သမုိုင်းထဲမှာအဖြေရှာကြည့်ခြင်း (၂)

သမုိုင်းထဲမှာအဖြေရှာကြည့်ခြင်း (၂)
၁၉၆၇
အလန့်တကြားပြောလုိုက်သော အမေ့အသံသည် အဖေ့ကုို ဆတ်ကနဲ တုန်သွားစေ၏
”ဆန်တစ်တင်း ၃၀၀ ဖြစ်သွားပြီ "
"ပြည်သူ့ဆိုင်မှာ ဝယ်လို့လဲ မရတော့ဘူး" ဘယ်လိုလုပ်ကြမလဲ
ကျွန်တော် ၇ နှစ်သားဖြစ်သော်လည်း အဖေ့လက်ထောက် သားကြီးဩရသ ဖြစ်သဖြင့် တစ်နေ့ စာတစ်နေ့ ၀ယ်နေရသော ဆန်ပုံးထဲမှ အခြေအနေကုို ရိပ်မိ၏။ သားသမီး ငါးယောက်ကုို ရှာဖွေ ကြွေးမွေးနေရသော အဖေ့အတွက် အနုမြူဗုံး ပေါက် သည်သုို့ ရှိလိမ့်မည်။ ထုို့နောက်တော့....
ဆန်ပြုတ်သောက်ရ၏ ..ဆန်ပြုတ်ကုို ထုိုထဲက အတော်မုန်းမိ၏။ နောက် ဆန်လုံးဝမရှိတော့သဖြင့် အာလူးပြုတ်များသာစားရသည့်နေ့လဲ ရှိ၏။ ဟင်းရွက်ဟင်းသီးတွေပဲ ပြုတ်စားခဲ့ရသည့်နေ့လဲရှိခဲ့၏။ ဒိနေ့ အထူးစပယ်ရှယ်ဟုဆုိုက ရှားရှားပါးပါးရလာသည့် ဂျုံကို နှဲပြီး အိမ်က စင်းနီတုံးတွင် သူစာရေးသည့် စားပွဲပေါ်ကမျဉ်းလုံးဖြင့် လှိမ့်ကာ ချွေးတလုံးလုံးဖြင့် ချာပါတီလုပ်ကျွေးသည့် အဖေ့ကုို မှတ်မိ၏။ ညီငယ်များ အစားအသောက် အသစ်စားရ၍ ပျော်ရွှင်နေကြနေသည်ကုိုလည်း မှတ်မိ၏။
ဇွန်လ ၂၆ ရက်တရုတ်အရေးအခင်းနှင့်အတူ ကျောင်းများပိတ်လုိုက်၏ ညဖက် အိမ်က နေရှင်နယ် ဟုိုင်ဖုိုင်ရေဒီယုို အစုတ်ကြီးနှင့် ပီကင်း အသံမှ နေ၀င်စန်းယု စစ်အစုိုးရဟု မပီကလာ ပီကလာနှင့် လေပုတ်ထုတ်နေသော တရုတ်မအသံကုို ကောင်းကောင်း မှတ်မိသည်။ အဖေကလည်း ရေဒီယုိုအနားတွင် တရုတ်မနှင့် အပြိုင် မော်စီတုန်းကုို ဆဲ၏ ထုိုနှစ်ဝန်းကျင်တွင်မွေးသော အဖေ့ အိမ်နားက အဖေ့ သူငယ်ချင်းများ၏ သားသမီးများသည် မော်စီ၊ လင်ပြောင်၊ လူရှောက်ချီ ဟုသော ငယ်နာမည်များကုို ရကြလေ၏။
ရမ်းကားသူများ၏ ဘေးရန်မှ ထွက်ပြေးလာသော ကမ္ဘာအေး ရေစက်လမ်းထိပ်က တရုတ်များကုို ရေစက်ဝင်းအတွင်း ကုလားများနေထုိုင်ရာ လုိုင်းများတွင် ကူညီပြီး ၀ှက်ထားပေး သည်ကုိုလည်းမှတ်မိသည်။ သူတုို့ထဲတွင် လင်အာနန်း၊ လင်ပိပိ၊ တင်ကီး၊ ဟုတ်စိန် အစရှိသော အမည်များဖြင့် ကျောင်းတက်နေကြသော အတန်းထဲမှ သူငယ်ချင်း အက်ဖ်အာစီ တရုတ်များလည်းပါ၏။
ယဉ်ကျေးမှုတော်လှန်ရေးသည် တရုတ်ပြည်တွင် ပြင်းထန်နေ၏
သတင်းစာတွင် စစ်သားများက မြို့တွင်းတွင်ကင်းလှည့်နေကြ၏ ကြည့်မြင်တုိုင် ဟွာကျုံး ၊ ဗဟန်းနန်ယန် တရုတ်ကျောင်းများ တွင် ကျောင်းသားများက မော်စီတုန်းအတွေးအခေါ် စာအုပ်နီကုို ကုိုင်၏ မော်စီတုန်းရင်ထုိုးကုို ကျောင်းတွင်ထုိုးကြ၏။ ဆရာ ဆရာမများက တားဆီးသောအခါ ရန်ရှာတော့၏ ကြည့်မြင်တုိုင် ဟွာကျုံးကျောင်း တွင်အဆုိုးဆုံးဖြစ်၏ အချို့ကျောင်းသား နှင့် ဆရာမများကုို ကျောင်းတွင် တော်လှန်သော တပ်နီ ကျောင်းသားများက ပိတ်လှောင်ထားကြသည်။ သတင်းစာတွင် ဟွာကျုံး ကျောင်း အပေါ်ထပ် ပြူတွင်းပေါက်မှ ခုန်ချနေသော ကျောင်းသား၏ ဓာတ်ပုံကုို ဖေါ်ပြကြသည်။ တစ်ယောက်က တရုတ်နီသံရုံး အုတ်တံတုိုင်းကုို