ပြည်ထောင်စု အစိုးရအဖွဲ့ရုံး ဝန်ကြီးဌာနရဲ့ ဝန်ကြီးအဖြစ် လက်ရှိ သမ္မတရုံး ဝန်ကြီးဌာန ဒုဝန်ကြီး ဦးမင်းသူကို တာဝန်ပေးမယ်ဆိုတော့...
ဒီချုပ်ဘက်ကို "စစ်တပ်က လူတွေကို ထိပ်ပိုင်း ရာထူးတွေ ပေးရပါ့မလား" လို့ ဝေဖန်နေကြပြီး
ကာယကံရှင်ဘက်ကိုတော့ ထုံးစံအတိုင်း "သာကူး" လို့ အလွတ်မဲ့စား စွပ်စွဲကြပြန်ပါတယ်။
ဒီတော့ ဗိုလ်မှူးကြီး (ငြိမ်း) မင်းသူ အကြောင်း အများသိအောင် ပြောပြချင်ပါတယ်။
ဦးမင်းသူဟာ ၁၉၇၅ မှာ Defence Services Aca
demy (DSA) တက်ပြီး ၁၉၇၉ မှာ ကျောင်းဆင်းတော့ လေတပ်မှာ ဝင်ရောက် အမှုထမ်းပါတယ်။
၂၀၀၃ မှာ National Defense College (NDC) က ကျောင်းဆင်းပြီးချိန်မှာတော့
လေတပ် ဗိုလ်မှူးကြီး မင်းသူကို သူ့ဇနီးသည်က ခရစ်ယာန် ဖြစ်တာရယ်၊ တပ်က ဆရာက
ရိုးသားဖြောင့်မတ်တဲ့ ဗိုလ်ချုပ်မြင့်ဆွေ ဖြစ်တာရယ်ကြောင့် အရပ်ဘက်
ပို့ဆောင်ရေး ဝန်ကြီးဌာနကို ပို့ဆောင်ခြင်း ခံရပါတယ်။ အရပ်ဘက် မရောက်မီ
နောက်ဆုံးတာဝန်က တပ်မတော် (လေ) အုပ်စုမှူး မင်္ဂလာဒုံ လေတပ်စခန်း ဌာနချုပ်
ဖြစ်ပါတယ်။
ဒါပေမဲ့ အဲဒီခေတ်က အရပ်ဘက်ကို ရွှေ့ပြောင်းလာတဲ့ အခြား
မိုးကျရွှေကိုယ်တွေလို အရပ်ဘက် ဝန်ကြီးဌာနရဲ့ ရာထူးကြီးကြီး တစ်ခုကို
ရသွားတာ မဟုတ်ဘဲ...
အဲဒီတုန်းက အသက် ၄၅ နှစ် ပြည့်ကာစပဲ ရှိသေးတာကို
အကြောင်းပြုပြီး ပို့ဆောင်ရေး ဝန်ကြီး ဗိုလ်ချုပ် လှမြင့်ဆွေက မင်း
အသက်ငယ်သေးတယ် ဆိုပြီး လေယာဉ်ပဲ ဆက်မောင်းခိုင်းလို့ ၂၀၀၄ က စပြီး
မြန်မာ့လေကြောင်းမှာ အရပ်သား ပိုင်းလော့ ဖြစ်သွားရတယ်။
နောက်ပိုင်းမှာ Air Bagan ကို ပြောင်းပြီး လေယာဉ်မှူး အလုပ်ပဲ
ဆက်လုပ်ခဲ့ပါတယ်။ အဲဒီအချိန်မှာ ဦးမင်းသူ မောင်းနိုင်တဲ့ လေယာဉ်က
ပျက်သွားတော့ Air Bagan ပိုင်ရှင် ဦးတေဇက ဦးမင်းသူကို Administration
ပိုင်းကို ပြောင်းပြီး တာဝန်ယူစေချင်ပါတယ်။
သို့သော် တပ်ကလာတဲ့
ပိုင်းလော့ဖြစ်တဲ့ ဦးမင်းသူဟာ ပုဂ္ဂလိက ကုမ္ပဏီတစ်ခုမှာ ရုံးထိုင်ရတာထက်
လေယာဉ်မောင်းတာကိုသာ ပိုနှစ်သက်လို့ Golden Myanmar Airlines ကို
ပြောင်းပြီး လေယာဉ်မှူးအလုပ်ကိုသာ ဆက်လုပ်ခဲ့တာပါ။
ဒါက ဦးမင်းသူရဲ့ အလုပ်အကိုင် ဖြတ်သန်းမှုပါ။
အဂတိလိုက်စားမှုတွေနဲ့ အပုပ်နံ့ ထွက်လေ့မရှိတဲ့ လေတပ်မှာ အမှုထမ်းပြီး...
