အစိုးရနှင့် မြောက်ပိုင်းလေးဖွဲ့ဆွေးနွေးပွဲ သီတင်းကျွတ်နောက်ပိုင်း ပြုလုပ်နိုင်ဖွယ်ရှိဟု PCG ပြောကြား

အစိုးရနှင့် ကချင်အဖွဲ့(KIO/KIA)၊ တအာင်းအဖွဲ့(TNLA)၊ ကိုးကန့်အဖွဲ့ (MND-AA)၊ ရခိုင်အဖွဲ့(AA)တို့၏ အပစ် အခတ်ရပ်စဲရေး ဆွေးနွေးပွဲကို သီတင်းကျွတ်ကာလနောက်ပိုင်း ၌ ပြုလုပ်နိုင်ဖွယ်ရှိကြောင်း ဆွေးနွေးပွဲဖြစ်မြောက်ရေး ညှိနှိုင်းပေးနေသည့် ငြိမ်းချမ်းရေးဆွေးနွေး ရေး အကျိုးဆောင်အဖွဲ့ (PCG)မှ ဦးလမိုင်ဂွန်ဂျာက ပြောသည်။

အစိုးရကိုယ်စားလှယ်အဖွဲ့ နှင့် မြောက်ပိုင်းလက်နက်ကိုင် လေးဖွဲ့သည် စက်တင်ဘာ ၁၇ ရက်က ကျိုင်းတုံမြို့၌ တွေ့ဆုံဆွေးနွေးခဲ့ရာ Bilateral အပစ်အ ခတ်ရပ်စဲရေး ဆောင်ရွက်ရန် ဆက်လက်ညှိနှိုင်းမည့်အကြောင်း အရာခုနစ်ချက်ကို သဘောတူညီ ခဲ့ပြီး အောက်တိုဘာတွင် ထပ်မံ တွေ့ဆုံရန် သတ်မှတ်ခဲ့သည်။

‘‘ကျွန်တော်တို့ ခန့်မှန်းတာ တော့ သီတင်းကျွတ်ပြီးတဲ့နောက် ပိုင်း (အောက်တိုဘာလလယ် နောက်ပိုင်း)မှ ဖြစ်လိမ့်မယ်ထင်တယ်။ အခုလောလောဆယ်က NRPC အဖွဲ့ ၊ PC အဖွဲ့တွေလည်းအခု ၂၄ ရက်နေ့မှာ နိုင်ငံခြားခရီး စဉ် လေ့လာရေးထွက်ဖို့ ရှိတယ်လို့ ပြောတယ်။ သူတို့ပြန်လာတဲ့ အခါ သီတင်းကျွတ် ပြန်ဖြစ်တဲ့အခါကျတော့ သီတင်းကျွတ်ပြီးတဲ့နောက်မှပဲ ဖြစ်ကောင်းဖြစ်လိမ့်မယ်’’ဟု ဦးလမိုင်ဂွန်ဂျာက ပြော သည်။

အစိုးရ၊ နိုင်ငံရေးပါတီနှင့် NCA လက်မှတ်ထိုး တိုင်းရင်းသား လက်နက်ကိုင်အဖွဲ့ ကိုယ်စား လှယ်များသည် စက်တင်ဘာ ၂၄ ရက်မှ အောက်တိုဘာ ပထမပတ်အထိ နော်ဝေးနှင့် ဆွစ်ဇာလန် နိုင်ငံသို့ လေ့လာရေးခရီး သွား ရောက်ရန် စီစဉ်ထားပြီး အောက်တိုဘာ ၁၅ ရက် ဝန်းကျင်တွင်လည်း NCA လက်မှတ်ထိုး လေးနှစ်ပြည့် အခမ်းအနားကျင်းပရန် စီစဉ်ထား၍ မြောက်ပိုင်းလေးဖွဲ့နှင့် ဆွေးနွေးပွဲကို အောက်တိုဘာတတိယပတ် နောက်ပိုင်းမှသာ ကျင်းပနိုင်ဖွယ်ရှိသည်ဟု ကိုယ်စားလှယ်တစ်ဦးက ပြောသည်။

အစိုးရနှင့် မြောက်ပိုင်းလေး ဖွဲ့ အောက်တိုဘာအတွင်း တွေ့ ဆုံရန် ချိန်းဆိုထားသော်လည်း တပ်မတော်က စက်တင်ဘာ ၂၁ရက်တွင် ကုန်ဆုံးသည့် အပစ်ရပ်ကြေညာမှု ထပ်မံသက်တမ်းတိုးခြင်းမရှိ၍ ဆွေးနွေးပွဲထိခိုက်မည်ကို စိုးရိမ်ကြောင်း PCG က ပြောသည်။

‘‘သက်တမ်းမတိုးတော့ဘူး ဆိုရင် အချိန်မရွေး ဘယ်မှာမဆို ပြဿနာဖြစ်လာနိုင်တယ်။ အဲဒါ ကြောင့် အောက်တိုဘာ အစည်း အဝေးတောင် အခြေအနေဘယ် လိုဖြစ်မလဲဆိုတာ နည်းနည်း စိုးရိမ်မှုရှိတာပေါ့။ ဘာပဲဖြစ်ဖြစ် နှစ်ဖက်က တိုက်ပွဲဖြစ်နေလို့ အ ဖြေထွက်မှာ မဟုတ်ဘူးလေ။ တွေ့ဆုံဆွေးနွေးမှုပဲ အဖြေထွက်မှာဖြစ်တဲ့အတွက်ကြောင့် တိုက်ပွဲ နဲ့ ဖြေရှင်းတာမျိုးမဟုတ်ဘဲနဲ့ စားပွဲပေါ်မှာပဲ အချိန်ယူပြီးမှ ဖြေရှင်းရ မှာပေါ့ဗျာ’’ဟု ဦးလမိုင်ဂွန်ဂျာက ပြောသည်။

အစိုးရနှင့် မြောက်ပိုင်းလေး ဖွဲ့သည် Bilateral အပစ်ရပ်စဲ ရေးဆောင်ရွက်ရန် ၂၀၁၈ နှစ်ကုန်ပိုင်းတွင် စတင်ညှိနှိုင်းခဲ့ပြီး ယခုနှစ်ဧပြီ ၃၀ ရက်တွင် မူဆယ်၊ ဇွန်လ၃၀ ရက်တွင် မိုင်းလား၊ သြဂုတ်၃၁ ရက်တွင် ကျိုင်းတုံ၊ စက်တင်ဘာ ၁၇ ရက်တွင် ကျိုင်းတုံမြို့၌ တွေ့ဆုံဆွေးနွေးခဲ့သည်။

အပစ်အခတ်ရပ်စဲရေးနှင့် ငြိမ်းချမ်းရေးဆွေးနွေးမှုများ အဆင်ပြေစေရန် တပ်မတော်က ကိုးလကြာအပစ်ရပ် ကြေညာခဲ့သော်လည်း ဆွေးနွေးပွဲများတွင် တိကျသည့်ရလဒ် ထွက်ပေါ်ခဲ့ခြင်းမရှိ၍ ပြန်လည်သုံးသပ်ရန် လိုအပ်ကြောင်း တပ်မတော်သတင်းနှင့် ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်းက ပြောဆိုထားသည်။

Credit - 7 Day Daily

အာဆီယံတွင် မြန်မာသည် စီးပွားရေးတိုးတက်နှုန်း အမြင့်ဆုံးနိုင်ငံအဖြစ်ရပ်တည်နေဟု ဝန်ကြီးပြော

၂၀၀၀ ပြည့်နှစ်က စ၍ ၁၈ နှစ်အတွင်း မြန်မာနိုင်ငံ၏ဝင် ငွေသည် ဒေါ်လာ ၈ ဒသမ ၉ ဘီလီယံမှ ၇၁ ဘီလီယံအထိ တိုးတက် ခဲ့ပြီး အာဆီယံနိုင်ငံများတွင် စီးပွားရေးတိုးတက်နှုန်းအမြင့်ဆုံး နိုင်ငံအဖြစ် ရပ်တည်နေဆဲဟု ရင်းနှီးမြှုပ်နှံမှုနှင့် နိုင်ငံခြားစီးပွားဆက် သွယ်ရေးဝန်ကြီး ဦးသောင်းထွန်း က စက်တင်ဘာ ၂၂ ရက်၌ ပြော သည်။

စင်ကာပူနိုင်ငံတွင် ကျင်းပ သည့် Singapore Summit 2019အခမ်းအနား၌ ၎င်းက ယင်းသို့ ပြောကြားသည်။