နောက်ကျောမှ ကျော်တက်ကာ သံရုံးဝန်ထမ်းများကို ဓါးဖြင့် လုိုက်ထုိုးသည် သံရုံဝန်ထမ်းအချို့ ဒဏ်ရာ ရကြသည်။ ရန်ကုန်ပြည်သူ့ ဆေးရုံကြီးတွင် သတင်းစာများကုို တရုတ်သံရုံးပြောရေးဆုိုခွင့်ရှိသူ ကျောက်နီ က မော်စီတုန်းစာအုပ်နီ တကုိုင်ကိုင်နှင့် အတော်ပြင်းပြင်းထန်ထန် ပြော၏ သတင်းစာများက စာအုပ်နီကုို မြှောက်ကိုင်ထားသည့် ကျောက်နီ၏ ပုံကို ပုံကြီးဖြင့်ဖေါ်ပြကာ ပီကင်း ရေဒီယုိုမှ ပြောနေကြလေသံဖြင့် "ကျောက်နီက ထောက်ပြလုိုက်သည်”
ဟု စာလုံးမဲကြီးဖြင့် သရော်တော်တော် ဖေါ်ပြ၏။ ဆန်ပြတ်နေသောလူထု ၏ မျိုးချစ်စိတ်များ ဆူဝေလာ၏ ဆန်ပုံးထဲတွင် ဆန်မရှိ ၀မ်းဗုိုက်ထဲတွင် ဆန်ပြုတ်သာသောက်ထားရ၍ ဆာလောင်နေသည်ကုို မေ့ကုန်၏ ပီကင်းရေဒီယုို ၏ နေ၀င်းစန်းယု စစ်အစုိုးရကုို အပြုတ်တုိုက်ရမည်ဟုသော ကြွေးကြော်သံကုို မင်းတုို့ ကုို ဆန်ပြုတ်ပြန်တုိုက်မည်ဟု အဖေ တုို့ လူစု ပြန်အော်ကြသည်ကုို ဒီနေ့အထိ ကြားယောင်မိနေဆဲ...။ အသံစွာစွာနှင့် မထိလေးစားပြောနေသော ပီကင်းရေဒီယုိုထဲက တရုတ်မကုို ၇ နှစ်သား ကျွန်တော် အတော်မုန်းမိသည်..။
၁၉၆၈
ကျွန်တော် ၈ နှစ်သား သုို့သော် ရဲဘော်မြကြီးဆုိုသူ ပစ်သတ်သဖြင့် ကွန်မြူနစ် ခေါင်းဆောင်ကြီး သခင်သန်းထွန်းသေသွားသည်ကုို လူကြီးများ အရေးကြီးသတင်းအဖြစ် ပြောနေသည်ကုို မှတ်မိသည်။ ပါတီညီလာခံတွင် ဗုိုလ်ချုပ်ကြီးနေ၀င်းက ၀မ်းနည်းရသလုိုလုိုပြောတာ ရန်သူသေတာ ကုို ၀မ်းမသာပဲ ဝေ့လည်လည်ကြီး ဘယ်လုိုကြီးပြောသလဲမသိ ဟု တွေးမိတာမှတ်မိသည်။ ဗုိုလ်ချုပ်ကြီးနေ၀င်း၏ မင်းတုို့ကတော့ဝမ်းသာကြမှာပဲ ငါကတော့ တုိုင်းပြည်အတွက် အတူလုပ်ခဲ့တဲ့ လုပ်ဖေါ်ကုိုင်ဖက် တစ်ဦး ကျဆုံးလုို့ စိတ်မကောင်းဖြစ်မိတယ်ဟု သော အပြောကုိုမှတ်မိသည်။ သတင်းစာများတွင် ရဲဘော်မြကြီးက မည်သုို့ မည်ပုံ ပစ် ခတ်လုပ်ကြံခဲ့သည်ကုို ဓာတ်ပုံဖြင့် ဖေါ်ပြကြသည်ကုို မှတ်မိနေ၏။
၁၉၇၀-၇၁
ကျူကုတ် တုိုက်ပွဲနှင့်အတူ အရှေ့ မြောက် ဗကပ စတင်မွေးဖွားလာ၏ ထုိုသုို့ မမွေးဖွားမီ ခြောက်နှစ် အလုို ၁၉၆၄ တွင်တရုတ်ကွန်မြူနစ်ပါတီ၏ ယဉ်ကျေးမှုတော်လှန်ရေး သည် တရုတ်ပြည် အလုံးကုိုသာမက အိမ်နီးချင်း နုိုင်ငံများကုို ပါရုိုက်ခတ်၏ ထုိုအချိန်တွင် ယခု ပျားပန်းခပ်မျှ စည်ကားလျက်ရှိသော ၁၁၅ မုိုင် ယာဉ်ရပ်နားစခန်းနှင့် သိပ်မဝေးလှသော တောတွင်းတစ်နေရာတွင် ပြည်ပမှ တုိုက်ရုိုက်တင်သွင်းလာသော ယဉ်ကျေးမှု တော်လှန်ရေး၏ ဆူနာမီလှိုင်းမိကာ အလယ်ရုိုးမ ကွန်မြူနစ်များသည် ပါတီတွင်းအာဏာနီ တည်ဆောက်ပွဲကုို ပီကင်းပြန်များ၏ ဦးဆောင်မှုဖြင့် ဆင်နွဲကြကုန်၏။
တော်လှန်တဲ့ ဥက္ကဌကြီး သခင်သန်းထွန်း သက်တော်ရာကျော်ရှည်ပါစေ
ကမ္ဘာ့ခေါင်းဆောင်ကြီး မဟာမော်စီတုန်း သက်တော်ရာကျော်ရှည်ပါစေ ဟုသော ကြွေး ကြာ်သံများသည် ပဲခူးရုိုးမတွင် ညံနေ၏။