တပ်က အရပ်ဘက်ကို ပို့တော့လည်း ညွှန်မှူး ညွှန်ချုပ် စတဲ့ မိုးကျရွှေကိုယ်
ရာထူးတွေမှာ မဟုတ်ဘဲ လေယာဉ်မှူး အလုပ်ကိုသာ ဖြူဖြူစင်စင်
လုပ်ကိုင်ခဲ့တဲ့အပြင်...
ဝန်ထမ်းဘဝက အနားယူချိန်မှာလည်း ပုဂ္ဂလိက
လေကြောင်းလိုင်းတွေမှာ လေယာဉ်မှူး လုပ်ပြီး သမ္မာအာဇီဝကျကျ
အသက်မွေးဝမ်းကျောင်းခဲ့သူ ဖြစ်ပါတယ်။
သူ့ရဲ့ ဘဝဖြတ်သန်းမှုကလည်း ရိုးရှင်းပါတယ်။
ရှေ့နေ ဒေါ်လွင်မေသိန်းနဲ့ လက်ထပ်ပြီး သမီးနှစ်ယောက် ရှိပါတယ်။
ဒေါ်လွင်မေသိန်းဟာ ကိုလိုနီခေတ်က မြန်မာနိုင်ငံရဲ့ အဓိပတိ ဒေါက်တာ ဘမော်ရဲ့ အစ်ကို ဒေါက်တာဘဟန်ရဲ့ မြေးဖြစ်ပါတယ်။
ဒေါက်တာဘမော်နဲ့ ဒေါက်တာဘဟန်တို့ဟာ အဆင့်မြင့် ပညာတတ်တွေ ဖြစ်ပြီး အင်္ဂလိပ်စကားကို ကျွမ်းကျင်စွာ တတ်ကျွမ်းတဲ့ ပုဂ္ဂိုလ်တွေ ဖြစ်တယ်။
ဗိုလ်ချုပ်အောင်ဆန်းကတောင် ဒေါက်တာဘမော်ရဲ့ အင်္ဂလိပ် စကားပြော လေယူလေသိမ်းကို အတုခိုး လေ့ကျင့်ခဲ့ရတာ ဖြစ်သလို...
ရှေ့နေဖြစ်တဲ့ ဒေါက်တာဘဟန်ဟာ ဆိုရင်လည်း မြန်မာနိုင်ငံမှာ အကောင်းဆုံး
အစုံလင်ဆုံးလို့ ဆိုနိုင်တဲ့ အင်္ဂလိပ် မြန်မာ အဘိဓာန်ကို ပြုစုခဲ့တဲ့
ပညာရှင် ဖြစ်တယ်။
အခုလက်ရှိ ဦးမင်းသူ ဒေါ်လွင်မေသိန်းတို့ မိသားစု
နေထိုင်နေတဲ့ ကမ္ဘာအေးဘုရား လမ်းမကြီးပေါ်က တိုက်တွေ ခြံတွေဟာ ဒေါက်တာဘဟန်ရဲ့
အမွေတွေပဲ ဖြစ်ပြီး အဘိုးမှ အမေ၊ အမေမှ မြေးဖြစ်တဲ့ ဒေါ်လွင်မေသိန်းတို့
လက်ထက်အထိ နေထိုင်လာခဲ့ကာ မတရား ခိုးဝှက်ခြစားပြီး ရလာတဲ့ ငွေမည်းတွေနဲ့
ဝယ်ခြမ်းထားတာမျိုး ဘာတစ်ခုမှ မရှိဘဲ သန့်ရှင်းပါတယ်။
အဲဒီ
ခြံတွေအပြင် အခြား ဒေါက်တာဘဟန်ဆီက ဆက်ခံရရှိတဲ့ အရင်ခေတ်က
အဖိုးမတန်သော်လည်း အခုခေတ် မြေဈေးအရ တန်ကြေးအရမ်းကြီးတဲ့ မြေအချို့ကို