မြန်မာနိုင်ငံတွင် လူဦးရေ ၅၃ သန်းရှိပြီး ၎င်းတ်ို့သည် မလေး ရှားနှင့် ဗီယက်နမ်နိုင်ငံတို့ထက် နှစ်ဆကြီးသည့် မြေဧရိယာတွင် ပျံ့နှံ့နေထိုင်နေသည်ဟု ဆိုသည်။ မြန်မာ့စီးပွားရေးတိုးတက်နှုန်းသည် ၆ ရာခိုင်နှုန်းမှ ၇ ရာခိုင်နှုန်းကြား ရှိနေပြီး အာရှဖွံ့ဖြိုးရေးဘဏ်၏ခန့်မှန်းချက်အရ ယခုနှစ်တွင် ၆ ဒသမ ၆ ရာခိုင်နှုန်းနှင့် လာမည့်နှစ် တွင် ၆ ဒသမ ၈ ရာခိုင်နှုန်းရှိမည် ဟု ဆိုသည်။

‘‘ဒီလိုတိုးတက်မှုတွေ ရှိလာ ခြင်းကြောင့် မကြုံဖူးတဲ့ စီးပွားရေး စနစ်ပြောင်းလဲမှုတွေ ပေါ်ပေါက် စေခဲ့ပြီး ဆင်းရဲမှတ်မျဉ်းအောက် ရောက်နေတဲ့ မြန်မာနိုင်ငံသား အရေအတွက် တစ်ဝက်ခန့်လျော့ နည်းသွားပါတယ်။ ဒီစီးပွားရေး သက်ရောက်မှုကို ကျေးလက်ရော မြို့ပြမှာပါ မြင်နိုင်ပါတယ်’’ ဟု ဦးသောင်းထွန်းက ပြောသည်။

မြန်မာနိုင်ငံသည် နိုင်ငံတ ကာအသိုင်းအဝိုင်းအတွင်း ပြန် လည်ဝင်ဆံ့ရန် ကြိုးစားနေပြီး ယခုအခါ နိုင်ငံတကာဆက်ဆံရေးကို ပုံဖော်နေသော အင်အားကြီးသည့် သက်ရောက်မှုများကို ရင်ဆိုင်ကိုင်တွယ်လာရသည်ဟု ဝန်ကြီးက ဆိုသည်။ ထိုသက်ရောက်မှု များအနက် မြင်ရသည့် သက်ရောက်မှုများ၊ မမြင်ရသည့် သက် ရောက်မှုများလည်း ပါဝင်သည် ဟု ဆိုသည်။

ဒီမိုကရေစီ အသွင်ကူး ပြောင်းစ နိုင်ငံတစ်ခုအတွက် စိန် ခေါ်မှုသည် ဖွံ့ဖြိုးမှုကာလနှင့် အပြောင်းအလဲကို မည်မျှ အသုံး ချနိုင်မည်ဟူသော အချက်ဖြစ် သည်ဟု ဦးသောင်းထွန်းက ဆို သည်။

လက်ရှိ မြန်မာနိုင်ငံသည် လွန်ခဲ့သည့် ဆယ်စုနှစ်အနည်း ငယ်နှင့် နှိုင်းယှဉ်ပါက အကြီးအ ကျယ် ပြောင်းလဲကွာခြားသွား သည်ဟု ဝန်ကြီးကဆိုသည်။ မြန်မာနိုင်ငံသည် ကျယ်ပြန့်သော ကဏ္ဍစုံ ဖွံ့ဖြိုးရေး မဟာဗျူဟာ များကို ဖော်ဆောင်နေပြီး ရင်းနှီး မြှုပ်နှံမှုများကို တိုးမြှင့်ဖိတ်ခေါ်၍ အားယူနေသည်ဟု ဦးသောင်း ထွန်းက ဆိုသည်။

MSDP ဟုခေါ်သော မြန်မာ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း ကို လုပ်ဆောင်နေပြီး ယင်းစီမံ ကိန်းတွင် လူမှုရေး၊ စီးပွားရေးနှင့် သဘာဝပတ်ဝန်းကျင် ပြုပြင် ပြောင်းလဲရေးအစီအစဉ်များ ပါ ဝင်သည်ဟု ဝန်ကြီးက ဆိုသည်။ ထို့ပြင် ရင်းနှီးမြှုပ်နှံမှုမြှင့်တင်ရေး စီမံချက်၊ မြေယာဘဏ် စသည်တို့ကိုလည်း ဆောင်ရွက်ထားသည် ဟု ဆိုသည်။ မြေယာဘဏ်လုပ် ငန်းသည် မြေယာပိုင်ဆိုင်မှုကို ရှင်းလင်းစေသည်ဟု ဆိုသည်။ ထို့ပြင် ပွင့်လင်းမြင်သာစွာ ရင်းနှီးမြှုပ်နှံ နိုင်ရန် စီမံကိန်းဘဏ်ကိုလည်း မိတ်ဆက်ခဲ့သည်ဟု ဝန်ကြီးက ဆိုသည်။

မြန်မာနိုင်ငံ၏တစ်မျိုးသား လုံး ဖွံ့ဖြိုးတိုးတက်ရေးစီမံချက် အရ အလုပ်အကိုင်အခွင့်အလမ်း သစ်များ၊ စီးပွားရေးအခွင့်အလမ်း သစ်များဖြစ်လာရေး တာဝန်သိ ရင်းနှီးမြှုပ်နှံမှုများကို ဖိတ်ခေါ် သည်ဟု ဆိုသည်။

Credit - 7 Day Daily

ကျောင်းကန်ဘုရားနဲ့ လူနေရပ်ကွက်တွေ အကာအကွယ်ယူ တိုက်ခိုက်တဲ့ကိစ္စ ပြည်နယ်လွှတ်တော်မှာတင်

ရခိုင်ပြည်နယ်က ရှေးဟောင်းယဉ်ကျေးမှု အဆောက်အအုံတွေ၊ ဘာသာရေး အဆောက်အုံတွေနဲ့ လူနေရပ်ကွက်၊ ကျေးရွာတွေကို အကာအကွယ်ယူပြီး ပစ်ခတ်တိုက်ခိုက်တာတွေ မဖြစ်အောင် ပြည်နယ်အစိုးရအနေနဲ့ ဆောင်ရွက်ပေးဖို့ တိုက်တွန်းကြောင်းအဆိုကို ရခိုင်ပြည်နယ် လွှတ်တော်မှာ ကန့်ကွက်သူမရှိတဲ့အတွက် ထောက်ခံဆွေးနွေးဖို့ ဒီနေ့ ဆုံးဖြတ်လိုက်ပါတယ်။

ဒီအဆိုကို မင်းပြားမြို့နယ် ပြည်နယ်လွှတ်တော် ကိုယ်စားလှယ် ဦးလှသိန်းအောင် တင်သွင်းတာပါ။

တပ်မတော်နဲ့ ရက္ခိုင့်တပ်တော် AA တို့ တိုက်ပွဲတွေကြောင့် ရှေးဟောင်းယဉ်ကျေးမှု အဆောက်အဦးတွေ ထိခိုက်ပျက်စီးတာတွေ၊ ဘာသာရေးဆိုင်ရာ အဆောက်အဦးတွေ ထိခိုက်ပျက်စီးတာတွေနဲ့ အရပ်သားပြည်သူတွေ ထိခိုက်သေဆုံးတာတွေရှိကြောင်း ဦးလှသိန်းအောင် တင်သွင်းတဲ့ အဆိုမှာ ထောက်ပြပြောဆိုထားပါတယ်။

ရသေ့တောင်မြို့နယ် သုံးဆယ့်တစ်ဘုံဘုရားတွေနဲ့ မြောက်ဦးမြို့နယ်က ရှေးဟောင်း အဆောက်အဦးတွေ လက်နက်ကြီး ထိမှန်ခဲ့တာရှိခဲ့တယ်လို့လည်း ဆိုပါတယ်။

ဒါ့အပြင် ကျောက်တော်တောင်၊ မင်းပြားကျိန်းတောင်၊ မြောက်ဦးမြို့နယ်က လင်းမြွေတောင် စေတီအနီးတောင်ကုန်းနဲ့ ပန်းမြောင်းရွာက အောင်မင်္ဂလာစေတီတောင်နဲ့ ဘုန်းကြီးကျောင်းတွေမှာ နေရာယူပြီး တိုက်ခိုက်နေတာကို ကြားသိရတယ်လို့လည်း ဦးလှသိန်းအောင်က ပြောထားပါတယ်။