မူဟောင်း မာ့ခ် လီနင် ကုို ဘုရားလုိုကုိုးကွယ်ရင်း အိန္ဒိယမှ တင်သွင်းလာခဲ့သော အမေရိကန် ကွန်မြူနစ် ဘရောက်ဒါးမှ စခဲ့သော မြန်မာကွန်မြူနစ် တုို့သည် စတာလင် ၀ါဒနှင့် ဇဒါးနော့ဗ် ၏ ပြည်တွင်းစစ်ဆင်နွဲ အာဏာရယူရေးလမ်းစဉ်အတုိုင်း တုိုင်းပြည်အလုံးကုို သွေးချောင်းစီးစေခဲ့၏။ ထုို့နောက် ၅၅ ခုနှစ် ခရူးရှက်၏ စစ်မတိုက်ပဲ အောင်ပွဲရမည့် လမ်းစဉ် ကုို တင်သွင်းလာရာတွင့် ငြိမ်းချမ်းရေးလား အပြုတ်တုိုက်ရေးလား အူလည်လည်ဖြစ်နေစဉ် ပီကင်းပြန်များနှင့်အတူလီနင်နှင့် စတာလင်သာရှိခဲ့သော ကွန်မြူနစ်ဘုရားစင်ပေါ် မော်စီတုန်း တရုတ် ကြီးက ရောက်လာတော့၏။ ထုိုအခြေအနေကုို လက်မခံနုိုင်ဖြစ်နေသော သူတုို့ စကားဖြင့်ဆုိုရလျင် “တွေဝေနေသော” ကွန်မြူနစ်ကြီးများ မှာ သွေဖီရေးသမားများ ပြန်လည်ပြင်ဆင်ရေးသမားများ ခရူးရှက်၏အချောင်သမားလမ်းစဉ်သမားများ ဟုသော စွပ်စွဲချက်ဖြင့် ပီကင်းပြန်များ၏ အာဏာနီ တည်ဆောက်ရေး ဖြုတ်ထုတ်သတ်လမ်းစဉ်တွင် သူတို့၏ လည်ချောင်းသွေးများဖြင့် ခြေဆေးခံရကာ စတေးခံကြရတော့၏။
မဟာမော်စီတုန်းသာ အသက်ရာမကျော်သော်လည်း ၈၀ ကျော်တော့နေလုိုက်ရသေးသည်။ သခင်သန်းထွန်းကား ၆၀ မပြည့်မီ ၅၇ နှစ်အရွယ်ထိသာ ခံ၏။
၇ တန်းကျောင်းသား ကျွန်တော်ကားနန်ယန်မဟုတ်သော ဟွာကျုံးမဟုတ်သော ရေကူးကျောင်းဟု အမည်ရသည့် ကမ္ဘာအေး တစ်ဝုိုက်မှ ဆင်းရဲသား သားသမီးများသာ တက်ကြသော အထက(၄) မရမ်းကုန်း၏ ယုိုင်နဲ့နေသော စာသင်စောင် တစ်ခုတွင် မနက် ပုိုင်းစက်ဘီး တစ်စီးဖြင့် မုန့်များလုိုက်ပုို့ကာ ချွေးစော်တစ်နံနံ ဖြင့် အတန်းထဲသုို့ ၀င်လာတတ်သော အက်ဖ်အာစီ တရုတ်များနှင့် စာမေးပွဲတွင် အပြိုင်ကြဲနုိုင်ရန် စာကုန်းကျက်နေရလေသည်။
၁၉၇၃
၇ တန်းအောင် ကျောင်းပိတ်ရက်နွေရာသီ အဖေက ကွန်မြူနစ်လားမေးမိသော ကျွန်တော့်ကို သခင်သန်းထွန်း၏ နောက်ဆုံးနေ့များ ပဒု စာအုပ်များကို ငါ့သားနားလည်သလောက် ဖတ်ကြည့် ဆိုသဖြင့် စဖတ်ရသည်...
ရဲဘော်ဌေးကို သူ့သား ဖိုးထူးက လယ်မျိုဝါးရင်တုတ်နှင့် ဝင်ရိုက်သော အဖြစ်ကို မှတ်တမ်းတင်ထားသော စာပိုဒ်များက နုငယ်သော နှလုံးသားကို သဲကြမ်းကော်ပတ်နှင့်တိုက်စားသလို ပွန်းပဲ့စေယုံမကတုန်လှုပ်ခြောက်ခြားစေသည်။
၅၅ တွေ ၆၄ တွေ ဖောက်ပြန်ရေးသမား စကားလုံးတွေ မိုးမွှန်နေသော စာပိုဒ်များတွင်
မော် ဝါဒီ ပီကင်းပြန်တို့နှင့် မူလလက်ဟောင်း ဗမာကွန်မြူနစ်တို့ ပါတီတွင်းအာဏာလုပွဲ ကိုနားမလည်နိုင်ခဲ့သော်လည်း ရဲဘော်ချင်း သွေးသားချင်း ရက်ရက်စက်စက် သတ်ဖြတ်ကုန်ကြတာကိုတော့ ပုိုပြီးနားမလည်နုိုင်အောင်ဖြစ်ရသည်။ သခင်သန်းထွန်းအနီးတွင် ရဲဘော်အောင်ကြီး လုို ပီကင်းပြန်များ ပူးကပ်လုိုက်၏။
ဘ၀ဟစ်တုိုင်လှုပ်ရှားမှုဟုဆုိုကာ ကွန်မြူနစ်ပါတီအတွင်းမှ အမျိုးသမီးငယ်အတော်များများ မုဒိန်းကျင့်ခံရပါတယ်ဖြစ်ကုန်၏
လူငယ်တုို့ ဘာဝ တောတွင်းတွင် ရှိသမျှ ဆင်မြီးလက်စွပ်ကလေးအစ စားစရာကလေးအစ ပေးချင်းခံရသော မိန်းကလေးသည် နင်ငါ့ကုို မုဒိန်းကျင့်ချင်လုို့ မဟုတ်လားဟဲ့ ဟု စွပ်စွဲတော့၏။