ငှါးရမ်းထားရာက ရတဲ့ငွေ၊ ဦးမင်းသူရဲ့ ပိုင်းလော့အလုပ်က လခတွေနဲ့ မိသားစု
အေးချမ်းစွာ ရပ်တည်နေနိုင်တာ ဖြစ်တယ်။
ဒီလို ဘဝကို အေးချမ်းစွာ ဖြတ်သန်းနေတဲ့ ဦးမင်းသူဟာ ဒေါ်အောင်ဆန်းစုကြည် အာဏာရလာတဲ့အခါ စားပေါက်ချောင်အောင် သာကူး လုပ်စရာ လိုပါသလား။
သာကူး ဆိုတာက ပြိုင်ဘက် နှစ်ဖွဲ့ထဲမှာ တစ်ဖွဲ့ဘက်က ရပ်တည်ပြီးကာမှ
ပိုသာမယ်ထင်တဲ့ နိုင်မယ်ထင်တဲ့ ဘက်ကို ကူးပြောင်းခိုလှုံတာမျိုးကို
ခေါ်ပါတယ်။
ဦးမင်းသူဟာ လေတပ်က ဖြစ်သော်လည်း ဒီချုပ်ရဲ့
ပြိုင်ဘက်တွေနဲ့ ပတ်သက်ခြင်း လုံးဝ မရှိဘဲ သူ့ဘာသာ အရပ်သား လေယာဉ်မှူး
လုပ်နေသူ ဖြစ်လို့ လက်ရှိအချိန်မှာ ဒေါ်အောင်ဆန်းစုကြည်က ခေါ်ယူပြီး
တာဝန်ပေးခြင်းတွေအတွက် သူ့ကို သာကူးလို့ ပြောလို့ လုံးဝ မရပါဘူး။
အချို့ ဦးမင်းသူဘက်က ရပ်တည်တဲ့ ဒီချုပ် လိုလားသူအချို့ကလည်း ၂၀၁၄ က
ဓာတ်ပုံတစ်ပုံကို ပြပြီး ဦးမင်းသူဟာ ဒေါ်အောင်ဆန်းစုကြည် ရွေးကောက်ပွဲ
မနိုင်ခင်ကတည်းက ဒေါ်အောင်ဆန်းစုကြည် အနားမှာ ရှိနှင့်ပြီးသားလို့
ကာကွယ်ပေးပါတယ်။ ဒါ မှန်ပါတယ်။
သို့သော် တကယ်တမ်းမှာ ဦးမင်းသူတို့နဲ့ ဒေါ်အောင်ဆန်းစုကြည်ရဲ့ ပတ်သက်မှုဟာ အဲဒီထက်ကို ပိုပြီး စောပါတယ်။
၁၉၈၈ ဧပြီ ပထမပတ်မှာ ဒေါ်ခင်ကြည် နေမကောင်းလို့ ဒေါ်အောင်ဆန်းစုကြည်
ပြန်လာပါတယ်။ ဒေါ်လွင်မေသိန်းရဲ့ ဖခင်ဘက်က ကြီးတော် ဒေါ်လှသိန်းဟာ
ဒေါ်ခင်ကြည်ရဲ့ အချစ်ဆုံး သူငယ်ချင်း ဖြစ်လို့ ဆေးရုံသွားကြည့်ရင်း
ဒေါ်လွင်မေသိန်း မိသားစုနဲ့ ဒေါ်အောင်ဆန်းစုကြည် ပြန်တွေ့ဆုံကြတယ်။
ဗိုလ်ချုပ်အောင်ဆန်းရဲ့ သမီး ဒေါ်အောင်ဆန်းစုကြည်နဲ့ ဒေါက်တာဘဟန်ရဲ့ မြေး
ဒေါ်လွင်မေသိန်းတို့ဟာ ညီအစ်မတွေလို ခင်မင်ချစ်ကြည်ကြပေမဲ့...