နှစ်ဖက်တိုက်ပွဲတွေဟာ တဖြည်းဖြည်းအရှိန်မြင့်လာပြီး ဘူးသီးတောင်၊ ကျောက်တော်၊ ရသေ့တောင်၊ မြောက်ဦး၊ မင်းပြား၊ မြေပုံနဲ့ ပုဏ္ဏားကျွန်းမြို့နယ်တွေအထိ ပြန့်နှံ့လာပြီး အရပ်သားပြည်သူတွေ ထိခိုက်သေဆုံး ဒဏ်ရာရတာတွေ မြင့်တက်လာခဲ့ကြောင်းနဲ့ စစ်ဘေးဒုက္ခသည် ခြောက်သောင်းကျော်အထိ ရှိလာနေကြောင်းလည်း အဆိုရှင်က ပြောပါတယ်။

ဦးလှသိန်းအောင်တင်သွင်းတဲ့အဆိုကို လက်ခံဆွေးနွေးသင့်ကြောင်း ဘူးသီးတောင်မြို့နယ် ပြည်နယ်လွှတ်တော် ကိုယ်စားလှယ် ဦးထွန်းအောင်သိန်းက ထောက်ခံခဲ့ပြီး ကန့်ကွက်သူမရှိတာကြောင့် လက်ခံဆွေးနွေးဖို့ ဆုံးဖြတ်လိုက်တာဖြစ်ပါတယ်။

ဒီအဆိုကို ဘယ်နေ့မှာ စတင်ဆွေးနွေးမယ်ဆိုတာကိုတော့ လွှတ်တော် ဥက္ကဋ္ဌက အတည်ပြု ပြောဆိုခဲ့ခြင်းမရှိပါဘူး။

၉ လတာ ကြာမြင့်လာတဲ့ ရခိုင်မြောက်ပိုင်း စစ်ပွဲတွေကြားမှာ အရပ်သားတချို့ဟာ တပ်မတော်က ဖမ်းဆီးခံရပြီးနောက် သေဆုံးတာတွေ၊ တိုက်ပွဲကြားပစ်ခတ်ခံရပြီး သေဆုံးတာတွေ လူဦးရေ ၁၂၀ ၀န်းကျင်ထိရှိလာပြီဖြစ်တယ်လို့ ရခိုင်အရပ်ဖက်အဖွဲ့တချို့က ထုတ်ပြန်ပြောဆိုထားပါတယ်။

ဂျီနီဗာမှာ ကျင်းပခဲ့တဲ့ ၄၂ ကြိမ်မြောက် ကုလလူ့အခွင့်ရေးကောင်စီမှာ ကုလသမဂ္ဂအချက်အလက်ရှာဖွေရေး မစ်ရှင်က FFM တင်သွင်းတဲ့ နောက်ဆုံးအစီရင်ခံစာမှာ မြန်မာ့တပ်မတော်ဟာ ရှေးဟောင်းနယ်မြေတွေကို ကာကွယ်ဖို့ပျက်ကွက်ပြီးတော့ ပစ်ခတ်မှုတွေလုပ်ဆောင်တာဟာ နိုင်ငံတကာ စည်းမျဉ်းစည်းကမ်းတွေကို ချိုးဖောက်တာဖြစ်ကြောင်း ရေးသားဖော်ပြထားပါတယ်။

Credit - RFA

မူးယစ် ကင်းစင်ရေး လုပ်သည့် ဟုမ္မလင်း အမတ် နှင့် အုပ်ချုပ်ရေးမှူး ခြိမ်းခြောက်ခံရ

စစ်ကိုင်းတိုင်း ဒေသကြီး ခန္တီးခရိုင် ဟုမ္မလင်းမြို့နယ် အတွင်း မူးယစ်ဆေးဝါး တိုက်ဖျက်ရေး လုပ်ဆောင်နေသည့် လွှတ် တော် ကိုယ်စားလှယ်နှင့် ကျေးရွာ အုပ်ချုပ်ရေးမှူးတို့ကို စာကပ်၍ အသက်အန္တရာယ် ခြိမ်းခြောက်ကြောင်း ကာယကံ ရှင် များက ဧရာဝတီသို့ ပြောသည်။

ယင်းသို့ ခြိမ်းခြောက်ခံနေရသူများမှာ စစ်ကိုင်းတိုင်းဒေသကြီး ဟုမ္မလင်းမြို့နယ် မဲဆန္ဒနယ်မှ လွှတ်တော် ကိုယ်စားလှယ် ဦးကျော်ဌေးလွင်နှင့် ဟုမ္မလင်းမြို့နယ် နောင်ပိုအောင် စံပြကျေးရွာ အုပ်ချုပ်ရေးမှူး ဦးစိုင်းသီဟတို့ ဖြစ်ကြောင်း သိရသည်။

လွှတ်တော် ကိုယ်စားလှယ် ဦးကျော်ဌေးလွင်က“အဓိကတော့ မူးယစ်ဆေးဝါး တိုက်ဖျက်ရေး အဖွဲ့ဆိုတာ ဖွဲ့ထားတယ်။ အဲဒီ မှာ မူးယစ်ဆေးဝါး ဆန့်ကျင်ရေးနဲ့ ပတ်သက်ပြီးတော့ ကျနော်တို့အဖွဲ့က သတင်းရပြီဆိုရင် ရတဲ့အတိုင်း ရဲတပ်ဖွဲ့တွေနဲ့ ပေါင်း စည်းပြီးတော့ လှုပ်ရှားနေတယ်။ အဲဒီမှာ အုပ်ချုပ်ရေးမှူး အိမ်ရှေ့မှာ ရေအိုးစင်လေး ရှိတယ်။ အဲဒီမှာ စာလာကပ် ထား တာ။ စာရွက်အစုတ်နဲ့ ပစ်စာ သဘောလိုပါပဲ။ ပစ်စာသဘော ဆိုတော့ ကျနော်တို့ အားလုံး သုံးသပ်တာတော့ မူးယစ် ဆေးဝါး ရောင်းဝယ်ဖောက်ကားတဲ့ အဖွဲ့က ကျနော်တို့ကို မကျေနပ်လို့ကပ်တာလို့ ယူဆတယ်”ဟု ဧရာဝတီသို့ ပြောသည်။

ခြိမ်းခြောက်စာကို နောင်ပိုအောင် စံပြကျေးရွာ အုပ်ချုပ်ရေးမှူး ဦးစိုင်းသီဟ၏ နေအိမ်ရှေ့ရှိ ရေအိုးစင်တွင် ပြီးခဲ့သည့် သြ ဂုတ်လ ၂၈ ရက်က လာကပ်ခဲ့ကြောင်း ထိုစာမကပ်ခင် တပတ်ခန့် အလိုတွင် နောင်ပိုအောင် စံပြကျေးရွာအတွင်း မူးယစ် ဆေးဝါး သတင်း အရ အိမ်တချို့ကို ၂ ကြိမ်တိုင်တိုင် ဝင်ရောက် ဖမ်းဆီးခဲ့ကြောင်း ၎င်းက ဆိုသည်။

ဦးကျော်ဌေးလွင်က“စာမကပ်ခင် တပတ်အလိုမှာ ကျနော်တို့ သတင်းရလို့ အိမ်တချို့ကို ဝင်ဖမ်းတာ ၁ အိမ်က ဘိန်းဖြူ ဆပ်ပြာခွက် ၉ ခွက်နဲ့ ပုလင်းအကြီး ၁ ပုလင်း ဖမ်းမိတယ်။ တအိမ်ကတော့ သိပ်မရလိုက်ဘူး။ အဲဒါပြီးတော့ အခုလို ခြိမ်း ခြောက်စာ ကပ်ပြီးတော့ ကျနော်တို့ကို ခြောက်လှန့်မှု လုပ်လာတာ”ဟု ပြောသည်။

ခြိမ်းခြောက်စာထဲ၌ “အုပ်ချုပ်ရေးမှူး စိုင်းသီဟ ငါတို့ ရှမ်းနီ အဖွဲ့ သိန်း ၅၀ အလိုရှိတယ်။ အဲဒါ မနက်ဖြန် ကြိုးတံတား အလယ်မှာ ည ၉ နာရီ လာပို့ပေးပါ”ဟု ရေးသားထားကြောင်း တွေ့ရသည်။