သူ့သဘောနှင့် သူပျော်ပါးကြချင်းကုိုလည်း နင်ငါ့ကုို ဘယ်နှစ်ကြိမ်တောင် မုဒိန်းကျင့်ခဲ့တယ်မဟုတ်လားဟဲ့ ဟု ဘ၀ဟစ်တုိုင် လှုပ်ရှားမှုတွင် ထမီမနုိုင်ပုဝါမနုိုင် စွဲချက်တင်ကြတော့၏။
ကွန်မြူနစ်ပါတီတည်ထောင်ကတည်းက ပါလာသူ ကုလားကြီး ဂုိုရှယ်ခေါ်ရဲဘော် ဘတင်က မိန်းကလေးများ အရှက်မဲ့ အထိန်း အကွပ်မဲ့ရူးသွပ်ကုန်သည်ကုို သတိထား မိသဖြင့် ကလေးတွေ ဟစ်စတီးရီယား ဖြစ်ကုန်သလားမသိဘူး ဟုပြောမိသည်ကုို သခင်သန်းထွန်းက ဟစ်တတီးရီယားဆုိုသည်မှာ တဏှာရူးသည်ဟုပြောခြင်းဟု ဘာသာပြန်ပေးလုိုက်၏...မိန်းကလေးများ ကုိုယ်တုိုင် ၀င်ရောက်သတ်ဖြတ်ကြတော့သည်။
၁၉ ၆၇ မေလ ၁ ရက်နေ့တွင် စိန်ပိန် ဂုိုဏ်း ကုို ချေမှုန်းကြ၏ ရဲဘော်ဌေး(ပိန်) ရဲဘော်ဘတင် (ဂုိုရှယ်) (စိန်) တုို့နှစ်ဦးအပြင် ဖြုတ်ထုတ်ပြီး မသတ်ခင် ထွက်ပြေးလွတ်မြောက်လာသော သခင်သန်းထွန်း၏နောက်ဆုံးနေ့များကုို ရေးသားသူ ရဲဘော် ဘခက် လဲဂုိုဏ်းထဲတွင်ပါ၏ နောင်သော် ဖြုတ်ထုတ်သတ် ပွဲတွင် တက်တက်ကြွကြွပါဝင်သူတုို့ကုို ထပ်ပြီး ဖြုတ်ထုတ်သတ်ပြန်သည် ရန်ကုန်တက္ကသိုလ်မှ တောခုိုသွားခဲ့သော လူထုဦးလှ နှင့် ဒေါ်အမာ သား စုိုးဝင်း(ခ)ထွန်းကျော်၊ တင်ဟန်(ခ)အောင်သိန်းနုိုင် တုို့သည်လည်း လည်မျိုကုို ငဆော်ကြီးဖြင့် အကြွေးခံ၊ လည်ချောင်းသွေးကုို ခြေဆေးကြကုန်ကာ ရက်ရက်စက်စက် အသတ်ခံကြရ၏။ သူတို့မှာ စိန်ပိန်ဂုိုဏ်းချေမှုန်းရေးတုန်းက ရဲဘော်ဌေး၊ ရဲဘော်ဘတင်၊ ရဲဘော်ဘခက်တုို့ကုို သေဒဏ်အမြန်ပေးရန်ကုိုယ်တုိုင် လည်လှီးပြီးသတ်ခွင့် တောင်းဆုိုကြသူများဖြစ်ခဲ့၏။ ရဲဘော်ဌေး၏သား ဖုိုးထူးက တော်လှန်သော အဇာတသတ်ဘွဲ့ ကုိုခံယူကာ အဖေကုို ကုိုယ်တုိုင်လည်လှီးသတ်ခွင့်ပြုရန်တောင်းဆုို၏။
အဇာတသတ် ဇတ်လမ်းမှာ ထုိုမျှနှင့်မရပ်သေး..ဗုိုလ်ချုပ်အောင်ဆန်းနှင့် အတူ လွတ်လပ်ရေးအတွက် တရုတ်ပြည် သုို့အတူသွားခဲ့သည့် သခင်လှမြိုင်ခေါ် ရဲဘော်သုံးကျိပ်ဝင် ဗုိုလ်ရန်အောင်အား ဖြုတ်ထုတ်သတ်ပြန်၏ ထုိုသုို့ ဖြုတ်ထုတ်သတ်ချိန်တွင် ဗုိုလ်ရန်အောင်ခမျာ ငှက်ဖျား နမုိုးနီးယားဖြင့် သေလုမျောပါး ဂယောင်ဂတန်း ပြောနေချိန်ဖြစ်၏ ။ သူတုို့ စွဲချက်တင်မပြီးခင် သေသွားမည်ကုို စုိုးရိမ်ကြသေး၏ သူတို့မသတ်ပဲ သူ့ရောဂါနှင့် သူသေသွားမည်ကုို အစုိုးရိမ်ကြီးစုိုးရိမ်ကြသေး၏ ဗုိုလ်ရန်အောင်ကုို သတ်ရန်အတွက် နောက်ဆုံးစွဲချက်တင်သူမှာ သူ၏အချစ်ဆုံးသားကြီး ဇေလတ်ခေါ် ရဲဘော်စောမင်းဖြစ်၏ ဇေလတ်သည် ပီကင်းပြန် တုို့၏ အထူးလေ့ကျင့် ပညာပေးမှုကြောင့် သူ့ ဖခင် အရင်းခေါက်ခေါက်ကြီးဖြစ်သည့် ဗုိုလ်ရန်အောင် ကုို ရန်သူအဖြစ်ကြေငြာခဲ့သူဖြစ်၏။ လက်နက်ချသွားသည့် သူ့အမေကုိုရည်ညွှန်းပြီး ခင်ဗျားက နေ၀င်းဆီလက်နက်ချပြီး ခင်ဗျားမိန်းမ လက်နက်ချ နဲ့ ပျော်ဖုို့ လုပ်နေ သည်ဟု စွပ်စွဲ၏ ပြန်ပြင်ရေးသမားထိပ်သီး ခင်ဗျားကုို ကျုပ်ကုိုယ်တုိုင် လာနုိုင်ရင်တောင် လာသတ်ချင်တယ်ဟု စွဲချက်တွင် ရေး၏။ နောက်ဆုံးတွင် အသက်ငင်ပြီး ချေးမနုိုင်သေးမနုိုင် ဖြစ်နေသော သူကုို စွဲချက် မပြီးခင် အသက်ထွက်မသွားစေရန် ဆေးကုပေးလုိုက်ကြသေး၏..။