လူတကာအပေါ် အင်မတန် နားလည်စာနာ တွေးတောပူပန်ပေးတတ်တဲ့ ဒေါ်အောင်ဆန်းစုကြည်ဟာ
ခေတ်ကာလအခြေအနေအရ သူနဲ့ ပတ်သက်နေရင် တပ်အသိုင်းအဝိုင်းက ဖြစ်တဲ့
ဦးမင်းသူတို့ ထိခိုက်မှာစိုးလို့ ၁၉၈၉ ပထမအကြိမ် အကျယ်ချုပ် မကျခင်ကတည်းက
အဆက်အသွယ် ဖြတ်ကြမယ်လို့ သေချာပြောတာကြောင့် စည်းကမ်းကြီးတဲ့
ဒေါ်အောင်ဆန်းစုကြည် စကားကို နားထောင်ပြီး အဝေးကပဲ ထောက်ခံနေခဲ့ပါတယ်။
၂၀၁၀ မှာ နောက်ဆုံး အကျယ်ချုပ်က ဒေါ်အောင်ဆန်းစုကြည် လွတ်လာချိန်မှာ
ဦးမင်းသူက Air Bagan မှာ အရပ်သား လေယာဉ်မှူး ဖြစ်နေပြီဆိုလို့ အဆက်အသွယ်
ပြန်လုပ်ကြတာ ဖြစ်တယ်။ ဒါကြောင့် ၂၀၁၄ က ဓာတ်ပုံထဲမှာ ဦးမင်းသူကို
ဒေါ်အောင်ဆန်းစုကြည်နားမှာ တွေ့ရခြင်း ဖြစ်တယ်။
၂၀၁၅
ရွေးကောက်ပွဲမှာ အနိုင်ရပြီး အစိုးရ ဖွဲ့ချိန်မှာ ဒေါ်အောင်ဆန်းစုကြည်က
ကမ်းလှမ်းသော်လည်း အစိုးရသစ်အတွက် အလုပ်လုပ်ပေးလိုသူတွေ
ရှားပါးနေတဲ့အချိန်မှာ...
ဖခင်တွေ အဘိုးတွေက မြန်မာ့နိုင်ငံရေးမှာ
သမိုင်းဝင် ပုဂ္ဂိုလ်တွေ ဖြစ်ပြီး နောက်မျိုးဆက်ချင်းပါ ဆွေလိုမျိုးလို
ဖြစ်နေတဲ့ ဒေါ်လွင်မေသိန်းတို့ မိသားစုထဲက ဗိုလ်မှူးကြီး (ငြိမ်း)
ဦးမင်းသူကို ဒီချုပ်အစိုးရကို လာကူညီဖို့ ကမ်းလှမ်းပါတယ်။
အဲဒီအချိန်မှာ လေယာဉ်မှူးလစာ အမေရိကန်ဒေါ်လာ ၇၅၀၀ (အခွန် ၁၀ ရာခိုင်နှုန်း
ဆောင်အပြီး ဒေါ်လာ ၆၇၅၀) ရနေတဲ့ ဦးမင်းသူအဖို့ အခွန်နဲ့ အခြား
ဖြတ်တောက်မှုတွေ နှုတ်ပြီး ၁၈ သိန်းခွဲသာ ရမယ့် ဒုဝန်ကြီးလစာကို မက်ပြီး
အစိုးရအဖွဲ့ထဲ ဝင်သွားစရာ အကြောင်းမရှိပါဘူး။
ဘယ်သူ့အဆဲအဆိုမှ မခံရ၊ စွပ်စွဲ ပုတ်ခတ်မှုတွေမှ ခံစရာမလိုဘဲ သမ္မာအာဇီဝကျကျ ရနေတဲ့ လေယာဉ်မှူး လခကောင်းကောင်းကို ပစ်ပြီး...
ပြည်သူ့အဆဲအဆိုနဲ့ အခြေအမြစ်မရှိ စွပ်စွဲတတ်ကြတဲ့ အွန်လိုင်းနဲ့
ပရင့်မီဒီယာက မျက်လုံးပေါင်း ကုဋေကုဋာကို ရင်ဆိုင်ပြီးမှ ပိုနည်းတဲ့
လစာကိုရမယ့် သမ္မတရုံး ဒုဝန်ကြီးရာထူးကို လက်ခံလိုက်တာဟာ...