နောင်ပိုအောင်စံပြကျေးရွာ အုပ်ချုပ်ရေးမှူး ဦးစိုင်းသီဟက“သူက ရေးတဲ့ စာရွက်က စုတ်စုတ်ပြတ်ပြတ် စာရွက်နဲ့ရေးတာ အဲဒါကြောင့် ရှမ်းနီတပ်က မဟုတ်နိုင်ဘူးလို့ ကျနော်တို့က ထင်တယ်။ ခြိမ်းခြောက်စာမျိုး စာကပ်ထားတာ။ အိမ်ရှေ့မှာ စာ လာကပ်သွားတယ်။ ကျနော်တို့က မူးယစ်ဆေးဝါးနဲ့ ပတ်သက်လို့ လိုက်လံ ဖမ်းဆီးနေတယ်ဆိုတော့ ဒီအဖွဲ့တွေက လုပ်တာ လား မသိဘူး ခန့်မှန်းမိတာ။ ကျနော်တို့ကို အနည်းအငယ် တုံ့ဆိုင်းသွားအောင် လုပ်ချင်တဲ့ ရည်ရွယ်ချက်ရှိတယ်လို့ မြင်တယ်”ဟု ပြောသည်။

ယခုလို ခြိမ်းခြောက်ခံရခြင်းနှင့် ပတ်သက်ပြီး စစ်ကိုင်းတိုင်းဒေသကြီး ဝန်ကြီးချုပ် ဒေါက်တာ မြင့်နိုင် အပါအဝင် လွှတ်တော် ဥက္ကဌ၊ လုံခြုံရေးနှင့် နယ်စပ်ရေးရာ ဝန်ကြီး၊ ဟုမ္မလင်းမြို့နယ် အထွေထွေ အုပ်ချုပ်ရေးမှူး ဦးစီးဌာန တို့ကို အသိပေး အကြောင်းကြားထားကြောင်းလည်း လွှတ်တော် ကိုယ်စားလှယ် ဦးကျော်ဌေးလွင်က ပြောပြသည်။

စစ်ကိုင်းတိုင်း ဒေသကြီး အစိုးရ အဖွဲ့ဝင် ဝန်ကြီးတဦးက“အဲဒါ ကျနော်တို့ ဦးကျော်ဌေးလွင်ကို ခေါ်မေးတယ်။ သူက ယူဆ တာက မူးယစ်ဆေးဝါးနဲ့ ပတ်သက်ပြီးတော့ မကျေနပ်တဲ့လူက ရေးတယ်လို့ပဲ ယူဆတယ်။ ကျနော်တို့လည်း စုံစမ်းဖော် ထုတ်နေတယ်။ အတည်မပြုနိုင်သေးဘူး။ ကျနော်တို့ ဦးကျော်ဌေးလွင်ကိုခေါ်တွေ့တယ်၊ ဝန်ကြီးချုပ်လည်း ပါတယ်။ ကျ နော် တို့ သုံးသပ်တာကတော့ သူတို့က မူးယစ်ဆေးဝါး ဖမ်းတာရှိတယ်။ အဲဒီအဖွဲ့တွေက မကျေနပ်လို့ လုပ်တယ်လို့ သုံးသပ်တာပေါ့”ဟု ပြောသည်။

မူးယစ်ဆေးဝါး တိုက်ဖျက်ရေးနှင့် ပတ်သက်ပြီး ဗန်းမောက်မြို့နယ် မဲဆန္ဒနယ်မှ စစ်ကိုင်းတိုင်းဒေသကြီး လွှတ်တော် ကိုယ်စားလှယ် ဦးဝင်းရွှေလည်း ခြိမ်းခြောက်စာများ အပို့ခံရသည်ဟု ဆိုသည်။

ဟုမ္မလင်း မြို့နယ်အတွင်း မူးယစ်ဆေးဝါး ကင်းစင်ပပျောက်ရေး အတွက် နောင်ပိုအောင် စံပြကျေးရွာတွင် လွှတ်တော် ကိုယ်စားလှယ်များ၊ အုပ်ချုပ်ရေးမှူးများ၊ နယ်မြေခံ ရဲကင်းမှ ရဲတပ်ဖွဲ့ဝင်များ၊ ဒေသခံ လူငယ်များနှင့် ပရဟိတသမားများ၊ ရပ်မိရပ်ဖများ စသည့် အလွှာ အသီးသီးမှ ပုဂ္ဂိုလ်များ ပါဝင်သော မူးယစ်ဆေးဝါး တိုက်ဖျက်ရေး အဖွဲ့ကို ဖွဲ့စည်း၍ ဆောင် ရွက်နေကြောင်း သိရသည်။

အဆိုပါ လုပ်ငန်းစဉ်ကို၂၀၁၅-၂၀၁၆ ခုနှစ်က စတင်လာခဲ့ရာ ယခုနှစ်အထိ ဆိုလျှင် မူးယစ်ဆေးဝါး ရောင်းဝယ်ဖောက်ကား သူ ၁၀၀ ကျော်ကို ဖမ်းဆီး အရေးယူထားနိုင်ပြီ ဖြစ်ကြောင်း နောင်ပိုအောင် စံပြကျေးရွာ အုပ်ချုပ်ရေးမှူး ဦးစိုင်းသီဟက ပြောပြသည်။

စစ်ကိုင်းတိုင်းဒေသကြီး ဟုမ္မလင်းမြို့နယ် အတွင်းသို့ ဝင်ရောက်နေသော မူးယစ်ဆေးဝါးများမှာ ဗန်းမောက်၊ ပင်လယ်ဘူး၊ ဖောင်းပြင် စသည့် ဒေသများ ဘက်ကနေ ဝင်ရောက်လာခြင်းဖြစ်ကြောင်း ဒေသခံများကလည်း ပြောဆိုသည်။

လက်ရှိတွင် ဟုမ္မလင်းမြို့နယ်အတွင်း ဘိန်းဖြူနှင့် WY ဆေးပြားများ ပေါများနေပြီး ဘိန်းစိမ်းမှာ ဈေးကြီးသည့်အတွက် ရှားပါးကြောင်း ဒေသခံများက ပြောသည်။

ဦးကျော်ဌေးလွင်က“ဘိန်းဖြူက ၅၀၀ ဖိုး၊ ၁၀၀၀ ဖိုးတောင် ဝယ်လို့ ရတယ်။ တခါ သုံးပေါ့လေ။ ဆေးပြားလည်း ပေါတယ်။ ဘိန်းစိမ်းကတော့ ကျနော်တို့ ဒေသအခေါ် ရွှေမျှော်ပိုင်ရှင် ပေါ်လိမ် (သူဌေးကို ဆိုလိုခြင်း) တွေပဲ ဝယ်သုံးနိုင်တာ။ သူတို့ ကကျတော့ ခပ်ပုံရှူတာပေါ့လေ၊ ဘိန်းစိမ်းက။ အဓိက ဗန်းမောက်၊ ပင်လယ်ဘူး၊ ဖောင်းပြင် ဘက်ကဝင်တာဆိုတော့ အဲဒီ လမ်းကြောင်းတွေ ပိတ်နိုင်ရင် အဆင်ပြေပြီ”ဟု ပြောဆိုသည်။

ယင်းသို့ ခြိမ်းခြောက်ခြင်း ခံရသော်လည်း ၎င်းတို့အနေဖြင့် လက်ရှိတွင် မူးယစ်ဆေးဝါး တိုက်ဖျက်ရေး လုပ်ငန်းများကို ဆက်လက် ဆောင်ရွက်နေဆဲ ဖြစ်ကြောင်း သိရသည်။

မြန်မာနိုင်ငံတွင် မူးယစ်ဆေးဝါး ဥပဒေနှင့် မူးယစ်ဆေးဝါး ထိန်းချုပ်ရေး မူဝါဒအသစ်ကို ၂၀၁၈ ခုနှစ်တွင် ထုတ်ပြန်ခဲ့ပြီး ယင်းမူဝါဒကို အကောင်အထည်ဖော်မည့် အမျိုးသားမဟာဗျူဟာ စီမံချက်တခု ရေးဆွဲကာ တနိုင်ငံလုံး အတိုင်းအတာဖြင့် ဆောင်ရွက်သွားမည် ဖြစ်ကြောင်း ၂၀၁၉ ခုနှစ် ဇွန်လ ၂၆ ရက်တွင် ကျရောက်သည့် အပြည်ပြည်ဆိုင်ရာ မူးယစ်ဆေးဝါး အလွဲသုံးစားမှုနှင့် တရားမဝင် ရောင်းဝယ်မှု တိုက်ဖျက်ရေးနေ့ အခမ်းအနားတွင် သမ္မတ ဦးဝင်းမြင့်က ပြောကြားသွား သည်။