ဗားကရာချောက်ကုို ဆုိုရှယ်လစ်အရုိုးများဖြင့် ဖုို့ပစ်မည်ဟု ကြွေးကြော်ခဲ့သော သခင်သန်းထွန်းသည် တုိုက်တုိုင်းအောင် တပ်များဖွဲ့ပြီးနောက် ပဲခူးရုိုးမကုို နေ၀င်းနောက်လုိုက်များ၏ အရုိုးဖြင့် ဖုို့မည်ဟု ကြွေးကြော်ပြန်၏ နောက်ဆုံးတော့ သူကုိုယ်တုိုင်၏ အရုိုးနှင့် သူ့နောက်လုိုက်များ၏ အရုိုးများ သူတုို့ ဖြုတ်ထုတ်သတ်လုိုက်သော ဗကပများ၏ အရုိုးများသာ မြုပ်နှံရတော့၏။
အဖေက ကွန်မြူနစ်လားဟုမေးမိသော ၁၃ နှစ်သားသည် စာအုပ်ထူကြီး နှစ်အုပ် စာမျက်နှာ ၁၄၀၀ ကျော်ခန့် ဖတ်ပြီးနောက် တစ်သက်ခံ ကွန်မြူနစ်ကာကွယ်ဆေး တစ်ခါထဲ အပြီး ထုိုးပေးခြင်းခံ လုိုက်ရ လေ၏။ တစ်ပတ်ခန့် ဖြစ်စဉ်တွေ ခေါင်းထဲကမထွက် အူကြောင်ကြောင်ဖြစ်နေသည်...ဒီနေ့အထိလည်းမမေ့သေး..တွေးမိလျင်တုန်လှုပ်မိနေဆဲဖြစ်၏။
“သူတို့ ရူးကုန်ကြသလားအဖေ” ဟု မေးမိသည်။
”အဆိုးဆုံးအရူးရောဂါ ကူးစက်တတ်ပြီး ကုမရတဲ့ အရူးရောဂါကွ”
“ ယဉ်ယဉ်လေးနဲ့ စပြီး ထိန်းမနုိုင်သိမ်းမရ ဖြစ်တတ်တဲ့ ရောဂါကွ အာဏာရူး အာဏာရူး ဒါတောင် အာဏာအစစ်မဟုတ် သေးဘူး” ဟင်းဟင်းဟု သရော်သံနှင့် ရီရင်း ဖြေသောအဖေ့ ဖြေသံကုို ကောင်းကောင်းမှတ်မိသည်။ ကျွန်တော်နားမလည်။
၁၉ ၈၈ ခုနှစ်တွင် ဒေါက်တာမောင်မောင် က Lord Acton ၏နာမည်ကြီးအဆုိုအမိန့်တစ်ခုကုို ကုိုးကားပြီး ပြောသွား၏
“Power tends to corrupt and absolute power corrupts absolutely.”
”အာဏာဟာ လူကုိုဖျက်တတ်တယ်..အကြွင်းမဲ့ အာဏာဟာ အကြွင်းမဲ့ ဖျက်တတ်တယ်”
“ အာဏာရပြန်တော့ ယစ်မူးလာတတ်တယ်..အာဏာမဲ့ပြန်တော့ အာဏာကုိုပဲ ဆာလောင်မွတ်သိပ်နေတတ်တယ်”
“ ဒီရောဂါကင်းတဲ့လူအင်မတန်ရှားပါးမှာပါ”
ပညာရှိတစ်ဦးဖြစ်သည့် ဒေါက်တာမောင်မောင် ၏ စကားသည် ယနေ့တုိုင် ပဲ့တင်ထပ်ဆဲဖြစ်သော်လည်း....
လူတွေက ထုိုအရူးရောဂါကုို ဟီရုိုးအင်းလုို စွဲကာ ရူးသွပ်နေကြဆဲဖြစ်၏ ထပ်ကာထပ်ကာ ရူးကြခြင်းကုို ခုချိန်ထိ နားမလည်နုိုင် လူ့စိတ်ဆုိုတာ အတော်ထူးဆန်း သလုို သွား ထိကုိုင်မိသည်နှင့် စွဲတတ်သော အာဏာအပေါ် စွဲလမ်းမှုကုို သိသလုိုလုို ဆ၀ါးမိလာသည်။
၁၉၇၆
ဆယ်တန်းအပြီးနွေရာသီ ဇင်၊ချစ် နောက်ဆုံးနှစ် စာအုပ် ထွက်လာသည်။ မြရာပင်စာပေတုိုက် က အဖေ့ကုို လက်ဆောင်ပေး၏။ သည်ယနေ့ ဆာကူရာတာဝါ အနီး အင်းဝဟောက်စ် အဆောက်အဦ အောက်ထပ်မြေညီထပ်တွင် တခန်းတနား ဖွင့်ထား၏ စာပေတုိုက်ထူထောင်သူ ထဲမှ တစ်ဦးဖြစ်သည့် ဦးချော သည် အဖေနှင့် ခင်၏ ထုို့ကြော်င့ ခပ်နီနီ အနီရင့်ရင့် အနီရောင်ပျယ် ပန်းရောင်စာအုပ်များသည် အဖေ့ စာအုပ်စင်တွင်တစ်အုပ်ပြီးတစ်အုပ် ရောက်လာ၏။
