲမရပဲ နေလိမ့်မယ်ဆိုပြီ ဦးနှောက်လေဖြတ်နေတဲ့ အတွေးအခေါ်နဲ့ ဒီပုံစံအတိုင်းသွားနေရင်တော့ ၂၀၂၀ အတွက် ၂၀၁၅ အစိုးရ သက်တမ်းကာလ ကချင်ပြည်နယ်မှာ လုပ်ခဲ့တဲ့ လွဲချော်မှုတွေ ၊ ဆုံးရှုံးခဲ့တဲ့ ပြည်သူ့ဘဏ္ဍာတွေအကြောင်း ၊ အဖတ်မတင်တဲ့ လုပ်ငန်းတွေအကြောင်း ပြည်သူသိအောင် ပြောပြရတော့မှာ ဖြစ်ပါတယ် ။ကြားဖြတ်ရွေးကောက်ပွဲက သင်ခန်းစာဆိုတာ မမေ့ပါနဲ့ ။

အောက်ခြေက နယ်မြေခံလွှတ်တော်မတ်တွေခမျာ(ဦးတင့်စိုး ၊ ဦးဒါရှီလဆိုင်း ) ပြည်သူတွေရဲ့ အဆဲခံ ၊ အအော်ခံ အတင်းပြောခံပြီး လုပ်နေပေမဲ့ အဲယားကွန်းထဲက ဝန်ကြီးများက အမြီးအမှောက်မတည့်တဲ့ စီမံခန့်ခွဲမှုတွေလုပ်နေပြီး ယခုလို သဲထဲကို ပြည်သူ့ဘဏ္ဍာတွေ သွန်နေအုံးမယ်ဆိုရင်တော့ “ အစိုးရဆိုတာ အစပဲရိုးတာ " ဆိုတဲ့ ဆရာကြီး ဦးအောင်သင်းစကားနဲ့ပဲ ကောက်ချက် ချလိုက်ပါရစေဗျာ ။

ဆက်ရေးပါ့အုံးမယ် ...

သမ္မတနဲ့ နိုင်ငံတော်အတိုင်ပင်ခံ ပုဂ္ဂိုလ်ဆီကိုလည်း ဒီအကြောင်းတွေကို အိတ်ဖွင့်ပေးစာ ရေးပါ့အုံးမယ် ။

ဇော်မိုးထက်( ဖားကန့် )

ဓါတ်ပုံ-ပြည်သူ့လွှတ်တော်အမတ်ကြီး ဦးတင့်စိုးနဲ့အတူ ကိုယ်တိုင်ရိုက်ထားပါသည် ။