အစ်မလို သံယောဇဉ်ကြီးပြီး ချစ်ခင်ရတဲ့ ဒေါ်အောင်ဆန်းစုကြည်ကို ကူညီချင်စိတ်တစ်ခုတည်းနဲ့ပဲ ဖြစ်ပါတယ်။
အခုလို အစိုးရသက်တမ်း သုံးနှစ်နီးပါး ရှိလာတဲ့ အချိန်မှာတောင် ဒုဝန်ကြီး
ဦးမင်းသူရဲ့ မကောင်းသတင်း တစ်ခုတလေတောင် ဘယ်ကမှ အသံထွက်မလာတဲ့အထိ
အဂတိကင်းပြီး အလုပ်ကြိုးစားတဲ့သူ ဖြစ်ပါတယ်။
လက်ရှိ
တပ်မတော်ကာကွယ်ရေး ဦးစီးချုပ်အောက် တစ်ပတ်စဉ်သာ ငယ်တဲ့ DSA အပတ်စဉ် ၂၀ ဆင်း
ဖြစ်တာကြောင့်လည်း တပ်မတော်ဘက်က အဆိုပြုရတဲ့ ဝန်ကြီးဌာနတွေက ဝန်ကြီးတွေ၊
ဦးသိန်းစိန် ခန့်အပ်သွားတဲ့ သမ္မတရုံးက ညွှန်ချုပ်တွေ အရာရှိတွေနဲ့ ဆက်ဆံရေး
ကောင်းမွန်စွာ လက်တွဲ လုပ်ဆောင်နိုင်သူ ဖြစ်လို့ အလုပ်လည်းတွင်
အဆင်ပြေချောမွေ့တဲ့အတွက် ဒီချုပ်အစိုးရအတွက် ဒေါ်အောင်ဆန်းစုကြည်အတွက်
အားတစ်ခုလည်း ဖြစ်စေပါတယ်။
အခု စီးပွါးရေးကို အရှိန်အဟုန်
မြှင့်တင်ဖို့အတွက် ဝန်ကြီးဌာန အသစ်တစ်ခု ဖွဲ့စည်းချိန်မှာ
အဲဒီဝန်ကြီးဌာနကို တာဝန်ယူဖို့ အစိုးရရုံး ဝန်ကြီးကို
တာဝန်လွှဲပြောင်းပေးလိုက်တာကြောင့် လစ်လပ်သွားတဲ့ နေရာမှာ ဦးမင်းသူကို
ဝန်ကြီး ခန့်အပ်တာ ဖြစ်တယ်။
ဒီဝန်ကြီးဌာနဟာ စားလို့ ဝါးလို့
ကောင်းတဲ့ ဝန်ကြီးဌာန မဟုတ်ဘဲ အစိုးရကို ပေါ်လစီပိုင်း
အုပ်ချုပ်ရေးပိုင်းတွေမှာ အထောက်အကူ ပြုဖို့ အဓိကဖြစ်လို့ ဦးမင်းသူနဲ့
အထူးသင့်လျော်ပါတယ်။
အနီဆိုတာ ပင်နီကိုသာ ကိုယ်စားပြုတာ မဟုတ်
အစိမ်းဆိုတာ အာဏာရှင်ကိုသာ ကိုယ်စားပြုတာ မဟုတ်
အနီထဲမှာ အကျင့်မကောင်းသူအချို့ အာဏာရှင်ဆန်သူ အချို့ ရှိနိုင်သလို
အစိမ်းထဲမှာ ဒီမိုကရေစီကို လိုလားပြီး ပါတီစွဲမထား ဘယ်အစိုးရတက်တက် တိုင်းပြည်ကို အလုပ်အကျွေး ပြုလိုသူတွေ ရှိတယ်။
ယူနီဖောင်းနဲ့ အရောင်တွေကို ဖယ်ပြီး စိတ်ဓာတ်ကိုသာ ကြည့်တတ်တဲ့ ဒေါ်အောင်ဆန်းစုကြည်ရဲ့ မူအရ ရွေးချယ်ထားသူတွေထဲမှာ...
ဦးသိန်းစိန် အစိုးရကို အကောင်းဆုံး အလုပ်အကျွေး ပြုခဲ့တဲ့ တပ်မတော်ကလာတဲ့
ဦးဇော်ဌေးဟာ ပြည်သူ့ဝန်ထမ်းကောင်း ပီသစွာ ဒီချုပ်အစိုးရ တာဝန်ယူစဉ်မှာလည်း
ပြည်သူအတွက် အကောင်းဆုံး ပေးဆပ်လုပ်ကိုင်ပေးနေသလို...
တပ်မတော် (လေ)
က လေသူရဲ ဦးမင်းသူဟာလည်း ဒေါ်အောင်ဆန်းစုကြည်က ယုံကြည်အားကိုးစွာ
တာဝန်ပေးမှုကို ကျေပွန်အောင် ဦးလည်မသုန် ထမ်းဆောင်မယ့် ပြည်သူ့
ဝန်ထမ်းကောင်း ဝန်ကြီးကောင်း ဖြစ်လိမ့်မယ် ဆိုတာကို အကြွင်းမရှိ
ယုံကြည်ပါကြောင်း။
credit- Swe Yu