သတင်းစာတွင် သခင်ဇင် သခင်ချစ်တုို့ ဗကပ ဗဟုိုနှင့် တပ်မ ၇၇ တပ်များ တွေ့ဆုံတုိုက်ပွဲဖြစ်ပုံ ပဲခူးရုိုးမ ဗကပ ဗဟုိုကုို ခမရ(၁၀၇)က ထက်ချပ်လုိုက်ချေမှုန်းပုံကုို ထုိုစဉ်က ထောက်လှမ်းရေး ညွှန်ကြားရေးမှူး အရပ်ရှည်ရှည် မျက်မှန်နှင့် ဗုိုလ်မှူးကြီးတင်ဦးက တင်ပြနေပုံ ဇင်၊ ချစ် တုို့၏အလောင်းများကုို ၀ါးကပ်ပေါ်တွင် မုိုးကာနှင့် အုပ်ထားသည့် ဓာတ်ပုံတွင် သူတုို့၏ အုိုမင်းသော ခြေထောက်များက အပြင်ထွက်နေသည်ကုို သတင်းစာ ဓာတ်ပုံကုို မြင်ရ၏။ ဖြူး မြို့နယ်အတွင်း ယခု အမြန်လမ်း ၁၁၅ မုိုင် စခန်းမှ ခရီးမကွာလှသော ဖွတ်ကြားချောင်းအနီး ဖုန်းဆုိုးတောအတွင်းတွင် သက်ကြားအုို ကွန်မြူနစ် ခေါင်းဆောင်များ တပ်နီလူငယ်ဟုခေါ်သည့် ၇ နှစ် ၈ နှစ်သား လူမမယ်လေးများကုို အားကုိုးပြုပြီး ပြတ်တစ်လှည့် ငတ်တစ်လှည့် ပြေးရင်း ကန်စွန်းဥများကုို အစိမ်းစားနေရသည့် ဘ၀တွင် သခင်ချစ်က သူ့ကိုယ်ရံတော် ၇ နှစ်သား တပ်နီလူငယ် ဥာဏ်မြင့်ကုို
“မင်းတုို့ စိတ်မလျော့ကြနဲ့ နောက်တစ်လ လောက်ဆုို တုို့ တော်လှန်ရေးကြီး အောင်မြင်တော့မှာ” ဟု အားပေးသေးသည် ဟု ဆုို၏ နောက်တစ်လ မပြည့်မိခင်တွင်ပင် ၁၉ ၇၅ ခုနှစ် မတ်လ ၁၅ ရက်နေ့တွင် ခလရ(၁၀၇)မှ ဒုဗုိုလ်အောင်မြင့်ဆွေ တပ်စုနှင့် တွေ့ဆုံကာ ချေမှုန်းခြင်းကုို ခံရခြင်းဖြစ်၏။ စစ်တက္ကသို်လ်ဝင်ခွင့် ဖြေရန်ပြင်နေသော ကျွန်တော့်အတွက်မူ ဖြတ်လေးဖြတ် ဆရာကြီး ဗုိုလ်မှူးကြီးသန်းတင်၊ တပ်မ(၇၇)တပ်မမှူး ဗိုလ်မှူးကြီးတင့်ဆွေ တုို့သည် ဟီးရိုးများဖြစ်လာကြ၏။
၁၉ ၇၇-၁၉ ၈၈
အရှေ့မြောက် ဗကပ အရှိန်မြင့်နေဆဲကာလ သခင်သန်းထွန်း၏ နောက်ဆုံးနေ့ များထဲမှ ပဲခူးရုိုးမ ကွန်မြူနစ်ပုံစံသည် နေ့စဉ် ထုတ်သတင်းစာကာတွန်းများတွင် ယူဖေါင်းအိကျီ အဖါနှင့် ပုဆိုးကွက်တုိုတုိုဝတ်ကာမုတ်ဆိတ်မွှေး ခြေသလုံးမွှေး ပလပွ နှင့် နောက်မှ လုိုက်နေသည့် ကျည်ဆံတောင့်များရှ့မှ သေနတ်ကုို ထမ်းကာ အူယားဖါးယား ပြေးနေပုံဖြစ်၏။ ၁၉ ၇၇ စစ်တက္ကသိုလ် သင်ခန်းစာများတွင် တွေ့ရသော ဗကပသည်ကား လက်နက်ကြီးနှင့် သမရုိုးကျတုိုက်စစ်ဆင်တတ်သော လူလှိုင်းလုံးနည်းဗျူဟာကျင့်သုံးသော တရုတ်တပ်နီပုံစံ ဖြစ်သွားတော့၏ ။ ၁၉၇၈ တွင် စစ်တက္ကသုိုလ်တက်ရန် အကြိမ်ကြိမ်ဖြေဆုိုပြိး အရွေး မခံရပဲ ဘွဲ့ရအပြီး ဒါမှ မရရင် သေနတ်ကုိုင်ရတဲ့ ရဲပဲ ၀င်လုပ်တော့မည်ဟုဆုိုကာ ဗုိုလ်သင်တန်း အပါတ်စဉ် ၅၆ တွင်ဝင်ဖြေ သည့် အကုိုတစ်ဝမ်းကွဲ ကုိုသိန်းထွန်းအောင်သည်။ ကျောင်းဆင်းပြီး လမပြည့်မီ ရက်ပုိုင်းအတွင်း ဒုဗုိုလ်ဘ၀မှာတင် ဗကပတုို့၏ ချုံခုိုတုိုက် ခံရပြီး ကျဆုံးသည်။ ကျောင်းတွင် အကုိုလုို ချစ်ခင်ခဲ့ရသော တစ်နှစ် သာစီနီယာကျသည့် ဂါဒီယန် ကုိုကြည်သောင်းဦး သည် ကျောင်းဆင်းပြီးလျင်ဆင်းပြီးချင်း ကျသည်။ နောက်တော့ ကုိုယ်ကျောင်းဆင်းပြီး ဗကပ တုို့နဲ့ ရင်ဆုိုင်တုိုက်ခုိုက် ရင်း ညီအကုိုအရင်းထက် ပုိုချစ်ကြသည့် သူငယ်ချင်း တစ်ဦးပြီးတစ်ဦး...။ ကုိုယ်တွေ့ဖြစ်လာ၍ စာအုပ်တွင်ရှာဖတ်ရန်မလုိုတော့ ဒီသမုိုင်းကား ကုိုယ့်အကိုသွေး၊ ကုိုယ့် သူငယ်ချင်းသွေးတုို့ တုိုက်ရုိုက်စွန်းထင်းသည့် သမုိုင်းဖြစ်လေပြီ။