မူးယစ်သတင်း၊ ရောင်းဝယ်ဖောက်ကားမှု သတင်းတွေ သာမက ထုတ်လုပ်သူ၊ မူးယစ်ရာဇာကြီးများ၏ သတင်းများကိုလည်း တိတိကျကျ တိုင်ကြားပေးရန်၊ မူးယစ်ဆေးဝါး တိုက်ဖျက်ရေးတွင် အတားအဆီး ဖြစ်နေသည့် တာဝန်ရှောင်လွှဲသူများ၊ အဂတိလိုက်စားသူများ ရှိခဲ့လျှင် အရေးယူမည်ဖြစ်သဖြင့် အမျိုးသားရေး တာဝန်အဖြစ် အချက်အလက် ပေးပို့ကြရန်၊ တိုင်း နှင့် ပြည်နယ် အစိုးရများ၊ အုပ်ချုပ်ရေးဌာန အဆင့်ဆင့် အနေနှင့် “မူးယစ်ဆေးဝါးကိစ္စ၊ ခြွင်းချက်လုံးဝ မထားရ” ဆိုသည့် မူဝါဒကို အလေးထားလိုက်နာ ဆောင်ရွက်ရန်လည်း သမ္မတက တိုက်တွန်းထားသည်။

ထို့ပြင် မူးယစ်ဆေးဝါး အထူးသတင်း တိုင်ကြားရေးဌာနကို ၂၀၁၈ ခုနှစ် ဇွန်လ ၂၂ ရက်တွင် စတင်ဖွဲ့စည်းခဲ့ပြီး ပြည်သူ လူထုထံမှ ပေးပို့ တိုင်ကြားသည့် တိုင်ကြားစာ သတင်းအချက်အလက်များကို စနစ်တကျ စိစစ်လက်ခံပြီး ဖမ်းဆီးလျက်ရှိ ကြောင်းလည်း သမ္မတ ဦးဝင်းမြင့်က ပြောဆိုထားသည်။

Credit - Irrawaddy

သမ္မတအမိန့်နဲ့ လွှတ်တော်ဖျက်သိမ်းနိုင်တဲ့ ဥပဒေမူကြမ်း ကြံ့ခိုင်ရေးပါတီ တင်သွင်း

လွှတ်တော်ကို ဖျက်သိမ်းနိုင်တဲ့ အခွင့်အရေးရှိတဲ့ အမျိုးသားကာကွယ်ရေးနှင့် လုံခြုံရေးကောင်စီရဲ့ တာဝန်တွေကို ထည့်သွင်းထားတဲ့ အခြေခံဥပဒေပြင်ဆင်ရေး ဥပဒေမူကြမ်းကို ကြံ့ခိုင်ဖွံ့ဖြိုးရေးပါတီနဲ့ တပ်မတော်သား ကိုယ်စား လှယ်တွေက ပြည်ထောင်စုလွှတ်တော်မှာ ဒီနေ့ တင်သွင်းလိုက်ပါတယ်။

ကြံ့ခိုင်ဖွံ့ဖြိုးရေးပါတီက လွှတ်တော်ကိုယ်စားလှယ် ဦးစိုင်းသန်းနိုင် တင်သွင်းခဲ့တာဖြစ်ပါတယ်။

အုပ်ချုပ်ရေးကဏ္ဍနဲ့ ဥပဒေပြုရေးကဏ္ဍ အပြန်အလှန်ထိန်းကျောင်းမှု ဆောင်ရွက်ရာမှာ သမ္မတစနစ် ပိုမိုပီပြင်စေဖို့ သမ္မတက အမျိုးသားကာကွယ်ရေးနှင့် လုံခြုံရေးကောင်စီရဲ့ထောက်ခံချက်နဲ့ လွှတ်တော်တွေကို ဖျက်သိမ်းနိုင်တဲ့ အခွင့်အရေးကို ရရှိစေဖို့ ပြင်ဆင်တာဖြစ်ကြောင်း လွှတ်တော်ကို ဒီနေ့တင်ပြတဲ့ ဥပဒေမူကြမ်းမှာ ဖော်ပြထားပါတယ်။

၂၀၀၈ ဖွဲ့စည်းပုံမှာ အမျိုးသားကာကွယ်ရေးနှင့် လုံခြုံရေးကောင်စီ ဖွဲ့စည်းခြင်းသာပါရှိပြီး အခုပြင်ဆင်ဖို့တင်သွင်းတဲ့ ဥပဒေကြမ်းမှာ ကာလုံရဲ့ တာဝန်တွေကို ထပ်မံဖြည့်စွက်လိုက်တာပါ။

ဖြည့်စွက်ထားတဲ့အချက်တွေက ဥပဒေပြုရေးနဲ့ အုပ်ချုပ်ရေးကဏ္ဍ အချင်းချင်း အပြန်အလှန် ထိန်းကျောင်းမှု ယိုယွင်းလာတဲ့အခါ လွှတ်တော်ကို ဖျက်သိမ်းဖို့ သင့်၊ မသင့် နိုင်ငံတော် သမ္မတကို ကာလုံအနေနဲ့ အကြံပေးဖို့ ပြည်သူ့လွှတ်တော် အမျိုးသားလွှတ်တော် ကိုယ်စားလှယ်အရေအတွက် သုံးပုံ တစ်ပုံနဲ့အထက် အကြောင်းအမျိုး မျိုးကြောင့် လစ်လပ်သွားပါက လွှတ်တော်ကို ဖျက်သိမ်းဖို့ သင့်၊ မသင့် နိုင်ငံတော်သမ္မတကို အကြံပေးဖို့ စတဲ့ အချက်တွေပါဝင်ပါတယ်။

ကြံ့ခိုင်ဖွံ့ဖြိုးရေးပါတီက လွှတ်တော်ကိုယ်စားလှယ် ဦးစိုင်းသန်းနိုင် တင်သွင်းတဲ့ အခြေခံဥပဒေ ပြင်ဆင်ရေးမူကြမ်းကို ကြံ့ခိုင်ဖွံ့ဖြိုးရေးပါတီနဲ့ တပ်မတော်သား လွှတ်တော်ကိုယ်စားလှယ် ၁၄၅ ဦး လတ်မှတ်ထိုးထားတာဖြစ်ပါတယ်။

အလားတူ တပ်မတော်သားလွှတ်တော်ကိုယ်စားလှယ် ဗိုလ်မှူးချုပ် အောင်စန်းချစ်ကလည်း တပ်မတော်သား လွှတ်တော်ကိုယ်စားလှယ် ၁၄၄ ဦးလက်မှတ်နဲ့ ဥပဒေမူကြမ်းတစ်ခုကို တင်ခဲ့တာကြောင့် ဒီနေ့ ပြည်ထောင်စု လွှတ်တော်မှာ စုစုပေါင်း အခြေခံဥပဒေပြင်ဆင်ရေးမူကြမ်း နှစ်ခုကို တင်သွင်းခဲ့တာဖြစ်ပါတယ်။

တပ်မတော်သားအစုအဖွဲ့က ပြင်ဆင်ဖို့ တင်သွင်းတဲ့ ဥပဒေကြမ်းမှာ ပါဝင်တဲ့ ပုဒ်မတွေက ၂၀၀၈ ဖွဲ့စည်းပုံအခြေခံ ဥပဒေ အခန်း ၅ အုပ်ချုပ်ရေးကဏ္ဍမှာ တိုင်းဒေသကြီး ပြည်နယ်ဝန်ကြီးချုပ် ခန့်အပ်တာဝန်ပေးရာမှာ သမ္မတရဲ့ လုပ်ပိုင်ခွင့်ကို လျော့ချပြီး သမ္မတကို တင်ပြဖို့မလိုပဲ ခန့်အပ်ခွင့်ရဖို့ ပြင်ဆင်ထားတဲ့ ပုဒ်မတွေ အများဆုံး ပါဝင်တာကိုတွေ့ရပါတယ်။

တပ်မတော်အနေနဲ့ ဒီဥပဒေကြမ်းကို တင်သွင်းရတဲ့ ရည်ရွယ်ချက်က တိုင်းပြည်ရဲ့ ဒီမိုကရေစီစနစ်တည်ငြိမ်စေဖို့၊ ဒီမိုကရေစီစံနှုန်းများနဲ့အညီ လွတ်လပ်တရားမျှတတဲ့ တိုင်းရင်းသားတွေလိုလားချက်ကို အလေးဂရုပြုဖော်ဆောင်ပေး ဖို့ ဖြစ်တယ်လို့ ဥပဒေမူကြမ်းမှာ ဖော်ပြထားပါတယ်။

ပြီးခဲ့တဲ့ စက်တင်ဘာလ ၁၇ ရက်နေ့ကလည်း ပြည်ထောင်စုဝန်ကြီးနဲ့ တိုင်းဒေသကြီး၊ ပြည်နယ်ဝန်ကြီးချုပ်တွေရဲ့ အရည်အချင်းသတ်မှတ်ချက် ထပ်မံဖြည့်စွက်ဖို့ အခြေခံဥပဒေပြင်ဆင်ရေး ဥပဒေမူကြမ်းကို တပ်မတော်က တင်သွင်းထားတာရှိပါတယ်။

