ကျိုင်းတုံ ဆွေးနွေးပွဲ ရလဒ်မကောင်းပါက စိုးရိမ်ရဟု အစိုးရပြော

လာမည့် စက်တင်ဘာ ၁၇ ရက်နေ့တွင် အစိုးရနှင့် မြောက်ပိုင်းမဟာမိတ် ၄ ဖွဲ့ တို့အကြား ပြုလုပ်မည့် ကျိုင်းတုံ ကျိုင်းတုံ ငြိမ်းချမ်းရေး ဆွေးနွေးပွဲ ရလဒ်မကောင်းပါက စိုးရိမ်ရသည့် အလားအလာရှိကြောင်း အစိုးရ၏ ပြောရေးဆိုခွင့်ရှိသူ သမ္မတရုံး ညွှန်ကြားရေးမှူးချုပ် ဦးဇော်ဌေးက ပြောသည်။

စက်တင်ဘာ ၁၃ ရက်နေ့က နေပြည်တော် သမ္မတ အိမ်တော်တွင် လစဉ်ပြုလုပ်သည့် သတင်းစာရှင်းပွဲတွင် ကျိုင်းတုံတွင် ငြိမ်းချမ်းရေး ဆွေးနွေးပွဲ အလားအလာနှင့် ပတ်သက်၍ ဧရာဝတီ၏ မေးမြန်းမှုကို ၎င်းက အထက်ပါအတိုင်း ပြောဆိုခြင်းဖြစ်သည်။

ဦးဇော်ဌေးက ‘‘ကျိုင်းတုံ ဆွေးနွေးပွဲကို ကျနော်တို့ တော်တော်အလေးထားတယ်။ ဒါ အရေးကြီးပါတယ်။ ဒီရလဒ်အပေါ် မူတည်ပြီး တပ်မတော်က တဖက်သတ်အပစ်ရပ် ကြေညာတဲ့ ၂၁ ရက်နေ့ extention ဆိုတာ အဲဒီအပေါ်မှာ မူတည်နေတယ်။ အကယ်၍ ဒီ ဆွေးနွေးပွဲရလဒ် မကောင်းဘူး ဆိုရင် အလားအလာက နည်းနည်းလေး စိုးရိမ်ရတယ်” ဟု ပြောသည်။

လာမည့် စက်တင်ဘာ ၁၇ ရက် တွင် ပြုလုပ်မည့်ကျိုင်းတုံ ဆွေးနွေးပွဲသို့ အမျိုးသားပြန်လည်သင့် မြတ်ရေးနှင့် ငြိမ်းချမ်းရေးဗဟို ဌာန (NRPC) ဒုဥက္ကဌ ပြည်ထောင်စုရှေ့နေချုပ် ဦးထွန်းထွန်းဦး ဦးဆောင်သည့် အစိုးရ၊ တပ်မတော် ကိုယ်စားလှယ်များဘက်မှ ဒုတိယ ဗိုလ်ချုပ်ကြီး အဆင့်ရှိသူများ တက်ရောက်မည်ဟုလည်း သမ္မတရုံးမှ သိရသည်။

အဆိုပါ ဆွေးနွေးပွဲ ရလဒ်အပေါ် မူတည်၍ တပ်မတော်ဘက်မှ အပစ်ရပ်ကြေညာမှု သက်တမ်းတိုး မတိုး ဆုံးဖြတ်မည့် အခြေအနေ ဖြစ်ခြင်းကြောင့် ဆွေးနွေးပွဲ ရလဒ်မကောင်းပါက စိုးရိမ်ရသည့် အလားအလာရှိကြောင်း ဦးဇော်ဌေးက ပြောသည်။

တပ်မတော်ဘက်မှ မြောက်ပိုင်းလက်နက်ကိုင် အဖွဲ့များ အပါအဝင် NCA မထိုးရသေးသည့် တိုင်းရင်းသား လက်နက်ကိုင်အဖွဲ့များနှင့် ငြိမ်းချမ်းရေးနှင့် အပစ်အခတ်ရပ်စဲရေးဆွေးနွေးရန် ဟု ဆိုကာ ပြီးခဲ့သည့်နှစ် ဒီဇင်ဘာကတည်းက အပစ်ရပ်ကြေညာခဲ့ရာ စက်တင်ဘာ ၂၁ ရက်တွင် သက်တမ်းကုန်မည်ဖြစ်သည်။

ပြီးခဲ့သည့် သြဂုတ် ၃၁ ရက် ကျိုင်းတုံဆွေးနွေးပွဲတွင် ပြည်ထောင်စုလမ်းမကြီးကို တိုက်ခိုက်မှုများ မလုပ်ရန်၊ အရပ်သား ပစ်မှတ်များအား တိုက်ခိုက်ခြင်းမပြုရန်နှင့် ဖြစ်နိုင်ပါက မြောက်ပိုင်းလက်နက်ကိုင်အဖွဲ့များဘက်က အပစ်ရပ်ကြေညာပေးရန် အစိုးရဘက်က ပြောကြားခဲ့သည်။ မကြာသေးမီက မြောက်ပိုင်းသုံးဖွဲ့က တလကြာ အပစ်ရပ်ကြေညာချက်အပေါ် အပြုသဘောမြင်ကြောင်း သမ္မတရုံးတာဝန်ရှိသူက ပြောသည်။