တက်ကြွသူ ၈၈ အရေးအခင်းတွင် တက်ကြွသူများနှင့် နီးစပ်ခဲ့သူ ညီ တစ်ဦး ကမေး၏
“အကုိုတုို့ ကွန်မြူနစ် တုို့ ဗကပ တုို့ အသံမကြားချင်အောင်ကုို မုန်းတာ ဘာလုို့ ဒီလောက်တောင် ဖြစ်ရတာလဲ”
ပြန်မဖြေနုိုင် ရင်ထဲဆုို့နေ၏ သွေးစွန်းထင်းနေသော အမုန်း၊ နှလုံးသားနုနုကုို ကော်ပတ်စားခံရသလုို တုန်လှုပ်မှုမျိုးကုို အဖေ ပေးသလုို သူ့ကုို ပြန်ပေးလုိုက်ချင်၏...။
၁၉၉၀
၁၉ ၆၈ ခုနှစ်မှ စကာ တရုတ်တုို့၏ မကြုံစဖူး ဘုံးပေါလအော အကူအညီဖြင့် လေထုိုးသလုို ထွားကြိုင်းလာခဲ့သော သခင်ဘသိန်းတင် ဦးစီးသည့် အရှေ့မြောက် ဗကပ ဘောလုံးကြီးသည် ၁၉၈၉ ခုနှစ် မတ်လ ဧပြီလ များတွင် ကုိုးကန့်နှင့် ၀ ဟုသော ဆူးနှစ်ချောင်း စူးဝင်ပြီး နောက် ရုတ်တရက်ပင် ပြားချပ်သွားတော့ ၏ ဟု ဆုိုသော ထုို့ကြောင့် ဤသုို့ အမည်ရသည့် တောခုို စက်မှု တက္ကသိုလ်၊ ရန်ကုန်တက္ကသိုလ်တုို့မှ ကျောင်းသားဟောင်းများ တောခုိုကျောင်းသားဟောင်းများဟု အမည်ခံေ ရးသားသော စာအုပ်ထွက်လာ၏ ပထမအကြိမ် စာအုပ်က ပုံနှိပ်ပြီး ထုတ်ဝေခွင့်မရ သုို့သော် ပြင်ပသုို့ ဈေးကြီးဖြင့် မှောင်ခုိုထွက်လာ၏ ။ ၁၉ ၉ ၅ ခုနှစ်ခန့်တွင် တိတ်တခုိုးဝယ်ပြီး ဖတ်ရှုရသည်။ ထုိုတောခုိုကျောင်းသားဟောင်းများသည် ပဲခူးရုိုးမ ဗကပ တုို့ ပြိုကွဲ ကျဆုံးပြီးနောက်ပို်င်းမှ အရှေ့မြောက်နယ်စပ်သို့ တော်ခုိုဝင်ရောက်သူများ ဖြစ်ကြသည်ဟု ဆုို၏..
တက္ကသိုလ်ရောက်စတွင် ဗကပ ယူဂျီတုို့၏ စည်းရုံးသိမ်းသွင်းခြင်းခံရ၏
တက္ကသိုလ် ကျောင်းသားအရေးအခင်းများတွင် တက်တက်ကြွကြွပါဝင်ခဲ့ကြသည်ဟု ၀န်ခံဖွင့် ဆုို၏။
အချို့ အရေးအခင်းများတွင် ဖမ်းဆီးထိန်းသိမ်းခြင်းခံရပြီးမှ ထောင်ထဲတွင် ဗကပ ယူဂျီများက သိမ်းသွင်းခြင်းခံရသည်ဟု ဆုို၏။
သူတုို့၏ စည်းရုံးသိမ်းသွင်းမှုဖြင့် ကွန်မြူနစ် ၀ါဒကုို သက်ဝင်ယုံကြည်မှု ကွန်မြူနစ်ပါတီအပေါ် အထင်ကြီးမှုများဖြင့် လက်နက် ကိုင်တော်လှန်ရေးလုပ်ဖို့ တော်ခုိုခဲ့ကြခြင်းဖြစ်သည်ဟု ရေးသားသည်။
ထုိုအချိန်ကတော့ ဗကပတုို့ အောင်ပွဲနှင့် လက်တစ်ကမ်းဟု သွေးနထင်ရောက်နေချိန် တစ်ဘက်နုိုင်ငံ ၏ လူလက်နက် ရုပ် ၀ထ္ထုအကူများဖြင့် တူတံစဉ်အလံတစ်လူလူလွင့်နေချိန်ဖြစ်သည်ဟု ဆုို၏။
၁၀ စုနှစ်တစ်စု ဖြတ်သန်းပြီးသည့်အချိန်တွင်ကား ဗုိုလ်မှူးချုပ်ဟောင်းကျော်ဇော၏ ဇနီး ဒေါ်သန်းစိန်၏အောက်ပါ ပြောစကားက ဖြစ်ရပ် မှန်ကုို ထင်ဟပ်နေ၏
“ ဗကပ ကုို အဝေးကကြည့်တော့ ရွှေပုံကြီးမှတ်လုို့ လာခဲပေါ့...အထဲရောက်မှ နွားချေးပုံမှန်းသိတော့တယ်”