Credit - RFA

တပ်မတော် အပစ်ရပ် သက်တမ်းတိုးဖို့ မသေချာတော့

မြောက်ပိုင်း မဟာမိတ် ၃ ဖွဲ့၏ မနေ့က တဖက်သတ် အပစ်ရပ်ကြေညာမှု အပြီး နာရီပိုင်းအတွင်း ရက္ခိုင့် တပ်မတော် (AA)က ရခိုင်ပြည်နယ်၊ ဘူးသီးတောင်ရှိ တပ်မဌာနချုပ်တခုကို တိုက်ခိုက်ခဲ့သဖြင့် ယနေ့ နောက်ဆုံး ဖြစ်သည့် အပစ်ရပ်ကာလကို သက်တမ်းတိုးရန် မသေချာတော့ကြောင်း သိရသည်။

တပ်မတော်မှ ပြောရေးဆိုခွင့်ရှိသူ ဗိုလ်မှူးချုပ် ဇော်မင်းထွန်းက “အဲဒီ ၃ ဖွဲ့ က မနေ့က နေ့လယ်ပိုင်းမှာ အပစ်ရပ် ကြေညာတယ်။ ညနေပိုင်းမှာ ရခိုင်မှာ ဝင်တိုက်တယ်။ ပြောနိုင်တာ တခုကတော့ ဒါနဲ့ ပတ်သက်ပြီးတော့ တခုခု ထုတ်ပြန် ကြေညာဖို့ မရှိသေးဘူး။ သက်တမ်းတိုး၊ မတိုး မပြောနိုင်ဘူး။ သက်တမ်းတိုးဖို့လည်း မသေချာဘူး”ဟု ဧရာဝတီသို့ ပြောသည်။

တပ်မတော်ဘက်မှ စစ်ရေးလှုပ်ရှားမှုများ ရပ်ဆိုင်းခြင်းကို ရခိုင်ဒေသမှ လွဲ၍ မြောက်ပိုင်းတိုင်း၊ အရှေ့မြောက်တိုင်း၊ အရှေ့ ပိုင်းတိုင်း၊ အရှေ့အလယ်ပိုင်းတိုင်းနှင့် တြိဂံတိုင်း တို့တွင် ၂၀၁၈ ခုနှစ်၊ ဒီဇင်ဘာလက စတင်ပြီး ၂ လ တကြိမ် အပစ်ရပ် သက်တမ်း တိုးပေးခဲ့ ခြင်း ဖြစ်သည်။

နောက်ဆုံး သက်တမ်းတိုးမှုမှာ သြဂုတ်လ ၃၁ ရက်နေ့ မြောက်ပိုင်း မဟာမိတ်များနှင့် အစိုးရတို့ကြား တွေ့ ဆုံခဲ့သည့် ကျိုင်းတုံ ဆွေးနွေးပွဲ အပြီးတွင် ယင်းရလဒ်အပေါ် မူတည်၍ ၂၀၁၉ ခုနှစ်၊ စက်တင်ဘာလ ၂၁ ရက်နေ့အထိ ဖြစ် သည်။

တပ်မတော် အပစ်အခတ် ရပ်စဲမှုသည် ၂၀၁၈ ခုနှစ် ဒီဇင်ဘာလ ၂၁ ရက်မှ ဧပြီလ ၃၀ ရက်အထိ စတင် ကြေညာပြီး နောက် ၂၀၁၉ ခုနှစ် ဇွန်လ ၃၀ ရက် အထိ တကြိမ်၊ သြဂုတ်လ ၃၁ ရက်အထိ တကြိမ်၊ ယခု စက်တင်ဘာလ ၂၁ ရက် အထိ တကြိမ် ၃ ကြိမ် မြောက် သက်တမ်း တိုးထားသည်။

တပ်မတော်၏ ယခုကဲ့သို့ သက်တမ်း မတိုးမှုအပေါ် TNLA သို့ ဧရာဝတီက ဆက်သွယ် မေးမြန်းရာ တပ်မတော်၏ တရားဝင် ထုတ်ပြန်ချက် တွေ့မြင်ရမှသာ သဘောထား ပေးနိုင်မည်ဟု ယင်းအဖွဲ့မှ ဗိုလ်မှူးချုပ် တာဘုန်းကျော်က တုန့်ပြန်သည်။

ကချင် လွတ်လပ်ရေး တပ်မတော်(KIA)၊ TNLA၊ မြန်မာ အမျိုးသား ဒီမိုကရက်တစ် မဟာမိတ် တပ်မတော် (MNDAA)၊ ရက္ခိုင်တပ်မတော်တို့ (AA)တို့ ပြီးခဲ့သည့် စက်တင်ဘာ ၁၇ ရက်နေ့က ကျိုင်းတုံမြို့တွင် တွေ့ ဆုံခဲ့သော်လည်း တိုက်ပွဲများ ရပ်တန့်ရေး ဆက်လက် ဆွေးနွေးမည်ဟု သဘောတူညီမှုမှ အပ သိသာတိုးတက်သည့် ဆွေးနွေးပွဲ ရလဒ်များ မထွက်ပေါ်ခဲ့ပေ။

တပ်မတော် ကာကွယ်ရေး ဦးစီးချုပ်ရုံးက ပဏာမ အပစ်ရပ် စာချုပ် (Bilateral Agreement) နှင့် တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူ စာချုပ် (NCA) လက်မှတ် မထိုးရသေးသည့် တိုင်းရင်းသား လက်နက်ကိုင် အဖွဲ့များနှင့် ညှိနှိုင်း ဆွေးနွေးရန် အပစ်ရပ်ကာလကို သက်တမ်း တိုးပေးနေခြင်း ဖြစ်ကြောင်း တပ်မတော်မှ ပြောရေး ဆိုခွင့်ရှိသူ ဗိုလ်ချုပ် စိုးနိုင်ဦးက မီဒီယာများသို့ ပြောဆိုထားသည်။

ငြိမ်းချမ်းရေး ကော်မရှင်တွင် အကြံပေးအဖြစ် ဆောင်ရွက်ခဲ့သူ ဒေါက်တာ မင်းဇော်ဦးက “အပစ်ရပ် သက်တမ်း တိုးတာ၊ မတိုးတာထက် မြေပြင်မှာ ၂ ဖက် တပ်တွေ ဘယ်လို လုပ်ဆောင်မလဲ ဆိုတဲ့ အပေါ်မှာ အခြေခံလိမ့်မယ်။ ဥပမာ ကျနော်တို့ ကချင်ပြည်နယ် မှာဆိုရင် နှစ်ဖက် တရားဝင် အပစ် အခတ် ရပ်စဲရေးက ဘာမှ မရှိဘူး။ ဒီတနှစ်လုံးမှာ တပ်မတော်နဲ့ KIA ကြား တိုက်ပွဲတွေ မရှိဘူး။ ဒါက ၂ ဖက်လုံးက တပ်တွေ အပေါ်မှာ အများကြီး မူတည်တယ်”ဟု ဧရာဝတီသို့ ပြောသည်။

တပ်မတော်နှင့် မြောက်ပိုင်း မဟာမိတ် ၂ ဖက်စလုံးက အပစ်အလခတ် ရပ်စဲကြောင်း ကြေညာကြ သော်လည်း ခြွင်းချက်များ ပါဝင်နေရာ ယင်းခြွင်းချက်များကြောင့် တိုက်ပွဲ အချိန်မရွေး ဖြစ်နိုင်သည့် သဘော ဖြစ်နေကြောင်း၊ နယ်မြေ တိတိကျကျ မရှိသည့် အပေါ်တွင် တပ်များ လှုပ်ရှားပါကလည်း ထိတွေ့ တိုက်ပွဲများ ဖြစ်နိုင်ကြောင်း ၎င်းက သုံးသပ်သည်။

၎င်းက ဆက်၍ “တိုက်ပွဲတွေ လုံးဝ ရပ်သွားဖို့ ဆိုရင်တော့ ၂ ဖက် တပ်တွေက ဘယ်နေရာမှာ ဘယ်လို နေမယ်။ တဖက်နဲ့တဖက် ဘယ်လို Communication ဘယ်လို လုပ်မလဲ။ တဖက်နဲ့ တဖက် ဆက်သွယ်ပြီး ဘယ်လို လုပ်မလဲ ဆိုတာမျိုး တိတိကျကျ ရှိမှ ဖြစ် မှာ။ ဒါပေမယ့် ဒီလို အခြေအနေမျိုး တွေမှာတော့ စစ်ဆင်ရေး အကြီးကြီးတွေတော့ လုပ်မယ် မထင်တော့ဘူး။ သက်တမ်း မတိုးဘူး ဆိုရင်တောင်မှ လက်ရှိ အနေအထား အတိုင်း ပိုနေမြဲ၊ ကျားနေမြဲ အနေအထားလောက်ပဲ လုပ်ကောင်း၊ လုပ်လိ့မ်မယ်”ဟု ပြောသည်။