လာမည့် ကျိုင်းတုံဆွေးနွေးပွဲတွင် အပစ်ရပ်ရေး KIA နှင့် ဆွေးနွေးရာတွင် ပြဿနာ မရှိနိုင်ကြောင်း၊ ကျန်သည့် ၃ ဖွဲ့နှင့် ဆွေးနွေးရာတွင် အပစ်ရပ်မည်ဆိုပါက တပ်နေရာ ချထားရေးကို စဉ်းစားမည် ဖြစ်ကြောင်း၊ တပ်မတော်ဘက်မှ တောင်းဆိုချက်နှင့် မြောက်ပိုင်း ၃ ဖွဲ့တောင်းဆိုမှုများ ကွာဟမှု ရှိနေပါက ညှိနှိုင်း၍ ရ မရ ဆိုသည့် အချက်မှာ အရေးကြီးကြောင်း နိုင်ငံရေးလေ့လာသူ ဦးမောင်မောင်စိုးက သုံးသပ်သည်။

ဦးမောင်မောင်စိုးက “ညှိလို့ ရမယ်ဆိုရင် ပစ်ခတ် ရပ်စဲနိုင်မယ်လို့ လမ်းစပွင့်သွားနိုင်တာပေါ့။ ဒါပေမယ့် အဲလို မဟုတ်ဘူးဆိုရင် တိုက်ပွဲ တွေက ပိုပြီး ကြီးထွားနိုင်တယ်။ ရခိုင်ပြည်နယ်မှာတင် မကပဲ ရှမ်းမြောက်မှာပါ တိုက်ပွဲတွေ ကြီးသွားနိုင်တယ်လို့ သုံးသပ်ရမှာ ဖြစ်ပါ တယ်” ဟု ဧရာဝတီသို့ ပြောသည်။

ပြီးခဲ့သည့် ကျိုင်းတုံ ဆွေးနွေးပွဲတွင် လက်ရှိတိုက်ပွဲများ ရပ်တန့်ရန် ရခိုင်၊ ပလောင်ဒေသများတွင် တပ်မတော်ဘက်မှ စစ်ရေး လှုပ်ရှားမှုများ ရပ်တန့်ပေးရန် မြောက်ပိုင်း မဟာမိတ်များဘက်မှ တောင်းဆိုခဲ့ကြောင်း၊ အပစ်ရပ်ပြီးမှသာ စစ်မှန်သည့် ဆွေးနွေးမှု စနိုင်မည်ဟု ပြောဆိုခဲ့ကြောင်း သိရသည်။

သြဂုတ် ၃၁ ရက်နေ့ ဆွေးနွေးပွဲတွင် ကချင် လွတ်လပ်ရေး တပ်မတော်(KIA)၊ ပလောင်(တအန်း) အမျိုးသားလွတ်မြောက်ရေး တပ်မ တော်(TNLA)၊ မြန်မာနိုင်ငံ ဒီမိုကရက်တစ် မဟာမိတ် တပ်မတော် (MNDAA)၊ ရက္ခိုင့် တပ်မတော် (AA)တို့၏ နိုင်ငံရေး ဦးဆောင် အဖွဲ့ များဖြစ်သည့် KIO၊ PSLF ၊ MNTJP ၊ ULA ၄ဖွဲ့နှင့် အစိုးရ၏ အမျိုးသား ပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာန (NRPC) မှ ကိုယ်စားလှယ်များ တွေဆုံခဲ့ခြင်းဖြစ်သည်။

TNLA၊ AA၊ မြန်မာ အမျိုးသားဒီမိုကရေစီ မဟာမိတ် တပ်မတော် (MNDAA) တို့ ပါဝင်သော မြောက်ပိုင်း မဟာမိတ် ၃ ဖွဲ့ သည် သြဂုတ် ၁၅ ရက်က နောင်ချိုနှင့် မန္တလေးတိုင်းဒေသကြီး ပြင်ဦးလွင်ရှိ တပ်မတော် နည်းပညာတက္ကသိုလ် အပါအဝင် နေရာ ၆ နေရာကို တပြိုင်တည်း တိုက်ခိုက်သော စစ်ဆင်ရေး တရပ် ပြုလုပ်ခဲ့သည်။

ထို့ပြင် မူဆယ်-မန္တလေးကြား ကုန်သွယ်လျက် ရှိသော ပြည်ထောင်စု လမ်းမကြီးပေါ်ရှိ နောင်ချိုမြို့ ဂုတ်တွင်းတံတား ကိုလည်း ဖောက်ခွဲ ဖျက်ဆီးခဲ့ခြင်းကြောင့် တပ်မတော်က နယ်မြေ ရှင်းလင်းရေး လုပ်နေပြီး နှစ်ဖက်တိုက်ပွဲများ ရင်ဆိုင် ဖြစ်ပွားနေသည်မှာ ယနေ့ အချိန်ထိ ဖြစ်သည်။

Credit - Irrawaddy