သုို့သော်လည်း ရဲဘော်သုံးကျိပ်ဝင် လွတ်လပ်ရေး သူရဲကောင်း၊ ပြည်ထောင်စုကုို ရောင်စုံသူပုန် နှင့် ပြည်ပကျူးကျော်မှုမှ ကာကွယ်ခဲ့သူ ကွန်မြူနစ်ပါတီ သံယောစဉ်ကြောင့် တပ်မှ အရေးယူခံရသူ ဗုိုလ်မှူးချုပ်ဟောင်းကျော်ဇော သည် နောက် ဆုံးအချိန်အထိ ကွန်မြူနစ် ၀ါဒနှင့် လက်နက်ကိုင် တော်လှန်ရေးကုို ယုံကြည်သွားပုံရ၏..။
အရှေ့မြောက်ဗကပလည်း ဗကပ ခေါင်းဖြတ်လုိုက်သောအခါ အင်အား ကြီးမားသော မူယစ်နှင့် မှောင်ခုိုလုပ်ငန်းစုံဖြင့် ငွေကြေး ကြောက်ခမန်းလိလိ တောင့်တင်းသော လက်နက်အင်အား တောင့်တင်းသော အဖွဲ့များအဖြစ် တရုတ်နယ်စပ်နှင့် ကပ်ကာ ကျန်ခဲ့လေ၏။ အရှေ့မြောက် ဗကပ လေဘူပေါင်းကုိုထုိုးဖေါက်ခဲ့သော စူးနှစ်ချောင်းကား ယနေ့အထိ ချွန်မြစွာ ကျန်နေဆဲ ဖြစ်၏။
၂၀၁၅ ခုနှစ် နှစ်ဆန်းပုိုင်းက လောက်ကုိုင်ဒေသတွင် ဖုံကြားရှင် နှင့်သူ့မျိုးဆက်များ ဦးဆောင်သည့် ဗကပ လူထွက် MMDA ကတစ်စခန်းထသည်။ တပ်မတော်မှ အသက်သွေးများစွာရင်းနှီး ကာကွယ်ခဲ့ရ၏။ ၀ နှင့် မုိုင်းလားတုို့ က ပစ်ခတ်တုိုက်ခိုက် မှု ရပ်စဲရေး စာချုပ်တွင် လက်မှတ်ရေးထုိုးရန် မလုိုသေးဟု ဆုိုနေကြ၏ ရှေ့တုိုးနောက်ငင် ကစားနေကြသည်။
အရှေ့မြောက် ဗကပတုို့နှင့်အတူ နေထုိုင်ခဲ့သည့် ၈၈ အရေးအခင်းတွင် နာမည်ကျော်ခဲ့သည့် ဆွီဒင်လူမျိုး ဂျာနယ်လစ် ၁၉ ၉ ၀ တွင် ရေးသားထုတ်ဝေခဲ့သော The Rise and Fall of The Communist Party of Burma (CPB) စာအုပ်ကုို ၂၀၁၄ တွင်မှ မီဒီယာလွတ်လပ်ခွင့် ၏ကျေးဇူးဖြင့် ၀ယ်နုိုင်၏ ဖတ်ရ၏ စာအုပ်တွင် အထက်က ဖြစ်စဉ် ဖြစ်ရပ်များကုို အနောက်နုိုင်ငံသတင်းစာဆရာ တစ်ဦးအနေဖြင့် အတည်ပြုပေးခဲ့၏။
၂၀၁၅ ဒီဇင်ဘာလ စာအုပ်ပွဲတော် တစ်ခုတွင် ထုို့ကြောင့် ဤသို့ စာအုပ်ကုို ဒုတိယအကြိမ် ပြန်လည်ရုိုက်နှိပ် ဖြန့်ချီသဖြင့် ၀ယ်ခဲ့ရသည်။ ငယ်စဉ်က ဖတ်ခဲ့ရသော အဖေ့ သခင်သန်းထွန်းနောက်ဆုံးနေ့များ စာအုပ်နှစ်အုပ်နှင့် ဇင်ချစ် နောက်ဆုံး ၂ စာအုပ် တုို့ကား ပျောက်ဆုံးကုန်ပြီ အချို့ ချစား အချို့ ကျွန်တော် မရှိစဉ် နာဂစ် မုန်တုိုင်းကြောင့် အိပ်ေ ရမြုပ်ရာတွင် ပါကုန်ကြပြီဖြစ်၏။ ထုို့ကြောင့် ဌာနချုပ်မှူး ဘ၀က ကျွန်းစုတွင် စာကြည့်တုိုက် မတည်ပေးစဉ် ဈေးကြီးပေးပြီးဝယ်ပေးထားခဲ့သော စာအုပ်များကို ပြန်ငှားရသည်။ သားများက တက္ကသိုလ်တက်နေကြပြီ လောကကြီးက မပြောနုိုင် အဖေ့လုို ကာကွယ်ဆေးထိုးပေးရ ကောင်းမလား စဉ်းစားမိသည်။ ထုို့ကြောင့် ဤသို့ ကုို ဒုအကြိမ် ထပ်မံဖြည့်စွက် ထုတ်ဝေခဲ့သော လွင်ဦးစာပေကမူ ထုိုစာအုပ် များ ထုတ်ဝေရန် အစီအစဉ်ရှိသည်ဟု ဆုိုသည်။ မျိုးဆက်သစ်တုို့ ဖတ်ကြလျင်ဖြင့် အကျုိုးများလိမ့်မည်ဟု တွေးမိသည်။
ရုိုက်နှိပ်ပြီး ထုတ်ဝေခွင့်မရခဲ့သည့် “ထုို့ကြောင့် ဤသို့ ”ပထမအကြိမ် စာအုပ်ကျောဖုံးတွင် ရုိုက်နှိပ်ဖေါ်ပြထားသော အဆုိုများ တွင် သခင်ဘသိန်းတင်၏ အဆုိုကုို အပေါ်ဆုံးတွင်ဖေါ်ပြထား၏
“လမ်းစဉ်မှန်ရင် မရှိရာမှ ရှိလာတယ် ငယ်ရာကကြီးလာတယ်။ လမ်းစဉ်မှားရင်တော့ ရှိရာက မရှိတာဖြစ်သွားပြီး ကြီးရာမှ ငယ်သွားမယ်။”

Credit - Thura Thet Swe