ရခိုင်အမျိုးသား ပါတီမှ ပြည်သူ့လွှတ်တော်ကိုယ်စားလှယ် ဦးဖေသန်းက“နဂိုကတည်းက ရခိုင်ပြည် နယ်မှာ စစ်ပွဲတွေ ရပ်ထားတာ မဟုတ်ဘူး။ စစ်တိုင်း ၅ ခု မှာပဲ တိုးနေတာ။ အဲဒီအကြောင်းပြချက် ကြောင့် ဆိုရင်လည်းပဲ မူလ စစ်တိုင်း ၅ တိုင်းပဲ တိုးလို့ ရတာပဲ။ ရခိုင်ပြည်နယ်ကို တိုးပါမယ်လို့ သူတို့ တခါမှ မပြောဖူးဘူး။ သူတို့ မတိုးချင်လို့ မတိုးတာပဲ ဖြစ်လိမ့်မယ်”ဟု ဧရာဝတီသို့ ပြောသည်။

တပ်မတော်နှင့် မြောက်ပိုင်း မဟာမိတ်များကြား ဖြစ်ပွားလျက်ရှိသည့် တိုက်ပွဲများနှင့် ပတ်သက်၍ ၂ ဖက်စလုံး ပါဝင်သော အပစ် အခတ်ရပ်စဲရေး စောင့်ကြည့်မှု ကော်မတီတခု ရှိရန် လိုအပ်နေပြီ ဖြစ် ကြောင်း မြောက်ပိုင်း မဟာမိတ်များဘက်က စက်တင်ဘာလ ၁၆ ရက်နေ့တွင် ဧရာဝတီသို့ ပြောဆိုထားသည်။

၎င်းတို့ဆိုလိုသည့် အပစ်ရပ်စဲရေး ကော်မတီဆိုသည်မှာ တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူစာချုပ် (NCA) လက် မှတ်ရေးထိုးပြီးမှသာ နိုင်ငံရေးသဘောအရ စဉ်းစားရမည့်ကိစ္စတခု ဖြစ်သည်ဟု သိရသော်လည်း တိုက်ပွဲများ ဖြစ်နေဆဲအချိန်တွင် မြောက်ပိုင်း မဟာမိတ်များက ယခုလို စတင် တောင်းဆိုခဲ့ခြင်း ဖြစ်သည်။

မြောက်ပိုင်း မဟာမိတ် ၄ ဖွဲ့အနက် TNLA၊ MNDAA၊ AA တို့ ၃ ဖွဲ့သည် ပြင်ဦးလွင်ရှိ တပ်မတော် နည်းပညာ တက္ကသိုလ်နှင့် တိုးဂိတ် အပါအဝင် နောင်ချို တိုးဂိတ်၊ မူးယစ်ဆေးဝါးဂိတ်၊ ရဲစခန်းနှင့် မြို့ရှောင်လမ်း တိုးဂိတ် စသည့် နေရာ ၆ နေရာကို ၂၀၁၉ ခုနှစ် သြ ဂုတ်လ ၁၅ ရက်က တပြိုင်တည်း တိုက်ခိုက်ခဲ့ကြသည်။

ယင်းတိုက်ခိုက်ခံရမှုပြီးနောက် ငြိမ်းချမ်းရေးဆွေးနွေးပွဲသို့ လာရောက်ပါက ကြိုဆိုမည် ဖြစ်သကဲ့သို့ တိုက်ပွဲများ ဆက်တိုက်လိုပါက တပ်မတော် အနေဖြင့် အဆင်သင့်ကြောင်း တပ်မတော်မှ ပြောခွင့်ရသူ ဗိုလ်ချုပ် စိုးနိုင်ဦးက တုန့်ပြန်ခဲ့သည်။

၂ ဖက်တိုက်ပွဲများအတွင်း အရပ်သား သေဆုံးမှုများ၊ မော်တော်ယာဉ်၊ အဆောက်အဦများ ပျက်စီး ဆုံးရှုံးမှုများ အများအပြား ရှိခဲ့ပြီး ၂ ဖက်စလုံးက ၎င်းတို့၏ လက်ချက်ဟု ဝန်ခံ ပြောဆိုခဲ့ခြင်း မရှိပေ။

လက်ရှိအချိန်အထိလည်း တပ်မတော်မှ အပစ်ကာလ သက်တမ်း ကြေညာခြင်းမျိုးကို မတွေ့ရပေ။

Credit - Irrawaddy

ငြိမ်းချမ်းရေးဖြစ်စဉ်မှာ အမျိုးသမီးပါဝင်ရင် လက်နက်ကိုင်လမ်းစဉ်ပျောက်သွားနိုင်

ငြိမ်းချမ်းရေးဖြစ်စဉ်မှာ အမျိုးသမီးတွေ ပါဝင်ခြင်းအားဖြင့် နိုင်ငံရေးပြဿနာတွေကို နိုင်ငံရေးနည်းနဲ့ ဖြေရှင်းဖို့ဘက်ကို ပိုပြီးတော့တွန်းအားပေးပြီး လက်နက်ကိုင်လမ်းစဉ်တွေပျောက်သွားအောင်လုပ် ဆောင်နိုင်မယ်လို့ ယုံကြည်ကြောင်း မြန်မာ့အမျိုးသမီးသမဂ္ဂရဲ့ မူဝါဒရေးရာဦးဆောင်အဖွဲ့ဝင် ဒေါ်မိဆူးပွင့်က ပြောပါတယ်။

မကွေးမြို့မှာ ဒီနေ့ကျင်းပတဲ့ နိုင်ငံတကာ ငြိမ်းချမ်းရေးနေ့မှာ ဒေါ်မိဆူးပွင့်က ပြောကြားခဲ့တာဖြစ်ပြီး ပဋိပက္ခဖြစ်စဉ်တွေမှာ ခွဲခြားဆက်ဆံမှုတွေကပဲ အဓိကကျ တွန်းအားပေးနေတယ်လို့လည်း ပြောပါတယ်။

ကျားမရေးရာ ခွဲခြားဆက်ဆံတာ၊ ဘာသာအယူဝါဒ၊ လူမျိုးရေးစတဲ့ ခွဲခြားမှုတွေဟာ ငြိမ်းချမ်းရေးကို ခြိမ်းခြောက်နေတဲ့ အရာတွေပဲဖြစ်တယ်လို့ ဆိုပါတယ်။

ဒေါ်မိဆူးဟာ လက်နက်ကိုင်အဖွဲ့အစည်းတခုဖြစ်တဲ့ ABSDF မှာလည်း ထိပ်တန်းခေါင်းဆောင်တစ်ဦးဖြစ်ပါတယ်။

မြန်မာ့အမျိုးသမီးများသမဂ္ဂ ဥက္ကဋ္ဌ ဒေါ်တင်တင်ညိုကတော့ နှစ်ဘက်စစ်ပွဲတွေဟာ ဝေးလံခေါင်သီတဲ့ တိုင်းရင်းသားဒေသတွေမှာ ဖြစ်ပွားလေ့ရှိတဲ့အတွက် သတင်းအချက်လက်တွေရရှိဖို့ ခက်ခဲနေတယ်လို့ ပြောပါတယ်။

ဒါ့အပြင် စစ်ဖြစ်လာခဲ့ရင် အမျိုးသားရော၊ အမျိုးသမီးရော တွေ့ကြုံရင်ဆိုင်ရတယ်ဆိုပေမယ့် အမျိုးသမီးနဲ့ ကလေးသူငယ်တွေ အပေါ်မှာပိုပြီး ဆိုးကျိုးတွေကျရောက်စေတယ်လို့လည်း ဆိုပါတယ်။
စစ်ဖြစ်လာပြီဆိုရင် အမျိုးသမီးတွေအပေါ် လိင်အကြမ်းဖက်တာတွေအပါအဝင် တခြား မျှော်လင့်မထားနိုင်တဲ့ အန္တရာယ်တွေလည်း ကျရောက်နိုင်တယ်လို့ပြောပါတယ်။

ကလေးတွေရဲ့ ပညာရေးကျန်းမာရေးကအစ စားဝတ်နေမှုတွေပါ ကျပ်တည်းပြီး အားနည်းတဲ့ အမျိုးသမီးထုနဲ့ ကလေးသူငယ်အများစုမှာ မငြိမ်းချမ်းနိုင်တဲ့ ဘေးဒဏ်ကို ပိုခံစားရတယ်လို့ ဒေါ်တင်တင်ညိုက ပြောပါတယ်။

မကွေးတိုင်းဒေသကြီး လွှတ်တော် ဒုဥက္ကဋ္ဌ ဦးဇော်မျိုးဝင်းကတော့ ငြိမ်းချမ်းရေးနဲ့ ပတ်သက်ရင် နိုင်ငံပေါင်းစုံဟာ ညီညွတ်ဖို့လိုတယ်ဆိုတဲ့ ကမ္ဘာ့ကုလသမဂ္ဂရဲ့ ဆောင်ပုဒ်နဲ့အညီ ကျင့်သုံးနိုင်ဖို့ လိုတယ်လို့ ပြောပါတယ်။

နိုင်ငံတကာငြိမ်းချမ်းရေးနေ့ကို နှစ်စဉ်နှစ်တိုင်း ဆောင်ပုဒ်တစ်ခုခုကိုရွေးချယ်ပြီး ကျင်းပလေ့ရှိပါတယ်။
ဒီနှစ်အတွက်ဆောင်ပုဒ်ဟာ Climate Action for peace လို့ဆိုတဲ့ ရာသီဥတုအတွက် လှုပ်ရှားရင်း ငြိမ်းချမ်းရေးဆီသို့ဆိုတဲ့ ဆောင်ပုဒ်ဖြစ်တယ်လို့ သိရပါတယ်။

နိုင်ငံတကာငြိမ်းချမ်းရေးနေ့ အခမ်းအနားကို ရန်ကုန်မြို့မှာလည်း ဒီနေ့ကျင်းပခဲ့ပါတယ်။

ရန်ကုန်မြို့မှာ ကျင်းပတဲ့ အခမ်းအနားမှာ ဘာသာပေါင်းစုံ ဆုတောင်းပွဲအပါအ၀င် ငြိမ်းချမ်းရေး ကဗျာရွတ်ဆိုတာတွေနဲ့ ငြိမ်းချမ်းရေးအတွက် ဂုဏ်ပြုဖျော်ဖြေရေးအစီအစဉ်တွေလည်း ပါဝင်ပါတယ်။

Credit - RFA

ကောင်းကင်မှကျလာသည့် ယန္တရားအပိုင်းအစကို တပ်မတော်သို့ လွှဲပြောင်းမည်

ကိုယ်ဝန်ဆောင်အမျိုးသမီးတစ်ဦး ဆေးကုသမှုခံယူခဲ့ရ

ဖားကန့်မြို့နယ်ရှိ ကျေး ရွာတစ်ရွာအနီး ပြုတ်ကျလာ သည့် ယန္တရားအပိုင်းအစကို တပ် မတော်သို့ လွှဲပြောင်းပေးမည်ဖြစ် ကြောင်း ကချင်ပြည်နယ်အစိုးရ အဖွဲ့က ပြောသည်။

‘‘အရင်တစ်ခေါက် (၂၀၁၆) ကျတုန်းကတော့ တပ်မတော်ကို ပဲအပ်လိုက်တယ်။ အခုလည်း နယ်မြေခံတပ်ကိုပဲ အပ်မှာပါ။ နောက်ပိုင်း ဘာဆက်လုပ်မယ် ဆိုတာကို မသိသေးဘူးခင်ဗျ’’ ဟု ကချင်ပြည်နယ် အစိုးရအဖွဲ့ညွှန် ကြားရေးမှူး ဦးဇော်မျိုးညွန့်က ပြောသည်။

အလျား ၁၅ ပေခန့်၊လုံးပတ် ခုနစ်ပေခန့်ရှိသော စက်ကိရိယာ အချို့ပါ ယန္တရားအစိတ်အပိုင်း တစ်ခု ဖားကန့်မြို့နယ် မှော်ပုံ ကျေးရွာရှိ လူနေအိမ်အချို့အနီး သို့ စက်တင်ဘာ ၁၉ ရက် နေ့ လယ် ၁ နာရီမိနစ် ၂၀ ခန့်က ပြုတ်ကျရာ ဒေသခံများ အထိတ် တလန့်ဖြစ်ခဲ့သည်။ ကိုယ်ဝန် ဆောင်အမျိုးသမီးတစ်ဦး ရှိနေ သော နေအိမ်နှင့် ပေ ၂၀ ခန့်အ ကွာသို့ ပေါက်ကွဲသံနှင့်အတူ အ ရှိန်ပြင်းပြင်းကျလာ၍ အသက် (၂၄)နှစ်အရွယ်၎င်းအမျိုးသမီး သည် ထိတ်လန့်တုန်လှုပ်ပြီးကျန်းမာရေးဌာနတွင် ဆေးကုသမှုခံယူခဲ့ရသည်။

‘‘စက်တင်ဘာ ၁၉ ရက်က အဖြစ်ကြောင့် လန့်ပြီး ဗိုက်ကြီးကိုမပြီး ထွက်ပြေးခဲ့ရတယ်လို့ပြောတယ်’’ ဟု ကိုယ်ဝန်ဆောင်အမျိုးသမီးကို ကျန်းမာ ရေးစစ်ဆေးပေးခဲ့သည့် လုံးခင်း တိုက်နယ်ကျန်းမာရေးဌာန ဆန် ခါကျေးလက်ကျန်းမာရေးဌာနခွဲ (ယာယီ)မှ သားဖွားဆရာမ ဒေါ် ဖြူဖြူမြင့်သိန်းက ပြောသည်။

ကိုယ်ဝန်သည် ခုနစ်လ ကျော်နေပြီဖြစ်ပြီး အသေးစိတ် စစ်ဆေးရာ ထိခိုက်မှုမရှိခဲ့ကြောင်း ဒေါ်ဖြူဖြူမြင့်သိန်းက ပြောသည်။ နေအိမ်ပေါ် တည့်တည့်မကျခြင်း သည် ကံအလွန်ကောင်းပြီး အိမ် နှင့်ကပ်လျက် အုတ်ရေကန်နှင့် မီးဖိုဆောင် ကွဲအက်ပျက်စီးခဲ့ ကြောင်း ဒေသခံများက ပြော သည်။

‘‘ရေကန်တစ်ကန်ဖြစ်ဖို့ လည်း မလွယ်ဘူးလေဗျာ။ တာ ၀န်ရှိသူတွေ အနေနဲ့ ပြန်ထောက် ပံ့ပေးတာမျိုးဖြစ်လာရင် ကောင်း တာပေါ့။ အခုကတော့ ဘာမှန်း မသိရဘဲ ပျက်စီးတာ’’ ဟုဒေသခံ ဦးတင်လှိုင်က ပြောသည်။

ယန္တရားအပိုင်းအစသည် တရုတ်နိုင်ငံမှ ပစ်လွှတ်လိုက် သော ဂြိုဟ်တုတစ်ခု၏ အပိုင်း အစတစ်ခုဖြစ်ကြောင်း ဒေသခံ များက ယုံကြည်နေပြီး မည်သည့် နိုင်ငံက ပစ်လွှတ်သည်ဖြစ်စေ မြန်မာအစိုးရအနေဖြင့် သတင်း ထုတ်ပြန်ရှင်းပြသင့်ကြောင်းဒေ သခံများက မှတ်ချက်ပြုသည်။

ကောင်းကင်ပေါ်မှ ယန္တရား အစိတ်အပိုင်းတစ်ခု ပြုတ်ကျခြင်း သည် ဖားကန့်ဒေသတွင် သုံးနှစ် အတွင်း နှစ်ကြိမ်မြောက်ဖြစ် သည်။ ၂၀၁၆ နိုဝင်ဘာ ၁၀ ရက် နံနက် ၅ နာရီခန့်ကလည်း ဖား ကန့်မြို့နယ် မှော်ဆီဇာကျေးရွာ ၀န်းကျင်ကျောက်စိမ်းလုပ်ကွက် အနီးသို့ ဂြိုဟ်တုအပိုင်းအစကဲ့သို့ ယန္တရားအစိတ်အပိုင်းတစ်ခု ပြုတ်ကျဖူးပြီး နေအိမ်အချို့ ထိ ခိုက်ပျက်စီးခဲ့သည်။ ယင်းဖြစ်စဉ် ၏အကြောင်းရင်းကို ဌာနဆိုင်ရာ တာဝန်ရှိသူများက ရှင်းပြနိုင်ခြင်း မရှိခဲ့ပေ။

Credit - 7 Day Daily